من يشيد موقع لصحيفه الخرطوم

الاعزاء المبرمجين والمهندسين جريده الخرطوم تكتب حقائق جميليه جداُ ولكن ليس لديها موقع علي النت فمن يتبرع ويصمم موقع للجريده

انا اتبرع لعمل موقع لصحيفه الخرطوم وانشاءالله حيكون موقع رائع بس اكيد ما مجاااااااااااانى ولا رايك شنو
دى مواقع صممتها ممكن تشوفها وتقرر
www.aldwar.com
www.sudantennis.com

معليش كان ممكن اعملو فري لكن ببنى فى حياتى يادوب

نجود
سلام
تصفحت موقع التنس السوداني وفيه لمحات فنية جميلة..

Quote: معليش كان ممكن اعملو فري لكن ببنى فى حياتى يادوب

غايتو بصيرة بصارة ... وبعدين ما تنسي الباقر صاحبنا دا مليان قروش، بس أمسكي قوي...


محمد الأمين...
الفكرة ممتازة ولكن أندهش لماذا لا يكون لصحيفة الخرطوم موقع على النت خاصة وأن الصحيفة موقفها المالي ممتاز..

Quote: The page cannot be displayed The page you are looking for is currently unavailable. The Web site might be experiencing technical difficulties, or you may need to adjust your browser settings. -------------------------------------------------------------------------------- Please try the following: Click the Refresh button, or try again later. If you typed the page address in the Address bar, make sure that it is spelled correctly. To check your connection settings, click the Tools menu, and then click Internet Options. On the Connections tab, click Settings. The settings should match those provided by your local area network (LAN) administrator or Internet service provider (ISP). If your Network Administrator has enabled it, Microsoft Windows can examine your network and automatically discover network connection settings. If you would like Windows to try and discover them, click Detect Network Setti

نجود سلامات انت قاصده موقع مباني ولا شنو ه موقعك ده في النت ولاوفي الارض
لو اصلا ما مجاااااااااااااااااااااااني ما كان ىعملت الاعلان ده القصد هو من اجل الراي والراي الاخر والاي الصائب واثراء ساحات الناقش ونقل الاراء للاخوه بالخارج ولا شنوه يا ستي

اولا الصفحه الكتبتها دى جاتك من أى موقع ماحددته ومواقع كلها شغاله يعنى بثقه انا بتكلم

عندى ود خالتى مبرمج...جاى من أمريكا ولسة ما أشتغل..
ممكن يتبرع لبكم لأنو عايز فرصة زى دى عشان يعرض بضاعتو فى السوق...
و بالمجان....
و أهو منها مرارة..و منها كمونية....
لو عايز رقمو أكتب الايميل بتاعك...عشان لو ختينا رقمو بكرى يقوم يفتكر
اننا بنعمل دعاية يلحقنا أمات طه...

شنو الحساده العليك ماتخلينا ناكل عيش هو من امريكا جاى عشان يشتغل هنا معقوووووووووووووووووووله بس

يااااا دكتور مراحب
أخبار الزوار والمرضى شنو ووين ياراجل رفعتا صيوانك؟

لفتة جميلة ياحبيب وجاهزين وماعندنا مانع ودا أيميلي لمن يهمه الأمر للتنسيق
[email protected]

أسماعيل وراق تحياتي


نجود لكن لقيتك نجيضة عارفة يانجود المشكلة أسي يجي واحد طاير من الهواة ديل ويدق صدره
المفروض ننادي بقانون يمنع ممارسة المهنة لغير المختصين... أها يانجود نبدا من هنا؟؟؟

معاك انا فيها نرفع شعارات

لكن انا ماختيت ليهو شغل مقنع يعنى المفروض يشوف الاحسن ما يشوف ابو الرخا

العزيز بدري
سلام.،،
شايفك مطول الغيبة...
قلت لي يا اللخو خبير في البرمجة وأخوك ماعارفك أها لو عندك خبرة في الـ php أعتبرني أتلحتك من يوم الليلة.،

العزيز اسماعيل وراق

Quote: شايفك مطول الغيبة...

زحمة عمل بس يااسماعيل وأريتنا بنشتغل كدا في بلدنا كان عمرت زمان ... طاقات ومجهودات ضايعة لغيرنا وتسلم كتير

Quote: قلت لي يا اللخو خبير في البرمجة وأخوك ماعارفك أها لو عندك خبرة في الـ php أعتبرني أتلحتك من يوم الليلة.،

عشان كدا أنا عامل نايم ... أبشر ياحبيب نحن في الخدمة.
ال php من اللغات الأصبحت منتشرة بشكل كبير جدا في الانترنت وشايف معظم مواقع الانترنت وتطبيقاتها بقت تتكتب باللغة دي لأنها فعلاً لغة برمجية فعالة وقوية... على العموم نحن على استعداد يااسماعيل
وعندك التلفون والايميل

تحياتي


تخريمة على الدكتور دا

عارف لو ما كنت متأكد انو جامعة الخرطوم عندها موقع على الانترنت كنت قريتها جامعة الخرطوم لكن
رايك شنو عشانك نعمل واحد تالت؟

الاخ العزيز
محمد الامين وجميع الاحباب
تحياتى
سبق ان ناقشنا الفكرة مع اهل الشأن وهم الرافضين
خوفهم من بوران الصحيفة ..... تخيلوا
هذا كل ما لزم توضيحه
ابو الصادق

نجود تحياتي

معليش كان ممكن اعملو فري لكن ببنى فى حياتى يادوب.

