Post: #1
Title: ملعون ابو الاسفير
Author: د. بشار صقر
Date: 08-30-2005, 07:46 AM
Parent: #0
امسك ورقة تنقلب الي
نسر جارح
اكتب كلمة
تتحول الي
حصان جامح
قلت اشخبط علي جدار الاسفير
اقول ما اريد
اقول لا وسيط لا رقيب
اقول همسة كلام سري
وضغطة زر
يطلع
دغري الي العالم
كلام علني
يقراه اي انسان
كلام مليان
رفض
ورفض
نقد ونقد
ضد الكبت والطغيان
واقول في سري لما ازهج
ليه مايكون كل الاوطان ذي الاسفير
واعود اكتب
نيو دسكور
يقراه رفيق الليل
يقراه عدو الفجر
يقول ملعون ابو الاسفير
ملعون ابو الاسفير
كلامو حار ذي طقس الاتموسفير
اريتو ب"ابو جنزير"
وهو يحلم بكبت القول
وهو يحلم بقفل الصوت
نعود نصرخ من الاسفير
وطن طولو سماء الله
وعرضو يستر الله
وطن ممدود بلا حدود
نقول الدايرينو بلا سدود
وجدت هناك في الاطراف
اطفال عايشين
علي الحافة
اطفال مصرين
رغم الحاجة
علي المعرفة
اطفال يصنعون من الكوابيس
افق تغيير
لهم اصرار عجيب
علي التغيير
لهم مدرسة
بلا كراريس ولا
مدرسين
ولا فصول
ولا حاجة
يصنعون من
الاصبع تباشير
والرمال سبورة
والافوق .....مدرس
اطفال قادمون
قادمون
قادمون
غدا
او بعد
غدا
او بعد عام
او بعد الف عام
ويدخلون
يدخلون الي عالم الاسفير
اجيال الرفض
والتغيير
مشيت اكتب في
جرنال
بتع جنرال
عن الفاشر المردوم
وعن الشعب المصدوم
عن "الكلكل"
والزلزال
عن جوبا والملكال
وعن كسلا
وشقى الحال
لقيت الكلمة "تفتفت" بالغربال
وجدت هناك "لا دولة"
وجدت هناك حاكورة
وجنرال صبح دولة
وشعب بلا حول ولا قوة
تتكوم
فوق مدن تتغطى بالظلمة
من صقيع البرد
ومن الصمت
ومن الكبت
ومن القتل
ومن الغصب
ومن الظلم
ومن الموت
وجدت هناك انسان
صبح شولة
واصفار صبح ارقام
وارقام صبح اصفار
وجدت هناك احيا
بقو اموات
واموات بقو احيا
|
Post: #2
Title: Re: ملعون ابو الاسفير
Author: Tragie Mustafa
Date: 08-30-2005, 08:06 AM
Parent: #1
د.بشار صقر سلاما ايها الثائر
Quote:
وجدت هناك في الاطراف
اطفال عايشين
علي الحافة
اطفال مصرين
رغم الحاجة
علي المعرفة
اطفال يصنعون من الكوابيس
افق تغيير
لهم اصرار عجيب
علي التغيير
|
لاجلهم يا بشار صغارنا
كل يوم يعلمونا درسا جديدا في الصمود والرغبه في التغيير.
شكرا لك على هذا الابداع.
تقديري
تراجي.
|
Post: #3
Title: Re: ملعون ابو الاسفير
Author: عبدالعظيم عبدالله
Date: 08-30-2005, 08:19 AM
Parent: #1
لك التحية يا دكتور
حقا ملعون ابو الاسفير وتلك هي حالة وطننا الذي يلعن حكامه الاسفير اماالاطفال فسياتون من الصحراء من جبل مرة ومن كل بقاع السودان المهمش وسيصنعون لهم كراريس واقلام وسيفرشون ارضهم بالورود حتما انهم قادمون يا دكتور .
لك الشكر على الكلام الرائع
|
Post: #4
Title: Re: ملعون ابو الاسفير
Author: abuguta
Date: 08-30-2005, 08:45 AM
Parent: #1
انا جيت
اقولك
سلام
يادكتور...
