Post: #1
Title: الرياضة والفن بكل اشكاله هلا يصلحوا ما افستده السياسة والحروب الوقحة
Author: هاشم نوريت
Date: 08-21-2005, 09:36 AM
Parent: #0
؟؟؟؟؟؟؟؟.
ليه ما نشاهد هلال مريخ من جوبا؟ ليه دائما المال هو الهدف؟
وماذا سنفعل بالهلال والمريخ عندما يذهب نصف الوطن؟
ليه ما يعلن الاتحاد العام لالعاب القوة ضم المصارعة النوبية؟
لا ادرى ان فعلها ام لا ولكن لماذا لا نشاهد مباريات تنافسية للمصارعة؟
ليه ما نشاهد حفل تراثى من الجبال؟ وليه حتى الان لا نعرف عن
ثقافات وتراث النيل الازرق شى؟ وليه وليه وليه...
ربع مارصد للخرطوم عاصة للثقافة العربية كفيل لرتق ماخربته الحروب
واتمنى ان نشاهد ونرى ما يعيد الثقة ويعيد بناء ما افسدته السياسة
والحروب اللعينة...............
|
Post: #2
Title: Re: الرياضة والفن بكل اشكاله هلا يصلحوا ما افستده السياسة والحروب الوقحة
Author: Tragie Mustafa
Date: 08-21-2005, 10:02 AM
هاشم نوريت
دبايوا
ليه وليه وليه؟؟؟؟؟؟؟؟؟؟؟؟
كثيره في السودان
ولو ولو ولو كثيره كمان
لكن نقول شنوهذا قدرنا يا هاشم ان يحكمنا اغبى و افسد السودانيين.
تخريمه:
وينك امبارح والله فاتتك ندوه رهيبه
وكان حتتعرف على بورداب خطيرين.
تحياتي لك و للاسره وان شاء الله المانع خير.
تراجي.
|
Post: #3
Title: Re: الرياضة والفن بكل اشكاله هلا يصلحوا ما افستده السياسة والحروب الوقحة
Author: tmbis
Date: 08-21-2005, 10:26 AM
Parent: #2
يا هاشم نوريت
سلامات ..
ياخ قاعد تحضر تلفزيون السودان ؟؟؟
أو في برامج معينة متابعة عن التراث وعن الموسيقى وعن الكثير من ادبيات القبائل ..
حلقات كتيرة جدا عن تراث النيل الازرق ومنطقة الانقسنا تحديدامسجلة معي بالفيديو من تلفزيون السودان..
حلقات عن قبائل متعددة من جنوب السودان بالاضافة للتراث وعادات القبائل..
حلقات عن شرق السودان وغربه وشماله..
..
.
ياخ والله فترنا عديل كده يا هاشم من كل موضوع يتفتح يجو ارباب النضال واقعين شتائم.. الواحد ما يجيك بي حاجة مفيده ،، حتى كان الواحد سال سؤال برئ ما يردو بي شكل واعي او يعبروا عن وجهة نظر بي شكل محترم
ده شنو نضال الشتمي ده ياخ .. ودي شنو الاسقاطات البايخه دي ؟؟
..
.
يا هاشم
موضوع الكورة ده ما عارف عنو كتير .. لكن موضع التراثيات دي في برنامج مخصص وإذا مهلته نفسك وقعدته ليهو بيقدموا شخص متخصص وهو من ابناء النوبة من منطقة الجبال وشخص مؤهل اكاديميا وعملياً.
بتمنى انك تقعد للبرنامج ده علشان تلقي ضالتك وكتير جدا فتحنا قنوات عبر البورد ده وجبنا مواد تسجيليه عن الكثير الكثير ..
اتمنى أن يأتي من يرد عن استفساراتك بشكل مهذب بعيد عن ادبيات النضال المطاطية الاصبحت بايخه وما بتنبلع دي ..
وليك الف شكر ..
وبالمناسبة كنت ناوي اساهم معاك في بوست اللغة البجاوية وبطرفي كتاب سبق وأن اشرت إليه في مداخله سابقة سأقوم بالمتابعة معك من نفس المرجـــع ..
الف شكر
|
Post: #5
Title: Re: الرياضة والفن بكل اشكاله هلا يصلحوا ما افستده السياسة والحروب الوقحة
Author: هاشم نوريت
Date: 08-21-2005, 10:58 AM
Parent: #3
تمبس
دبايوا..
برنامج تراثيات او يتحدث عن التراث السودانى ويقدمه للمشاهد يدعم ما ننادى به ولكنه
غير كافى نريد عملا كبيرا نريد ان ينتقل الفنان الخرطومى للجبال والجنوب حتى نمولى
يا تمبس لدينا زمن محدد ست سنوات وبعدها اما وحدة او فراق نريد ان نمهد للوحدة لان
الانفصال سيضر بنا جميعا ولماذا نركن لبرنامج نريد فن يذهب للناس فى اماكنهم ويقدم
لنا وللسودان صورة جديدة للسودان نريد من المسرحيين تحويل الاحاجى لمسرحيات بعد
معالجتها فنيا نريد ان يشعر الجميع بانهم جزء من الكل ليسوا مهمشون او منبوذون
الزمن المتبقى قليل ولابد ان يكون العمل بقدر التحدى....
وياريت تساهم فى البوست بتاع اللغة...
|
Post: #4
Title: Re: الرياضة والفن بكل اشكاله هلا يصلحوا ما افستده السياسة والحروب الوقحة
Author: هاشم نوريت
Date: 08-21-2005, 10:50 AM
Parent: #2
تراجى
دبايتو
عندنا ادوات يمكن ان توظف لصالح وحدة السودان فقط المطلوب ان نتخلص
من التعلق بشماعة الامكانات بالله لو ترجمت الروايات غير المكتوبة من
الاحاجى الشعبية للجنوب الغرب الشرق الشمال النيل الازرق وحولت الى
عروض مسرحية وغنى وردى بلغة نوبية وفلان غنى بلغة الدينكا الا يدعم
هذا الوحدة؟
همسة....
