افتتاح الشبكة : مرحبا بكم في مشروع السودان للجميع ....

مشروع السودان للجميع هومشروع طموح بدأت درساته منذ منتصف العام 2004.وهو يهدف في الاساس الي دعم مشاريع التنمية في السودان وعلي وجه الخصوص المناطق المتأثرة بالحروب في السودا.وفي بداية العام 2005 وزعت عدد كبير من الدراسة لكل المهتمين بهذا الشأن وكل الذين لديهم مشاريع مشابهة للعمل سوياً تحت مظلة السودان للجميع طالما ان الهدف واحد.


سيتم افتتاح المركز الإعلامي للمشروع في الساعة السادسة من مساء اليوم الإثنين 5/ 9 بتوقيت الرياض.وهو مركز اخبار يشرف عليه عدد من الصحفيين المتخصصين برؤية جديدة وهو اضافة لوسائل العمل الاعلامي يعمل علي ايجاد نافذة لكل الاخوة الصحفيين من اجل حريات أوسع وفرص اكبر للنشر وفي ذات الوقت الوصول الي المعلومة باسرع وقت ممكن حيث بدانا في بناء شبكة من المراسلين حول اقاليم السودان المختلفة.
وفي المرحلة التالية سيتم اضافة مركز الانذار المبكر وهو مركز معني برصد مبكر للاحداث في المناطق المختلفة من السودان ومحاولة تسليط الضوء عليها قبل ان تتحول الي خارج السيطرة.


مكتب المركز الاعلامي حاليا بمركز الاستاذ عبدالمجيد امام الثقافي.
يشرف علي المركز الاعلامي الأستاذ عارف الصاوي والأستاذة مزدلفة محمد عثمان الصحفيين.

عنوان الموقع:

http://www.sudanforall.com

بريد هيئة التحرير:

[email protected]

بريد الأخبار:
[email protected]

بريد المنبر الحر:

[email protected]

بريد المنظمات والبريد العام:

[email protected]

وفيما يلي مختصر لدراسة المشروع التي تتكون من 45 صفحة تشمل تحليل كامل لكل المواقع السودانية وتضع رؤية لبناء الشبكة في فترة العامين القادمين.

اعتماد ثلاث مراحل للمشروع :

المرحلة الاولي:
هو شبكة المعلومات العامة وهي موقع Portal بيعمل علي التمهيد كواجهة اعلامية وكبداية للمشروع.وحاليا المرحلة الاولي مكونة من اكتر من 13 موقع حايتم بناءها واحد بعد الاخر وحاتكون النواة الاولي للمرحلة الثانية .
المرحلة الثانية:
وهي مركز الدراسات المتخصص في مسائل التنمية والمشاريع في مناطق الحروب وفض النزاعات بالاضافة الي شبكة خاصة بالمنظمات العاملة في السودان بحيث انو حايتم عمل موقع لكل منظمة في داخل الشبكة متي ما وفرت البيات المطلوبة اضافة الي ملتقي خاص بهذه المنظمات.

المرحلة الثالثة:
هي قيام منظمة بالعمل باسم المشروع في هذه المناطق واعداد الدراسات الخاصة.
المشروع يحتاج الي فترة عامين كحد أدني ليكون مكتملاً


الشبكة حاليا تمتلك اكثر من 12 اسم نطاق يمكن الدخول منها الي مواقع الشبكة المختلفة.
البوابة الرئيسية هي:
http://www.sudanforall.com

مركز الدراسات

http://www.sudanforall.net

موقع المنظمات
http://www.sudanforall.org

مركز الانذار المبكر

http://www.sudantoday.org

كما يمكن الدخول الي الشبكة حتي الان عبر المواقع التالية:

http://www.sudanarts.com
http://www.sudangallery.com
http://www.sudaniyah.com
http://www.alkhatim.com

والدعوة موجهة للجميع لماسندة هذا المشروع.
والدعوة موجهة للاخوة الصحفيين لتبني مشروع المركز الاعلامي والموقع تم تصميمه وبرمجته بعد مراجعة شاملة لكل المواقع الاخبارية علي الانترنت واختيار افضل الطرق بمزيج من المواقع المختلفة لمواقع عربية واجنبية وهو مرن لدرجة عالية لتقبل كل النواع الكتابات الصحفية والدراسات والاراء الحرة والمقالات والاخبار في اية منطقة من العالم والعمل علي ايجاد وايصال المعلومة من خلال الشبكة او من خلال المواقع والوسائل الاعلامية الأخري.

