Post: #1
Title: عمر الفاروق العريس الرياض نورّت
Author: زول ساكت
Date: 09-11-2005, 02:13 AM
Parent: #0
ياجماعه هسي اتصل بي العريس عمر الفاروق
انا من امس بقول نور الرياض دا مالو زايد كدا
بس يااخوانا الراجل بقى وديييييييييييييييييييع
وزاد ظرافه ومبسوط اربعه وعشرين قيراط
مرحباً بعودتك واتمنى ان نراك تزين هذا المنبر
بالمناسبه اين وعود بكري لبورداب الخرطوم بارجاع المفصولين
|
Post: #2
Title: Re: عمر الفاروق العريس الرياض نورّت
Author: المكاشفي الخضر الطاهر
Date: 09-11-2005, 02:35 AM
Parent: #1
حمدا لله على سلامتكم يا عمر يا عريسالموسم
الاخ زول ساكت ابلغ سلامي لهذا الاخ الصديق الطيب
|
Post: #3
Title: Re: عمر الفاروق العريس الرياض نورّت
Author: waleedi399
Date: 09-11-2005, 03:16 AM
Parent: #2
زول ساكت ..
بينما انا منهمك في عملي اذا بي ارى هذا العمري قد طله عليَّ من نافذة
لا تشبه النوافذ الخشبية ولا الحديدية ولا حتى الزجاجية
أنها النافذة الالكترونية التي توصلك بكل البشر
اينـما كانــوا............
فدار بيننا حوار مطول انتهى واكتمل عبر الاسلاك (الهواتف)
وبعد قليل سيختتم بمائدة غدائية تضمنا وربما بعض الاخوة
فمرحباً بالاخ والزميل والصديق عمر الفاروق العريس بيننا في الرياض
وتعالوا معانا نحتفل بعريس الموسم عمر الفاروق ونجعل هذا اليوم عيد 
التحية والتجـلة والاحترام للاخ عباس (زول ساكت) والشكر موصول من عمر الفاروق لشخصك
ولكم جميعاً الحب والتقدير ،،،،،،
|
Post: #8
Title: Re: عمر الفاروق العريس الرياض نورّت
Author: زول ساكت
Date: 09-11-2005, 06:22 AM
Parent: #3
وليد
والله عارفك صاحب واجب
وانك ستحتفي بالفاروق كما نحب
واكثر مما يجب
لكما صافي الود واعذبه
|
Post: #4
Title: Re: عمر الفاروق العريس الرياض نورّت
Author: زول ساكت
Date: 09-11-2005, 03:56 AM
Parent: #2
المكاشفي سلامك وصل العريس
وهو يرد لك التحايا باجمل منها
ولك مني مثلها
|
Post: #5
Title: Re: عمر الفاروق العريس الرياض نورّت
Author: حمزاوي
Date: 09-11-2005, 04:03 AM
Parent: #1
عباس اخوي
ياحلة تنوري
يا رياض تنوري
وزغرودة كبيرة
لسيد العرايس
مرحب مرحب بالاخ العريس
مشتاقين
|
Post: #6
Title: Re: عمر الفاروق العريس الرياض نورّت
Author: سجيمان
Date: 09-11-2005, 04:06 AM
Parent: #5
الف الف مبروك
وحمدالله على السلامة
|
Post: #17
Title: Re: عمر الفاروق العريس الرياض نورّت
Author: زول ساكت
Date: 09-12-2005, 00:14 AM
Parent: #6
عقبال لي فوفو
ياسجيمان
|
Post: #16
Title: Re: عمر الفاروق العريس الرياض نورّت
Author: زول ساكت
Date: 09-11-2005, 10:40 PM
Parent: #5
شيخنا حمزاوي
نرجوا عمل اجراءات نقله من قائمة العذاب الى العوائل
بعد موافقة صديق الموج
ينظر ويفاد
|
Post: #7
Title: Re: عمر الفاروق العريس الرياض نورّت
Author: المعتمد
Date: 09-11-2005, 04:17 AM
Parent: #1
حمدا لله على سلامة العريس.
ما عرفنا جاكم جوز ولا فردة.
