ونسة

مجرد ونسة مع الاصحاب والناس الحلوين
والبوست بوست (العايزين معاي) ومع أصحابي .
أجندة الونسة مفتوحة للجميع
أنا بدوري وعشان نتونس صحي صحي بسأل من نفرين محي الدين أبكر ومحمد المبارك (البروف)
طبعاً في ناس كتيرين حيقولو ديل منو كمان . لكت بس خليهم يجوا ومن ونستهم حتعرفوهم .
واي زول رايح ليهو زول ولا عندوا كلام داير يطرشوا يجي بي جاي ومايضايق خلق الله في همومهم البيت مفتوح والمطرة راشة والجو همبريب وداك ( بمبري ) أو بنبري للناس الجنهم غلاط (خصوصاً العروبيين) الدخلوا لينا ثقافة العربية بيضا مكوية . وماتعرف شنو .
أتفقنا ياناس .
أخص بالسؤال برضو
ابراهيم قرمبوز (الجريفاوي) زول اخونا كان بكتب هنا لكن عندوا ظروف (أنا شخصياً ماعرف منها ظرف واحد)
وبرضو الفاضلابي العرس وشخط للناس
وبرضو ضياء الدين
والزول الجميل راشد يحي ( في اي بقاع الارض الان ياصديقي)
وصاحبي فلان الزعلان مني اليومين ديل
غايتو ربنا يولي من يصلح ...

ويلا ياخوانة أتجهزوا

خالد المحسي
...............ما أضيق الارض التي لاارض فيها للحنين الي أحد
كانت علي أصدارتنا (ايزيس) كانت ايام جميلة ياصديقي تزكرت اليوم الكثير من تفاصيل تلك الايام انت مدعوا ياصديقي لونسة (فاخرة) علي قول ميمي المجنون . وحكي طازج مثل خبز الامهات .

تعال وينك

عوض هارون
البارح عصفورتك ركت وادت...... شبال
الونسة بتمسخ من غيرك

خالد الطيب
كتبت ليك
الخميس القادم سيكون يوماً عالمياً اذا سارت الامور كما اشتهي سأكون بطرفكم السابعة مساء بتوقيت الظرف .

جاييكم واحد واحد يااصحاب

خضر

البارح غنيتك براي
انصلبتو التانيين غناي

ساعود هذا المساء

خضر

شباب

تصوموا وتفطرو علي خيرين


قرمبوز

بحنين خاص (للكمبوني وأشلاق البوليس)
هذه ايامكم فأرتعوا في عاصمة الثقافة العربية تحياتي لمن تصادفهم يوم الغد



خضر

الصديق خضر

سلامات يا حبيب..

وحمدالله على سلامتك..

راجع ايميلك..

(دى على ..(مزيرة )التحية..ودى تعريب (سبيل)..لغير الناطقين بها من امثالك

ليك تحايا منى ..وسلام من هاجر

عاصم

كتة
أذيك ياصديق

طليت ياصديقي علي الايميل (يطرشوا مااستلم منك جواب)

سأعود مرة اخري للزير والسبيل مساء اليوم

خضر