Post: #1
Title: ثلجـي .. بكسـروا بـررررررراي ..
Author: waleedi399
Date: 08-20-2005, 10:11 AM
Quote: مرحبا waleedi399 []
تاريخ التسجيل: 20-08-2003
مجموع المشاركات: 1687
أخر زيارة لك: 20-08-2005, 03:07 م
|
مســيرة ..
عـامان مـن الحــب
..
.
وليد
|
Post: #2
Title: Re: ثلجـي .. بكسـروا بـررررررراي ..
Author: waleedi399
Date: 08-20-2005, 10:20 AM
Parent: #1
أحــبتي ..
يصـادف هـذا اليوم
من العام قبل الماضي
كان تاريخ توقيع تسجيلي هنا,,
في هذا المنبر العامر،، مع اصرار وإلحـاح
شقيقي المهندس - عثمان احمد عبد الله
والفضل بعد الله يرجع اليه، فهو من
شجعني في الاسراع بالتسجيل في
منبر سودانيز أونلاين .. بعد محاولات مضنية
وأصرار منقطع النظير مني بالانضمام إلى ركب الأعضاء
بهذا الملتقي السوداني الكبير على الانترنت
****
عامان من الحب قضيتهما معكم،
و في رحاب حـبكم ..
نهلت وما أزال أنهل من رحيق معرفتكم ..
أعترف أني استفدت فيها ايما استفادة .. دلفت فيها إلى افاق جديدة
حصلت فيها على التواصل الجميل معكـم ..
في نفس الوقت الذي كنت احصل فيه على الخبر والمعلومة
التي لم أكن لأجدها الا هنا في هذا الموقع ..
و الفائدة القصوى التي جنيتها هنا ايضاً ولله الحمد
أني قمت بالتعرف على مجموعة طيبة أصبحت الان زادي وميعادي
لا أكاد افارقهم، حتى التقيهم بنفس الشوق واللهفة التي تركتهم عليها
التقيتهم وتعرفت عليهم عن قرب عدد كبير من اعضاء هذا المنبر
الذين احببتهم أي حب وبنفس القدر أحـبوني وبادلوني الحب بالحب
أخـاف أن أعدهم واحـصيهم فأنسـى فيهم أحـد.. فهم كــثر!!!
لذلك لن افعـل ابداً..
لذا أعتبر أن يوم تسجيلي في هذا المنبر..
يوم مولد أخـر جديد لي لذلك احتفل به في كل عام
احتفالية خاصة، قصدت أن اشرككم بها معي في هذه المرة
فهلا اوقدتم الشموع معي لعام جديد ملئ بالحب والتأخي والوئام
هـلا فعلـتم أخـوتي ؟؟
ولــيــد
|
Post: #9
Title: Re: ثلجـي .. بكسـروا بـررررررراي ..
Author: الطيب حسن جميل
Date: 08-20-2005, 04:07 PM
Parent: #2
ولي
عقبال ما نكسر ليك التلج في جديدك.........
وعقبال مائة شمعة...........
وحقيقة انه فضاء جميل واكثر ما يميزه امثالك من الناس القيافة .علي الرغم من اني حديث عهد بالمنتدى ولكني احس اني عتيق فيه وذلك لسبب بسيط هو الاريحية واحمدية البساط فبه
وهاك مني المحيط المتجمد الشمالي مكسر مكعبات كمان يا سيد وليد
ولك الله
|
Post: #11
Title: Re: ثلجـي .. بكسـروا بـررررررراي ..
Author: waleedi399
Date: 08-21-2005, 00:35 AM
Parent: #9
الجميـل / الطـيب حسـن جميـل
جديدي يكون دائماً عبر تواجدكم في فضاءاتنا التي لا تكون الا معكم وبكم.... ألق الحروف ووهـج الكلمات أستشفها من بعض رحيق أزهار حرفك الجـميل ... على الرغـم من حداثة عهدك بالفعل في هذه المساحة إلا أن تواصـلك الرائع معي على وجه التحديد أيها الجميل أشهـد بأنها لم ولن تنقطع أبدا بإذن المولى،، وهـذا ما وجدته هـنا في هـذا البيت الكبير معنى جميل للحياة..
خالص حبي وتقديري لرائع كلماتك الأخوية الصادقة ..
|
Post: #3
Title: Re: ثلجـي .. بكسـروا بـررررررراي ..
Author: نصار
Date: 08-20-2005, 10:47 AM
Parent: #1
العزيز وليد
سوف اشعل شمعة حقيقية
لان مشاعرك حقيقية و صادقة
و ترقص شمعتي الضوايا
ترقص و في رقيصه حكاية
معرفة الاخيار مناسبة تستحق الاحتفاء بها
|
Post: #4
Title: Re: ثلجـي .. بكسـروا بـررررررراي ..
Author: شمهروش
Date: 08-20-2005, 11:13 AM
Parent: #3
10 الواح تلج من الوفرة........
تلــــــــــــــــج نقي وبااااارد
Quote: سوف اشعل شمعة حقيقية
|
وعشرة شمعات عشان خاطرك... ياالحبيب
كل سنة وانتا معانا بخير وعلى خير
تتليجة..........
مابنخليك تكسروا براك
زي مابقول معتصم دفع الله عشان الناس الحلوين
|
Post: #12
Title: Re: ثلجـي .. بكسـروا بـررررررراي ..
Author: waleedi399
Date: 08-21-2005, 00:58 AM
Parent: #4
اللذيذ / شمهروش
عـدد 10 الـواح فقـط لا تكفـي ...
نطالب بالمزيد من الإمدادات الثلجـية 
تعرف يا شمهروش كسير التلج دا صعب خالس
أحياناً بعمل مشاكل صـحية حـادة،،
خصوصاً عند الاخصائيين.. لوووول| Quote: زي مابقول معتصم دفع الله عشان الناس الحلوين |
شمهروش معتصم محتكر صناعة الثلج بكميات تجارية ولا يسمح بالمشاركة ابداً ,,
|
Post: #33
Title: Re: ثلجـي .. بكسـروا بـررررررراي ..
Author: معتصم دفع الله
Date: 08-22-2005, 00:08 AM
Parent: #4
Quote: 10 الواح تلج من الوفرة........