والدعوة ايضا موجهة لكل المنظمات في المرحلة التالية من الشمروع وهو موقع شامل للمنظمات السودانية بحيث اننا نقوم بتصميم موقع يحتوي علي البينات الاساسية والمشاريع الحالية والمستقبلية واخبار دورية لل منظمة علي حدة وبالوانها المختلفةوشعارها واستضافة الموقع في داخل الشبكة تحت العنوان http://www.sudanforall.org وهو شبكة المنظمات وحاليا نعمل علي تصميم مواقع لاربعة منظمات مختلفة.ومركز الدراسات علي العنوان http://www.sudanforall.net
والمطلوب فقط التواصل معنا عبر بريد المنظمات وتوفير المواد المطلوبة.

مرحبا بالجميع في افتتاح المشروع اليوم في السادسة مساء بتوقيت الرياض.

سلامات جعفر

مبروك الإفتتاح يا دفعة

وبجيك بالتعليق لمن انتهي من زيارة الموقع

لك ودي
وليد العجب

شكرا يا عجب يا دفعة

وفي انتظارك مساء اليوم ..

finaaaaaaaaaally



مبروك .... جعفر

العزيزة هالة

تحياتي

عارف انو الموعد كان يوم 1/9 لكن تتخيلي انو 29/8 واحد يجي يقول ليك التصميم بتاع الموقع ما عاجبو وهو كان متابع من البداية والموقع كان مكتمل.

فرجعنا اعدنا التصميم من البداية واعادة توزيع البيانات.

لكن الحقيقة بعد ما انتهينا وضح فعليا انو مافي اي علاقة بين القديم والجديد والشباب كان عندهم حق.عموما في النهاية وصلنا ... لكن يادوب وصلنا للبداية.

وشكرا كتير علي المجهودات البذلتيها عشان المشروع اهو في النهاية ما ضاعت والمشروع حقيقي وايماني بيهو وايمان الشباب بيهو برضو حقيقي.

انشالله تكوني في الخرطوم
(بيني وبينك احتمال انا زاتي عايز ااجل الموضوع عشان تجي الخرطوم لانو مشروعك برضو زي ما هو مشروعنا) ... تتذكري ايام الترجمة المرهقة اهي اتحولت لي عمل فعلي.

الف مبروك يا جعفر

الامنيات الطيبة بنجاح هذا المشروع الضخم

ندى

هالة حمد الله على السلامة

Quote: هالة حمد الله على السلامة

thanks dearest

will be in touch; it is a bit hectic here at the moment

_______

جعفر النك الأول ما شغال ..



انت عارف انى خبيره فى الكمبيوتر .. و كده

باشمهندس ابو آمنة ..

مبروك ليكم ، لينا.. افتتاح الموقع الضخم
صادف توقيت الافتتاح عطلة الـ labour day
و...- لا اعني مؤشرات يسارية - انما يعني سعادتي
بأني سأكون موجوداً داعياً نفسي لحظة الافتتاح .

شكراً لهذا الجهد

Quote: سيتم افتتاح المركز الإعلامي للمشروع في الساعة الساسدة من مساء اليوم الإثنين 5/ 9 بتوقيت الرياض.

oooops ; I haven't seen that

العزيز متوكل توم.

في الحقيقة التوقيت جاء نتيجة لظروف العمل اي لم نخطط لموافقة اي شيئ ... ولكن تشاء الصدف ان يكون موافقا للعطلة.
وتشاء الصدف ان يكون ايضا موافقا ليوم مولد الرسول صلي الله عليه وسلم اي انه لا يسار ولا يمين ... زهذا ما نريده له متوجها نحو اهدافه التي انجز من اجلها بغض النظر عن الانتماء السياسي الثقافي الديني او العرقي ...

شكرا متوكل وسعيد جدا بهذه الاجازة التي تصادفت واظن انها بداية موفقة لارضاء الجميع واتمني ان يكون المحتوي والتصميم ايضا مرضي.

تحياتي

العزيزة ندي علي

تحياتي يا غالية

وسيكون العمل ضخما بمجهودات الجميع من اجل انجاز ما نريده فالعمل هو مجرد بداية فقط لعمل اضخم.

تحياتي

هالة

انت من زمان عندك رابط البث الداخلي
لكن بتكوني ضيعتيهو وفوت علي نفسك فرصة تشوفي الموقع قبل الافتتاح ...

خليهو عشان يكون مكتمل لسه فاضل فيهو اشياء شغالين عليها بكون افضل.

