Post: #1
Title: وزير الخارجية المسيحي
Author: albagir altahir
Date: 09-28-2005, 00:50 AM
Parent: #0
الحمد لله الحكومة أتكونت وعرفنا الرأس من الرجلين لكن
والله يا جماعة الشيء الماني متأكد منو وزير الخارجية الجديد ده مسيحي ولا مسلم
لكن الشيء اللاحظتو في زيارة البشير الأخيرة للملكة العربية السعودية ما جاء معاهو كان معاهو واحد أسمو علي كرتي وزير الدولة بالخارجية
اها وزيرنا ده بيكون موجود في اجتماعات الدول الإسلامية ولا ياهو يرسلوا علي كرتي ده بدل منو
|
Post: #2
Title: Re: وزير الخارجية المسيحي
Author: ahmed haneen
Date: 09-29-2005, 02:18 AM
Parent: #1
الباقر
تحياتي
عشان سؤالك المهم دا
نرفع البوست عاليا
|
Post: #3
Title: Re: وزير الخارجية المسيحي
Author: nile1
Date: 09-29-2005, 03:16 AM
Parent: #2
الإخوة الأكارم
إن يكن مسلما أو مسيحيافهو سوداني وهذا هو معيار العدل إن أردنا أن نسير في طريق وحدة السودان..علينا أن نتخلى عن سياسة إقصاء الآخر..أما مسألة التمثيل فليست بمعضلة فالسودان ليست دولة كلها مسلمون ولا كلها مسيحيون..الخارجية بها أكثر من وزير دوله ونائب ومساعد..وإن كنت لا أري بأسا في تمثيل وزير خارجية السودان للسودان في أي مجال..هل كل المؤتمرات المختلفة التي كان يحضرها الوزراء السابقون من المسلمين كانت مؤتمرات تحضرها الدول الإسلامية فقط؟؟؟الأمم المتحدة..ومختلف منظماتها؟؟
لكم الود والتقدير
|
Post: #4
Title: Re: وزير الخارجية المسيحي
Author: أحمد علاء الدين
Date: 09-29-2005, 03:48 AM
Parent: #3
الأخ الباقر لكم التحية و التقدير و سؤالك ده فى محلو 100% و لكن هل معنى الكلام ده إنو السيد وزير الخارجية ممنوع من دخول الدول الاسلامية (بحكم إنو مسيحى ) و لا بس ممنوع من دخول الاماكن الاسلامية المقدسة علما بأن المناقشات تمت فى جده ( مش فى مكة و لا المدينة ) عموما أنا فى حيرة ّّ!!ّّّّ
|
|