تلــــــــــــــــج نقي وبااااارد |
يا شمهروش يا أخوي ..
إنتو التلج دا كنتو داسنو وين ؟..
هسي أنا لفيت الحلة كلها ما لقيت غير السوق الأسود ..
وبي سعر غالي كمان فوق العادة ..
الناس دي شكلها بتشتري وتخزن ..
تحياتي ومحبتي ..
|
Post: #5
Title: Re: ثلجـي .. بكسـروا بـررررررراي ..
Author: waleedi399
Date: 08-20-2005, 11:55 AM
Parent: #3
العزيز نصار،،
فـي كل عـام ..
نوقد شموع جديدة
نرسم بفرشاة الوعد..
مواويل الحـب الخالدة
أخـي نصـار،،
دع شموعك هذه مضيئة على الدوام ..
وافسح لها مجـال للرقص فانها يافعة
ثم اتركها تنبئ عن حكاويها الجميلة
شكراً لشعورك الطيب الجمـيل هـذا..
وشكراً لكلماتك الأخـوية الصادقـة
أدام الله ما بيننا من ود وتواصـل
خالص محبتي،،
|
Post: #6
Title: Re: ثلجـي .. بكسـروا بـررررررراي ..
Author: bushra suleiman
Date: 08-20-2005, 12:26 PM
Parent: #1
هنا محلات الثلج البارد  ..نوصل الطلبات للمنازل قبل ما التلج يسيح.. 
يعنى انت عاوز تنافس تمبس ومعتصم واللا شنو..هسى يجيبو ليك شمع من وين؟!! بعدما كملوهو الجماعة ديلاك!!
مبرووووووووووووووك..اها بنحتفل ونرقص زيما عاوز
|
Post: #17
Title: Re: ثلجـي .. بكسـروا بـررررررراي ..
Author: waleedi399
Date: 08-21-2005, 03:09 AM
Parent: #6
الآسـتاذ / بشرى سليمان
شكراً جزيلاً على الصورة والاهداء الرائع عبر مرورك بتل الجليد المشيد هنا،،
طبعاً يا أخوي مافي زول بنافس تمبس ومعتصم في مسعلة التلج دي .. ™ (ماركة مسجلـة)
الغريبة زمان محلات بيع الثلج في الاكشاك الثلج بكون قاعد من الصباح للمساء بقدرة قادر،،
كيف؟؟ الله اعلم
|
Post: #44
Title: Re: ثلجـي .. بكسـروا بـررررررراي ..
Author: معتصم دفع الله
Date: 08-22-2005, 03:59 AM
Parent: #6
| Quote: هنا محلات الثلج البارد ..نوصل الطلبات للمنازل قبل ما التلج يسيح.. |
يا بشرى أخوي التلج دا خزنو عندك ..
اليومين ديل دخل السوق السوداء ..
وبقى يتباع بالدس ..
تحياتي ومحبتي ..
|
Post: #7
Title: Re: ثلجـي .. بكسـروا بـررررررراي ..
Author: Abdulla Ageed
Date: 08-20-2005, 03:01 PM
Parent: #1
يا وليد ياخي أنا تلجي قرّب يكمل
عموما البورد بيك أحلى وأجمل
وباقي التلج بتلقاهو هنا:
الصالحية.. يا حلاااااااوة..
|
Post: #8
Title: Re: ثلجـي .. بكسـروا بـررررررراي ..
Author: محمد عبدالرحمن
Date: 08-20-2005, 04:04 PM
Parent: #7
وليد
تحياتى ..وكل عام وانت تعطى هذه المنبر مزيدا من الالق والحضور ..
ارقبك من بعيد واقراك كثيرا.....واشهد ان فى كلماتك صدق وذوق وجمال ..
محبتى لك
|
Post: #10
Title: Re: ثلجـي .. بكسـروا بـررررررراي ..
Author: اساسي
Date: 08-20-2005, 04:15 PM
Parent: #8
انتو يا اولاد الرياض الحنكشة القامت عليكم جديدة شنو ...
بعدين كسير التلج دا عذبتو عذاب
اسع يعني مفروض اقوم اكسر ليك تلج ؟
الواحد فيكم لا بيشاكل لا بتفاصح
طيب داخلين المنبر دا لشنو
الواحد فيكم سنتين وتلاتة انذار ما ياخدو؟
دا بورد ولا جامع اصلو؟
عقبال الانذار النهائي
قول امين
|
Post: #13
Title: Re: ثلجـي .. بكسـروا بـررررررراي ..
Author: زول ساكت
Date: 08-21-2005, 01:54 AM
Parent: #10
قررت تمديد اقامتي هنا
وتكسير ماتيسر من التلج
حتى تستغيث
عقبال اجتماع الشمل
|
Post: #14
Title: Re: ثلجـي .. بكسـروا بـررررررراي ..
Author: gamal elsadig
Date: 08-21-2005, 02:09 AM
Parent: #13
20 أغسطس
حدث في مثل هذا اليوم
636 وقوع معركة اليرموك بين المسلمين بقيادة خالد بن الوليد والروم بقيادة هرقل وأدت إلى فتح بلاد الشام.
1748 وفاة الشماس عبد الله مؤسس أول مطبعة في لبنان.
1860 ولادة ريمون بوانكاريه رئيس فرنسا الراحل.
1953 فجّر الروس أول قنبلة ذرية لهم.
1985 مقتل الملحق الإداري في السفارة الإسرائيلية في القاهرة ألبرت إتراكش على أيدي مجهولين.
1988 العراق وإيران توافقان على وقف إطلاق النار حسب قرار مجلس الأمن 598 بعد حرب دامت 8 سنوات.
1992 إسرائيل تعيّن ديفيد سلطان سفيرًا لدى القاهرة خلفًا لأفرايم دويك (انتهى عمله في آب 1996).
1993 التوقيع بالأحرف الأولى على اتفاق إعلان المبادئ بين وإسرائيل ومنظمة التحرير في أوسلو
2003 نال waleedi399 عضوية سودانيز اونلاين .
جمال حسين
|
Post: #28
Title: Re: ثلجـي .. بكسـروا بـررررررراي ..
Author: waleedi399
Date: 08-21-2005, 10:03 AM
Parent: #14
الحـبيب / جمـال .......
التحـية لك على التوقيـع وهـذا الحضـور الجميـل أولاً ..