شفتو قبيل فى الماسنجر انشغلت شوية ولما رجعت لقيتو طلع بالله تحياتى وتبريكاتى له
|
Post: #23
Title: Re: عمر الفاروق العريس الرياض نورّت
Author: زول ساكت
Date: 09-12-2005, 01:52 AM
Parent: #7
المعتمد العريس الكم طويل الا شويه
الراجل جايي نص كم برضو
الله يهون قواسيهو
|
Post: #9
Title: Re: عمر الفاروق العريس الرياض نورّت
Author: ودقاسم
Date: 09-11-2005, 06:30 AM
Parent: #1
العريس عمر الفاروق
ألف مرحب بك عائدا بالحريرة والضريرة ، وباقي الحنة ،،،
بس يا عمر ما أقسى العزوبية بعد العرس ،،، ليلك سيكون طويلا ،،،
توشح بالصبر ولا تطيل البعاد ...
شكرا عباس وليك سلام كبير ...
|
Post: #10
Title: Re: عمر الفاروق العريس الرياض نورّت
Author: خالد أحمد عمر
Date: 09-11-2005, 07:55 AM
Parent: #9
الأخ عمر الفاروق
مليون مبروك
وربنا يهنيك
لك التحايا أخ عباس
|
Post: #11
Title: Re: عمر الفاروق العريس الرياض نورّت
Author: محمد عبدالرحمن
Date: 09-11-2005, 02:44 PM
Parent: #10
زول ساكت ..
تحياتى ليك وكتر خيرك ..
بس لكن زولك ده الله يسألنى العرس ماغير فيهو
حاجة ، لسه ياهو الزول (المقطع ) و(الماجادى) ....
الشيء البنعرفو ا لعرس بغير الناس وبخليهم جاديين
ونظرتهم للاشياء بتختلف وكلامهم بكون بحساب وموزون
لكن ده كلو ماحصل ..
اليوم قريت بوستك ومشيت خسرت 30 ريال (يمرقو من العدو)
واشتريت كرت تلفون قلت ابارك للزول ده ..لكن صدقنى ماطلعت
منو بحاجة ..ينضم ويسال ويجاوب براهو ...
لكن ...
مستعد ان اخسر 30 اخرى لاتصل بعروسته واهنئيها على هدية السماء
اليها فودالفاروق انسان بروح جميلة جدا ...وامنياتى بحياة زوجية سعيده
وهانئة ..(تلج وكده) ...
محبتى يازول ..
|
Post: #12
Title: Re: عمر الفاروق العريس الرياض نورّت
Author: إسماعيل وراق
Date: 09-11-2005, 02:48 PM
Parent: #11
مبرو ثاني وثالث للأخ عمر الفاروق
الرياض نورت..
شكراً زول ساكت
|
Post: #13
Title: Re: عمر الفاروق العريس الرياض نورّت
Author: عمر محمد عبد القادر
Date: 09-11-2005, 03:53 PM
Parent: #12
العزيز عمر .. الف الف مبروك بيت مال وعيال .. والحمد لله على سلامة الوصول .. وحتى نلتقي لك الود ....
زول ساكت الف شكر وعقبال فرح اولادك ...
ود الباوقة
|
Post: #27
Title: Re: عمر الفاروق العريس الرياض نورّت
Author: زول ساكت
Date: 09-12-2005, 10:46 PM
Parent: #10
Quote: الأخ عمر الفاروق
مليون مبروك
وربنا يهنيك
لك التحايا أخ عباس |
وعقبالك عندك ياخالد
|
Post: #25
Title: Re: عمر الفاروق العريس الرياض نورّت
Author: زول ساكت
Date: 09-12-2005, 02:59 AM
Parent: #9
Quote: العريس عمر الفاروق
ألف مرحب بك عائدا بالحريرة والضريرة ، وباقي الحنة ،،،
بس يا عمر ما أقسى العزوبية بعد العرس ،،، ليلك سيكون طويلا ،،،
توشح بالصبر ولا تطيل البعاد ...
شكرا عباس وليك سلام كبير ... |
العزيز ودقاسم
وصيه قيمه لعمر ولغيره
والله الصبر دا مر خلاص
سيد الحال يشوف في غيرو
وبركه الجماعه الجوك طيبين
|
Post: #14
Title: Re: عمر الفاروق العريس الرياض نورّت
Author: Agab
Date: 09-11-2005, 04:06 PM
Parent: #1
يا شباب وصلوا تحياتنا للعريس
وقولوا ليهو
الف مبروك
وحمدلله علي السلامة
|
Post: #15
Title: Re: عمر الفاروق العريس الرياض نورّت
Author: نادية عثمان
Date: 09-11-2005, 04:49 PM
هووى بى ........هوى بى
عمر العريس المولى تم ليه ..
هوى بى مابشرب سجار
هوى بى
مابلعب قمار
هوى بى
عمر ود الرجال
والمولى تم لييييييييييييه ..
