المواصلات في الخرطوم مافي مااااااشين قطر الاتبرعت لامريكا

توقعت جهات عليمة كما ذكرت جريدة الصحافة اليوم تصاعد ازمة النقل بالبلاد حيث اضطر معظم المواطنين امس علي الذهاب الي منازلهم راجلين في انتظار ان يحذو اصحاب السيارات حذوهم بعد ان تتوقف امدادات البترول تماما
المصادر الحكومية قالت المسالة بسبب توقف مصفاة الجيلي للصيانه والوضع تحت السيطرة واشارت لاجتماع عقد امس بين دوائر الامن والشرطة ووزارتي النقل والطاقة
المعارضة لسه ما قالت حاجة يمكن مشغولة باجتماعاته مع الحكومة
بورتسودان برضو ماشة علي كرعينه والموضوع ماشي غربا واحتمال ناس الاتحاد الافريقي برضو مايلقو مواصلات
غايتو راضيه عاشوري وبرونك عربيتهم لسه فيها شوية بنزين باقي لي بقعدهم كم يوم كده
قبل السفر
والله السفر ذاتو فيهو مشكلة ما عندنا وقود طيارات
امس الناس واقفين في السوق العربي ساعات لما زهجوا قالوا يمشوا المطار يشوفوا اقرب طيارة ماشه كندا والا استراليا يركبوها لانو عدم وجود وقود سبب كافي ياكافي البلاء لنيل حق الهجرة والاقامة بره ماااااضطهاد واهدار لحقوقهم
واحدين قالوا نمشي قطر بلد حنينة وسكرة وفيها قناة الجزيرة وممكن تتبرع لينا ما اتبرعت امس لامريكا
غايتو المواصلات المافي عاملة عمايل وخلت الناس تفكر اخيرا في احسن طريقة لاقناع المجتمع الدولي بعدالة القضية
بعدين المجتمع الدولي معانا وحايمشي كداري زينا بعد يومين يعني الحكاية ساااالكة