أخوي جعفر

أهنئك تهنئة حارة على هذا الإنجاز الضخم ..
و ستحتفظ لك ذاكرة السودان بهذا العمل الذي يصب في خانات كثيرة أقلها مصلحة القاريء السوداني ..
معكم قلبا و قالبا

و دمتم

عمل جيد يا جعفر بشير

وهكذا تكون البدايات

أتمنى لكم التوفيق الدائم

شكرا عزيزي ابوجهينة

وبالفعل فان جزء من هذا العمل هو مفاهيم جديدة للعمل علي الانترنت جزء منها يتركز في استغلال وجود الاخرين من اجل انجاز مشاريع يشارك فيها الجميع كل حسب مقدرته والعمل المضني فعليا لم يبدأ بعد.

وتحياتي

شكرا أحمد أمين علي حضورك

واتمني ان يتجه العمل لانجاز الكثير

كل الود

الحبيب جعفر بشير ..

ألف مبروك وتهانينا القلبية ..
إن شاء الله يسير العمل بصورة طيبة خدمةً للوطن ولإنسانه ..

أرقد عافية ..

الحبيب معتصم

شكرا لتضامنك مع العمل وايدكم معانا خطوة بخطوة

وتحياتي

مليوووووووووووووووون مبروك
اخي جعفر
في الانظار علي احر من الجمر

مبروك..ومجهود مقدر يا جعفر


اها عاد يا اخوي... قول مواصفات الناس البيشتركو... عشان ما نتشالق ساكت....ونحرج نفسنا.. باقي انتو يا ناس " سودان للجميع"..... قاعدين تدورو الناس الشوية فووووووق....ناس البلكونات وراس السنة والاسلو دانس.......
وبعدين يا اخوي عليك الله ان رسلت لي دعوة للاشتراك قولها من حسي..... عشان ما تقعد تغالتني بعدين ونقعد في طلاقات...

مشروع مبارك وفكرة ممتازة
انا معكم وجاهز لاى دور يطلب منى فى مجالى المهنى ولكم منى كل تقدير

الأخ الكيك

تحياتي

وشكرا لابداء الرغبة في المساهمة.
ونحن من جانبنا نرحب بكل المقترحات التي يمكن الاستفادة منها في بناء هذا المشروع.

وايدينا فوق بعض

جعفر مبروك بحجم العمل الرائع !

العزيزة سوسن احمد

تحياتي يا غالية

وقوف الجميع مع هذا المشروع هو الضمان الوحيد للاستمرارية وانا تعلمين انني سابذل مافي وسعي لانجاحه واتاحة الفرصة للجميع لتقديم ما لديهم.

كل الود

يا دكتور سجيمان والله انت زول بتاع مشاكل بس ما اكتر

الوحيد الانا قدمت ليهو دعوة شخصية وجها لوجه مش بس في المنتدي وكمان في المركز الاعلامي لانو الاكثر اهمية وباعتبارك صحفي كمان.عايز تعمل لي فتنة.اها ومواعيدنا بتاعت الحوار المفتوح راجيك ليها وشيل شيلتك.وحدد ميدان المعركة علي كيفك انشالله في السماء ما بحلك.

بعدين يا دكتور هو اسمو السودان للجميع يعني اصلا كانت الفكرة اول وبعدين لقينا ليها الاسم مش العكس.حقو الواحد يسجل اسمك ويجي يكتب ليك الباسوورد هنا.

بالنسبة للمنتدي حاليا وفق القوانين المتعارف عليها والشئ الجديد فيهو هو انو بنحاول بقدر الامكان انو ما يكون نسخة مكررة من المنتديات. بمعني كتابة مواضيع للمنتدي.باستثناء الاخبار العامة.

وبالعربي ما القي عندك موضوع هناك حايم زي التاكسي في كل مكان.

اها كفاية كدة ولا افتح ليك بوست منفصل اقدم ليك فيهو الدعوة.
والله لو عايز كرت دعوة اوصلو ليك لحد بيتك.

الأخ عمر عبد الخالق سعيد


شكرا لهذه المبرووووك الطويلة وهي تعني الكثير ونلتقي لاحقا هنالك

كل الشكر

Dear Brother Ja3far

Congratulations

and best wishes for success in serving the whole Sudan and all Sudanese,

also, thanks to all those who are participating in this project

and as I promised, I'm here waiting for a sign,

Sana

العزيزة سناء خالد

تحياتي

اولا شكرا لابداء الرغبة في تقديم المفيد من اجل السودان سواء في رسالتك او هنا من خلال هذه الشبكة وبالفعل فان جميع الشباب يستحقون الشكر فقد بذلوا مجهودا جبارا من اجل هذا العمل واتمني للجميع التوفيق.

