Post: #1
Title: اني احتفل وحيدا
Author: ابو مهند
Date: 08-26-2005, 12:17 PM
Parent: #0
اليوم هو عيد ميلادك وانتي لست هنا, احضرت بعض الزهور وقطعتين جاتوه وعصير لك و....لي كالعاده رجعت من الشغل وفي زهني الكثير لإفعله في هذا اليوم رغم تاكدي من انك لست هنا لكني استلفت لكي احتفل ، اذكر في العام الماضي كان معنا ثلة من الاصدقاء غنو ورقصو معنا حتى قسموا اليل معنا وها انتي اليوم مع اخواتك تحاولن صنع سودان جدد وهذ عزائي حبي لك وسلامي لهن .
هذه قصيدة لمبدعنا محجوب شريف اهديها اليك في عيد ميلادك وهي كماتذكري كانت ميثاقنا الذي وقعناها ليلة زفافنا:
لّما عرفتك اخترتك سعيد البال..
وختّ شبابى متيقن
عليك آمال
لا جيتك قبيله..
ولا رجيتك مال
ولا مسحور
ويوم ما كنت في عينىّ..
أجمل من بنات الحور
جيتك عاشق اتعّلم
من الأيام
ومن سأم الليالى البور
ومن أسر الوِلِف كتّال
لقيتك فى طشاشى دليل..
وفى حرّ الهجيره مقيل
ركزت على ضاكِ عصاى
لقيتك فى حياتى جذور
بنيّه اتلفّحت بالنور
مهجّنه من غنا الأطفال..
ومن سعف النخيل والنيل
ومن وهج الشمس موّال
*
وان اخترتينى إنساناً..
عزيزَ النفس بتمنّى..
وبسيط الحال
علىَّ حرَّمت زرعاً
ما سقيتو حلال
ومافصّد حصادو قفاى
وبينى وبينك الضحكه..
ورحيق الشاى
وطعم الخبز والسُتْره..
ومساء النور
وعمق الإلفه..
بين النهر
والنخله
وغنا الطمبور
وصدق العُشْره بين الأرضِ..
والإنسان
وبيني وبينك الفكره..
وجمال الذكرى
والنسيان
وحسن الظن
ومشوار الحيا اليوماتى
ما بين الجبل والسهل..
ما بين الصعب والسهل
عزّ الليل..
وفى سكّه مطر بكّاى
فلا هماً تشيلى براكْ
ولا جرحاً أعانى براى
ولانا على بعض نمتن
*
وتزعلى يوم..
وازعل
وننفعل مرات
تقبّلى منّى..
واتوسّد ضُراعى سكات
وفينا حنينه
تتشابك موده..
تشابك الغابات
ونحن اذا اختلفنا سوا..
بنطيع الصاح
ولو بتنا القوا بنرتاح
اذا تمن الملح والعيش..
رُضا الشمّات
* وتتكى سنبلايه على ضراعى..
واميل
كأنى غنا الطفوله العذبْ
كأن الدنيا طى القلبِّ والمنديل
كأنّ الدنيا طىِّ القلب والمنديل
تخريمه: يا اشراقه يا بت مصطفى دا وقت مؤتمرات LOOOOOOOL
|
Post: #2
Title: Re: اني احتفل وحيدا
Author: خدر
Date: 08-26-2005, 12:43 PM
Parent: #1
آآآآآآآآآآآآآآآآآآآآآآآآح
|
Post: #3
Title: Re: اني احتفل وحيدا
Author: ابو مهند
Date: 08-26-2005, 12:51 PM
Parent: #1
عزيزي خدر تسلم من شر
بالغة الشويه دي
والف شكر للاغنيه وجد قلبي مالو اليوم واشراقه كل نمر تلفوناتها مغلقه للصيانه,اخوك من امبارح ماعارف يسوي شنو,,لوعندكم اي طريقة اتصال بي ناس المؤتمر قولوا لينا
|
Post: #4
Title: Re: اني احتفل وحيدا
Author: Halema2
Date: 08-31-2005, 05:37 AM
Parent: #1
وبينى وبينك الضحكه..
