Post: #1
Title: في رعاية الله غادرنا الأبن المصطفى ألى قاهرة المعز فدعواتكم له بالسلامة....
Author: keiga2000
Date: 09-20-2005, 11:22 PM
Parent: #0
بالأمس الثلاثاء الموافق 20/9/2005م كانت اصعب ايامي في هذه الدنيا الفانية حيث غادرني ابني الصغير اللطيف مصطفى إلى قاهرة المعز (ترافقه والدته طبعا) ذلك الأبن الذي غلب مجرى حياتي تماماً علمتني ولادته الصبر الشديد حيث ولد في سبعة شهور وظل في العناية المركزة لمدة 10 ايام وبعدها الى العناية المتوسطة وخرجنا به من المستشفى ونحن لانصدق بصغر حجمه وبعناية من الله تعالى واهتمام من والدته العزيزة كبر الطفل مصطفى واصبح دائم الإبتسامة وهادئ الطبع وكثير من الخصال الطيبة لكن نسبة لظروف جده (والد امه) قررت سفرهم لقاهرة المعز لتقضية فترة رمضان والعيد رغم صعوبة الفراق وصعوبة الحياة بدونهم لكن هذا حال الدنيا وكلي امل ان يتأقلم على جو القاهرة الرائع
فهلا تكرمتم اخوتي بالدعاء لهم بسلامة العودة والحياة السعيدة.
الحزين/ ابومصطفى
|
Post: #2
Title: Re: في رعاية الله غادرنا الأبن المصطفى ألى قاهرة المعز فدعواتكم له بالسلامة....
Author: سجيمان
Date: 09-20-2005, 11:26 PM
Parent: #1
ربنا يحفظو ويغطيهو...ويمشو ويجوك بالسلامة
|
Post: #3
Title: Re: في رعاية الله غادرنا الأبن المصطفى ألى قاهرة المعز فدعواتكم له بالسلامة....
Author: keiga2000
Date: 09-20-2005, 11:37 PM
Parent: #2
اخونا الغالي سيجمان
الله يديك العافية ياخوي شكرا على تعبيرك الرائيع واني لسعيد ان يأتي من خلال قلمك الرائع الذي اتمتع بتصفح مواضيعه الهادفة والرائعة (بالمناسبة لديك معجبين هنا معنا في العمل كثيرين يحبون مواضيعك لكنهم من خارج البورد وتقبل تحياتهم )
الله يديك العافية
ابومصطفى
|
Post: #4
Title: Re: في رعاية الله غادرنا الأبن المصطفى ألى قاهرة المعز فدعواتكم له بالسلامة....
Author: صديق الموج
Date: 09-20-2005, 11:38 PM
Parent: #1
ابو مصطفى الله يحفظ مصطفى ويرده سالم ..لكن بينى وبينك سفر ام مصطفى ما بفرح
اسال سجيمان كدى..وبعدين ما كان ترسل تزاكر لى خالتك دى عشان ترافقن
غايتو جنس حسادة،،،
|
Post: #5
Title: Re: في رعاية الله غادرنا الأبن المصطفى ألى قاهرة المعز فدعواتكم له بالسلامة....
Author: keiga2000
Date: 09-21-2005, 00:01 AM
Parent: #4
الخال العزيز صديق الموج
اولا تحياتي لك وللخالة العزيزة وللاولاد
طبعا هناك توريه في الحزن على سفر مصطفى (القصد منها .... مصطفى اولاً) ثانيا انت عارف مصطفى دا مشى الدوحة والقاهرة قبل مايصل السودان في سعادة اكتر من كدا واحتمال احتمال امشي دبي للأخ بكري وارسل ليهم هناك (شفت السعادة) اتخيل بعد داك يروح السودان بعد ان زار تلك المدن الرائعة واحتمال احتمال يكون المشي بالبر ويزور الرياض (ويشوف خيلانو) ومكه والمدينة وجده (في حساده اكتر من كدا) انا ابوه قربت احسدوا على النعم هذه
ماتنسونا من صالح الدعوات بقى انتو في ارض طاهرة قول للخاله الوصية بالمهله الدعوات الصالحات
ياخال ارجو اضافة اسمي في الماسنجر نفس كيقه 2000 في الهوت ميل (حضر الى الدوحة الاخوان ابن عمي أيمن الحسن على بخيت وزوجته ..... على أحمد على (من الحلة الجديدة الخرطوم) (عارفك بتكون ماسح ) ايمن جابوه السفارة ملحق إداري.
