Post: #1
Title: الأخوان تمبس ... النصري .. والكل.... أرجو المساعدة
Author: شرووم
Date: 09-06-2005, 06:24 AM
الأخوة الكرام
تمبس ......... النصري ..... وكل من له معرفة بالكمبيوتر ويستطيع المساعدة ،،،
عندي مشكلة من مدة ،، وهي عدم قدرتي علي الكتابة باللغة العربية علي الانترنت ،، عموماً ،، ما عدا الماسنجر فعند تحويل اللغة إلى العربية واستخدام الكي بورد للكتابة تظهر أرقام وعلامات زي النجمة والمربع ، حاولت الاستعانة بالفني ولكنه لم يستطيع حلها حيث أشار بالدخول إلى قائمة Encoding ومن هناك تغيير الى اللغة إلى عربية أو اتوماتيك ،، وكل هذه المحاولات باءت بالفشل ،،،
أنا الآن إذا أردت كتابة بوست أو حتى إيميل علي ان افتح ملف ورد (Word) والكتابة فيه ثم نقلها إلى صفحة الانترنت عن طريق النسخ او القص ،،،
الأمر مزعج وكثيرا ما تقول سيبك ياخي من الموضوع ده بدل امشي اكتب هناك وانسخ والصق
الرجاء المساعدة ،، ويا تمبس ياكا فرمالتنا ،، كل ما نتلفت ما نشوف غيرك وان كان في كل البقية الكثير من الخير
شرووم
|
Post: #2
Title: Re: الأخوان تمبس ... النصري .. والكل.... أرجو المساعدة
Author: ود المايقوما
Date: 09-06-2005, 07:36 AM
Parent: #1
العزيز / شروم
لك التحية ..
اذهب الى :
1 ـ لو حة التحكم
2 ـ اضافة او ازالة برنامج
3 ـ احزف برنامج toolbar
وانشاء الله ترجعك ليك العربي
دمت
|
Post: #3
Title: Re: الأخوان تمبس ... النصري .. والكل.... أرجو المساعدة
Author: tmbis
Date: 09-06-2005, 08:55 AM
Parent: #2
العزيز شرووم
سلامات ووينك ما ظاهر ؟؟
امسك ف كلام ود المايقومه ده قوي لانو القطع واللذق ده ممل
طبعا الخلل ده طبيعي جدا بيحصل واهم الاسباب والرئيسي منها الـtoolbar
Google
yahoo
طبعا اكيد تكون لفحت ليك واحد من ديل ونزلتو كنت عايز اقول ليك اعمل System Restore
لكن ده الخيار الاخير
حاول اولا تحذف البرنامج من لوحة التحكم زي ما اشار ليك اخونا ود المايقومة
..
.
أعتقد برضو اختنا الاستاذة سناء خالد بتواجه نفس المشكلة برضو ياريت تدخل البوست ده وتستفيد من الشرح
هل من مغيث فقدت اللغة العربية فى المنبرالعام كتابة
ده بوست قديم فيهو شرح لنفس المشكلة من الأخ النصري
راجعو بي رواقه وبتلقى الحل وإذا الامو ما ظبطت اديني تلفون
وتاني يا شروم ما تلقى ليك اي حاجة تقوم تخمها ساكت
|
Post: #4
Title: Re: الأخوان تمبس ... النصري .. والكل.... أرجو المساعدة
Author: waleedi399
Date: 09-06-2005, 11:19 AM
Parent: #3
Quote: طبعا الخلل ده طبيعي جدا بيحصل واهم الاسباب والرئيسي منها الـtoolbar
Google
yahoo
طبعا اكيد تكون لفحت ليك واحد من ديل ونزلتو كنت عايز اقول ليك اعمل System Restore
لكن ده الخيار الاخير
حاول اولا تحذف البرنامج من لوحة التحكم زي ما اشار ليك اخونا ود المايقومة |
تمبس معليش تكمله للاستشارة رغم انو زول سألني مافي علا تحشر ساكت كلامك سليم 100% وانا طوالي عرفت الخلل موو خبير اجنبي قديم  تعرف يا شرووم بالضبط محركات البحث دي تعمل مشكلة في جهاز الكمبيوتر وخصوصاً مسألة الكتابة باللغة العربية لانها لا تدعم اللغة العربية عشان كدا تمشي لوحة التحكم من اضافة/ ازالة البرامج تحذف المحركات كلها وبعدين تعمل اعادة تشغيل لجهاز الكمبيوتر ولا حاجة في استعادة النظام system restore أعتقد أنها مرهقة شويه .. ولكم خالص الود والتحية اتمنى ان أكون اوفيت وكفيت والشرح كافي ووافي ولا حاجة للمزيد
وليد
|
Post: #5
Title: Re: الأخوان تمبس ... النصري .. والكل.... أرجو المساعدة
Author: شرووم
Date: 09-06-2005, 11:53 PM
Parent: #2
سلام الأخ ود المايقوما ،،،،،،،،،
شكرا جزيلا على مجهوداتك وفعلا
قمت بحذف محرك البحث للقوقل وإعادة تشغيل الجهاز فرجعت
اللغة العربية كما هي شكرا مرة تانية وياهو عشمنا فيكم.
