(النخلي والسقيد)بصحبتهم نص دافئ واغنيه يلوحان بها مودعين ,ويابورداب الدوحه الحقوا بهم لنودعهم

على حواف مطاراتها يقف الآن

مودعا
ويلوح بنص جديد يحمل بين حناياه
وبصحبته الاستاذ
علي السقيد يضعان ايديهما فوق بعض
وبتشابك جميل
يؤكد لك ما علق بذاكرتك عن عمق الاتباط

يبدو انهما اتقفا على ذلك
وعلى تواصل ما بين احباب كثيرا ما نذكرهم بالجمال

قرر ان يترك الوقوف وحيدا كما كان هنا
اختار ان يمشي هكذا بينهم
ملوحا بنص جديد يحمله بين حناياه
واغنيـــــــــــــــــــــــــه

ويبدو اننا على وعد بسماع اخبار سارة عنه من هناك بينهم
وبينهم سيشعر وكثر من يرغبون بالتغني له ,,,


وهنا نرغب في ان نودعم
نعم نودعكم
بدون بكاء
وباحساس مختلف يؤكد انكم هنا
وباحتفال تسبقه نكهة محبتنا له التي كثف من وجودها بانتماءه
الي مجتمعنا الصغير الكبير (بورداب الدوحه )

مدني النخلي
علي السقيد
تعالا عندنا لنستمتع بكم هنا وقبل ان تغادرا
فنحن نحيا على شعر وغناء

وياليت ان تكون بينكم الاستاذه هاديه طلسم
ليتها......

وليتكم تكونوا لنا عناوين اكثر تميزا يا (صغار بورداب الدوحه وعظام مهامناالصعبه)
ود العباسيه
ود رمليه
بكري
محمد
تولوا مهامكم من الان , وصحو فينا الكان زمان
كي يكون هذا الخميس 22/9 مختلفا تماما ومخلفا فينا تخمة لاينفك صيتها

يلا هيا

محبتي

فرحانة بيك كل النجوم لانام بريقا ولاانطفا ..
والريدة ياام قلبا ندى زاد القلوب المرهفة ..
ان شاء الله طول ماعمرى ليك
ماتضوق حزن لاتشوف جفا ..

مرحب بالسقيد رزاز المطر وكتين يبلل نوافذنا ..
مرحب بمدنى النخلى الكلمة العذبة والنفس الجميل ..
ومرحب بالخميس وليلة الخميس ..

جاهزين لنحيل مرة اخرى رطوبة الدوحة الى دعاش
ونغم وكلمة ..

سلامات
وعوافي
ياابوالمكاشفي كيفنك ابوي
محمد عبدالرحمن ازيك يالحبيب
نعم حزم مدني النخلي امتعته (نحو مطارات الوداع .. التي ضجت من قبل.. ضجت قدامو ووراه) مخلفا ذكريات جميلة من التواصل والعلاقات الحميمة وسلسلة من تواريخ القصائد الحنينة والتي ستجتر ذكراها اماسي الدوحة جلسات المثقفين السودانيين والتي كان مدني النخلي من اوائل حاضرينها..
وبورداب الدوحة موعدين بامسية ساحرة .. ونرحب بالاستاذ علي السقيد بيننا والذي سيضفي علي الامسية سحرا اخر يضاف الي سحر قصائد مدني العتيقة والجديدة ..
حاضرين ياابوالمكاشفي ..
محمد عبدالرحمن .. جر السلك ..
تسلموا

تاري الاشواق لسه حيه

خافيها ضباب هجرك ليه

من ما هبت نسمات عطفك

لهلبلبت النار المخفية


******

دقات القلب صحت تانـي

رجعت الحب في وجداني

هدهدت الشوق الجوانـي

من بعد الصمت الهداني


فيصل ..

التحية عبرك للرائعان الجميلان مدني النخلي وعلي السقيد كل الود ..

والاماني الطيبة بالتوفيق والسداد فهما قمتان لابد من الوقوف عندهما كثيراً


محبتي ..

يا ود رملية..
تحياتي .. والله بختكم ياخي علي السقيد ذاااااااتو.. والله لو في القلب امنيه الليله.. انو الواحد يلقى بساط الريح
ويجيكم يوم الخميس.. غايتو.. انت ما تبخل علينا قوم سجل لينا البتقدر عليهو.. وحاول نزلو في البورد..
وخالص اشواقي ليك

سلامات
وعوافي
يانشأت
كيفنك ياطيب .. والله مشتاقين شوق الشوق ..
ماعندك مشكلة يانشات كلو بسجلوا ليك وبجيبوا معاي في العيد انشاءالله ..
المهم ياحبيب رايك شنو لو تنفرد باول حوار مع النخلي والسقيد بعد العودة ؟؟؟.. وانا بجهز ليك البقدر عليهو والبقية لم يصلوك هناك .. ثم انت اخبار الكتابة عندك شنو ماتكون الدنيا (المفتحة)سرقتك منها ... اصلي طولتا ماهبشتا ليك شي انشاءالله المانع خير .. ثم ليه مابتنشر في المنبر هنا يانشات؟؟؟؟ اسئلة كثيرة تدور في راسي ربما اجد لها اجابات شافيات في جيتنا لي البلد..
اما بعد
كيف اخبارك واخبار الوالد والوالدة واولاد المدارس انشاءالله كلهم طيبين وكويسين .. وبلغ تحياتي لكل الناس واذا ربنا سهل العيد في البلد ...
بعدين ياخي انا زعلان منك شديد ..شنو قاطع الخبر نضرب ليك في التلفون نلقاك غيرتو نضرب ليك في الجريدة نلقاك مافي يازول الحاصل شنو نورنا الله ينور عليك ..
تقبل محبتي
ودرملية من بقاعه النائية

العزيز ود رملية.. شوك الشوق للشوف آخي<<
ياخي خبرك مالك قاطعو.. وأنا اقول ابو عبده ده تلفوني محاربو ليهو زمن.. اتاريك ما عارف الرقم الجديد.. ما بيناتنا
لانو البينا اكبر من كده:
ما نحنا بينا الامنيات والتضحية
بينا المعزات والعذابات في الحياة
بينا الهوى واخلاص على قلب انكوى
وكلام كتير قلناهو آخر الليل سوا
انو راح نتلاقى لو طال النوى
وانا متأكد انو كلامنا الكان وكان ما اظن في يوم يشيلو الهواء.. وعموماً ده الرقم الجديد ??????????
وياخي موضوع الحوار بكون مبالغة.. لو بتقدر تعمل لي الشغل ده هناك قبل ما يصلوا السودان بتكون ما قصرتا تب..
انا اقوم ارسل ليك محاور للأسئلة.. وتمشي عليهم وتبعتا لينا في السودان نكون بيها في استقبالهم..
يلا يا ود رملية.. في رعاية الله وفي انتظار »رنتك« انا على احر من الجمر