امبارح حصلت ظروف عجيبة منعتنى وخيرها فى غيرها.
|
Post: #6
Title: Re: الرياضة والفن بكل اشكاله هلا يصلحوا ما افستده السياسة والحروب الوقحة
Author: محمدين محمد اسحق
Date: 08-21-2005, 02:03 PM
Parent: #4
Quote: عندنا ادوات يمكن ان توظف لصالح وحدة السودان فقط المطلوب ان نتخلص
من التعلق بشماعة الامكانات بالله لو ترجمت الروايات غير المكتوبة من
الاحاجى الشعبية للجنوب الغرب الشرق الشمال النيل الازرق وحولت الى
عروض مسرحية وغنى وردى بلغة نوبية وفلان غنى بلغة الدينكا الا يدعم
هذا الوحدة؟ |
اتفق معك اخي هاشم نوريت ...
بل اقول الامر لايحتاج الي حكومة او معارضة او سياسة ..الامر يحتاج الي ارادة ووعي ..
يعني قول اذا الشاعر الفنان الفلاني غني اغنية للشلك او البجة او النوبة او المحس او عمل اغنية واحدة يغنوها كورال بجميع لهجات السودان ..دي دايرة ليها امكانيات .....
ولا الهلال والمريخ والموردة عملوا دورة لصالح لاجئ دارفور ..دي دايرة موافقة حكومة كمان ..الحكومة ليست كل شئ ..المعارضة ليست كل شئ ..السياسة ليست كل شئ ...........
|
Post: #8
Title: Re: الرياضة والفن بكل اشكاله هلا يصلحوا ما افستده السياسة والحروب الوقحة
Author: هاشم نوريت
Date: 08-21-2005, 04:13 PM
Parent: #6
محمدين
دبايوا...
Quote: بل اقول الامر لايحتاج الي حكومة او معارضة او سياسة ..الامر يحتاج الي ارادة ووعي ..
يعني قول اذا الشاعر الفنان الفلاني غني اغنية للشلك او البجة او النوبة او المحس او عمل اغنية واحدة يغنوها كورال بجميع لهجات السودان ..دي دايرة ليها امكانيات .....
ولا الهلال والمريخ والموردة عملوا دورة لصالح لاجئ دارفور ..دي دايرة موافقة حكومة كمان ..الحكومة ليست كل شئ ..المعارضة ليست كل شئ ..السياسة ليست كل شئ ........... |
طبعا لا يخفى عليك ان اى عمل مذاع تلفزيونيا من مناطقنا الجميلة وطبيعتها الاجمل لهو
صناعة سياحية ودعاية مجانية لسحب البساط السياحى من مصر اخى مصر غير الاهرامات وشوية
معابد قديمة فى قلب الصحراء لا تملك شى نحن نمتلك الطبيعة التى هبانا الله بها بكل هذا
الجمال وان ارسينا السلام فمن يحلقنا سياحيا الا يضيف اى نجاح سياحى دخلا وينتشل اهلنا
فى ادغال الجنوب والنيل الازرق وجنوب كردفان وحتى الشمال والشرق كل هؤلاء الا ينعمون
بدخل زيادة ويفتح افاقا جديدة للشباب اخى نحن نمتلك النيل والطبيعة والبحر والجبال
والرمال ياخى ان وظفنا الرمال لصالح السياحة لكفتنا دخلا وماذا يريد السائح الهدوء
والجمال والامان الا نمتلك كل مقومات الصناعة السياحية؟..
وفى نفس الوقت الرحيل الى الجنوب ومخاطبة المواطن بلغته لا لغة يرى انها مفروضه عليه
وتحويل احاجيه الى مسرح يتحرك وشعره الى شعر مغناه كيف ستكون النتيجة بعد سته سنوات؟
كيف يصوت هذا المواطن لصالح الوحدة وهو يرى انه مهمش ثقافيا وان كان الفن والرياضة
لا يخدمان هذا المشروع الوطنى لماذا نتمسك بهما؟
تخيل مباراة مصارعة نوبية تبث من الجبال نهارا لتسلط الكميرا لجمال المنطقة كيف سيكون
وقع هذا الاهتمام للمواطن النوبى العادى؟
ان اقيم رالى سحارى فى اقاصى دارفور ورحلات سياحية فى صحارى دارفور كيف سترفع مثل هذه
الامور معنويات اهلنا الذين فقدوا الامان حتى وهم فى معسكراتهم وكما ذكرت انت مباراة
لكرة القدم هلال مريخ لاطفال دارفور الا يدعم مثل هذا العمل مسح المرارات؟
نمتلك الادوات ولكن مازالنا نحتفظ بها كديكور فقط.....
|
Post: #7
Title: Re: الرياضة والفن بكل اشكاله هلا يصلحوا ما افستده السياسة والحروب الوقحة
Author: عبدالماجد فرح يوسف
Date: 08-21-2005, 02:21 PM
وهذا هو نصفك الحر المبدع يا هاشم
|
Post: #9
Title: Re: الرياضة والفن بكل اشكاله هلا يصلحوا ما افستده السياسة والحروب الوقحة
Author: هاشم نوريت
Date: 08-21-2005, 04:17 PM
Parent: #7
عبدالماجد
دبايوا....
| Quote: وهذا هو نصفك الحر المبدع يا هاشم |
فى انتظار نصفك لان الوطن الجريح ينادينا جميعا..
|
|