شروووم
|
Post: #6
Title: Re: الأخوان تمبس ... النصري .. والكل.... أرجو المساعدة
Author: شرووم
Date: 09-07-2005, 00:06 AM
Parent: #1
الأخ العزيز تمبس سلامات ،،
كيفك يا زعيم وكيفنو الضرس معاك ،،شكرا على مجهوداتك المقدرة معانا
Quote: سلامات ووينك ما ظاهر ؟؟
|
وحاتك غاطس في سلي الجن دي (السلي ) ادخلها الصباح بدري اطلع منها المغرب هلكان وكملان ،، بس ان شاء الله قريبا سيتغير البرنامج بأذن الله.
| Quote: وتاني يا شروم ما تلقى ليك اي حاجة تقوم تخمها ساكت |
والله يا تمبس الخم من طرف دا زمان وقفناهو لانه بلم الفيروسات والتروجونات ( اذا صح التعبير) بقينا نخاف منه عديل كدا ،، وماقاعدين ننزل الا شي ينزل على سودانيز اونلاين لاننانثق بالزملاء ،، بالمناسبة برنامجك حق الصور داك نزلناهو وكل نضغط على مفتاح Print screen الفلاش يضرب وبعدين اقعد اتلفت .
تخريمة :
أنا يخيل لي انك في الفترة الاخيرة تعاني من مرض حامد في مرحلة متقدمة ومستعصية خلاك تتوقف عن تنزيل الأغاني وتقعد تناوش ناس السياسة هاهااهاها
شكرا يا تمبس يا خوي ولا عدمناك ان شاء الله
|
Post: #10
Title: Re: الأخوان تمبس ... النصري .. والكل.... أرجو المساعدة
Author: tmbis
Date: 09-07-2005, 01:51 AM
Parent: #6
العزيز شرووم
..
.
صباح الخير ( ونص )
حقو يا شرووم شان ما تدقس تاني وتدقس دقسه زي دي ..
تفتح ليك صفحة في الوورد وتمسك من الاول فوق وتكتب :
انا تاني ما بحمل Google toolbar
وعلى الاقل نرجعك لي سنة رابعة ابتدائي وحصة المطالعة..
..
.