كما أشكـركً على المعلـومات الثرة، وهـذا الربـط الرائـع....
نـيل عضويـة سـودانيز شـرفها هـذا الحـب...
وهـذا التواصـل الجمـيل
ولـيـد
|
Post: #32
Title: Re: ثلجـي .. بكسـروا بـررررررراي ..
Author: waleedi399
Date: 08-21-2005, 01:31 PM
Parent: #13
عباس يا أخـوي (زول ساكت) مدد ساكت
المساحة دي عاملها أنا مخصوص ....
وأعوذ بالله من قولت انا عاملها للتمديدات
بس اعمل حساب الكهرباء والتمديدات الجديدة
أحسن التلج دا يسيح،، ويغرق المكان
ويعمل التماس،، في الخلايا الداخلية للألواح
كسر يا أخوي كسر،، حتى يجتمع الشمل، كسر
وخلي الاغاثة بعدين من صاحب الاغاثة
|
Post: #31
Title: Re: ثلجـي .. بكسـروا بـررررررراي ..
Author: waleedi399
Date: 08-21-2005, 01:23 PM
Parent: #10
اسـاسـي ..
الفينا مشهودة عارفانا المكارم نحن بنقودها،، والحارة بنقودها
طبعاً يا أخوي مصطلح الثلج دا من سمعوا ناس الرياض ما ضاق عافية،،
يا ود جدة الأغـبش انت............
بعدين انت التلج دا ما خليتو في ثلاجة الجماعة الكنا بارنهم
ناس عقراء ولا عوراء الخيلج دي اسم قاطعنو من راسهم
ذكرني ما متذكرو والله الا أمشي ليهم أقرا اللوحة واجيك ..
Quote: الواحد فيكم لا بيشاكل لا بتفاصح
طيب داخلين المنبر دا لشنو
الواحد فيكم سنتين وتلاتة انذار ما ياخدو؟
دا بورد ولا جامع اصلو؟
عقبال الانذار النهائي
قول امين |
انت يا زول ماخـد قبل كـدا كـرتين أصفـر
والحكم دقس قايلهم ثلاثة كروت ،، يعني الأن اشارتك حمـراء
ودا يعتبر شـروع في التحريـض أي زول في الجماعـة
حا يشوف المداخلة دي .. طولي يوصل الخبر لبكري ..
زي ما جابوا خبر عبد الرازق .. مترصدين ليك
دايرين يجيبـوا خـبـرك يا اسـاسـي ..
بس المشكلة اللبان دواءهو برررررضو التلـج .. لووووول
|
Post: #81
Title: Re: ثلجـي .. بكسـروا بـررررررراي ..
Author: Agab
Date: 09-08-2005, 02:31 PM
Parent: #10
Quote: الواحد فيكم سنتين وتلاتة انذار ما ياخدو؟
|
دي فوائد كسيــــــــــــــر التلج
|
Post: #25
Title: Re: ثلجـي .. بكسـروا بـررررررراي ..
Author: waleedi399
Date: 08-21-2005, 09:43 AM
Parent: #8
أخي الرائـع محمـد،،
أغبـط حضـورك ..الدائم إلى عالمنا الصغـير ,, وتأثرني عباراتك الأخـوية الصادقـة الدافـئة على الدوام احسـها وأحـس وجـودك فيها وقـربها وإنا تباعـدت مسـافات الأثـير والمــدى الممــتد .. تقـاربت روحانا والدروب يا شقيقي أكـثر فأكـثر، أقسـم بأني سعـيد جداً وأي سـعادة بهذا التوقيع .. سعادة لا تعبر عنها الكلمات ولا أعتقد أن تنبأ بمكنون هذا المحبة الأخوية الصادقة أخي حتى الألـفاظ.. أيها الرائع الجميل محمد عبد الرحمن، كـن كـما العهـد بك دائماً أخ صدوق كـريم......
فليحفظ الله الود بيننا.......
ولك خالص محبتي
|
Post: #19
Title: Re: ثلجـي .. بكسـروا بـررررررراي ..
Author: waleedi399
Date: 08-21-2005, 03:32 AM
Parent: #7
عقيد انت تلجــك لسه بخــيروا ..
ما شفتو تلج لسه، يوم تلجك ما يجي .. لووول
شكراً على كلماتك الرائعة يا عبد الله
والصالحية برضو حلاااااااااااااوة يا عقيد
وعند الصالحـية يكون الموعد
ويـا عقـيد .. كــرمة حــديـد
|
Post: #15
Title: Re: ثلجـي .. بكسـروا بـررررررراي ..
Author: حمزاوي
Date: 08-21-2005, 02:12 AM
Parent: #1
وليد اخوي
مبروك
ولك وردتان بمناسبة لك عامين في عالم الهواء الطلق
بس انا واخوي الكاشف
حنكسر الطلح
يا الكاشف الجماعة لمن يجيبوا معاهم الطلح
اخوك ما عندوا مانع يساعدك في الكسير
الفاس موجود امسك لي واكسر ليك
اسماسي اخوي
حاسدنا حتى في الحنكشة
والله جنس حنكشة كملنا كرتونة لبان (علق بالسعودي) يوم المباراة في الصالحية
تانيا شنو التحريض دا على الخروج عن الطاعة وقولت سم طال عمرك
دول مسلمين الراية ورافعين الايادي
|
Post: #30
Title: Re: ثلجـي .. بكسـروا بـررررررراي ..
Author: waleedi399
Date: 08-21-2005, 12:57 PM
Parent: #15
الغالي حمزاوي،،
تتبارك يا حمزاوي يا أخوي
وانت كمان ليك كل باقات الزهور والورود
زهور الروض،، وليس زهور امدر (حي العمدة)
طبعاً تيم الزهور دا في حي العمدة يا حمزاوي
تيمنا الاول .. اضافة معلومة قد تكون معلومة
بعدين عرفناك انت يا حمزاوي
بس منو اخوك الكاشف دا اللي جاي معاك
نعل ما يكون...........
يا أخوي والله ما قصرت الطلح
الايام دي قالوا بجي (معلب)
إلا يبقى كسـير برطمانيات ساااااكت
البشائر الشمال وكـرمة البلـد حديد،،
ويـوم الجمعة موعدنا .. ولمن لقانا يحين
|
Post: #16
Title: Re: ثلجـي .. بكسـروا بـررررررراي ..