بكلمة
ومعاها
حرف
وباقى سطور...
ليش انت
زعلان
من الاسفير...
دا لونه
اصفر
وكتير اخضر
وناسو حمر
وشدر عالى
زى نخيلنا
وطول نيلنا
وثماره
دالخو قطمير..
وداير
تسيس
الاسفير
انت قريت
زمان فى
الابتدائى
زيدان الكسلان
ومحمود
والنمر
وحسن والطير...
ياهو ذاتو
وبى بناتو
وطياراتو
ولورى قصدير...
لمة بنات
وبقر واردات
وغنم شاردات
شاطىء الوادى
وموية قدير...
حلمنا نحن
نعيش
برا
واولادنا
يلدوا برا
ونموت برا
ناكبس فى بلاد
الغير...
وطنا قاعد
وعدونا فاسد
متحكر...
ومتجدع
لبسه اخضر
وفوقو نجوم
وكمان مشير...
قلت ملعون
ابو الاسفير
وليش
الزهج
ومعاه كره
ومالى جضومك
وداقى الطاولة
ومعاها صفير...
قلت اخير
تكتب كلام
موزون
وبموية ليمون
وكمان شعر..
يادكتور
مافى داعى
تثور
وتلف
وتدور
وكاره
الناس
وزهجت من الناس
وتقوم تلعن
الاسفير
امشى اخد
راحة
ولو دالك دى
كبيرة
يعنى زول قديم
فى الغربة
كفاية هربة
ارجع كابس
داخل البلد
وابقى لاى جامعة
مدير..
ولو دالك صغيرة
زى زملنا
وما عندك
اسرة
اقعد اخير...
هنا
دكاترة كتار
ناس سجيمان
وناس اساسى
وناس حمودى
وكمان انور
وفى واحد محضر
فى نوارة العجور..
فى الاخر
يادكتور
انت كتبت
بمدرستى
وكمان بحرى
ودا بنسميهو
الشعر
الهنفولى
مش زى نثر..
بعد ثلاثة يوم
تجيك القافية
لافة طاقية
وفوقها قنبور..
ناس مشاين
وواحدين
حوارين
لشيخ دريدا
حارسين قبرو
وزارعين عليه
زهور..
لو قمت
كتبت بمدرستهم
اسى بقومو عليك
وبقولو فيك
كلام شتير
واخر كلامى
يادكتور
وبكلام موزون
ومعاه شعور...
بقول معاك
سلام مليون على
الاسفير
الخلاك
تكتب درر
وعيونك
حمراء شرر..
ويسجل
فى مدرستنا
د.ابشر
ابقوتة فى اخر الدوام
واخر يوم فى الويك اند
شفت دى كيف دايرة وقفة
|
Post: #6
Title: Re: ملعون ابو الاسفير
Author: د. بشار صقر
Date: 08-30-2005, 11:50 AM
يا ابوقوتة
اولاً مرحبتين حبابك علي الطلّة
Quote:
ليش انت
زعلان
من الاسفير...
دا لونه
|
مع انو انا ما بكتب شعر وانما اكتب اي حاجة وبس
لكن شوف كلام التحت
مش انا البقول ملعون ابو الاسفير
انا قلت فقط بلسان الذي يكره الاسفير لانو اطلق عنان الحريات
الذي يلعن الاسفير ممكن يكون النظام او اي رقيب آخر ذي ما تتخيلو
لكن مش انا
انا بعشق الاسفير
Quote:
واعود اكتب
نيو دسكور
يقراه رفيق الليل
يقراه عدو الفجر
يقول ملعون ابو الاسفير
ملعون ابو الاسفير
كلامو حار ذي طقس الاتموسفير
اريتو ب"ابو جنزير"
|
ودمت
وشكراً علي الطلّة
|
Post: #5
Title: Re: ملعون ابو الاسفير
Author: د. بشار صقر
Date: 08-30-2005, 11:42 AM
Parent: #1
الرائعة تراجي
المبدع عبدالعظيم
بيت بيتكم
شكري لكم علي الطلّة
وعلي دفرة البوست
ودمتم كعهدي بكم
في الخندق من اجل القضية
|
|