Post: #1
Title: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-20-2005, 08:33 PM
الإخوة أعضاء الحزب الإتحادى الديمقراطى
حاتم السر
ود قاسم
هشام مدنى
عوج الدرب
ياسر طيفور
ود محجوب
أحمد عبد الله
و كل إتحادى سواء داخل البورد أو خارجه
ذكرت الصحفية اللامعة سارة عيسى الآتى
Quote: بالتأكيد سوف أنشر هذه الرسالة وقد أعرضت عن نشرها في السابق
حيث وقد وصلتني من احد اعضاء الحزب الاتحادي الديمقراطي
عقد اجتماع بين نافع على نافع ومجذوب الخليفة عضوى قيادة المؤتمر الوطنى
وكل من
احمد على ابوبكر وحسن هلال وتاج السر محمد صالح وفتحى شيلا من الاتحادى
الديمقراطى واتفقوا على الاتى
1/ عدم تفعيل عمل المكتب السياسى وان تظل القيادة تحت قيادة الاربعة
2/ محاولة ابعاد كل من على محمود حسنين وسيد احمد الحسين لمواقفهم ضد
النظام
3/ توحيد الخط السياسى مع تنظيم المؤتمر الوطنى
بالمقابل :-
1/ اعطاء عطائات للعمل فى سد مروى ل احمد على ابوبكر
2/ اعطاء تصاديق سكر لفتحى شيلا بالتعاون مع مجذوب الخليفة للعمل سويا
3/ اعطاء المفاوضين مناصب دستورية كتمثيل للاتحادى فى السلطة بعد مشروع
السلام
4/ اعطاء تسهيلات جمركية لحسن هلال
و المعروف انه تم توزيع مبلغ 2.500.000 دولار على :
أحمد علي أبو بكر 500.000 دولار
تاج السر محمد صالح 500.000 دولار
علي أحمد السيد 500.000 دولار
محمد إبراهيم عبده كبج 500.000 دولار
فتح الرحمن شيلا 500.000 دولار
وقد تم ايضا تسليم على السيد المحامى مبلغ 400 الف دولار اضافية
الكلام ده منشور على الاتحادى نت و تتداوله اوساط الاتحاديين فى الخرطوم و
ظهرت
بوادر النعمة على على السيد المحامى و تاج السر محمد صالح فورا... اما
فتحى
شيلة فهو لا يهدأ فى التنقل بين بنك فيصل و الاسلامى اما الصحفى المكلوم و
ؤئيس
تحرير صحيفة الخرطوم الباقر احمد عبد الله الذى يجتهد بالحركات و
الاتصالات و
المكالمات و السفرات و القومات و الروحات و استيراد البركات و الجلوس فى
الضريح
بحلة خوجلى فى الدخول وزيرا او برلمانيا او اى مسؤول لان " المسألة أصبحت
مليانة" كما صرح لاحد خاصته ... اما اخونا ود سيداحمد عبدالهادى فى لندن
فشرب
المقلب !!
يا جماعة الكلام الفوق حقيقى 1000 فى المية
|
الشغلانة بقت بيع و شرا و لا كيف يا جماعة ؟؟
أها رايكم شنو ؟؟؟؟
|
Post: #2
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: Kostawi
Date: 09-20-2005, 08:51 PM
Parent: #1
حيدر سلام
كدي خليهم ينتهو من تلفوناتهم المدوره ليها إسبوع
و شكلهم
و كنفيوسهم
و بياناتهم
المتضاربة من كل الإتجاهات
يعني أديهم راحه إسبوع آخر
عشان يوصلوك للنتيجة المتوقعة:
الناس ديل ما بمثلونا و إتخزوا قرارات بدون صلاحيات
و السايقة لسة مدورة
|
Post: #3
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-20-2005, 09:27 PM
Parent: #2
Quote: يعني أديهم راحه إسبوع آخر
|
الاخ كوستاوى , نديهم عشرة أيام و مالو
رمية جانبية :
500,000 دولار فى إجتماع إستغرق سويعات , ياترى يا أخ كوستا
كم تحتاج من الزمن لتوفير نصف هذا المبلغ بعرق جبينك فى أمريكا
أو كندا أو أوربا ؟؟؟؟
عرفت ليه الورل مكنكش فى البترول ؟؟؟؟
|
Post: #4
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: saif massad ali
Date: 09-20-2005, 10:19 PM
Parent: #3
الدفع ده من اليوم
منذ ان خرج السيد محمد عثمان من السودان الدفع شغال, بس الملفات بتطلع بعد الناس دي تبقي علي الرجعة ,