Author: abas
Date: 08-21-2005, 02:35 AM
Parent: #1
ولي ود العمدة
مبارك عليك
العامين
وكل سنة وانت طيب
والسنة الجايه كتاباتك تكتر
مشاكلك تقل
هلالك غالب
معرس
وعندك ولد
تسميه ...................................
|
Post: #18
Title: Re: ثلجـي .. بكسـروا بـررررررراي ..
Author: صلاح الدين عبدالله محمد
Date: 08-21-2005, 03:15 AM
Parent: #16
عقبال الشمعه الميه
البيحتفل بكسروا ليه التلج فوق البارد داخل البرميل
وبيوزعواالبارد وهو جالس يستقبل التهانى
ناس تمبس ديل جايين يشربواالبارد ووبس
ولا هو زايغ يجى مع توزيع الباردعشان مايشتغل
تحياتى ومبروك
|
Post: #20
Title: Re: ثلجـي .. بكسـروا بـررررررراي ..
Author: عمران حسن صالح
Date: 08-21-2005, 04:16 AM
Parent: #18
وليدنـــــــــــــــا
هاك التلج ده (وعليه سكر كمان)
وياأساسي انت الحنكشة تفوتك وين ( ياأصفراني انت وخدودك ناعمة)
|
Post: #21
Title: Re: ثلجـي .. بكسـروا بـررررررراي ..
Author: humida
Date: 08-21-2005, 04:58 AM
Parent: #20
والله يا وليد ..
حننتنـــــــــــي
التلج تلجي بردتهو وحدي وسأكسره وحدي ..!!
|
Post: #47
Title: Re: ثلجـي .. بكسـروا بـررررررراي ..
Author: waleedi399
Date: 08-22-2005, 04:42 AM
Parent: #21
حميدة المجلي،
يا فرح يا حـنة
يا زهـور في جـنة
قال حننتنـــي قال!!
التلج تلجي بـــــراي
منو البكســـرو معـــاي
الحنية ماااا عنـدك،،
يا أخوي طــارت........
طارت ليك رسمـي وشعبـي
انت اليومين دي بقيت
تجليها واقفـة...
|
Post: #22
Title: Re: ثلجـي .. بكسـروا بـررررررراي ..
Author: waleedi399
Date: 08-21-2005, 05:00 AM
Parent: #20
بعد اذنكم يا جماعـة ..
دي قفزة للضـرورة الثلجـية .. لووووول
| Quote: وياأساسي انت الحنكشة تفوتك وين ( ياأصفراني انت وخدودك ناعمة) |
لووووول .. (يااااااا شماتت آبلـه ظـاظـا فيـك) .. يا اسـاسـي
|
Post: #26
Title: Re: ثلجـي .. بكسـروا بـررررررراي ..
Author: معتصم دفع الله
Date: 08-21-2005, 09:55 AM
Parent: #22
| Quote: (يااااااا شماتت آبلـه ظـاظـا فيـك) |
آبله ظــاظــا مين ؟؟؟؟؟؟؟؟؟
|
Post: #48
Title: Re: ثلجـي .. بكسـروا بـررررررراي ..
Author: waleedi399
Date: 08-22-2005, 05:01 AM
Parent: #26
مووووو....
يا جبل الجليد
يا ريتني
لو اقـدر
أكســـر
فـيــك
بـاقـي
الكمية
المـا
أتكسـرت
|
Post: #82
Title: Re: ثلجـي .. بكسـروا بـررررررراي ..
Author: Agab
Date: 09-08-2005, 02:34 PM
Parent: #26
| Quote: آبله ظــاظــا مين ؟؟؟؟؟؟؟؟؟ |
إخــــــــــــــــــــــــــــــرس؟؟!!
|
Post: #45
Title: Re: ثلجـي .. بكسـروا بـررررررراي ..
Author: waleedi399
Date: 08-22-2005, 04:06 AM
Parent: #20
عمران حسن صالح
دعك من التلج وشأنه
أحتاج المزيد من السكر
ووصية اخوية يا أبو محمد
خلي اساسي في حالو.......
هو اصلو اليومين دي ما ناقص
حالو بقى حال، والفيه مكفيهـو
والما عارف يقول مشغـــول خالص
|
Post: #36
Title: Re: ثلجـي .. بكسـروا بـررررررراي ..
Author: waleedi399
Date: 08-22-2005, 01:43 AM
Parent: #18
الجميل صلاح الدين،،
عقبال ما نكسـر ليـك ثلجـك،،
أما ناس تمبس ديل
بتاعين بارد ومعلبات جاهزة
وجبال جليدية كبيرة ...
يبدو أنو تلجنا بعمل ليهم حساسية
أو ممكن يكون ما من النوع الجيد
عشان كدا الناس ديل
لا هببو ولا اشتغلو بينا
الشغلـة.....
يا كافي البلاء .. مالنا
لكن قول ليه يا تمبس
يوم تلجك ما يجي
|
Post: #34
Title: Re: ثلجـي .. بكسـروا بـررررررراي ..
Author: waleedi399
Date: 08-22-2005, 01:11 AM
Parent: #16
عـباس....
من القلب مشكور شديد
على المشاركة..
والدعوات الجميلة
يا هـلالـي......
مبروك عليك
فــوز الهــلال
سبعة في عين العدو
خمسة وخميسه.. لوووول
أما الولـد
فاعتقد نسميه...
هـيثـم....
أما (طمبـل)، أو (مصطفي)
|
Post: #49
Title: Re: ثلجـي .. بكسـروا بـررررررراي ..
Author: waleedi399
Date: 08-22-2005, 12:35 PM
Parent: #23
Quote: كل سنة وإنت أجمل يا صديقي ..
ربنا ما يحرمنا من وجودك بيننا .. |
وانت كمان اجمل يا مووووو
براحة علي يا معتصم انت ثلجك داير يجيب ليه سكته قلبيه
الله يقدرنا على جزاك، دعوتك دي ما بمئات الالواج الثلجية.........
|
Post: #24
Title: Re: ثلجـي .. بكسـروا بـررررررراي ..
