يا جماعة الخير دحين وين حبيبنا الدكتور محمد ابراهيم قرض؟؟

يا اخوانا يا طيبين

طبعا اخوكم لقى المنبر مشلع شليع شديد بعد غيبة طويلة ومصيبتنا كانت كبيرة لمن افتقدنا اخونا الرائع العريس خضر عطا المنان من ضحايا ( كاترينا) الفصل التعسفي التي طالت المنبر في لحظة عاصفة وكان اول ضحاياها الحبيب ود عطا المنان وكثر من الرائعين الذين نختلف او نتفق معهم لكن اليومين ديل بعد العودة ما شايف الحبيب صاحب القفشات الظريفة والساخر جدا والمكاجر (اوي اوي) الدكتور محمد ابراهيم قرض اوعي اكون ( قرضوهو قرض ) ويا جماعة التسوي كريت في ود قرض تلقاهو في جلدها وبالله طمننونا عليهو واطالب واحذر الادارة للمرة الاخيرة ان لا تحاول التلاعب باعصابنا وهذا التحذير سيكون في وزن تحذير قرية ود المنسي لامريكا ايام الهوس الانقاذي وقبل الانبطاح ابان التحدي للشيطان الاكبر و( يا امريكا لمي جدادك) حيث قيل انه شوهدت لافتة كبيرة امام قرية ود المنسي تقول( ود المنسي تحذر امــــــــــــــــــريكــــــــا للمرة الاخير؟؟؟ مع حبي واعزازي واحترامي لاهلي في قرية ود المنسي.

هشام هباني ...
و الله البركة فيك ... سألت مني و أنا نااايم في العسل ؟؟؟
كتر خيرك يا راجل ... طبعا جات مؤخرة لأنني كنت في
إجازة طويلة في السودان ... أمسحها في وشي ..
و لك كل الحب و التقدير ..