ونسة مع زول اخونا بالحركة الشعبية

أمس لاقيت واحد من أصحابنا وحبابينا وشركاؤنا في السلطة ناس الحركة الشعبية .. فى مناسبة اجتماعية .. الراجل كان زعلان ومستاء ومدبرس وقافلة معاه (عمياء ) قلت ليهو شنو يا سعادتك مالك أوعى يكون (الكورنر ) بتاع وزارة الطاقة والتعدين دا جاب ليكم الفلايت … ضحك .. - قلت الحمد الله - (فكت شوية ) قال .. أبدا عادى …. نحن زاتنا عندنا فهم .. وما كل حاجة تتناقش مع البشير ولا غيرو نحن ملزمين نطلع بيها بيان ونقول قلنا ليهم وقالو لينا ولو اصلو فى حاجة زى دى يبقى فى اجتماعات كتيرة حقو الناس تعرفها من ناس تانية قعدت لمن فترت من احزاب كتيرة .. مش .. قصة الطاقة والتعدين ملف وصفحة خلاص انطوت .. كيف .. وليه ... دا حق عضوية الحركة الشعبية ... بنعرف نقولو ليهم متين وكيف بالتفاصيل .. والمهم نحن حرصنا على حق السودان والشعب وافتكر حفظناه واصلو ما شاعرين بذنب لكن المزعلنا – يقصد ناس الحركة الشعبية – انو الناس شانين عليهم هجوم بدون مبررات وأضاف ( اى زول عاوز يعمل ليك كبير مصلحي تشخيص مصلحة الحركة … بعد عشرين سنة ضقنا فيها المر وشفنا فيها البلاوى عاوزين يطلعونا داقسين ومغفلين .. عشان خلينا الطاقة والمالية لناس المؤتمر الوطني … وأضاف ما نحن المغفلين ديل زاتنا القدرنا نمرق من الانقاذ بالعاوزنو وزيادة كمان … منو فى الناس الجايطة كان احزاب ولا رموز ولا قوى من اليمين لليسار قدرت تشيل ربع حقها خليك من حقها كامل .. الصادق المهدى ما ساكى ناسكم ديل من جنيف لغاية جيبوتى ودا غير المدسوس مرق بشنو … ولا حاجة … وزيو باقى الجماعة كلهم … حتى الترابى البيقول امس فى الجرايد غشوكم وباعو ليكم الترماى هو زاتو هسة (مقرش ) وقاعد بس لطق الحنك .. والله حقو يشكرنا لانو الحريات البيقول فشلنا فى نزعها من الحكومة دى هسة هى البتخليهو قاعد فى واحد من جوامع الخرطوم يدرس الناس الفقه … ولو نحنا غشونا ما هو زاتو انضرب بباص ونشلوه بقوون لى هسة كايس للتعادل بس ما لاقى .. ومضى الرجل ليقول … نحن فى الحركة الشعبية عارفين بنعمل شنو .. وحاسبنها بالملى وعشان كدا اقرب تنظيم ممكن نتفاهم معاهو ناس الانقاذ ديل لانهم حرفاء وعملو تنظيم قوى وعارفين شغلهم وتشوف عينك شفت الناس الجايطة وعاملة كارهة الانقاذ دى كلها تمشى تلف وتلف وتجى كلها تخش الميس حقها والايام بيناتنا وتشوف يا محمد حامد .
قلت ليهو دا كلام زعل ساى يا سعادتك .. رد بحزم … أبدا دا الكلام الصاح … بس نحن ناس مهذبين وما عاوزين نجوطها .. يا اخوى نحن الحاربنا وكاتلنا واتشردنا وكان ممكن نمشى نقضيها فتيش مصالح وقراية لكن عملنا فيها لصالح الحركة وتجردنا فى حين انو باقى التنظيمات اغلبها شافو نفسهم .. اى شافو نفسهم .. ألكاس ليهو رزق لاهلو والشاف ليهو شقتين تلاتة والجا راجع وشاف ليهو مرقد في الحكومة قبال ما نحن نخش القصر الجمهوري .. خلاص لمن خشينا نحن يعنى القيامة قامت .. يا اخوى نحن عندنا اتفاق مع الانقاذ .. اتفاقية السلام … واضحة … ومفصلة بالحتة .. تحصل مشاكل .. YES تحصل خلافات ممكن ... تجاذب مرة كدا مرة كدا فى التفسير جائز .. لكن نحن وهم متفقين عليها وحنوصلها للنهاية ... لغاية هسة ناسكم ديل ما غلطو علينا ... نهائى ... متعاونين جدا ... ادونا احساس كويس بالثقة ... بالمناسبة ناسكم ديل فيهو حاجة غريبة تكون كاشى منهم وحذر تقعد معاهم تلقاهم ناس طيبين جدا .. قلت ليهو ... دا تصريح حلو .. رد .. ابدا .. دا حق مفروض نحفظو .. قلت ليهو ما خايفين المسالة دى تذوبكم وتقرضكم .. قال .. ليه ... ما نحن برضو ممكن نهضم منهم ليه ما يذوبو هم فى مشروعنا .. قلت جائز ... طيب يا سعادتك ... كدى ادينى تقييم لحفائكم وشركائكم فى مشروع السلام .. قال اقول ليك بصراحة ... تنظيم مرتب جدا .. حرفاء .. الفى القيادة والفى الشارع قاعد فى الضل عارفو واجبو ودورو .. . قدرات قياداته عالية ... وبقت عندهم جذور فى البلد ... ضاربة بعيد ... والحقيقة دى واحدة من الحاجات الخلتنا نجى ونخش ونتفق نظام زى دا اقتلاعو صعب دا لو ما قلنا ما ممكن خاصة من معارضة مشرزمة زى النسخة السودانية قلت ليهو المهم الفكرة شنو مع الحكومة الجديدة ... قال ... شغل وعمل .. بس ... البنقدر عليهو بنعملو ... ولو ربنا سهل كل الامور حتجى فى صالح الناس بس الناس تصبر وما تستعجل وتخلى الشفقة ... انت البيت لو سكنت فيهو ما بتنظمو وتصلحو من اول يوم عاوز ليك فترة عشان البيت ياخد شكل منتظم .. مش كدا .. قلت ليهو متفق معاك .. فرد لكن المشكلة هسة فى الشفقة القايمة علينا دى كل يوم الحركة ما سوت .. ما فعلت .. ما شفنا .... وما عملو لينا ... وكمان بقت تجيب ليها تشكيك فينا طلعونا مرتشين وما بتاعين مواقف ... وين مواقف الناس البتنتقد دى لمن كنا برانا بنحارب وعضويتنا هنا ساى لو زول شك فيك يسلمك للامن .. مواقف شنو ..... المهم السلام ماشى والتغيير جاى ... ونحن قلنا عدالة وتنمية ورفاهية وحنجتهد وواثقين انو برضو الطرف التانى – الى ان يثبت العكس – ماشى معانا فى نفس الخط ... وبعد دا الما عاوز ولا ما عاجبو تبقى دى مشكلتو .. ومضينا كل الى وجهته ... لكن تصدقو ... كلام طيب ..

