Post: #1
Title: حكم ابتكو يعنى شنو؟؟
Author: سامى عبد الوهاب مكى
Date: 09-28-2005, 00:38 AM
Parent: #0
يبدو انه حكم قاسى جداً مثل حكم قراقوش يزيد اويقل قليلاً!!
وحكم قراقوش زاااتو شنو وقصتو شنو؟؟
على الايمان حكم ابتكو ده انا ماعارفو شنو!!
لكن يتخيل لى مثلاً يعنى لو زول مامحترم ويفترض ان من واجب الاخرين اظهار الاحترام لشخصة الغير محترم..ده نوع من احكام السيد ابتكو!!
وهو ابتكو ده زول؟؟؟ ولا طائر!! الله اعلم!!
وإذا زول فارض نفسو على الناس بالقوة برضو دة يكون حكم ابتكو!!
زى مذكراتى البرفع فيه ليل نهار وشابكم نواصل نواصل!!
المهم عجبنى حكم ابتكو!!
|
Post: #2
Title: Re: حكم ابتكو يعنى شنو؟؟
Author: ازرق
Date: 09-28-2005, 01:00 AM
الاخ / سامى
تحياتى
قيما يخص حكم اب تكو , وحسب ما نما الى علمى ان اب تكو طائر يغار على انثاه بشدة
حتى انه يقوم بنتف ريشها (يعنى يمعط ليها ريشهاعديل كده) . ربما
لاجبارها على البقاء , وربما لاظهارها بمظهر قبيح لتتجنبها بقية الذكور.
مع تحياتى وودى
|
Post: #4
Title: Re: حكم ابتكو يعنى شنو؟؟
Author: سامى عبد الوهاب مكى
Date: 09-28-2005, 01:06 AM
Parent: #2
تعرف انا فعلاً كنت شاكى فى ابتكو ده يكون طيرة(طائر)
يمعط ريش المسكين!!!ة لاحول ولاقوة إلا بالله مسكينة ام تكو!!
|
Post: #3
Title: Re: حكم ابتكو يعنى شنو؟؟
Author: سامى عبد الوهاب مكى
Date: 09-28-2005, 01:02 AM
حكم ابتكو...ان تحاول ان تقنع سليم البصر ان الجمال هو القبح او العكس..(تفسير ابن سيمين لحكم ابتكو)
|
Post: #5
Title: Re: حكم ابتكو يعنى شنو؟؟
Author: سامى عبد الوهاب مكى
Date: 09-28-2005, 02:14 AM
حكم ابتكو انه يكون عندك ضيف نازل عندك لانه مسافر خارج البلد ويوم سفرو يجوه ضيفان من اقاربه عشان يودعوة وبعد مايسافر يركلزوا!!! وتصحى كل يوم تبتسم من برة وتكشر من جوة.. وفى يوم تصحى من النوم تلقى واحد داخل فى قميصك وبنطلونك وقبل ما تستمتع بزعلك يقول ليك مافيها عشرة الف....احى انا ماخاتى ابتكو!!! لكن خاتى انا!
ملحوظة
الاحداث قد تكون لاعلاقة لها بالسيد ابتكو ولكن...
|
Post: #6
Title: Re: حكم ابتكو يعنى شنو؟؟
Author: سامى عبد الوهاب مكى
Date: 09-29-2005, 02:56 AM
Quote: سامي انت داير تعرف حكم اب تكو والا عندك قصد آخر ؟؟
المهم حكم اب تكو بتشديد الكاف بيعتبر مثل من أمثالنا الشعبية السودانية
وابو تكو عبارة عن طائر له منقار طويل وعلى هذا المنقار يوجد شيء أشبه
بالساطور أو السكين (تكو) كبير الحجم ومن هنا جاءت التسمية أبو تكو وتختصر اب تكو
وهذا الطائر له أسلوب غريب في حياته وفي سلطته على أسرته
فعندما تبيض الأنثى منه في العش يقوم الذكر بنتف ريش الأنثى
(يعني يلم فيها يمعِّطها ليك معيطة شديدة وما يخلي ليها أي ريشة عشان تطير)
والسبب عشان تقوم هي بحضانة البيض ورعاية الصغار ويقوم هو بجلب الغذاء لها
وعندما يفقس البيض يبدأ الريش ينبت لها ولصغارها ويطيروا مع بعض
عشان كدا الناس بقولوا دا حكم اب تكو لصرامته بس ما تجي
الزميلة تراجي وتتكلم عن حقوق الأنثى وظلم الأنثى والمرأة
فقول ليها دا حكم اب تكو |
هذا ما افادنا به احد الاخوان.
الملاحظ ان السيد ابنكو يفرض سلطاته العجيبة والتى لاتخلو ايضاً من حكمة على زوجتة....
العجيب ان ابتكو افضل بكثير من هؤولاء.
|
|