عمورى ولدنا العسل الف الف الف مبرررررررررررررروك ياعريس
وبيت مال وكترة عيال ولاجات بت سميها .........ندو !!
|
Post: #18
Title: Re: عمر الفاروق العريس الرياض نورّت
Author: ابو جهينة
Date: 09-12-2005, 00:19 AM
Parent: #15
عمر مبروك و حمد لله على سلامة الوصول
Quote: بس يا عمر ما أقسى العزوبية بعد العرس ،،، ليلك سيكون طويلا ،،،
توشح بالصبر ولا تطيل البعاد ... |
شايف كلام ودقاسم دة .. ربنا يكون في العون
|
Post: #19
Title: Re: عمر الفاروق العريس الرياض نورّت
Author: tmbis
Date: 09-12-2005, 00:28 AM
Parent: #18
الريــاض منورة يا عريس
الف مبروك تاني وتالت ورابع ..
..
.
يا( متصفح )
والله عجبنا ليك جنس عجب .. ( العرس طبعا)
لكن
زي ما قال الخال والريس اعمل حساب ( الجقلبه ) فنحن سنكون في لجنة ( المتابعين ) للامر واي حركات جرسه .. بنقطعك البحر طوالي ..
..
.
شكرا يا عبس والله الفاروق عيني بارده جا راجع مرتاح لمن ظاهر في ( صوتو )
|
Post: #20
Title: Re: عمر الفاروق العريس الرياض نورّت
Author: عمران حسن صالح
Date: 09-12-2005, 00:31 AM
Parent: #15
عمر الفاروق شيخ الدين
الشوق لك له أكثر من مسار ...
الآن فقط نركز على مسار (العزابة) الذي فارقته ...
ليتنا نراك ونسلم عليك ونبارك ليك قبل أن تتمحي(نورة) شهر العسل بدوام يبدأ ثم ينتهي ثم يبدأ قبل أن ينتهي الذي قبله.
تخريمات وتوصيات :
* إبتعد عن الشلل العزوبية ما استطعت وعلى رأسهم (معتصم ووليدالمؤجل الحاجات رغم أنفه)
* أعمل جدول لغداء الجمعة حتى تتأقلم مع وجبات الأسر المصلحة ليوم الجمعة بالذات
* عجل بالإستقدام وإلا سيكون الصرف الإتصالي في زيادة مستمرة
لك التحية أيها المتصفح الإسفيري
|
Post: #21
Title: Re: عمر الفاروق العريس الرياض نورّت
Author: tmbis
Date: 09-12-2005, 00:44 AM
Parent: #20
Quote: تخريمات وتوصيات :
* إبتعد عن الشلل العزوبية ما استطعت وعلى رأسهم (معتصم ووليدالمؤجل الحاجات رغم أنفه)
* أعمل جدول لغداء الجمعة حتى تتأقلم مع وجبات الأسر المصلحة ليوم الجمعة بالذات
* عجل بالإستقدام وإلا سيكون الصرف الإتصالي في زيادة مستمرة
|
..
.
يا متصفح عمر ..
الكلام الفوق ده بتاع ناس مرتاحين بس ..
وكان تابعتهم بتتشلهت ساكت .. ( وبيرخوك ) في أقرب ملف ..
أخير ليك أخوانك ( المعزبين ) في الأرض .. لحدي ما دجانقو يدخل المدينة
|
Post: #22
Title: Re: عمر الفاروق العريس الرياض نورّت
Author: زول ساكت
Date: 09-12-2005, 01:11 AM
Parent: #21
Quote: يا متصفح عمر ..
الكلام الفوق ده بتاع ناس مرتاحين بس ..
وكان تابعتهم بتتشلهت ساكت .. ( وبيرخوك ) في أقرب ملف ..
أخير ليك أخوانك ( المعزبين ) في الأرض .. لحدي ما دجانقو يدخل المدينة |
خلاص قمنا على الخيانات
ياتمبس الراجل في مرحله انتقاليه او قبل الانتقاليه
عشان تكون الوحده جاذبه لازم ياخد تدريب كافي على البرتكولات وكدا
بعدين الزول جايي بي ملايكتو احسن تبعدو منو انتو زاتكم ماتقكوموا تهستروا لينا وتدستروا في الحر دا
مع استثناء ولييييييييييييد339 لاسباب تعلن مع التشكيل القادم
|
Post: #28
Title: Re: عمر الفاروق العريس الرياض نورّت
Author: معتصم دفع الله
Date: 09-13-2005, 00:50 AM
Parent: #22
نعلن نحن عصابة عزابة الرياض ..