نفتح ملفات موثقة عليها توقيع الجماعة , انت قايل ناس الجبهة بعملو شئ ساكت كده
بس الزم الصبر
|
Post: #5
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-21-2005, 00:05 AM
Parent: #4
Quote: الدفع ده من اليوم
منذ ان خرج السيد محمد عثمان من السودان الدفع شغال, بس الملفات بتطلع بعد الناس دي تبقي علي الرجعة ,
نفتح ملفات موثقة عليها توقيع الجماعة , انت قايل ناس الجبهة بعملو شئ ساكت كده
بس الزم الصبر |
الأخ سيف
حديثك هذا يذكرنى بالقولة الشهيرة " خلوها مستورة "
إلى متى تنام ملفات الفساد السرية ؟؟؟؟
التكتم عليها يشجعهم على إرتكاب المزيد من الفساد
| Quote: بس الملفات بتطلع بعد الناس دي تبقي علي الرجعة |
و متى هذه الرجعة الميمونة يا صديقى ؟؟؟
و لماذا لا تطلع هذه الملفات الآن ؟؟؟؟
|
Post: #6
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: ودقاسم
Date: 09-21-2005, 00:33 AM
Parent: #1
الأستاذ حيدر حماد
لك التحية
أرد هنا لورود اسمي في العنوان ، ولا عاش من يدافع عن باطل ...
1- العهدة على الراوي .
2- النفس أمارة بالسوء.
3- كل ابن آدم خطاء .
3- الحزب الاتحادي الديمقراطي لم يعرف عنه بيع قضية ولم يتهم بخيانة الأمانة .
4- إذا كان هؤلاء قد باعوا أنفسهم للشيطان ، فكيف يكون تعاملهم مع قيادات الحزب ، وكيف سيسمح لهم بتمثيل الحزب ، وكيف يقنعون جماهير الحزب ؟
5- الجبهة الإسلامية ، الجهة الراشية ، هل استبعدت من اللعنة ( لعنة الله على الراشي والمرتشي )
6- الكثير من أموال الشعب صرف في شراء الذمم ، وعلى الشعب أن يسترد أمواله المنهوبة .
|
Post: #8
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-21-2005, 10:44 AM
Parent: #6
شكراً الأستاذ ود قاسم على الرد
بس النقاط دى فيها تناقض
Quote: 2- النفس أمارة بالسوء.
3- كل ابن آدم خطاء .
3- الحزب الاتحادي الديمقراطي لم يعرف عنه بيع قضية ولم يتهم بخيانة الأمانة .
|
|
Post: #7
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: هشام مدنى
Date: 09-21-2005, 01:35 AM
Parent: #1
الأخ حيدر حماد
هو الكلام اليومين دى عليه جمارك....؟
|
Post: #9
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: saif massad ali
Date: 09-21-2005, 10:50 AM
Parent: #7
Quote:
متى هذه الرجعة الميمونة يا صديقى ؟؟؟
و لماذا لا تطلع هذه الملفات الآن ؟؟؟؟ |
جيب اضانك عشان مايعملو خط رجعة نحن عايزنهم كلهم جوه, والرجعة البلد مليانه بي خبرها , بس دي تعنت فوق فوق.
عشان يقولو في خد وهاك ونقاش ومشاورة لكن كل شئ منتهي
انا مرة كتبت عن بيع عادل سيد احمد بس اخواني ما ريحوني نطو لي في حلقي , قالو خليها تجي من غيرك , بس مزدلفة نقشت انا بقول في شنو
|
Post: #11
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-21-2005, 11:38 PM
Parent: #9
| Quote: انا مرة كتبت عن بيع عادل سيد احمد بس اخواني ما ريحوني نطو لي في حلقي , قالو خليها تجي من غيرك |
كشف الفساد لا يحتاج لمجاملة أو تحنيس
الأخ سيف
أرح ضميرك و أخسر العالم
ملحوظة :
أين الأخ خرماج ؟؟؟؟
|
Post: #10
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-21-2005, 10:53 AM
Parent: #7
الأخ هشام مدنى
| Quote: هو الكلام اليومين دى عليه جمارك....؟ |
هنا فى هذا المنبر ؟؟ .. لا
و لكن فى الخرطوم .....