ورحيق الشاى
وطعم الخبز والسُتْره..
ومساء النور
وعمق الإلفه..
حبيبي الغالى وزوجى العزيز
ابكى الان وانا اقرا كلماتك
جميل انت وحلوه الحياه معك
الف شكرا وكم كان جميل اتصالك بى فى تلك الليله26/8 لتهنينى بيوم ميلاد
احسست حينها كما انا محظوظه لوجودك معى فى هذه الدنيا الحزينه
لك منى كل الحب والاحترام يا سيد الرجال على حدهم
حليمتك
|
Post: #5
Title: Re: اني احتفل وحيدا
Author: ايهاب
Date: 08-31-2005, 10:28 AM
Parent: #4
يا ســـــــــــــــــــــــــلام
على الجرسه
حليمه2 كل سنه وانتي طيبه
والسنه الجايه ابو مهند معاك او انتي معاهو زي ما عايزين
ابو مهند سلامات والشوق كميات
|
Post: #6
Title: Re: اني احتفل وحيدا
Author: zahjana
Date: 08-31-2005, 11:00 AM
Parent: #5
تحياتي لكم يااحبه وكل سنه وانتو حلوين ومتحابين
وربنا مايفرقكم حتي ولو موتمرات ----
دائما تامين وسالمين .......وسنه حلوه يا جميل .....
|
Post: #7
Title: Re: اني احتفل وحيدا
Author: ابو مهند
Date: 08-31-2005, 02:34 PM
Parent: #1
ايهاب بركه الجيت عسل انت وشكولاته, وشكرا للمرور وتحياتي للمدام سلام ياسلام, وطوالي انت لاعب لي باك وماتخليني ابكي شويه يا مان.
زهجانه:
شكرا ليك كتير وحليمه بتقول ليك وينك انتي يا عسل وما تطولي الغيبه.
|
Post: #8
Title: Re: اني احتفل وحيدا
Author: مريم الطيب
Date: 08-31-2005, 03:07 PM
Parent: #7
Quote: وصدق العُشْره بين الأرضِ..
والإنسان
وبيني وبينك الفكره..
وجمال الذكرى
والنسيان
وحسن الظن
ومشوار الحيا اليوماتى
ما بين الجبل والسهل..
ما بين الصعب والسهل |
ياناس ياعسسسسل,,
كل سنة وانتو سوا,,
|
Post: #9
Title: Re: اني احتفل وحيدا
Author: ابو مهند
Date: 08-31-2005, 03:18 PM
Parent: #1
مريم الاخرى:
Quote: ياناس ياعسسسسل,,
كل سنة وانتو سوا,,
|
انتي العسل والناس مساخ
طلتك لنا برائحة البنفسج
|
Post: #10
Title: Re: اني احتفل وحيدا
Author: ايهاب
Date: 09-01-2005, 04:35 AM
Parent: #9
تبكي اكتر من كدا
|
Post: #11
Title: Re: اني احتفل وحيدا
Author: nour tawir
Date: 09-01-2005, 09:44 PM
Parent: #1
ابو مهند
انا غايتو حضرت عيدالميلاد دا وفرحت معاكم...
واشراقة السنة الجاية انشاء الله , لازمن حتما تغير مواعيد المؤتمر...
|
Post: #12
Title: Re: اني احتفل وحيدا
Author: Sawsan Ahmed
Date: 09-02-2005, 03:56 AM
Parent: #11
لا املك الا ان انحني احتراما لرجل ينحني لامراه تحمل هموم الوطن في حدقاتها ويبثها القوه بالود والحب والاحترام
كل سنه وهي الاعظم بوجودكما معا وبينكما الحب
|
Post: #13
Title: Re: اني احتفل وحيدا
Author: ابو مهند
Date: 09-02-2005, 05:23 AM
Parent: #1
نور تاور
Quote: انا غايتو حضرت عيدالميلاد دا وفرحت معاكم...
