Post: #1
Title: الحزب الاتحادي يجمد عضوية عادل سيد احمد
Author: عبد الحميد عوض
Date: 09-03-2005, 12:04 PM
علي خليفة التصريحات المنسوبه له في صحيفة الصحافه اصدر الكتب التنفيذي للحزببب الاتحادي الديمقراطي توصية بتجميد عضوية عادل سيد احمد عبد الهادي مسئول التجمع بغرب اورربا والقيادي في الحزب ,وكان عبد الهادي قد شن هجوما عنيفا علي جناح المشاركة في الحكومة وسترفع التوصيية لرئيس الحزب فهل يوافق مولانا ؟ اجب علي هذا السؤال . اا
|
Post: #2
Title: Re: الحزب الاتحادي يجمد عضوية عادل سيد احمد
Author: هشام مدنى
Date: 09-03-2005, 12:21 PM
Parent: #1
الأخ عبد الحميد عوض
تحيه طيبه
ممكن مصدر الخبر
لك الشكر
|
Post: #3
Title: Re: الحزب الاتحادي يجمد عضوية عادل سيد احمد
Author: عبد الحميد عوض
Date: 09-03-2005, 12:32 PM
Parent: #2
الاخ هشام
مصدر الخبربيان صحفي استلمته قبل قليل صادر من المكتب التنفيذي للحزب الاتحادي وبتوقيع علي احمد ابوبكر رئيس المكتب
|
Post: #4
Title: Re: الحزب الاتحادي يجمد عضوية عادل سيد احمد
Author: Yassir Tayfour
Date: 09-04-2005, 01:25 AM
Parent: #3
العنوان بقول:
الحزب الاتحادي يجمد عضوية عادل سيد احمد
و انت كتبت الآتى:
| Quote: علي خليفة التصريحات المنسوبه له في صحيفة الصحافه اصدر الكتب التنفيذي للحزببب الاتحادي الديمقراطي توصية بتجميد عضوية عادل سيد احمد عبد الهادي مسئول التجمع بغرب اورربا والقيادي في الحزب ,وكان عبد الهادي قد شن هجوما عنيفا علي جناح المشاركة في الحكومة وسترفع التوصيية لرئيس الحزب فهل يوافق مولانا ؟ اجب علي هذا السؤال . اا |
الفرق بين توصية بتجميد و تجميد ما محتاجة لى درس عصر...الا لو داير تسوق بوستك الباير ده.
ثانيا، لو افترضنا صحة الخبر، داير تصل بى بوستك ده لى شنو؟ ...الزول لما يعمل ليهو بوست بكون عندو هدف محدد أو نتيجة محددة عاوز يصل ليها.
وسؤالك ده لى منو؟ لى مولانا ولا لى ناس البورد؟
مولانا ما عضؤ فى البورد ده وناس البورد مابيقدرو يجابوا ليهم سؤال ما حقهم.
و ردك على الشقيق هشام مدنى ما كان كفاية...بسألك من المصدر وانت بتقول
| Quote: مصدر الخبربيان صحفي استلمته قبل قليل صادر من المكتب التنفيذي للحزب الاتحادي وبتوقيع علي احمد ابوبكر رئيس المكتب |
ده ماياهو نفس كلامك الأول ...البيان الوصلك ده اعمل ليهو اسكانينق عشان نصدق خبرك ده.
ياسر
|
Post: #7
Title: Re: الحزب الاتحادي يجمد عضوية عادل سيد احمد
Author: هشام مدنى
Date: 09-04-2005, 04:11 AM
Parent: #3
الأخ عبدالحميد
شكرا على الرد...
ولكن غير مكتمل لانك اشرت ان الخبر بيان صحفي
ولكن لم تاتى بالمصدر وهذا ليس من باب عدم الثقة ولكن للمعرفة ....
| Quote: مصدر الخبربيان صحفي استلمته قبل قليل صادر من المكتب التنفيذي للحزب الاتحادي وبتوقيع علي احمد ابوبكر رئيس المكتب |
وان افترضنا صحة الخبر هل توصية ام فعلا| Quote: الحزب الاتحادي يجمد عضوية عادل سيد احمد |
لان هناك فرق بين يوصي بتجميد ويجمد...ان كانت توصية عليك بالاعتذار للشقيق عادل سيد احمد /على عنوان البوست..
مع تحياتى
|
Post: #5
Title: Re: الحزب الاتحادي يجمد عضوية عادل سيد احمد
Author: بدرالدين كاجوري
Date: 09-04-2005, 01:53 AM
Parent: #1
الاخي ياسر طيفور
واللة مشتاقين شديد
عادل سيداحمد من حقو يقول رايه لا افتكر ان الحزب الاتحادي يفتقد للديمقراطية
حتي يقوم بتجميد عادل
ازا حصل وكان البيان صحيح فخسارة الحزب اكبر
لان الرجل مشهود لة باخلاصة للحزب
اخي الصورة هي التي دلتني عليك
حاول التزكر
بدر الدين حزحز ود الحسين . مجدي محمد عبدللة.محمد الطيب .