في هذا اليوم وتاريخه وفي ذات اللحظة ..
بأننا ليست لنا أي علاقة بمن يغادر ديارنا وإنسلخ عن كتيبة المقاتلين ..
عليه وبما أن هناك من يرى بأن العريس حضر لوحده دون نصفه الآخر ..
وجعلية مننا وديمقراطية " حلوة ديمقراطية دي موووش " أصدرنا حكمنا بتخفيف العقوبة عليه وضمه مؤقتاً إلينا ..
مع مراعاة فروق الوقت وحق الجقلبة ..
كذلك النظر بعين الإعتبار لما جاء به المدعو عمران حسن صالح ..
وفي جاه الملوك نلوك والكلام دا لي وليد399 يا المنطط عينينك ..
صدر تحت توقيعي ..
عن ريس العصابة الأكبر ..
الكاردينال ..
|
Post: #24
Title: Re: عمر الفاروق العريس الرياض نورّت
Author: waleedi399
Date: 09-12-2005, 02:08 AM
Parent: #21
..
.
بما أنو انا وزير العريس عمر الفاروق ..
والناطق الرسمي باسم الحركة الشبابية لمحاربة العزوبة
وولي العهد القادم ساقوم بحملة نيابةعن العريس
والتصدي للتهاني وكمان الهجمات ..
العرضـية العزابيــة الغاشــمة
نظام توصيل تهاني مجاني للعريس وكـدا
بدل كل دقيقة يا ولي رد على دا وكلم دا
والعريس بالمناسبة متابع البوست باهتمام
ما برضو نظام يوم تلجو وكـدا، ليته كان حاضراً
أها وحاجة مهمة خالص يا جماعة، شايف في ناس (لسانهم طال)
نقوم على التقصير بعد كدا ولا شـنو يا جماعة
..
.
|
Post: #26
Title: Re: عمر الفاروق العريس الرياض نورّت
Author: عمران حسن صالح
Date: 09-12-2005, 04:37 AM
Parent: #24
وحيث أن المذكور من مفصولي الصالح العام ما زال أحد بورداب الرياض وكبار متصفحي البوستات والمداخلات (النية والنجيضة) ...
عليه فإنني على إستعداد تام إحتفاءاً بالمذكور وترحيباً به أن أستقبل كل مداخلاته وآرائه وتحياته لكل الناس مباشرةً على بريدي الإلكتروني وأن أنقلها لكم موقعة بإسمه إنتظاراً منا لرأي السيد / صاحب الحوش لإعادة تفعيل إشتراك هذا (المان الما خمج) ولا ينتمي (لأطفال الأنابيب ) " لا أدري من المقصودين"  .
وحيث أنني بكامل قواي العقلية (حسب إعتقادي الحر) فإنني أتقدم للسادة بورداب الرياض ( الما خمج برضو) بتبني مشروع رفع بوست ملتهب ويجمع توقيعات كل بورداب الرياض لمناشدة سيد الحوش بإرجاع هذا الرجل إلى موقعه ........................
و.....
و...
والكلام ليكم أصدقائي بورداب الرياض وما جاورها
|
Post: #29
Title: Re: عمر الفاروق العريس الرياض نورّت
Author: Habib_bldo
Date: 09-13-2005, 01:19 AM
Parent: #26
شكرا زول ساكت
وألف مرحب بعمر الفاروق
ألف مبروك وبيت مال وعيال وحمدالله على سلامة الوصول
|
Post: #30
Title: Re: عمر الفاروق العريس الرياض نورّت
Author: waleedi399
Date: 09-17-2005, 00:42 AM
Parent: #29
اليومين دي يا جماعة قلبي (فاريني) لناس عمر الفاروق وعبد الرازق الطالب (اخوان)
واحلم بيهم باستمرار في المنام .. أها قلت يا ربي هم جايين المنبر تااااااااااني ..
ولا بكري ابوبكر ماشي يلحقني (امات طـه) زي زيهم على قول (صديق الموج)
|
Post: #31
Title: Re: عمر الفاروق العريس الرياض نورّت
Author: نادية عثمان
Date: 09-17-2005, 05:33 PM
Parent: #30
كان نفسى اشوف العروس !!!
ممكن صورة العرس ياشباب؟!!
|
Post: #32
Title: Re: عمر الفاروق العريس الرياض نورّت
Author: zoul"ibn"zoul
Date: 09-17-2005, 06:30 PM
Parent: #1
Quote:
يا شباب وصلوا تحياتنا للعريس
وقولوا ليهو
الف مبروك
وحمدلله علي السلامة |
Me 2
|
|