واشراقة السنة الجاية انشاء الله , لازمن حتما تغير مواعيد المؤتمر |
شكرا مرورك يانوارتنا وعقبال مانفرح بي حضورك بيننا حقيقة,مش زي جيتك الفاتت loooooool
Sawsan Ahmed
Quote: لا املك الا ان انحني احتراما لرجل ينحني لامراه تحمل هموم الوطن في حدقاتها ويبثها القوه بالود والحب والاحترام
كل سنه وهي الاعظم بوجودكما معا وبينكما الحب |
شكرا جميلا يا سوسنا ولك منا دوما باقات من الورد والرياحين
|
Post: #14
Title: Re: اني احتفل وحيدا
Author: طلال عفيفي
Date: 09-02-2005, 08:06 AM
Parent: #13
أبو مهند ، سلامات ..
ممكن نقول حمدلله على السلامه ؟
أشكرك جداً ، لقد شرحت قلبي ..
أتمنى أن أردها لك ..
دمتما لبعض ..
...
طلال
|
Post: #15
Title: Re: اني احتفل وحيدا
Author: نصار
Date: 09-02-2005, 08:45 AM
Parent: #1
العزيز ابو مهند
نقول ليك كل سنة و انت طيب فقد قلناها للعزيزة صباح مباشرة و قد اهديت لها حفلة بحالها،،، الظريف في الامر أنها كانت مشغولة عن نفسها بالهم العام لدرجة انها نست المناسبة حتي تم تنبيهها بهذا البوست بعد ان لمحته احدي الاخوات،، عرفت انك ما جيت لفيينا علي انه المؤتمر للنساء فقط،، ياخي برنامج للنساء فقط بتاع الجزيرة قاعدين يمنعوا الرجال من حضوره  ، بالعكس اغلب المتصلين تلقاهم رجال و بعدين المرأة و الرجل شركاء في هذا الوطن الذي اساء له رجال معتوهون اقصوا الجميع و بدواعي مختلفة، لسنا ضعفاء _نساءاً و رجالاً _ لكنها تقلبات الزمن و بكرة أحسن،،،
تحياتي
|
Post: #16
Title: Re: اني احتفل وحيدا
Author: ابو مهند
Date: 09-02-2005, 01:57 PM
Parent: #1
طلال
Quote: أشكرك جداً ، لقد شرحت قلبي ..
أتمنى أن أردها لك .. |
كما غنى ابوعركي:
(تقصد شنو ما عرفتها ما عرفتها)
وانشاء الله تردها لي سريعا
لقد سمعت عنك من قرب ,,انسان رقيق ومهذب ويا ليتنا نلتقي
نصار
سلامات والف حمدا لعودتكم..قالوا لقاء لا يتعوض بس انا كنت حارس البيت. شكرا على مرورك.
|
Post: #19
Title: Re: اني احتفل وحيدا
Author: طلال عفيفي
Date: 09-17-2005, 01:58 PM
Parent: #16
أبو مهند العزيز ..
سألتني بقصد شنو بقولي :
Quote:
أتمنى أن أردها لك ..
|
أتمنى أن أرد لك هذه الإنشراحه ..
...
طلال
|
Post: #17
Title: Re: اني احتفل وحيدا
Author: sharnobi
Date: 09-02-2005, 02:04 PM
Parent: #1
كلنا معك
نسترسل الامانى والاشواق ..
ونستلف من ظلال امرأة شامخة بعض اوارق الزيتون
وشجر الصبار لا ينحنى للريح الصحراوية
لك ولتكل السامقة
مليون شمع تعانق نشوة الاحتفاء
من بعد
|
Post: #18
Title: Re: اني احتفل وحيدا
Author: ابو مهند
Date: 09-03-2005, 06:20 AM
Parent: #1
العزيز شرنوبي
الف تحيه لك وانت تغمرنا بطلتك البهيه,وتتناول معنا شربات الفرح بعودتها, ونعم ما قلت الصبار لاينحني للعاصفه
cactus
|
|