Quote: بالمناسبة ناسكم ديل فيهو حاجة غريبة تكون كاشى منهم وحذر تقعد معاهم تلقاهم ناس طيبين جدا .. قلت ليهو ... دا تصريح حلو .. رد .. ابدا .. دا حق مفروض نحفظو .. قلت ليهو ما خايفين المسالة دى تذوبكم وتقرضكم .. قال .. ليه ... ما نحن برضو ممكن نهضم منهم ليه ما يذوبو هم فى مشروعنا .. قلت جائز ... طيب يا سعادتك ... كدى ادينى تقييم لحفائكم وشركائكم فى مشروع السلام .. قال اقول ليك بصراحة ... تنظيم مرتب جدا .. حرفاء .. الفى القيادة والفى الشارع قاعد فى الضل عارفو واجبو ودورو .. . قدرات قياداته عالية ... وبقت عندهم جذور فى البلد ... ضاربة بعيد ...

الظاهر عليك يا تور بقر جواميسهم قاعد تتكلم مع المرايا!
اعمل حسابك ما تكسر المرايا بي قرونك!
جنى

سخنت معاك مش كدا

النصيحة حاااااااااااااااره

Quote: سخنت معاك مش كدا النصيحة حاااااااااااااااره

متعودين عليها انتو والعة كاركم وصنعة كبااااااااااااركم ياالطريفى!
جنى

معليش مقدر شعورك ... لكن عليك فى شمتك لينا دى خلى لاخوك حتة فى قلبك الابيض ...