| Quote: 4/ اعطاء تسهيلات جمركية لحسن هلال |
BIG YES
|
Post: #12
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: نادية عثمان
Date: 09-22-2005, 02:54 PM
Parent: #10
فوق
عشان انشوف اخرتها على راى استاذى سعد الدين ابراهيم ..!
|
Post: #15
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-23-2005, 08:11 AM
Parent: #12
| Quote: عشان انشوف اخرتها على راى استاذى سعد الدين ابراهيم ..! |
الأستاذة نادية, كصحفية متواجدة بالقاهرة , العاصمة الثانية للإتحاديين
و بقليل من التحرى الصحفى يمكن تشوفى اخرتها
|
Post: #18
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: نادية عثمان
Date: 09-23-2005, 08:42 AM
Parent: #15
الاخ الاكرم حيدر حماد
Quote: الأستاذة نادية, كصحفية متواجدة بالقاهرة , العاصمة الثانية للإتحاديين
و بقليل من التحرى الصحفى يمكن تشوفى اخرتها |
انا فعلا بحاول اشوف اخرتها من زمااااااااان .....وانشاء الله اتوفق فى معرفة الحقائق باذن الله .. وانت برضو تمدنا مشكور بمالديك من معلومات
سمح؟!
|
Post: #19
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-23-2005, 08:48 AM
Parent: #18
Quote: .....وانشاء الله اتوفق فى معرفة الحقائق باذن الله .. وانت برضو تمدنا مشكور بمالديك من معلومات
|
الأستاذة نادية
لو كان لدى معلومات لما ترددت من كتابتها
أنصحك بالتنسيق مع الأخت مزدلفة
O.K??
|
Post: #20
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: نادية عثمان
Date: 09-23-2005, 09:12 AM
Parent: #19
|
Post: #13
Title: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: Mozdalefa Osman
Date: 09-22-2005, 03:18 PM
Parent: #1
الي حيدروالاتحاديين كلهم
الكلام اعلاه فيهو نسبه كبيرة من الحقيقة
لكن الارقام والدينارات دي ما سمعت عنها
بتذكر كويس انا قبل اربعة سنوات ويمكن اكتر شوية نشرت خبر في صحيفة( الحرية)
(المؤودة)كان الخبر بيتكلم عن مفاوضات سرية بين نفس المجموعة
الاتحادية الحالية لكن الوقت داك زعيم اللجنة الخماسية الاتحادية كان
المرحوم يوسف احمد يوسف
وما كان فتحي شيلا رجع من القاهرة
اما علي السيد فكان من اشد خصوم الانقاذ
المهم الصفقة وقتها وصلت الي درجة تحديد وزارات وكمان عطاءات في سد كجبار وغيرا
يعني اعادة اطيان وجناين والذي منه
واتذكر انو الانقاذ وقتها وليس المؤتمر الوطني كان بيمثلا في التفاوض
الحاج عطا المنان بطل الوساطة الحالية لاشراك الحزب في الحكومه
والظاهر انو نشر الخبر وتسريبو في (الليلة ديك)لخبط الحسابات والجماعة قامو وقعدوا ونفوا
حسا براااااهم اكدوا الخبر دااااك
|
Post: #14
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: ود محجوب
Date: 09-22-2005, 04:59 PM
Parent: #13
الأخ حيدر الحمد لله إسمى ما فيهم!!!!!!!!!!!!
وزمان أهلنا قالوا (( اللسان ما فيه عضم))
والكلام ده قلت صحيح 1000%
عارف يا حيدر لما حصلت محاولة انقلاب رمضان استدعى جهاز الأمن أحد رجال الدين من منطقة جبل أولياء وقالوا له ثبت لدينا أن لك صلة بضباط الانقلاب وانهم تحركوا بمشورتك
فرد عليهم لما ثبت لديكم مستدعنى ليه قوموا بواجبكم.