تعرف ياشروومم انا أول مرة حصلت على القصة دي ما خليت مكان في الكمبيوتر ما قلبتو وطبعا كانت حركة غريبة وقربت اكسر الجهاز لانو ما لقيت ليها تفسير منطقي لانو كل الخيارات ما نجحت كان باقي خيار الفرمطة وطبعا خيار الواحد بيجلا ليهو بعد تتقفل كل الحلول .. اها اتصلت بي وليد399 علشان اعرف الحاصل شنو ؟؟ لقيت نفس العملية دي مرت عليه فاداني الوصفه على طول ومن وقتها بطلت اللفح الزي لفحانك ده
| Quote: بالمناسبة برنامجك حق الصور داك نزلناهو وكل نضغط على مفتاح Print screen الفلاش يضرب وبعدين اقعد اتلفت . |
تتلفت شنو يا شرووم
طالما انو الفلاش ده بيضرب معناته خلاص انت انجزت كل شي باقي ليك حاجه صغيرة بس الظاهر لي مشكلة في الضبط راجع الصور المرفقة الخاصة بالضبط ،، واختار وضع العلامة على الخيار رقم تلاتة الموضح
وده بيتيح ليك انك تختار المكان العايزو من الشاشة طبعا بعدما تاخد اللقطة ويظهر معاك الفلاش تقوم مباشرة تحدد المكان المطلوب تضغط على الماوس وتظللو وعلشان تاخد الجزو المحدد بعد التظليل تضغط بيمين الماوس وبتلقى الخيارات يا اما الالغاء يا اما الاعادة يا اما المواصلة في الاجراء ..
اعمل محاولتك واديني خبر ..
| Quote: أنا يخيل لي انك في الفترة الاخيرة تعاني من مرض حامد في مرحلة متقدمة ومستعصية خلاك تتوقف عن تنزيل الأغاني وتقعد تناوش ناس السياسة هاهااهاها |
حامد بس يا شرووم
ده حامد ومعاهو خيلانو التلاتة ..
وبعدين ناس السياسة ديل لازم تداقرهم من حسع لانو المسالة لي قدام احتمال يكون فيها ترشيح وبرلمانات وانا من حسع عايز اتعود على القصة دي علشان بعدين عايز ادخل الغابة من ( دغشا) بدري ما ممكن كمان يكون في برلمانات وحكومات ومعارضه مافي طلاما انو الغابات متوفرة في السودان احسن الواحد يستغل الفرصة دي ..
|
Post: #11
Title: Re: الأخوان تمبس ... النصري .. والكل.... أرجو المساعدة
Author: شرووم
Date: 09-07-2005, 02:53 AM
Parent: #10
تمبس كيفنك يا زول ،،،
شكرا على الإضافة الشرح المفصل لبرنامج sprint32 ولا عدمناك يامعلم.
| Quote: صباح الخير ( ونص ) |
بطل الحركات دي يا تمبس ... بعدين نحن غيرنا وبقينا ناس ،،، قول تاني كدا،،،
Quote:
حامد بس يا شرووم
ده حامد ومعاهو خيلانو التلاتة ..
|
يا تمبس يا خوي ده ما عندكم ليهو انتي فايروس وللا برنامج حماية ،، ده ساكن عندنا عديل كدا ،،،
شكرا ياعمنا علي مساهماتك في تثقيفنا كمبيوتريا
شرووم
|
Post: #7
Title: Re: الأخوان تمبس ... النصري .. والكل.... أرجو المساعدة
Author: شرووم
Date: 09-07-2005, 00:26 AM
Parent: #1
الأخ waleedi399 أو وليد اربعمية إلا واحد ،، ازيك يا صديق
| Quote: تمبس معليش تكمله للاستشارة رغم انو زول سألني مافي علا تحشر ساكت |
القال ليك منو انت زول سألك مافي ياخي انت اول المسؤولين ( المسعولين ) وان كان اسمك ماهو مكتوب علي الصفحة فهو بالتأكيد محفور بالقلب ،، بعدين ياخي الكل الكبيرة دي ماياها زاتها ( والدعوة عامة ) الزمان في الإعلانات في اذاعة أمدرمان.
شكرا لعونك ودعمك وفعلا المشكلة من محركات البحث وبالتحديد قوقل بمجرد إزالته وإعادة التشغيل عادت العربية لمجراها الطبيعي.
تخريمة برضو
Quote:
waleedi399
.