مع تحياتي
ابومصطفى
|
Post: #6
Title: Re: في رعاية الله غادرنا الأبن المصطفى ألى قاهرة المعز فدعواتكم له بالسلامة....
Author: صديق الموج
Date: 09-21-2005, 00:44 AM
Parent: #1
(حضر الى الدوحة الاخوان ابن عمي أيمن الحسن على بخيت وزوجته ..... على أحمد على (من الحلة الجديدة الخرطوم) (عارفك بتكون ماسح ) ايمن جابوه السفارة ملحق إداري.
ابن اختى الحبوب
عشان اوريك خالك ما ماسح اول شى هو اسمه ايمن الحسن على محمد خير اما بخيت لقب فقط
ثانيا هو ابن خالى
ثالثا ......على احمد على(من الحلة الجديدة) من ناحية ابيها فهى خالتى فى الحسبة
ومن ناحية امها زينب محمد مختار فهى بنت خالتى..شايف خالك ناقش كيف وبعدين
انا بعرف اخوانها الكبار الزين واشراقة.
الرجاء ان تبلغهم تبريكاتنا وسلام الخال سلمان محمد مختار ولك امتنانى،،،
|
Post: #7
Title: Re: في رعاية الله غادرنا الأبن المصطفى ألى قاهرة المعز فدعواتكم له بالسلامة....
Author: ودقاسم
Date: 09-21-2005, 00:49 AM
Parent: #1
أبومصطفى
ربنا يخليلك مصطفى وأم مصطفى ويبارك لك فيهم وفي أيامك ،،،
تألمت وأنا أقرأك هذا الصباح ، وقلت أن أبو مصطفى مثلي تماما لا يطيق الفراق ولا يحتمله ،،، واللهم اجعل قلوبنا عامرة بالمحنة ... واجمع شتاتنا ، وأعد مصطفى وأمه لبيتهم سالمين ...
|
Post: #8
Title: Re: في رعاية الله غادرنا الأبن المصطفى ألى قاهرة المعز فدعواتكم له بالسلامة....
Author: keiga2000
Date: 09-21-2005, 02:03 AM
Parent: #7
الخال العزيز صديق الموج
والله طلعت تفتيحه يا زول انا الكنت ماسح طبعا نحن بنعرف الزبير على بخيت اكتر شي (سؤال: بتعرف ليه(طبعا عشان متزوج العمه) واديتني معلومات كويسه ياخال نحن نحفظ ناس الدويمات ولا ناس القبة والكروماب ولا ناس الشكابه ولاناس ولا وادي خليل والله الاشياء دي عاوزه ليها دفتر وتسجل طبعا وشهور من الزيارات انا استفدت كثيرا ايام ماكنت مع ناس محمد علي في الثورة الـ12 من والدتك العزيزة ربنا يديها العافية من المعلومات وطبعا هي زي الحبوبه سراره كذلك في التفصيل ربنا يحفظهم ويديهم العافية وانت اثبت لي على الدرب ساير رغم سنين الغربة الطويله.....
بس انشاء الله الخاله استفادت منك ماتكون مسطحه ساكت .........
اخبار اخونا نزار شنو؟؟؟؟
الخال ودقاسم
الله يديك العافية واشكرك على المواساة وفعلا الفراق حال لكن حال الدنيا تجمع لتفرق وتفرق لتجمع ولك الود والتحية وحمدلله على سلامة اولادك مره اخرى
|
Post: #9
Title: Re: في رعاية الله غادرنا الأبن المصطفى ألى قاهرة المعز فدعواتكم له بالسلامة....
Author: keiga2000
Date: 09-21-2005, 10:52 PM
Parent: #8
فوق عشان مصطفى
ابومصطفى
|
Post: #12
Title: Re: في رعاية الله غادرنا الأبن المصطفى ألى قاهرة المعز فدعواتكم له بالسلامة....
Author: keiga2000
Date: 09-27-2005, 00:29 AM
Parent: #11
صور الأبن مصطفى
|
|