Post: #1
Title: نـــاس جنكم سيـــاسة..........دعوى على السـيـاسين و الاســاسين..والتابعيــن
Author: Siddig A. Omer
Date: 09-06-2005, 02:49 PM
Parent: #0
نـــاس جنكم سيـــاسة..........دعوى على السـيـاسيون و الاســاسيون
اللهم اسالك أن تغير السيـــاسة بالكياسة وجنن السياسين ولخبط افكار التابعين والمتسولين....وأن لا تعفوأ على المتلمقين وادخلهم فى نقاش الى يوم الدين حتى لا يضيعوا حقوق الكادحين و التعبانين فى كلام لا يغنى و لا يطعم المساكين وزيد من
أجر العاملين فى خيانة المجانين والشماســةو المشوكشين والمتسكعين....ربنــا لا تؤاخذنـــا بمــا فعل السياسيون منــا...... ربنــا أدخلهم فى نارك التى لا نــاجى منهــا الا أدخــالهم فى نقــاش محموم واضربهــم ببعضهم حتى لا يحكمون بمــا يقولون و لا يفعــلون واجعــل كيدهــم فى اعنــاقهــم الى يوم الدين...لقد ازاقونــا المر حتى صــرنــا نستيثقــه(والله ماعارف كان غلط و لاصــاح) لكن المهم...اللهم لا تقيدهم الى الكراسى بل قيدهم الى العناقريب التى لم يسمعوا بهــا و ركبهــم مواصــلات الكلاكــلةو الحاج يوسف و الثورة 65 و منــها الى حــلفأ يامعين....و اجعلهم يمشون كدارى من حلفا لنمولى طوالى.....وابعث معهم شياطين التهلكــة تصــحبهم الى جنهم.. ياللــه....
أمــا المنافــى..اللهــم ابعثهم الى القطب الشمــالى ...لا الجنوبى....(الشمــالى فيهــو بنات حور)....من غير بطاطين ولا تحصين و لا حتى مدفين.......امـــين.
للدعوى على السياسيون بقيــــة
|
Post: #2
Title: Re: نـــاس جنكم سيـــاسة..........دعوى على السـيـاسين و الاســاسين..والتابعيــن
Author: Elnasri Amin
Date: 09-07-2005, 06:13 AM
Parent: #1
أميــــــــــــــــن
|
Post: #3
Title: Re: نـــاس جنكم سيـــاسة..........دعوى على السـيـاسين و الاســاسين..والتابعيــن
Author: Siddig A. Omer
Date: 09-07-2005, 06:20 AM
Parent: #2
دعــواتـــك يــاشيخ النصـــرى.......و ربــنا اتقبل منــا و منــــك...
|
Post: #4
Title: Re: نـــاس جنكم سيـــاسة..........دعوى على السـيـاسين و الاســاسين..والتابعيــن
Author: Siddig A. Omer
Date: 09-13-2005, 05:31 AM
Up
|
Post: #5
Title: Re: نـــاس جنكم سيـــاسة..........دعوى على السـيـاسين و الاســاسين..والتابعيــن
Author: اساسي
Date: 09-13-2005, 08:08 AM
Parent: #4
و الاســاسيون
|
Post: #6
Title: Re: نـــاس جنكم سيـــاسة..........دعوى على السـيـاسين و الاســاسين..والتابعيــن
Author: wadalzain
Date: 09-13-2005, 09:47 AM
Parent: #5
المشكله يا صديق انو هم سمعوا بالعناقريب ورقدوا فيها على الحبل مش بس كده وعضاهم المرقوت . لكن البعض منهم يتنكر لكل ذلك عندما يقبض على السلطه والبعض الآخر يدعو ضد مصالحه .