Author: ودقاسم
Date: 08-21-2005, 07:25 AM
Parent: #1
وليد 399
جميل أن نتعرف عليك وجميل أن تكون جزءا من حياتنا ،،، نفرد لك مساحات الحب والتلاقي ، وأنت أهل لذلك ،،،
وربنا يفرج الكربة ، عشان تكون أجمل وأجمل ...
|
Post: #43
Title: Re: ثلجـي .. بكسـروا بـررررررراي ..
Author: waleedi399
Date: 08-22-2005, 03:46 AM
Parent: #24
قفــزة
خاااااصة
للخال ودقاسـم
الاجمـل من ذلك يا خال
دعـواتك الأخـوية الصادقـة........
وتواصـلك الجميل الذي نترقبه علي الدوام
ويا جمال الدنيا بيكم يا غـالي ...
خالص محبتــي
|
Post: #27
Title: Re: ثلجـي .. بكسـروا بـررررررراي ..
Author: Badri
Date: 08-21-2005, 09:56 AM
Parent: #1
وليد أربعمية الا واحد
مشتاقين ياحبيب وكل سنة وانت طيب أسي عليك الله معتصم دا عاملين ليهو
بوست ميلاد عمل أسي صفحتين مااتذكرك وأنا متأكد انك ماعارف تاريخ ميلادك الحقيقي
واستعوضت عنه بتاريخ ميلادك في البورد على العموم ياحبيب كل سنة وانت طيب...
سؤال خارج النص
انتوا تلفونات الرياض دي بتستقبل بس!!! مابترسل؟؟؟
|
Post: #51
Title: Re: ثلجـي .. بكسـروا بـررررررراي ..
Author: waleedi399
Date: 08-23-2005, 01:46 AM
Parent: #27
بـدري سامـي علاه
وانت طيب يا ابو البدور عقبال ما نجيك في كسيرك......... تعرف يا اخوي بالامس اكتشفنا منافذ جديد وكسرات شغاله حريق بس جر لي سلك بكلمك عشان المنابر ليها اذان وعيون برضو .... معتصم يا بدري استاهل يملأ كل الصفحات عشان صفحاتو البيضاء ماليه الكل، دا ما كسير طبعاً دا تلج حقيقي ربنا اداه على قدر تلجـو....
اجابة خارج النص
الرقم الذي طلبته خارج الخدمة مؤقتاً نرجو محاولة الاتصال في وقت لاحق...........
|
Post: #29
Title: Re: ثلجـي .. بكسـروا بـررررررراي ..
Author: مهدى الصادق السيد
Date: 08-21-2005, 10:50 AM
Parent: #1
الاخ الرائع وليد
كل عام وانت والجميع بالف خير
حقيقة سعيدين جدا بمعرفتك وكل الاخوان
وشرفتونا يوم الجمعة وشديتوا من ازر المعتصم بالله
الجمعة بعد القادمة عرس الصالحية الكبير الدعوة للجميع
دامت محبتكم
ابو الصادق
|
Post: #35
Title: Re: ثلجـي .. بكسـروا بـررررررراي ..
Author: Sidig Rahama Elnour
Date: 08-22-2005, 01:22 AM
Parent: #29
| Quote: ثلجـي .. بكسـروا بـررررررراي .. |
يا ولي ، طيب نحن قاعدين ليه ؟ وناس معتصم وتمبس وأساسي ديل بسوا في شنو ؟
ياخي يابخت المنبر بيك والله ( دا ما تلج )
|
Post: #37
Title: Re: ثلجـي .. بكسـروا بـررررررراي ..
Author: waleedi399
Date: 08-22-2005, 01:54 AM
Parent: #35
| Quote: ياخي يابخت المنبر بيك والله |
صديق أخوي
انت ما بتقصـر،،
وحاشاك من التقصير واللوم
معليش يا صديق التلج المرة دي تلجي براي
منو البكسرو معاي؟؟؟
بعدين بصراحة معتصم ما قصر
واساسي قال ما عند كساره
زول بتاع ازيار سااااكت
لسه التلج والثلاجات ما وصلتهم
اما تمبس فيبدو أنو تلجنا بعمل ليه نزله
|
Post: #38
Title: Re: ثلجـي .. بكسـروا بـررررررراي ..
Author: إسماعيل حميم
Date: 08-22-2005, 02:04 AM
Parent: #35
أخوي ولــيد
كل سـنة وإنت طيب
وكل سـنة وإنت أكثر عطاءً
لكن إنت من زمن التلج البكسرو
ياخي التلج بقي يجيبوه CUBS جاهز في أكياس
أنت قايلو بشتروه من أول شارع كرري
أكان كدي تلج العرس خلي علي أنا!!
تسلم يا حبيب
إسماعيل حميم
|
Post: #55
Title: Re: ثلجـي .. بكسـروا بـررررررراي ..
Author: waleedi399
Date: 08-23-2005, 12:34 PM
Parent: #38
الحميم سمعــة
وكل سنة وانت طيب،،
العيد الجاي نحتفل بيهو
معاكم هناك انشاء الله .....
فـــوق ارض الطــيبين هناك
نكسر تلجنا براحتنا،، على تلاجة هادئـة
لك خالص تقديري واحترامي وشكرا على توقيعك
الجميل والحميم والمشرف يـا حـمـيم أنت ..
خالص محبتي
|
Post: #39
Title: Re: ثلجـي .. بكسـروا بـررررررراي ..
Author: mahmed alhassan
Date: 08-22-2005, 02:04 AM
Parent: #35
اخ/ وليــد/2005
تشرفنابمعرفتـــــك بهذه الحديقة الجميلة وسعدنا عندما التقيناك
تقبل تحياتي وتحيات محمد محمود 0(
|
Post: #56
Title: Re: ثلجـي .. بكسـروا بـررررررراي ..
Author: waleedi399
Date: 08-23-2005, 12:41 PM
Parent: #39
محمد الحسـن
Quote: تشرفنابمعرفتـــــك بهذه الحديقة الجميلة وسعدنا عندما التقيناك
تقبل تحياتي وتحيات محمد محمود |
نحن من يسعد ويتلقـد وشاح معرفتك وشاح شرف..