تاريخ التسجيل: 20-08-2003
مجموع المشاركات: 1956 |
مفروض تعمل لينا بارتي بمناسبة بلوغ مشاركاتك أعياد الإستقلال المجيدة
شكرا اخي الكريم
شرووم
|
Post: #8
Title: Re: الأخوان تمبس ... النصري .. والكل.... أرجو المساعدة
Author: waleedi399
Date: 09-07-2005, 01:21 AM
Parent: #7
شـرووووووم| Quote: وان كان اسمك ماهو مكتوب علي الصفحة فهو بالتأكيد محفور بالقلب |
عليك الله خلينا من كسير التلج دا الكمبيوتر اليوم صبح كيف من الحمى والوردة
اليــوم نرفـــع راية استقـلالناQuote: waleedi399
.
تاريخ التسجيل: 20-08-2003
مجموع المشاركات: 1956 |
تـوارد خواطـر فيلـية ،،
تخيل يا شرووم امس انا لاحظت المنظر دا
وفكرت في بوسـت وهسع داير انقل المداخلة دي
في بوست منفصـل رأيـك شنووووووووووو؟؟
| Quote: شكرا لعونك ودعمك وفعلا المشكلة من محركات البحث وبالتحديد قوقل بمجرد إزالته وإعادة التشغيل عادت العربية لمجراها الطبيعي |
طبيبك الخـــأص تحـت الخدمـة،، وقديمـاً قالـوا أسـال مجـرب وما تسأل طبيب
|
Post: #9
Title: Re: الأخوان تمبس ... النصري .. والكل.... أرجو المساعدة
Author: شرووم
Date: 09-07-2005, 01:35 AM
Parent: #1
الوليد : ازيك يا الحبيب وعلك اصبح عافي
Quote: شـرووووووم
Quote: وان كان اسمك ماهو مكتوب علي الصفحة فهو بالتأكيد محفور بالقلب
عليك الله خلينا من كسير التلج دا الكمبيوتر اليوم صبح كيف من الحمى والوردة
|
انت ما مصدق يعني طيب تعال افتح القلب وتاوق لا جوة شوف النقش علي حيطانه الاربع
وابشرك الكمبيوتر الليلة اصبح تمام والتمام وكل الردود دي مباشرة على الصفحة من دون الطريقة المهلكة الذهاب للورد والكتابة والنسخ واللصق .
Quote: تخيل يا شرووم امس انا لاحظت المنظر دا
وفكرت في بوسـت وهسع داير انقل المداخلة دي
|
فكرة رائعة وفعلا بإمكانك اخذ المشاركة لبوست منفصل رغم انك خربتها الآن بالبرد علي بس ممكن تحتفل برضو باستضافة السودان لأول كأس للأمم الأفريقية.
تحياتنا ممدودة بطول مسافات الود
شرووم
|
Post: #12
Title: Re: الأخوان تمبس ... النصري .. والكل.... أرجو المساعدة
Author: waleedi399
Date: 09-07-2005, 03:01 AM
Parent: #9
شــررروم| Quote: بس ممكن تحتفل برضو باستضافة السودان لأول كأس للأمم الأفريقية |
1970 فكـرة والله برضـو
|
Post: #13
Title: Re: الأخوان تمبس ... النصري .. والكل.... أرجو المساعدة
Author: شرووم
Date: 09-07-2005, 06:03 AM
Parent: #1
الأخ وليد مساء الخير ،،
طبعا انا قصدت كأس الأمم الافريقية سنة 1957 وانت قصدت سنةاستضافة وفوز السودان بالكأس علي العموم انا عاوز اقترح عليك انك تحتفل بعيد ميلادك مع المساهمات بس اتذكرت من مواليد الاربعينات هاهااهاا
تحياتي ولي
شرووم
|
Post: #15
Title: Re: الأخوان تمبس ... النصري .. والكل.... أرجو المساعدة
Author: waleedi399
Date: 09-07-2005, 01:58 PM
Parent: #13
| Quote: بس اتذكرت من مواليد الاربعينات هاهااهاا |
|
Post: #17
Title: Re: الأخوان تمبس ... النصري .. والكل.... أرجو المساعدة
Author: شرووم
Date: 09-08-2005, 00:27 AM
Parent: #15
الأخ وليد ،، صباح الخير ،،
ياخي لاتزعل مننا يا الوليد الحكاية دعابة صغيرونة ونحنا يانا مواليد الاربعينات
والله لا جاب ليهو يوما نشوفك زعلان مننا فيهو .