الأخ الأستاذ جعفر بشير
ألف مبروك افتتاح هذا المشروع الضخم
ونتمنى أن يجد الدعم والتعزيز من الجميع
ليبلغ النجاح المرجو بإذن الله.

الأستاذ عبدالله عقيد

تحياتي

واليوم هو موعدنا
وفي انتظارك
واتمني ان تج الوقت الكافي

ليك علي

ما في عوجة تب

جعفر
حمدا لله على السلامة ، ومبروك المشروع ، وربنا يوفق ...
ننتظر أن نراه عملا متفردا ومميزا ومتجددا ...

الاخ/جعفر
مليوووووووووووووووووووووووووون مبروك
ولي قدام
ولو فاكر انا اتصلت عليك قبل شهرين بخصوص هذا الموقع
وكان الوعد
واوفيت
بس ماتكون نسيتنى ولو حصل حاتصل عليك تانى لاننا بنحلم
بسودان حقيقي يسع الجميع
ولك عبق التحايا
مجدى الماحى

العزيز مجدي الماحي

لا يمكن ان انسي فالاتصال نفسه كان جميلا
وكنت سعيدا بانضمامك الي سودانيز اونلاين

وساكون سعيدا بوجودك هناك
تحياتي

شكرا ودقاسم علي هذا التشجيع

وبورداب الرياض وانت علي راسهم ما بقصروا من اي عمل بس خليهم يعذروني اليومين ديل عشان مشغول خالص مع الموقع.

وتمنياتي لكم بالتوفيق.

الاخ جعفر،

سلام ، وشكرا لأضافة موقع اعلامى الى سودان الغد الديمقراطى.

اتمنى التوفيق للمشروع، واتمنى ان يضاف الى قائمة الاعلام البديل.

تحيات الشباب.

العزيز خالد كودي

تحياتي

وهذا بداية المشوار الذي نتمني ان يتواصل الي الامام ...

الساعة الان السادسة بتوقيت الرياض

والدعوة للجميع لزيارة الموقع

وتلقي اقتراحاتهم

وشكرا لكل الذين تضامنوا مع هذا العمل

ما شاء الله
حاجة تمام والله
مبروووك ألف مبروك .. تصميم متميز
انا شفت الصفحة الأولى.. وسأعود بعد الاطلاع على الموقع كاملا

لي فوق

الأستاذ عبدالله عقيد

هذه شهادة اعتز بها ووصلت رسالتك علي بريد المنتدي.

تحياتي وتقديري واتمني المزيد من التوفيق للجميع.

باشمهندس ابوآمنة سلامات ..

هل الاشتراك يكون اوتوماتيكياً بعد ادخال الباسوورد
ام هناك اجراءات تسبق ذلك . حاولت هذه الطريقة
لكنها لم تنجح .
ولم اجد شئياً يقودني الي تفاصيل كيفية الاشتراك .
عفواً للازعاج .

العزيز متوكل التوم

تحياتي

الاشتراك بارسال ايميل من بريدك الالكتروني علي العنوان التالي:

[email protected]

يحتوي علي الاسم ومكان الاقامةورقم هاتف اذا وجد.

هذه التعليمات ايضا موجودة في المنبر الحر اذا ضغت علي تسجيل في اعلي الصفحة.
وموجودة ايضا في الموضوع الوحيد المنشور بواسطة الادارة في المنبر.

وسيصلك الاسم وكلمة المرور علي البريد الذي ارسلت منه خلال اليومين القادمين.

عذرا لهذه الطريقة ولكنها الوحيدة لتفادي الكثير من المشاكل التي سبقت في بقية المنتديات.

مرحبا بك هناك

باشمهندس جعفر ..تحية طيبة

شكرا على اطلالة الموقع الجديد والذي آمل
ان يكون اضافة مميزة للمواقع السودانية على الشبكة
تجولت في الموقع ..ولي عودة مطولة له ..

فقط يا اخي الكريم اتمنى ان يتسع الموقع للجميع !! ليكون السودان للجميع !
ساحاول الدخول والتسجيل والمشاركة في الموقع ..وايضا تعريف العديدين بالموقع الجديد
امل ان يتسع الموقع لكل الاراء ..