فمعرفة الرجال كما قيل كنوز وأي كنوز
تحياتي للعزيز الغالي محمد محمود
ويا محمد محمود عارفك متابع
يمكن محمد الحسن قال ليك
حضــــرنا للســـــلام
ولم نتشـرف بلقائكـم
خيرها في غيرها
|
Post: #54
Title: Re: ثلجـي .. بكسـروا بـررررررراي ..
Author: waleedi399
Date: 08-23-2005, 05:08 AM
Parent: #35
صديـق رحمـة النور | Quote: ياخي يابخت المنبر بيك والله ( دا ما تلج ) |
ويا بخـتنا بيك يا صـديـق.......
اسـال الناس البحبوك ما تخلينا نكسر تلج اكثر من كدا ساااكـت
طبعاً الناس ديل هـم قول واحد عمران، اثنين معتصم ثلاثة خالد احمد عمر (طيب الله ثراه)
والبقية تأتي أقـول، ولا قـدح الحـنة.......
|
Post: #53
Title: Re: ثلجـي .. بكسـروا بـررررررراي ..
Author: waleedi399
Date: 08-23-2005, 04:51 AM
Parent: #29
الاخ الرائع مهدي الصادق
جميل أن نلتقي،،
والاجمل من ذلك ان نتعارف
والصالحية دار واهل لكل الاحباب المقيمين
اسعد جداً بلحظات لقاءكم بدياركم العامرة دائماً
بكم وبضيوفكم من كل فـج ...........
وانشاء الله الجمعة بعد القادمة عند الموعد في يوم عرس الصالحية
دمت ودامت الصالحية واهلها،، ومن جوارها
ومن جوار السعيد يسعد جداً ،، لذلك نحن سعداء بكم
خالص محبتي
|
Post: #40
Title: Re: ثلجـي .. بكسـروا بـررررررراي ..
Author: عبد الباقي الجيلي
Date: 08-22-2005, 02:21 AM
Parent: #1
وهاك لوحين تلاتة مني يا وِلِّي
ياخي هاك مصنع تلج عديل كده
أدام الله وجودنا الجميل في هذا الحوش الرائع
تحياتي
|
Post: #41
Title: Re: ثلجـي .. بكسـروا بـررررررراي ..
Author: ود شندي
Date: 08-22-2005, 02:45 AM
Parent: #40
شنو ياولي
قلت لي بالتلج عدددددددددددددددددديل كدا
والله مافي زول سبقك عليها
طن جليد من اقليم التندرا
جعوليه ..بس،،،،،
،
|
Post: #42
Title: Re: ثلجـي .. بكسـروا بـررررررراي ..
Author: ناذر محمد الخليفة
Date: 08-22-2005, 03:06 AM
Parent: #41
وليد يا بتاع المرطبات ...
هسي أقول ليك شنو !! عقبال مية سنة ولا إنشالله يوم فصلك ما يجي
|
Post: #50
Title: Re: ثلجـي .. بكسـروا بـررررررراي ..
Author: waleedi399
Date: 08-22-2005, 01:31 PM
Parent: #42
| Quote: هسي أقول ليك شنو !! |
ناذر
قول اي حاجة خلصنا بس قبال التلج ما يبرد
بعد داك مافي زول بقدر يكسروا ..
| Quote: ولا إنشالله يوم فصلك ما يجي |
الفصل الاول .. ولا النهائي قول حارقك التلج دا وداير تخلي بكري
ادخل عشان يشيل الجبل الجيليدي على وزن سحابة صيف
مش في النهاية كلو موية وبالتالي كلو تلج
يوم تلجك ما يجي يا ناذر ... لووووووووووول
|
Post: #58
Title: Re: ثلجـي .. بكسـروا بـررررررراي ..
Author: waleedi399
Date: 08-27-2005, 12:20 PM
Parent: #41
ولـيد شـندي،،
بوستي دا، عفـواً اقصـد تلجي
تلجـي دا من نوع تاني يا اخوي
ما التلج التاني اللي بتقصدو انت
تعرف جبال الجيليد حجبت عني الرؤية
كل الزمن دا، فوصلت للمداخلة بعد عناء طويل
لك التعبى على التأخير في الرد حتى ترضى يا عماد
وتحياتي للاولاد وجمـيل الأسرة.................
وبررررررررررضو تلجي بكسروا برآآآآآآآآآآآآآآآآآي
وبوســــتي برفعــــوا برضــــو برآآآآآآآآآآآآآي
|
Post: #57
Title: Re: ثلجـي .. بكسـروا بـررررررراي ..
Author: waleedi399
Date: 08-27-2005, 03:51 AM
Parent: #40
الحبيب.........
عبد الباقي الجميل
يا أخي البجي منك كلو حلو
بس انت تعال فرح ليالينا
والله فاقدنك كميات
ادامك الله أخو
حميم يا بقه
تحياتي
|
Post: #46
Title: Re: ثلجـي .. بكسـروا بـررررررراي ..
Author: nashaat elemam
Date: 08-22-2005, 04:28 AM
Parent: #1
الحبيب وليد
جميل انت يا صديقي.. ورائع دوماً.. لم تطل اقامتي في المنبر
لكنها كانت ولازالت جميلة يجملها عبقكم وعبيركم.. وانت احد
دعائم هذا الجمال.. والتحية عبرك لزميليك تمبس ومعتصم..
وان كنت اعتب عليهم ترك مهمة تكسير ثلجك لوحدك.. وكان
عليهم القيام بهذه المهمة نيابة عنك..
المهم كل ثلج.. اقصد كل عام وانت بهذا الدفء الحميم
نشأت الإمام
|
Post: #61
Title: Re: ثلجـي .. بكسـروا بـررررررراي ..
Author: waleedi399
Date: 08-29-2005, 10:57 AM
Parent: #46
الحبيب نشـأت الامام
جميل أن التقي معك هـنا عزيـزي نشـات..
والاجمل من ذلك هذا المرور الجميل
عبر هذه الجبال الجليدية
والاجمل منها ريحاً طيباً
كلماتك الانيقة
والمعبرة
عن الاخاء
الطيبـة
الالفـة
..
.
تخيلت هذا البوست ساتحمل عباءه وحـدي
ولكن حمـله بكـم معي اسعـدني كثير
حقيقة سعيد جداً بحضـورك هنا اخي
سعيد جداً مرة أخري بهذا البوح
الجميل والاخوي المعبر ....
..
...
..