ملاحظة:- ها القبض أكبر جريرة من مشاركة هؤلاء فى السلطة؟؟؟؟؟؟؟؟؟؟؟
|
Post: #17
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-23-2005, 08:26 AM
Parent: #14
الأخ ود محجوب
Quote: وزمان أهلنا قالوا (( اللسان ما فيه عضم))
والكلام ده قلت صحيح 1000%
|
أنا لم أقل أنه صحيح 1000%,
أنت كإتحادى يمكنك أن تتحرى لمعرفة ما ورد فى
هذا البوست و بالطبع لديك مصادرك فى الخرطوم
|
Post: #16
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-23-2005, 08:17 AM
Parent: #13
الأخت مزدلفة
شكراً على الخلفية التاريخية اللصوصية لهذه المجموعة السماسرية
المرتدية ثوب معارضة النظام إفكاً و بهتاناً
|
Post: #21
Title: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: Mozdalefa Osman
Date: 09-23-2005, 11:46 AM
Parent: #1
وينك يا سيف
الموضوع سخن والله
بس عندي مقترح انو نسمي المجموعة المعنية
بمصطلح مقبول يعني حكاية لصوص والالفاظ القاسية دي ما جميلة
مادمنا ندير نقاش موضوعي قائم علي حقائق وبينات
وبعدين في نفس الوقت ما ننسب تصرفاتهم دي للحزب
رغم انهم متمسكين بان كل مافعلوه ويفعلوه لمصلحة الحزب
(والله اعلم)
بعدين مفترض نخلي بالنا لانو لحدي اللحظة ما حصلت مشاركة في الحكومه لا باسم الحزب ولا التجمع ودا بيأكد انو ناس عادل وحاتم( ماشين صاح)
والله يكفيهم شر العوارض المصرية والانقاذية والحركيه
|
Post: #22
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: نادية عثمان
Date: 09-23-2005, 12:16 PM
Parent: #21
مزدلفة الحبيبة سلاااااااام
| Quote: بعدين مفترض نخلي بالنا لانو لحدي اللحظة ما حصلت مشاركة في الحكومه لا باسم الحزب ولا التجمع ودا بيأكد انو ناس عادل وحاتم( ماشين صاح) |
يازولة ماانتى عارفة هى لو بقت على حاتم وعادل هيييييييييينة !!
الكلام الرئيس !!
|
Post: #23
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: محمد حامد جمعه
Date: 09-23-2005, 12:28 PM
Parent: #22
المعروف انه تم توزيع مبلغ 2.500.000 دولار على :
أحمد علي أبو بكر 500.000 دولار
تاج السر محمد صالح 500.000 دولار
علي أحمد السيد 500.000 دولار
محمد إبراهيم عبده كبج 500.000 دولار
فتح الرحمن شيلا 500.000 دولار
وقد تم ايضا تسليم على السيد المحامى مبلغ 400 الف دولار اضافية
الكلام ده منشور على الاتحادى نت
كان كدا احسن اسوق كمية شباب وننشق .. دا شنو ... الكنجالات دى وين !
|
Post: #24
Title: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: Mozdalefa Osman
Date: 09-23-2005, 12:45 PM
Parent: #1
نادية عثمان
الريس زي ما عارفة بطنو غريقة
وفوق كدة مدور الشغلانية براهو
لكن برضو حاتم وعادل ما مقصرين
ولو الاصابع الخفية اختفت هم قدرا
لكن بيني وبينك الكلمة الحاسمة عندو بس
|
Post: #25
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: ابن النخيل
Date: 09-24-2005, 09:59 AM
Parent: #24
بيان من الحزب الاتحادي الديمقراطي – فرع كندا حول المشاركة في السلطة
الله ... الوطن... الديمقراطية
الحزب الاتحادى الديمقراطى – فرع كندا
الله ... الوطن... الديمقراطية
بيان حول المشاركة فى السلطة
منذ توقيع اتفاقية نيفاشا بين طرفى الحكم غرقت البلاد فى دوامة العبث السياسى والاستهتار غير الأخلاقي بمقدرات الشعب والوطن. الحزبان الحاكمان لا بارادة الامة بل بفوهة البندقية فى صراع محموم وليته كان صراعا حول الرؤى والاجندة الوطنية لكنه صراع بغيض ظاهره الموقف وباطنه الرغبة الشريرة فى امتصاص موارد البلاد وتجفيف منابع البترول لا لرفاهية الشعب بل البطانة الفاسدة. الشريكان ضربا عرض الحائط رغبة شعبنا فى نظام ديمقراطى وطنى نظيف يعلى من شأن المواطنة ويحترم انسانية الانسان ورفضا سد الثغرات فى الاتفاقية لتتأهل قوميا ووطنيا وديمقراطيا. الشريكان يريدان من القوى السياسية تكملة الديكور وتجميل وجه السلطة لا المشاركة الفاعلة المسؤولة.... المال العام بدلا ان ي يسخر لتوفير الخدمات ورفاهية المواطن يبدد فى تلويث العمل العام بتخريب الضمائر وشراء الذمم واصطياد ضعاف النفوس والعقول من الاحزاب الوطنية لجر زملائهم وقادتهم لمستنقع الانقاذ الاثم.