Quote: معليش مقدر شعورك ... لكن عليك فى شمتك لينا دى خلى لاخوك حتة فى قلبك الابيض ...

بلحيل طول ما نحن سودانيين
جنى

والله يا محمد حامد إنت ألذ زول.. ما في الذ منك إلا جني دا.. ويا دوب عرفت السبب الخلا الباقر العفيف يضحك معاك ملء شدقيه..


لكن بأمانة كدا.. الزول أخونا بالحركة الشعبية يعرف عماذا يتحدث..

"سايس الناس يا مرزوق !!!"

والدليل على أن صاحبنا قال الحق يتضح في جملة واحدة:

Quote: المهم السلام ماشى والتغيير جاى

السايقة واصلة..

ولك مني التحية والمودة..

محمد اخوى

ازيك كده

قلنا نسلم عليك وكده !!

Quote: المهم السلام ماشى والتغيير جاى ... ونحن قلنا عدالة وتنمية ورفاهية

Quote: بسم الله الرحمن الرحيم رسالة الى مولانا السيد / محمد عثمان الميرغني مرشد الطريقة الختمية رئيس الحزب الاتحادي الديمقراطي رئيس التجمع الوطني الديمقراطي بقلم /محمد الحسن الخليفة علي سيدي و مولاي : بالتبصر في واقع الحال بعد تكوين الحكومة الانتقالية او مايسمى بهتانا بحكومة الوحدة الوطنية لم نرى اي تغيير في تركيبة هذا النظام , وقد وضحت الصورة جليا بانه ليس لك مكان في نفوس هؤلاء الناس وليس هنالك ايضا اي مكان للحزب او التجمع . سيدي : الخرطوم قد اوصدت ابوابها بعد التشكيل الحكومي الذي اصاب جموع السودانيين بالاحباط وخيبة الامل والان ها هي الخيارات قد اصبحت امامكم عديدة ومفتوحة فها هو السيد الامام الصلدق المهدي ينتظر عودتكم للالتقاء والتنسيق بقاهرة المعز و ها هو حسن الترابي يعلن اليوم امام وسائل الاعلام ضرورة الالتقاء بكم والتنسييق معكم ومما لا شك ان كل تلك المعتطيات سوف تفتح الباب على مصراعييه امام بلورة معارضة وحدة وطنية رشيدة وحينها يا سيدي سنستبشر خيرا للوطن و المواطن والسودان اجمع . سيدي ومولاي : أن نضالكم وشرف موقفكم و بياض صحيفتكم ونقاء سريرتكم وصواب حكمتكم يجب ان يحول دون مشاركتكم , فهؤلاء يا سيدي قوم لا ميثاق لهم غاية ما يتمنون هو مشاركتكم ليس تمسكا بالخيارات الوطنية كما يتشدقون زورا بل من اجل تحسين صورتهم وتوريط غيرهم في الجرم الذي ارتكبوه, فهؤلاء يا سيدي عاسوا في الارض فسادا ... يبسوا الزرع وجففوا الضرع وانتهكوا العرض واباحوا الحرمات وكل هذا باسم الدين .... يريدونك يا سيدي غطاء وستر لهم ومعاذ الله , فانت المجبول بالنقاء والزهد والعفاف وليا طاهرا من اولياء الله الصالحيين سيدي بن الامام ألختم نطلق صرخة استغاثة فهلا اغثتمونا ... ؟؟ أملنا في الله وفيكم لا ينقطع لان الذي بينكم و بين الله موصول لا تمد لهم يدك الطاهرة , لا تكون لهم غوث نجاة , نحن يا سيدي لا نخافهم بل نخاف الله ونستعيذ به بأن نكتب في زمرتهم , ونخاف ألتاريخ يا سيدي بأن نكتب يوما في صحيفة سوداء ونحن اصحاب الصحائف الناصعة , نخاف الاجيال القادمة لاننا نأمل ان نكون لها سلفا صالحا .. نقيا ...طهورا لاننا نامل منهم صالح الدعاء لنا ويزكروننا باننا حفظنا ألأمانة وأدينا ألرسالة . سيدي بن ألأمام ألختم : هذه مناصحة في ألحق لا نبتغي بها غير مرضاة الله لا خير فينا ان لم نقلها ..... فهلا وسع صدركم .... ألأمل والرجاء في الله و فيكم بلا حدود