أخي نشـأت كـن كما انت
كــن صديقي .. كـن اخي
فليحفظ الله ما بيننا من ود
خالـص محبتــي
|
Post: #52
Title: Re: ثلجـي .. بكسـروا بـررررررراي ..
Author: almulaomar
Date: 08-23-2005, 03:23 AM
Parent: #1
أخي وليد
جميل أن تقضي كل هذه المدة في هذا المنبر وأتمنى أن تكون قد إستفدت الكثير ، أنا أقدم منك فكان لابد أن يكون نصيبي من ثلجك هذا نصف لوح وبحد أدني ربع لوح بشرط أن تكون النشارة كافية حتى أتمكن من إيصاله إلى بيتنا الكائن مكان جميع الكائنات ثلجاً. مبروك عليك المنبر ومبروك إنت عليهو وعلى ناسو وربنا يكفينا شر الأوزون وخرم الأوزون وخور الصابون وإرتفاع درجات حرارة الأرض والإحتباس الحراري وزوبان القطب الشمالي.
وشكلك راجل نشيط وعضو فعال في هذا المنتدي يعني بعملية حسابية كده نقول ... ومعانا الواحد على 30 خلال عامين يعني بتكتب بمعدل (2) بوست في اليوم وهو معدل جيد بحسب مؤشر داوجونز
|
Post: #62
Title: Re: ثلجـي .. بكسـروا بـررررررراي ..
Author: waleedi399
Date: 08-29-2005, 12:58 PM
Parent: #52
الفنان الملا عمـر،،
تحيات خوالـد
ما علي سوى ان اقبل هذه الالواح من ثلجك الجاهز ومعلب
شكراً كثييييييير للمشاركة والحضور الرائع لمهرجان ثلجنا السنوي
الدعوة مقدمة ليك من الان لحضور المهرجان العام القادم .....
في القطب الشمالي أو الجنوبي من كرة بكري المستطيله
بس الله يكفينا شــر الحرايـه والسخانة
ما يبقى شـربة موية .. وتضيع الكسير هباء ...
خالص تحياتي واحترامي الملا عمر،،،،
|
Post: #59
Title: Re: ثلجـي .. بكسـروا بـررررررراي ..
Author: waleedi399
Date: 08-29-2005, 04:53 AM
Parent: #1
back
|
Post: #60
Title: Re: ثلجـي .. بكسـروا بـررررررراي ..
Author: Tabaldina
Date: 08-29-2005, 05:40 AM
Parent: #1
..
.
غايتو يا ولي ،،
انا من شبيت .. التلج بكسروا لحاجتين ..
اما فى مناسبة واخت جواه بيبسي او لمن اشوف جكسي !!
لكن تلج بكسروا فى المرور دا ما عرفتو
بس والله تستحق اكسر ليك للخوة وايام صفانا ..
التلج ..
التلج ..
التلج ..
وطاخ .
طراااااخ
تش ..
كرش...
آها لقيتني كيف !!
مخرج :
طبعا اليومين دى قاعد اكسروا للابلات فى مدارسي الخاصة ..
وماما دومه .. التى جاءت فى صمت وستغادر اليوم فى هدوء
|
Post: #63
Title: Re: ثلجـي .. بكسـروا بـرآآآآآآآآآآآآآآآآآآآآآآي ..
Author: waleedi399
Date: 08-30-2005, 03:16 AM
Parent: #60
..
.
تبلـديـنا
لقيتك،،
في السلك يا تبلدينا
لقيتك،،
قمـة سامقـة
زي خضرة تبلدي كردفان
في الخريف
الضاربه جذورها في
أعماق ارضنا الطيبة
لقيتــك،،
في زمن ضائع...
صرخـة في الماضـي
الخرافـــة.........
كمـان يا بلـدينا
في تلـج من نـوع أخـر
كفـاك الله شــره.....
وفـي تلـج
بتكسر في مناسبات تانية
ما ذكـرتـو
عموماً تلجك بااااااااااارد
ومكسـر دقااااااااااق
شكـر للمشاركة في هذا المهرجان
مدخــل،،
رايك شنو نشيلو في حفاظه نمشي بيه للروضة
مع ابله نجود وابله نادية ... للملائكـة الحلـوين
|
Post: #64
Title: Re: ثلجـي .. بكسـروا بـرآآآآآآآآآآآآآآآآآآآآآآي ..
Author: نادية عثمان
Date: 08-30-2005, 08:02 AM
Parent: #63
وليد
جيت اكسر ليك لوح تلج سااااااااااااااااقط
واقول ليك ميروك
|
Post: #65
Title: Re: ثلجـي .. بكسـروا بـرآآآآآآآآآآآآآآآآآآآآآآي ..
Author: waleedi399
Date: 08-30-2005, 10:40 AM
Parent: #64
..
.
العزيزة
ناديـة هـنـا
جـيد لـي ...
جـيداً جيتـي،،
عجبني لوح تلجـك بالحـيل تتبـاركـي،،
وتتبارك ايامك بس شكلك كدا نسيتي الكسارة برضو
لكـن ما مشكلـة احسـن برضـو نحتـفظ بيـه
في التلاجـه نخليهـو لليـوم الاسـود ..
"التلـج الابيـض للـيـوم الاســود"
شكراً نادية على اللوح الجميل دا،
وعقبال من نكسـر ليك تلجـك
..
.
|
Post: #66
Title: Re: ثلجـي .. بكسـروا بـرآآآآآآآآآآآآآآآآآآآآآآي ..
Author: waleedi399
Date: 08-31-2005, 01:23 AM
Parent: #65
لمزيد من الالواح والمكعبات الثلجية
|
Post: #67
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-03-2005, 07:02 AM
Parent: #1
حبيبنا الغالي وليد كيف انت واخبارك وناس الاهل
مبارك وكل تلج وانت طيب
لكن انا قايلكم بتكسروا فى تلج لكن لقيتكم
بتكسروا فى تلج
|
Post: #68
Title: Re: ثلجـي .. بكسـروا بـررررررراي ..
Author: waleedi399
Date: 09-03-2005, 12:44 PM
Parent: #67
العزيز
المكاشفي
تحية طيبة،،
نسبة لعدم توفر كمية كافية
من الواح التلج فقد تقرر
تكثيف الانتاج حتى نغطي
حاجة السوق مع تزايد
حجم الطلب وقلة العروض المقدمة
فتضائل الناتج المحلي للسوق ...