لك وللطاقم العامل في الموقع الف تحية ..وتشكرون على هذه الجهود
والى الامام

اخوك
لؤي
احد الذين بدأو بموقع سوداني خلال فترة ما من السنوات الماضية
ثم اهمله ..وراح حتى الدومين

الأخ لؤي

تحية طيبة

مثلما سبق وأن قلت للدكتور عادل الصادق ... سجيمان لم يكن الاسم اولاً بل كانت الفكرة ... السودان للجميع والاسم جاء ليحمل المعني وكان ذلك منذ منتصف العام 2004م.

وبرغم الاختلاف الجذري في توجهاتنا الا ان الموقع ليس مسالة شخصية فهو عمل بالكامل موجه لدعم مشاريع التنمية والمناطق المتأثرة بالحروب في السودان والمنبر الحر والمركز الاعلامي هو فقط مكان الالتقاء لكن هنالك عمل ضخم جدا في المستقبل نحتاج فيه لكل من يستطيع ان يقدم فهذا الموقع اضافة الي 12 موقع اخر ستشكل فقط المرحلة الاولي للمشروع ... ومرة أخري لن يحمل الموقع اي طابع شخصي والشرط الحدي الوحيد فيه هو احترام الاخرين واحترام شروط الحوار.وسنحاول تفادي كل المشاكل المعروفة سلفا علي حد علمنا.

مرحبا بك وبكل من يأتي عبرك وشكرا مقدما لهذا المجهود وبهذه المناسبة فنحن نحاول بكل ما نستطيع تقديم الدعوات اكثر للأشخاص الذين يلا يكتبون في اي مكان لسماع اصوات مختلفة ونتمني مقابل كل شخص يكتب في المنابر ان يكون هنالك عشرة لم يكتبوا وذلك حتي نبني ثقافة انترنت سودانية عالية ونشرك اكبر عدد في ماشريعنا التي نعسي اليها.

وشكرا لك

للتسجيل ارسال المعلومات علي البريد:

[email protected]

وسيتم تفعيل جميع الاشتراكات في الايام القادمة

سلمت يداكم

عمل جليل نتمني لكم التوفيق و تحقيق المقاصد السامية

شكرا عزيزي نصار

واكيد بيننا اتصال فهنالك الكثير مما يجب ان نتحدث فيه

قريبا

كل الود

العزيز ابوآمنة

الجهد مقدر

الف مبروك

ونقول ليك

جاهزين للمساهمة بما نستطيع

ودمت

ألأخ جعفر
مبروك البداية الموفقة
ومزيدا من التقدم
منى عبيد

ابو أمنة ..
الف مبروك الحلم الكبير ..
واتمنى أن يتواصل العطاء
العمل جميل جدا والبصمات واللمسات الساحرة واضحة ..
الموقع سيقدم خدمة ضخمة للجميع واتوقع استمرارية النجاح مع كل نقرة دخول للموقع ..
..
.
بالرغم من أن الامور تسير معي بسلحفائية فيما يتعلق بالاشياء المتفق عليها، لكن ما زلت أكثر تفاؤل بكل التصورات وبراك عارف لما الواحد يكون منتظر بيكون تحت راحمة ياتو ظروف ..
..
.
العمل ضخم .. والمجهود جبار
والفكرة من اوله اساس لكل هذا النجاح..

ابو امنة
بجد عظيم
وجهد مقدر
موقع
سودان للجميع
وسوف نكون من ضمن كلمة الجميع
مبروك
وربنا يوفقك...نحن طبعا الا نقراه 10 مرات حتى نفهم شىء
عموما ختيناه فى المفضلة وسوف اكون من الزائرين يوما
خالص شكرى لك
وشكرا على الزيارة السريعة
ولقدام

عزيزي ابقوتة

تحياتي

من المحتمل ناه تكون الزيارة قبل الاخيرة اذا ما كانت الاخيرة .... لكن عايزين لينا قعدة طويلة ... بس العمل مزعج جدا.

شكرا لدعمك المتواصل

ونتلاقي يا حبيب
واكيد انت الجميع ذاتهم مش منهم

الحبيب تمبس

تحياتي

وطبعا عارفني وراك وراك ... مهما جبت لي من اعذار ... الحلم كبير والمجهود المطلوب اكتر ... وطالما نحن في مكان واحد ماعندك مشكلة متي ما اكتملت الاشياء حانبدأ مشروعنا.