شرووووووووووم
|
Post: #20
Title: Re: الأخوان تمبس ... النصري .. والكل.... أرجو المساعدة
Author: waleedi399
Date: 09-08-2005, 01:55 AM
Parent: #17
شـــروووووووووم
| Quote: والله لا جاب ليهو يوما نشوفك زعلان مننا فيهو . |
أمــــــــين
أديـك الف عافـية والله لا جـاب الزعـل بينـا......
|
Post: #14
Title: Re: الأخوان تمبس ... النصري .. والكل.... أرجو المساعدة
Author: Elnasri Amin
Date: 09-07-2005, 06:18 AM
Parent: #1
الاخ شرووم
حمدلله على سلامة العربى
والاخوان ماقصرو معاك تب....
اى مشكله تانيه احنا جاهزين مويه ونور
وتقبل تحياتى
النصرى امين
|
Post: #16
Title: Re: الأخوان تمبس ... النصري .. والكل.... أرجو المساعدة
Author: شرووم
Date: 09-08-2005, 00:24 AM
Parent: #1
الاخ النصري ، صباحك زين ان شاء الله
شكرا اخي الكريم وياهو عشمنا فيكم وفعلا الاخوان لم يقصرو معاناالبتة
شكرا مرة اخري وتحياتي
شرووم
|
Post: #18
Title: Re: الأخوان تمبس ... النصري .. والكل.... أرجو المساعدة
Author: ودقاسم
Date: 09-08-2005, 01:28 AM
Parent: #1
شرووم
الأيامات دي يظهر طار البلووم ...
خلي الصيفية تنتهي ، وتلاقي نفسك ناسي تمبس والنصري ،،،
خليك في شغلتك ، مالك ومال الخط المعلّق ..
|
Post: #19
Title: Re: الأخوان تمبس ... النصري .. والكل.... أرجو المساعدة
Author: tmbis
Date: 09-08-2005, 01:32 AM
Parent: #18
| Quote: خلي الصيفية تنتهي ، وتلاقي نفسك ناسي تمبس والنصري ،،، |
ايوااا
شان كــدا ..
بلاي ياخال موضوعو مع الصيفية وفي الصيفية كمان جابت ليها بلووم؟؟
وانا اقول الولد مالو ؟؟؟
يحليلك يا بلوووم.. شرووم
|
Post: #21
Title: Re: الأخوان تمبس ... النصري .. والكل.... أرجو المساعدة
Author: شرووم
Date: 09-08-2005, 02:30 AM
Parent: #18
يا خال سلامات وعلك طيبي ،،،Quote:
شرووم
الأيامات دي يظهر طار البلووم ...
خلي الصيفية تنتهي ، وتلاقي نفسك ناسي تمبس والنصري ،،،
خليك في شغلتك ، مالك ومال الخط المعلّق .. |
يا خال البلووووووم نحمد الله بقى بلا شرك في الزمن العلينا دا...
وفيما اظن انك انت منتظر الصيفية تنتهي .............
يديك العافية
|
Post: #22
Title: Re: الأخوان تمبس ... النصري .. والكل.... أرجو المساعدة
Author: شرووم
Date: 09-08-2005, 02:36 AM
Parent: #1
تمبس صباحك زين
Quote:
بلاي ياخال موضوعو مع الصيفية وفي الصيفية كمان جابت ليها بلووم؟؟
وانا اقول الولد مالو ؟؟؟
يحليلك يا بلوووم.. شرووم
|
تمبس ياخوووووي كيف فاتت عليك دي ،،
الخال بعاني من نفس الأعراض ...... ما عدا وجع الضرس
يا حليليك يا البلوم والله يرجعك لينا اليوم ،،،
تمبس معليش ممكن طلب :
بالله فتش اغنية احكي الم الفراق واشكي لمين انا ،، وياريت بصوت علي السقيد وانا بهديها للكل ،،،،،،،،،،،،،،،،،،،،، ولخالي علي وجه الخصوص
شرووم
|
|