رحم الله صديقنا الجهبون ( لا ينزعج اصدقاءه فهو ما زال حيا ولكن الرحمه للاحياء ايضا ) فقد حكى لنا سنة 85 فى الجامعه وهو من قرية تقع شرق النيل الازرق وهى قريه كادحه جميعها و حكى لنا انه ذهب بالقرب من جامعة القاهره الفرع وشاهد ابن اخته يحمل سيخه كبيره اكبر منو وسأله ها جنا ماش وين بالسيخه دى وهو كان مع الكيزان والوقت داك قامت عوه كبيره خلاص و قال ليهو ماشين ندق الشيوعيين والاحزاب التانيه وهو انذاك يادوب برلم قال ليهو مالم عملو ليك شنو , قال ليهوا : بدوروا يشيلوا حقنا , الجهبون قال ليهوا : حقك شنو البعرفه انو عندكم فدانين كلكم وحماره مدبره ارجع آ ولد قال حقنا قال .
|
Post: #8
Title: Re: نـــاس جنكم سيـــاسة..........دعوى على السـيـاسين و الاســاسين..والتابعيــن
Author: Siddig A. Omer
Date: 09-14-2005, 00:54 AM
Parent: #6
ودالذين....حبابك الف
انــا عندى قصــة طريفــة مع السيخ و الاسياخ....يوم فى الجامعة كنت خالط
بى مزاج....و الكــلام دهــا يعنى الساعة سبعة بعد المكتبة و كنت فى انتظار
البص للداخلية و بجانب البوابة الرئيسية......اذ افُاجا بعدد اثنين مهوس
(محروم و حاسد) وهم يحملون السيخ (6ملم) بطول 2/1 متر و يســالونى..انت
يازول بتعمــل هنا شنو.....ببساطة شديدة اجبت: أولا انتوا منو؟؟؟؟...المعاك
دى منو....ببساطة اكثر: انتو منو؟؟......قوم امشى من هنــا....امشى وين.....امشى
ولا!!! ربك رب الخير اجيب العصــابة.........شتتوأ الجمــاعة و الا كنت لحقته
امات طــه.....فاليت الا اخلط مطلقاً........حتى اتسلح بكلاشنيكوف.....ياجمــاعة
دى حالـــة!!!!!!
|
Post: #7
Title: Re: نـــاس جنكم سيـــاسة..........دعوى على السـيـاسين و الاســاسين..والتابعيــن
Author: Siddig A. Omer
Date: 09-14-2005, 00:40 AM
Parent: #5
الاخ أساسى
اولاً يازول انت أساسى وحاتبقى أساسى لكن بتاع هنــا!!! أمــا الاســاسيون الذين قصدتهم فحدث و لا حرج......
ناس كل حكومة......
معدومين الذمة.....
ناس الرمة(يعنى السفسفة)......
وين ماتمشى تتصادم بيهم.....
يعنى ذى ناس الضرائب.....والمصائب......وشعب كل حكومة
ناس تلقاهــا يوم مزراعيا....ويوم متاجريا.....ويوم سماسريا......
ويوم جبهجيــا.....ويــوم اســـــاسيــــا.....و المعنى واضــح
لك حبى و تقديرى.... ومرورك اعزنى ...اتمنى أن تبقــى بجانبى......
|
Post: #9
Title: Re: ياشباب.....المنبر دهــا شكلو كلو حكومــة
Author: Siddig A. Omer
Date: 09-15-2005, 06:03 AM
Parent: #7
ياشباب.....المنــبر دهــا شكلو كلو حكومــة
اللهــم اهدى الحكومة.....واسعد المستضعفين و المساكين و المتسكعين....اللهم نور بيوتهم واسقيهم ماء نظيف و ارزقهم كهربه دائمة و لقمة من لحم و ابعدهم عن الفتة و الفول......اللهم ارزقهم صحة مجانية هنئية.. فى اولادهم و امهاتهم و حبوباتهم و جدودهم ....اللهم علم اولادهم مجاناً حلالاً.....اللهم اسكنهم داخليات مكيفات ورجع السلم التعليمى القديم.....اللهم لا تتركهم للنــاموس والملاريــا......اللهم...ابعد عنهم الظلم....والذل والفاقة....اللهم رد لهم عزتهم وعزة بلدهــم ....أمين
نواصــل
|
Post: #10
Title: Re: ياشباب.....المنبر دهــا شكلو كلو حكومــة
Author: Siddig A. Omer
Date: 09-16-2005, 03:41 PM
Parent: #9
فوق
|
|