Post: #1
Title: يا ناس شـــــوفو لي (( حـــزب ))
Author: محارب
Date: 09-26-2005, 02:58 AM
Parent: #0
تعرفو يا جماعة
انا من فتحت عيوني في الدنيا دي ولغاية الان ما حصل انضميت لاي حزب
ولا حصل اديت صوتي لاي حزب في اي انتخابات
يعني زول (( سمبلا ساكت )) على قول اخوانا الجنوبيين
اها اخيرا قلته لنفسي الكلام ده ما بينفع
لازم اشوف لي حزب انضم ليهو
لانو كان رضيت كان ابيت الاحزاب دي ياها ( الاوعية ) السياسية المن خلالها بنسعى لتحقيق احلامنا في وطن تسوده الديمقراطية والحرية والعدالة ( وهلم جرا)
اها قمت مسكته حزب حزب
قلت اشوف الحزب الفيهو ديمقراطية وحرية وعدالة!!
بصراحة ... راسي لفة وداش
قلت لنفسي ما مشكلة الكمال لله ... الناس تعمل لاصلاح الاحزاب نفسها شوية شوية( من الداخل طبعا ) عشان صلاحها من صلاح بلدنا
وتاني مسكته حزب حزب...
كلما اخت عيني في حزب اقول ابقى عليهو ... القاهو بفى كيمان كيمان ؟
صحيح في كيمان كبيرة وكيمان صغيرة لكن في النهاية برضو كيمــــان ...
حار بي الدليل
اها اسوي شنو ؟؟؟
|
Post: #2
Title: Re: يا ناس شـــــوفو لي (( حـــزب ))
Author: محارب
Date: 09-26-2005, 08:04 AM
Parent: #1
???
|
Post: #3
Title: Re: يا ناس شـــــوفو لي (( حـــزب ))
Author: محارب
Date: 09-26-2005, 11:59 PM
Parent: #2
مافي زول عندو لينا حل او اقتراح ؟
|
Post: #4
Title: Re: يا ناس شـــــوفو لي (( حـــزب ))
Author: حسن الملك
Date: 09-27-2005, 00:56 AM
Parent: #3
جئت متأخر خالص ... شطبنا (مافي وظائف) (No Occupation)
نصيحة: اتجه للحركات الاقليمية كخيار أول...
ثانيا: فكر في المعارضة وراهن علي مستقبل مشرق ... لكن خليك حزر
فيها الكثير من المتناقضات يعني مثلا سوف تجد (الامة الصادق المهدى - المؤتمر الترابي - الشيوعي نقد)القفة يظهر اضان وحدة كمية من المتناقضات في القفه..
ومع توضيح اسم اقليمك مع سجل يبين عدد شعيرات الوجه وتحديد الكثافة لكي
يكون لناان نرشدكم من المرشد...مثل هذه الاحزاب لها بريق الذهب ولذا يتجه اليهاالسواد الاعظم فهي تصلح الحال المالي والمايل ولكن قتاعاتهم الداخلية ممتطاحنة ضميريا والله اعلم...
علما يفضل الوجه خالي من الشعر في غالب الاحزاب النصف دينية...
الاحزاب الجنوبية لا إقبال عليها في الوقت الحاضر بعد تخليهم
لوزارة السيادة وخاصة الطاقة ونارها ونورها...وابن الخير سلفالخير الذى عوضنا العوض في قرنق (والله افتقدنا قرنق كان راجل )
اذا كنت تريد وظيفة او وزارة(خدمات ماكدونالدز) لا تضيع وقتك اعلن انضمامكم للمؤتمر الوطني فورالان الحل في يدهم الايام ديه بالذات علي الاقل وزارة لمدة 10 يوم تصلح بيها السيرة الذاتية..استعدادا لاول فرصة ماحة...
حسن الملك
استشاري تسجيل وتبادل اعضاء حزبية (لا تقبل طلبات من له خبرة)
|
Post: #5
Title: Re: يا ناس شـــــوفو لي (( حـــزب ))
Author: محارب
Date: 09-27-2005, 02:29 AM
الاخ / حسن الملك
اولا اشكرك جدا وسعيد جدا ان تكون انت اول المتداخلين في هذا البوست المتواضع مثل صاحبه
حقيقة الواحد محتار جدا من حال احزابنا السياسية بدون فرز فالملاحظ انو تتعدد الاسماء والصنف واحد...
نفس الوجوه ... نفس الرموز ... نفس الممارسات التي دفع ولايزال يدفع ثمنها وطن مكلوم ومواطن محروم...
اتفاقية السلام والتداعيات التي بعدها والمفاوضات المكوكية التي جرت هنا وهناك مع عدة احزاب وتجمعات لتحديد من سيشارك في تشكيل الحكومة الجديدة ابانت الكثير وكشفت ( عورات ) البعض .
هذا القبول بمبدا المشاركة ( من البعض) من اول وهلة ( والمجابدة الطويلة ) لتكبير الكوم الا يظهر انهم طلاب سلطة فقط رغم انهم يعلمون تماماان النسب معروفة وموزعة حسب اتفاقية السلام وان نصيبهم سيكون فتات الفتات.
اليس من الافضل والاكرم لهذه الاحزاب ان تبدا في اعداد نفسها وبرامجها وتحشد قواعدهاخلال هذه السنوات البسيطة لحين موعد الانتخابات لتكون صناديق الاقتراع هي الفيصل في تحديد ( الكيمان ).
هل نأمل ان ينصلح حال احزابنا لينصلح الحال
ام نتوقع ان تعود ريما لعادتها القديمة بعد الانتخابات ؟؟
( نصيحة : اتجه للحركات الاقليمية كخيار اول ) ؟
هذه تحتاج لشرح اكتر ...
الحركات القومية ما جابت شيء ياربي الاقليمية حتجيب ( مريسة تامزين )
ولا ( مونن تاد قريرو مونن )
اكيد شكري ,,,
|
Post: #6
Title: Re: يا ناس شـــــوفو لي (( حـــزب ))
Author: محارب
Date: 09-27-2005, 08:22 AM
Parent: #5
up
|
Post: #7
Title: Re: يا ناس شـــــوفو لي (( حـــزب ))
Author: محارب
Date: 09-27-2005, 11:59 PM
Parent: #6
up
|
Post: #8
Title: Re: يا ناس شـــــوفو لي (( حـــزب ))
Author: محارب
Date: 10-29-2005, 05:13 AM
Parent: #1
حزب لله يا ( محسنين )!!!1
|
|