Post: #1
Title: ... محي الدين أبكر سليمان (ود أبكر).......
Author: خضر حسين خليل
Date: 09-21-2005, 06:17 PM
أخر أرسال لك ياصديقي ذكرت فيه أنو وصلك أنزار من بكري أبو بكر الحاصل شنو . أختفيت مالك . عهدتك متمرداً (ومتلك مابتروض أبداً) .
محي الدين يا أبو سامي
عندما منحتنا الصدفة فرصة اخري للتلاقي لم تسعني الفرحة وها أنتذا ياصديقي تغيب مرة اخري لا ماسنجر جاب خبرك . هل قرأت ياصديقي عن الحيكومة الجديدة أنا قرأت ولاذلت اضحك ههههههه عوض الجاز ياصديقي جابو تاني ؟ ونافع جابوا تاني وعبد الرحيم جابو ( عنقالي ) كلهم جاؤا ليزفوا السودان مرة اخري لحافة العدم .
ابو سامي
انا لاذلت في البعد انادي يابلادي وابحث عن الاصدقاء .
خضر
|
Post: #2
Title: Re: ... محي الدين أبكر سليمان (ود أبكر).......
Author: خضر حسين خليل
Date: 09-22-2005, 05:58 PM
Parent: #1
وينك
ياصديقي
خضر
|
Post: #3
Title: Re: ... محي الدين أبكر سليمان (ود أبكر).......
Author: محى الدين ابكر سليمان
Date: 09-25-2005, 03:06 AM
Parent: #2
خدورى الحبيب سلامات
ياخى متاسف جدا على تاخرى, الفترة الماضية كنت مشغولا مع صديقنا حاتم (بتاع فيزيا) وهاك يا جرى للمستشفيات والعيادات, العين اليسرى بقت تكنتك تانى( مخك ما يمشى بعيد, انا قاصد عينى اليسرى فعلا, لا مجازا), يعنى قعاد فى الكمبيوتر بقى صعب, يعنى تانى الا نتراسل بالاشرطة!!!
ياخى موضوع الانذار دة سيبك منو, اصلو الواحد بقت ما فارقة معاهو خالص, الموضوع انو فى بوست فتحه احد المتفيقهون عن ردة هوبفل, وانبرت احدى المتفيقهات اللائى جعلهن الله مع متفيقهون اخرون, قيمون\ات على ضمائر وعقائد الناس, تهرف. ولاننى لا اقبل مثل هذا السخف لى ولغيرى, تداخلت معها, ولان اللغة العربية ليست لغة حبوبتى, فوصفتها بالخواء, ولم ادر ان هذا فى "لغتناالجميلة" شتيمة, واشتكت لبكرى مدعية اننى شتمتها, فانذرنى!!!!
وحيكومات شنو يا خدر انت لسة مبارى السياسة؟ ماهى زيها زى غيرها, حيكومات تجى وحيكومات تغور, تحكم بالحجى, بالدجل والكجور والسبر ووزراء يقعدوا ببركات الفقرا والوداعيات,وعجز طلائعه. ياحبة السودان دة بقى اكبر ماخور سياسى فى الدنيا, انت ناسى انو البغاء دة كان مقدس؟ هسى بقى مسيس.
الباقى نكملو بالايميل, عشان اتكلم براحتى وما يقولو ليك الزول دة كلامو بيخدش حياء زوار واعضاء المنبر العام.
|
|