والشكر ليك مقدم

شكرا استاذة مني عبيد

ونتمني التوفيق للجميع

شكرا دكتور بشار صقر

وهذا ما نأمله من جميع المهتمين بأهداف المشروع

الأخ جعفر بشير
لك التحية و الأحترام

Quote: وهو مركز اخبار يشرف عليه عدد من الصحفيين المتخصصين برؤية جديدة وهو اضافة لوسائل العمل الاعلامي يعمل علي ايجاد نافذة لكل الاخوة الصحفيين من اجل حريات أوسع وفرص اكبر للنشر وفي ذات الوقت الوصول الي المعلومة باسرع وقت ممكن حيث بدانا في بناء شبكة من المراسلين حول اقاليم السودان المختلفة.

نحن الآن أحوج ما نكون الي مجهودات صحفيين و صحفيات في قمة الأحتراف . بلادنا ملأي بكل أنواع المشاكل لكنك لا تقرأ أو تري عملا صحفيا مقدرا وراءه جهد تحقيقي تنقيبي تحليلي بدافع الوصول الي الحقيقة لتمليكها لكل مهتم بالشأن السوداني .
أعتقد أنه من هيكلة مشروع السودان للجميع ما يدعو للتفاؤل .
شكرا لهذا الجهد و الف مبروك .

العزيز محمد سليمان

نتمني ان يوفق الشباب في تقديم منبر صحفي جديد ... وانا واثق من انهم سيبذلون قصاري جهدهم في هذا الاتجاه ..

تحياتي لك

الاخ جعفر مبروك الانجاز والدعاء بالتوفيق فى انجازات اخرى
ونحن جاهزين

الأخ جعفر

تحياتى الطيبة

فعلا مجهود عظيم وبداية وطنية موفقة تماما

لكم جميعا جزيل الشكر والتقدير

ألف مبروك يا أستاذ جعفر
عمل ضخم وجميل

Al design
فيه إبداع ملموس
الألوان مريحة جدا علي العين

أعجبني ال Logo

نتمني لكم التوفيق
و سوف أقوم بالإعلان لهذا الموقع في كل ال Group emails التي أشترك فيها و مواقع الجاليات السودانية في North America

Kostawi

العزيز كوستاوي

تحية طيبة

وشكرا علي هذه المبادرة الجميلة منك واتمني من كل الذين يحملون نفس الحلم ان يقوموا بدعم هذا المشروع من اجل اهدافه التي بني عليها.سواء عبر البريد او عبر معارفهم.
من المتوقع ان يبدأ المنبر الحر في الاسبوع القادم وحاليا فترة التسجيل لطالبي العضوية.

ونرحب بالجميع

عزيزي Gafar Bashir


مجهود مقدر وعمل رائع تستحق التهنئة عليه , نتمني لك التوفيق


مع خالص تحياتي

الاخ ابومنه
التحيات

هذا عمل جد رائع. اتمني لكم التوفيق.

ساشترك واتمني ان اسهاهم في دعم المشروع بالكتابه.
ارجو ان تكتب لي علي
asskouri at hotmail.com

مرحبا بك عزيزي عسكوري

وسوف نتواصل عبر البريد

كل التحايا

العزيز Dr Mahdi Mohammed Kheir

تحية طيبة وشكرا لحضورك ودعمك لهذه الجهود

كل الامنيات

العزيز

WadAker

تحياتي

وانت دايما جاهز

وشكرا مقدما

الصديق الغالى جعفر احييك على المجهود الجبار الذى قمت به

واهنئ جماهير الشعب عامة لفتح فضاءات اكثر اتساعا

لك الود ياصديقى ويافخرنا بك

الأخ جعفر بشير

التهاني العميقة بإفتتاح الموقع

التصميم رائع جداً

اتمنى لكم كل التوفيق و النجاح


حافظ بشير

شكرا عزيزي الصادق

واتمني ان تسير الامور نحو الافضل باجتهاد الشباب ...

صديقي جعفر
تهنئتي الحارة لك وللصديق عارف الصاوي والزميلة مزدلفة
وها قد عدت أنا أخيرا من السودان، وسنتكاتب ونتحدث هاتفيا لنكمل ما بدأناه في الخرطوم

العزيز خالد عويس


تحياتي

وحمدلله علي السلامة ... طبعا حاسدك خالص وانت في السودان ... لكن قريب حاجكون هناك باذن الله.

وانا في انتظارك يا عزيزي لان ما بدأناه هو مشوار حقيقي في حياتنا ... وصدقا يحتاج هذا الي وجودك.

كل التحايا والود الي حين استقرار الامور