منطقك سليم جداً وجريدة الخرطوم ليست منظمة طوعية بل هي تجارية وان تكون محترفاً يعني ألا تعمل بلا مقابل.لكن من وجهة نظر أخري وبعيداً عن هذا الموضوع بناء الحياة يادوب في مهنة تطوير المواقع علي الانترنت يحتاج الي سيرة ذاتية وهي دائما تكون المواقع التي قمت بعملها في الانترنت وما عرضتيه برغم انه جيد الا انك تحتاجين ايضا الي انجاز عمل لمؤسسات كبيرة حتي ولو كان مجاناً اذا توفر الوقت .لا تتوقفي اذا وجدت فرصة يمكنها ان تفيدك اعلامياً فعملك علي الانترنت هو ما سوف يأتيك بالعمل الجديدوليس مثل هذه الفرص.ولا تعملي مجانا للجهات التجارية.في النهاية مسالة موازنة لكن ما تغفلي الجانب الاعلامي فيها.اما مسالة زول جايي من امريكا عشان يشتغل في السودان فمفروض تعرفي انو حجم سوق المنافسة الانت داخلة فيهو. يعني ما ضروري حتي يجي السودان لكن ممكن من امريكا يقدم العمل الخاص بيهو في اي مكان من العالم سوق المنافسة غير محدود ولا نهائي والمهارات متطورة جدا خارج السودان لكنبداية جيدة في الاعمال العرضتيها واتمني انك تستمري في المجال ده واي مساعدة ما عندك مشكلة (مجانامؤقتاً لحدما تبني حياتك ).


اسماعيل وراق

تحياتي يا حبيب

وشايفك وصلت لحد ال PHP برغم انها خطوة متأخرة جداً لزول شغال في مجال الانترنت من زمن لكن اظنها ممتازة علي الاقل انك تفكر في الاتجاه ده لكن مش دي خطوة كبيرة ولا انت خلاص انتهيت من الشباب الصغار (فرونتبيج وفوتوشوب وHTML).

وما عرضتيه برغم انه جيد الا انك تحتاجين ايضا الي انجاز عمل لمؤسسات كبيرة حتي ولو كان مجاناً اذا توفر الوقت

مؤسسات كبيرة ليه نادى التنس ما حاجه كبيره والواحد يفتخر انو عمل ليها عمل

Send me your phone at [email protected]

ناصر البطل

اسماعيل وراق

تحياتي يا حبيب

وشايفك وصلت لحد ال PHP برغم انها خطوة متأخرة جداً لزول شغال في مجال الانترنت من زمن لكن اظنها ممتازة علي الاقل انك تفكر في الاتجاه ده لكن مش دي خطوة كبيرة ولا انت خلاص انتهيت من الشباب الصغار (فرونتبيج وفوتوشوب وHTML).

صديقي أبو آمنة ود بشير
والله أصلك ما بتريح خلق الله... يازول وين أنت.. وأخبارك شنو.. توقع مني تلفون إن شاء الله.
طبعاً يا حبيب أخوك خليهو ساكت شغال شغل الويل... وقلت أضم أخونا بدري دا لقائمتي طالما زول ناقش ومقددها وأنت عارفني بعمل في شنو..

العزيز مهدي الصادق تحياتي

Quote: سبق ان ناقشنا الفكرة مع اهل الشأن وهم الرافضين خوفهم من بوران الصحيفة ..... تخيلوا هذا كل ما لزم توضيحه ابو الصادق

ممكن تكون وجهة نظر ... لكن الإعتماد على الأرباح من بيع الصحيفة في حد زاتها قد لا يكون مجزي وعدم وجود موقع على الانترنت للصحيفة لا يضمن تصريف نسخ كثيرة من عدد الصحيفة خصوصاً وانه الناس أصبحت تتحصل على المعلومة بكل سهولة ويسر من مختلف القنوات ووجود موقع على الانترنت للصحيفة يضمن لهم وصول الصحيفة لأكبر عدد من القراء في كل أنحاء العالم بكل سهولة مما يحفز المعلنين للإعلان بالجريدة لضمان وصول الاعلان لأكبر عدد من القراء بمختلف الشرائح سواء في الداخل أو في الخارج وبالتالي يكون عائد الربح من الاعلان عائد مجزي... تحياتي مجدداً أخي أبو الصادق



اسماعيل ياأخوي انت قاعد تعمل شنو بالظبط ... كنت حأتصل بيك لكن للأسف فاقد رقمك لكن حأحاول اتصل بيك . وسعيد جداً بإضافتك لي لقائمتك وشكراً على الثقة واتمنى ماأخيب ظنك...وتحياتي

Quote: اسماعيل ياأخوي انت قاعد تعمل شنو بالظبط ... كنت حأتصل بيك لكن للأسف فاقد رقمك لكن حأحاول اتصل بيك . وسعيد جداً بإضافتك لي لقائمتك وشكراً على الثقة واتمنى ماأخيب ظنك...وتحياتي

قاعد أعمل مشاكل... ما تخاف يا حبيب.، بهظر معاك..
أنا أعمل في شركة متخصصة في تقنية المعلومات.. ولعلك تقصد إشارتي للأخ جعفر بشير فهي شفرة أو رسالة يعلم فحواها الأخ والصديق جعفر.
سوف أتصل عليك.. توقع ذلك.،

في انتظارك يا عزيزي


لكن نريحك كيف انت عايز تعمل الحاجات من ورانا .. بس عايز اقول ليك ..
im watching you

تحياتي لحد ما نتلاقي

Quote: لكن نريحك كيف انت عايز تعمل الحاجات من ورانا .. بس عايز اقول ليك ..

حبيبنا جعفر بشير... أفو أفو ما أظن دا يحصل.،

Quote: im watching you

كان كدي خلينا نلمس راسنا ساكت.،،