المؤتمر الوطنى لم يع الدرس ولن…ذلك ان المنشقين من احزابهم لم يمكنو حكما ولن يرسخو له شرعية ايضا الذين يريدون ان يجروننا لمرابع الانقاذ تحت دعاوى الوطنية لم يرتقو لمستوى المسئولية الوطنية والا لما اصبحو مطية لحكم الاستبداد والفساد ولاخانو الخط الفكرى والموقف التاريخى لاحزابهم. الوطنية لا تقتضى المشاركة فى حكومة كير – البشير بل المعارضة الوطنية المسؤولة الراشدة ..القادرة على حشد الارادة الوطنية لفرض التحول الديمقراطى الكامل وتثبيت حكم القانون. الوطنية لا تقتضى المشاركة بل المعارضة الشجاعة التى ترفض ثنائية السلطة وثنائية القوات المسلحة وثنائية النظام المصرفى وثنائية القوانين التى تقسم المواطنين على اساس دينى. حكومة البشير – كير مخاطرها كبيرة ومخيفة ان لم تنهض القوى الوطنية من الاشلاء وتنتظم فى معارضة وطنية وناجزة تتآلف عليها القوى الديمقراطية قاطبة وتنازل السلطة فى مراعيها اعتمادا على ارادة الامة السودانية.
استقراءا متأنيا لواقع الحال واعتصاما بالموقف الفكرى والتاريخى لحزبنا المستصحب لارثنا الديمقراطى وثوابتنا الاتحادية وايمانا عميقا بالتجمع الوطنى الديمقراطى مواثيقا ومقررات باعتباره الصيغة المثلى التى تآلفت عليها قوانا الوطنية يجدد الحزب الاتحادى الديقراطى فرع كندا على الآتى:
اولا: نؤكد دعمنا وتأييدنا للجانب المشرق لاتفاقية نيفاشا الذى وضع حدا لحرب طويلة مدمرة والتى لولا مماطلة الشريك آنذاك وانقلاب البشير الذى قطع الطريق امام تنفيذ اتفاقية الميرغى- قرنق لما ازهقت فيها كل هذه الارواح
ثانيا: نؤكد ان نيفاشا بها عيوب مخلة تتطلب جهدا قوميا و وطنيا. حتى تستوى على عودها ويجنى ثمارها الوطن.
ثالثا: نرفض جملة وتفصيلا المشاركة فى السلطة على كافة مستوياتها بل نؤكد ان المشاركة فى المجلس الوطنى يعتبر ذنبا غير مغفور ذلك ان البرلمان هو مستودع ارادة الامة وان مجلس الوزراء يستمد شرعيته من اجازة مجلس النواب وبالتالى المشاركة فى برلمان تمتلك القوى المعادية للديمقراطية غالبيته المطلقة عبس سياسى غير مسؤول.
رابعا: نناشد مولانا السيد الميرغنى الحفاظ على وحدة التجمع الوطنى الديمقراطى كيانا معارضا قويا باعتباره آخر الخناجر فى خاصرة النظام.
خامسا: نؤكد ضرورة لجم المنافقين والمرجفين الذين يتاجرون بحزبنا ويسرقون اسم قادتنا لمآربهم ورغباتهم الضالة
سادسا: نجدد ثقتنا فى قيادة مولانا السيد الميرغنى واننا واثقون بأنه عازم على ماعاهد عليه شعبه ومنجز وعده باسترداد ارادة الامة السودانية فى حكم ديمقراطى رشيد عاجلا ام آجلا ونؤكد انا معه مقاتلون قاتلون ,ومقتولون حتى تنتصر الارادة الحرة لشعب السودان ويعم الامن والسلام والاستقرار ربوع الوطن على اتساعها.