بابكر العتود
حفاة وردي . ايمان
وازا ماتزكرة فمنو العوض ياودكلي
|
Post: #10
Title: Re: الحزب الاتحادي يجمد عضوية عادل سيد احمد
Author: Yassir Tayfour
Date: 09-04-2005, 09:30 AM
Parent: #5
Dear BaderEldeen Kajoory
It has been such a long time..i hope everything is Okey in ur end.
u can e-mail me at [email protected]
and my phone # is 416 400 4071...I'll be waiting for either an e-mail or a call
Take care
|
Post: #6
Title: على نسق صحف الاثارة ..ولكن محتاج مزيد من التدريب
Author: Yasir Abdulhai
Date: 09-04-2005, 02:52 AM
Parent: #1
| Quote: الفرق بين توصية بتجميد و تجميد ما محتاجة لى درس عصر |
اظنك لو استوعبت مداخلة الشقيق ياسر طيفور .. البعمل ليه بوست صاروخ ذي ده لغرض معين او شئ في نفسه او حتى للفبركة والدعاية والشوشرة الاعلامية .. لازم يظبطه كويس وبحشد له الادلة والبراهين .. ولكن يبدو ان اثارة الخبر وسخونته في ناظرك قد شغلتك عن التحري والتدقيق .. ولو كان الحزب الاتحادي يجمد عضوية كل من عبر عن رأيه بشكل رسمي او خاص لما بقي فيه رجل واحد .. والعزل والاقصاء محرم في هذا الحزب لانه حق السودان كله .
ارجو ان تمسح البيان الذي وصلك وتضعه في البوست .. او فأسحب بوستك غير مأسوف عليه .
ياسر عبد الحي
|
Post: #8
Title: Re: على نسق صحف الاثارة ..ولكن محتاج مزيد من التدريب
Author: saif massad ali
Date: 09-04-2005, 04:29 AM
Parent: #6
ياسادة
روقو المنقة حبة ,في مشكلة في الاتحادي المرجعيات فرع المؤتمر الوطني مع عادل سيداحمد , حاولت ان انزلها في بوست هنا طالبني الجميع بعدم انزالها , اقصد بالجميع الاخوة الاتحاديين,
اعتراض عادل سيداحمد علي ممثلي المرجعيات فرع المؤتمر الوطني في وفد التجمع الذي كان من المفترض ان يضم , هدد علي اثرها عادل سيد احمد بتقديم استقالته,
اصدر عادل سيداحمد بيان شن فيه هجوم علي الوجيه صلاح ادريس , مما اثار غضب الاخر وترصد له وفتح عليه نيران من كل جانب
خروج عادل سيد احمد من بيت الطاعة
يجب ان لاينسي هؤلاء شراكة عادل سيد احمد في شركة الاتحادي التي كانت تصدر جريدة الاتحادي فرع الميدان
فصل عادل او تجميد نشاطه غير ساري المفعول ما لم يصدر من آل البيت حاتم السر او جعفر احمد عبدالله او سيادة مولانا السيد محمد عثمان
ولكن علي عادل سيداحمد البحث الي حزب اخر طالما صلاح ادريس عضو الحزب المرجعياتي .
|
Post: #9
Title: Re: على نسق صحف الاثارة ..ولكن محتاج مزيد من التدريب
Author: Yassir Tayfour
Date: 09-04-2005, 09:20 AM
Parent: #8
الشقيق سيف مساعد
مشاكلنا داخل الحزب لاتحل خارج مواعين الحزب.
والنيل من الأشقاء لا يساعد فى حل المشاكل، بل يجذرها و يعقدها.
تعميق الهوة بينك و بين شقيقك، بتضعف انتماءك للمؤسسة الأم.
ياسر
|
Post: #11
Title: Re: على نسق صحف الاثارة ..ولكن محتاج مزيد من التدريب
Author: saif massad ali
Date: 09-04-2005, 04:35 PM
Parent: #9
Quote: الشقيق سيف مساعد
مشاكلنا داخل الحزب لاتحل خارج مواعين الحزب.
والنيل من الأشقاء لا يساعد فى حل المشاكل، بل يجذرها و يعقدها.
تعميق الهوة بينك و بين شقيقك، بتضعف انتماءك للمؤسسة الأم.
ياسر |
الشقيق ياسر ياريت لو عندنا مواعين عشان نحل فيها المشاكل العويصة
بس لستي ببعيد من الحزب ووصلي بالمؤسسة موجود
سلمت ياشقيق
|
|