دكتور ابوبكر سيداحمد
عن المكتب التنفيذى
|
Post: #26
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: ابن النخيل
Date: 09-24-2005, 10:02 AM
Parent: #25
رسالة الى مولانا السيد / محمد عثمان الميرغني
مرشد الطريقة الختمية
رئيس الحزب الاتحادي الديمقراطي
رئيس التجمع الوطني الديمقراطي
محمد الحسن الخليفة علي
[email protected]
بسم الله الرحمن الرحيم
سيدي و مولاي :
بالتبصر في واقع الحال بعد تكوين الحكومة الانتقالية او مايسمى بهتانا بحكومة الوحدة الوطنية لم نرى اي تغيير في تركيبة هذا النظام , وقد وضحت الصورة جليا بانه ليس لك مكان في نفوس هؤلاء الناس وليس هنالك ايضا اي مكان للحزب او التجمع .
سيدي : الخرطوم قد اوصدت ابوابها بعد التشكيل الحكومي الذي اصاب جموع السودانيين بالاحباط وخيبة الامل والان ها هي الخيارات قد اصبحت امامكم عديدة ومفتوحة فها هو السيد الامام الصلدق المهدي ينتظر عودتكم للالتقاء والتنسيق بقاهرة المعز وها هو حسن الترابي يعلن اليوم امام وسائل الاعلام ضرورة الالتقاء بكم والتنسييق معكم ومما لا شك ان كل تلك المعتطيات سوف تفتح الباب على مصراعييه امام بلورة معارضة وحدة وطنية رشيدة وحينها يا سيدي سنستبشر خيرا للوطن والمواطن والسودان اجمع .
سيدي ومولاي :
أن نضالكم وشرف موقفكم و بياض صحيفتكم ونقاء سريرتكم وصواب حكمتكم يجب ان يحول دون مشاركتكم , فهؤلاء يا سيدي قوم لا ميثاق لهم غاية ما يتمنون هو مشاركتكم ليس تمسكا بالخيارات الوطنية كما يتشدقون زورا بل من اجل تحسين صورتهم وتوريط غيرهم في الجرم الذي ارتكبوه, فهؤلاء يا سيدي عاسوا في الارض فسادا ... يبسوا الزرع وجففوا الضرع وانتهكوا العرض واباحوا الحرمات وكل هذا باسم الدين .... يريدونك يا سيدي غطاء وستر لهم ومعاذ الله , فانت المجبول بالنقاء والزهد والعفاف وليا طاهرا من اولياء الله الصالحيين
سيدي بن الإمام الختم
نطلق صرخة استغاثة فهلا اغثتمونا ... ؟؟ أملنا في الله وفيكم لا ينقطع لان الذي بينكم و بين الله موصول لا تمد لهم يدك الطاهرة , لا تكون لهم غوث نجاة , نحن يا سيدي لا نخافهم بل نخاف الله ونستعيذ به بأن نكتب في زمرتهم , ونخاف ألتاريخ يا سيدي بأن نكتب يوما في صحيفة سوداء ونحن اصحاب الصحائف الناصعة , نخاف الاجيال القادمة لاننا نأمل ان نكون لها سلفا صالحا .. نقيا ...طهورا لاننا نامل منهم صالح الدعاء لنا ويزكروننا باننا حفظنا ألأمانة وأدينا ألرسالة .
سيدي بن الإمام الختم :
هذه مناصحة في الحق لا نبتغي بها غير مرضاة الله لا خير فينا ان لم نقلها ..... فهلا وسع صدركم .... الأمل والرجاء في الله و فيكم بلا حدود
|
Post: #27
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: حيدر حماد
Date: 09-24-2005, 10:39 AM
Parent: #25
| Quote: دكتور ابوبكر سيداحمد |
رجل نشهد له بالوقوف مع قضايا المهمشين خاصة قضية دارفور
و لن ننسى له ذلك الموقف المشرف فى وجه سفيرة النظام
بسانت كاثرينز , مثال حقيقى للوطنيين الشرفاء
له التحية و التقدير
|
Post: #28
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: saif massad ali
Date: 09-24-2005, 11:02 PM
Parent: #27
مزدلفة قلت كيف سخنت , لسع امانة ما تولع نيران ليها لهب , وحاتك عندي اخبارهم بي الحتة علا كابي الزوقة شفتك في احدي البوستات عصرتي علي شوية بس الزمي الصبر
ولي فوق
اي انسان ياخد جائزة في مصر اعرفي انو راجع السودان مؤيد للحكومة
فهمتي
يعني بدأت بي الطيب صالح
وموسم الهجرة لي الانقاذ
|
Post: #29
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: نادية عثمان
Date: 09-25-2005, 03:45 AM
Parent: #28
Quote: يعني بدأت بي الطيب صالح
وموسم الهجرة لي الانقاذ |
سيف
ازيك
العلاقة شنو بين الطيب صالح ومرغنى مساعد وشنو وجه الشبه بين جوائزهم ؟!!
سيف
انت والاستاذ ميرغنى كنتو سوة فى المانيا احكى لينا علاقتكم الاتحادية كان شكلها شنو ؟!!
|
Post: #30
Title: Re: ما رأى الإتحاديين فى هذا ؟ ود قاسم , مدنى, سيف, طيفور واخرين
Author: saif massad ali
Date: 09-25-2005, 04:09 AM
Parent: #29
الاخت ناديه
صباح الخير
شنو يعني علا تحكيها كدي,تسلم الطيب صالح جائزته في مصر وبعدهابمدة شوهد الطيب صالح في الخرطوم وقال اهل الانقاذ ناس ظراف وناس طيبين , ونسي كتاباته عن حرائر سودري اللاتي يتسؤلن في شوارع الخرطوم,ونسي من اين اتي هؤلاء, يعني كانت هذه الجائزة ثمن عبارة عن عربون للتصالح مع الانقاذ , وجائزة ميرغني المشاركة مع الانقاذ لاشك فيها
اما علاقتي مع ميرغني مساعد
كالاتي ميرغني رجل اتحادي ولما كنت في الجامعة قدمت له عدة دعوات كمتحدث في محاضرات في الجامعة ,ليس بيني وبين ميرغني مساعد خلاف ولا اعرف عن هذا الاختلاف شئ الا في هذا النت .
حتي في احدي اجتماعات التجمع قدمت لي دعوة رسمية في احدي المدن الالمانية وبحضور الاخ ادوار لينو ,طلبوا مني ان احل محل ميرغني مساعد رفضت ذالك وقلت لهم ميرغني اتحادي وانا اتحادي وميرغني احق مني بذالك لاني رئيس لثلاثة تنظيمات من بينها اتحاد طلاب الطلبة الافارقة والمكتب السياسي للاتحاد العام لطلاب جامعة فرانكفورت , ومن حديثي هذا يمكن ان تسألي الاخ ادوار لينو ورئيس حزب الامة بي المانيا,
|
Post: #31
Title: ما رائ الاتحاديين في هذا
Author: Mozdalefa Osman
Date: 09-25-2005, 09:15 AM
Parent: #1
الي سيف
بعرف انو ميرغني مساعد الاخد الجايزة من المصريين قبل ايام
مقرر يرجع السودان من قبل شهور
وما اظن في علاقة بين الجايزة والعودة والتأييد للحكومه
الراجل معارض صلب للانقاذ وكل كتاباتو تاكد الكلام دا
بس ما تنسي انو جزء من الحزب وما علية الا ينفذ قرارات الريس
لكن قرار العودة متخذ من زمان وتم تعيينة كمان مدير لمركز الحزب في الخرطوم مع اغلاق
المركز في الخارج ودا كلو ي اطار نقل الثقل الحزبي للداخل
بس علينا ننتظر عشان نعرف شكل النشاط حيكون في اي اتجاه
|
Post: #32
Title: Re: ما رائ الاتحاديين في هذا
Author: نادية عثمان
Date: 09-25-2005, 10:37 AM
Parent: #31
Quote: بعرف انو ميرغني مساعد الاخد الجايزة من المصريين قبل ايام
مقرر يرجع السودان من قبل شهور
وما اظن في علاقة بين الجايزة والعودة والتأييد للحكومه |
كلام مزدلفة صاح مائة المائة والله
سيف مساعد
سلام
كنت عايزة اسالك عن موقفك من عودة القيادة الحزبية بثقلها للخرطوم رايك فيهو شنو ؟!!
|
Post: #33
Title: Re: ما رائ الاتحاديين في هذا
Author: saif massad ali
Date: 09-25-2005, 04:31 PM
Parent: #32
الاخت نادية عثمان
قولي موقفي من اهل المرجعيات وعودتهم شنو, ولا عندك قصد اخر
|
|