(اقتصاديات الثلج في السوق العالمي)
شكراً على حضورك الجميل يا ود الخضر
وجاييك راجع تاني بكمية لا بئس بها
عشان خاطر الحبان والخلان ....
وليد
|
Post: #69
Title: Re: ثلجـي .. بكسـروا بـررررررراي ..
Author: waleedi399
Date: 09-03-2005, 12:47 PM
Parent: #1
تلجي
جي .. جي
بكسروا،،
كسروا...
هسع,,
آآآآآآآآ
ناووو
(now)
|
Post: #70
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-04-2005, 00:41 AM
Parent: #1
الاخ وليد
هاك اللوح دا كسروا لغاية ما اجيك
|
Post: #72
Title: Re: ثلجـي .. بكسـروا بـررررررراي ..
Author: waleedi399
Date: 09-04-2005, 04:29 AM
Parent: #70
المكاشفـي
والله ما قصرت ابداً،،، خليت خمار ممتاز
يكفـي للصيف القادم... كفيت ووفقيت
أديك الصحة والعافية يا جبل الجليد
الما بتنهز .......
|
Post: #71
Title: Re: ثلجـي .. بكسـروا بـررررررراي ..
Author: شرووم
Date: 09-04-2005, 03:17 AM
Parent: #1
الأخ وليد 399
كل سنة وكل يوم وكل ساعة وكل ثانية وأنت طيب
مدخل ثلجي :
بما إنه الأيام في السودان في أزمة في الوقود والطاقة والشبابيك والمواصلات ،، مؤكد إن سوق التلج حايتأثر
عليه قررنا مدكم بما يلي:-
ســــــــــــعن مصنوع من جلد الضأن الفاخر.
مرابانات من خشب السنط المقاوم للماء والرطوبة .
قطاع ( قرعة ) من قرع الجروف الزاهي ،،،
مخرج طوارئ :
انت يا وليد ليك سنتين ولسة 399 متين حاتصل 400
كل تحياتي وكامل تقديري
شرووم
|
Post: #74
Title: Re: ثلجـي .. بكسـروا بـررررررراي ..
Author: waleedi399
Date: 09-04-2005, 10:31 AM
Parent: #71
.
..
العزيز شرووم،،
كل عام وانت الحب يا عزيزي.. شرووم
والتحية لك على حضورك البهي والمشرف
على مشاركتك هذه في مهرجان ثلجـي الاول
قـــــــف!!!
أحيك على الامدادات اللازمة من جمعية حماية الثلج
واطمئنك انو سوق الثلج لم يتأثر بالوضع الراهن
حــتى الان ............
نشكر الشركات الداعمة للمهرجان ومقرها
قطــبي الكـــرة الارضــية
بشقــيها الشمالـي
والجـــنـوبي..
مخرج أزمـات.:.:
شــرووم اكثر من سنتين ولسـه شـرووم
خالص التقدير والاحترام
..
.
|
Post: #121
Title: Re: ثلجـي .. بكسـروا بـررررررراي ..
Author: ABDELAZIZ MAHADY
Date: 10-29-2005, 05:06 AM
Parent: #74
دي كورة تلج صغيرة .. لانو الجيران ما خلو تلج لينا
|
Post: #122
Title: Re: ثلجـي .. بكسـروا بـررررررراي ..
Author: waleedi399
Date: 10-30-2005, 04:00 AM
Parent: #121
دي كورة عرضية؟ ولا كورة ثلجية؟
انت يا عبد العزيز شكلك بتاع كورنرات كنت ولا ما زلت ولا شنو؟
بالمناسبة الدنيا رمضان بنحتاج لمزيد من الدعم نحو التكسير وغيره..
كثر من كساراتك ... وزيد انتاج الالواح اكثر شويه .. ومع الف سلامة
|
Post: #73
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-04-2005, 04:59 AM
Parent: #1
الحبيب وليد
قديما قيل
ليس بالتلج وحده يحيى الانسان
والبيتو من تلج ما بيكشح جيرانو بالموية
وللثلج فوائد كثيرة
لكن يا وليد انا بديك لغز ذكره بعض الشيوخ ممتحنا اخاه ليعرف مدى ذكائه لو عرفت لى الحل الصحيح ليك عشرة ليحان تلج لا اقصد عشرة ......... !!!!!
اللغز هو :
ماهو الشيء الذي يخلق من الماء ويهلك بالماء ؟؟؟؟؟؟؟؟
وانا منتظر الاجابة
|
Post: #75
Title: Re: ثلجـي .. بكسـروا بـررررررراي ..
Author: waleedi399
Date: 09-04-2005, 01:02 PM
Parent: #73
المكاشـفي
| Quote: وانا منتظر الاجابة |
سأتيك بها..................
|
Post: #76
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-04-2005, 11:24 PM
Parent: #75
أين ذهبت ؟؟
|
Post: #78
Title: Re: ثلجـي .. بكسـروا بـررررررراي ..
Author: waleedi399
Date: 09-05-2005, 02:40 AM
Parent: #76
أنا ها هـنا
|
Post: #77
Title: Re: ثلجـي .. بكسـروا بـررررررراي ..
Author: waleedi399
Date: 09-05-2005, 02:05 AM
Parent: #73
المكاشـفـىQuote: اللغز هو :
ماهو الشيء الذي يخلق من الماء ويهلك بالماء ؟؟؟؟؟؟؟؟ |
قبل الاجتهاد في فـك طلاسـم هـذا اللغز،،
لي ســؤال يا المكاشـفي ...
مش برضو الزول لما يجي يدعموا
بقول ليه اطلب اخر طلب
أها انا سؤالي ماهـي حالة ونـوع الماء؟؟؟
بمعنى هل هـذا الماء صافـي،،
أم مـاء (مهـين) مثـلاً
وحالة الماء هل هي (غازية)؟؟
سائلـة؟؟
أم صلـبة؟؟
..
.
|
Post: #79
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-05-2005, 04:55 AM
Parent: #77
هااهي
الماء سائل
بس عشان اريحك السائل دا ما الحيوانات المنوية
شوف ليك حاجة تانية
بس ما تنسى الجائزة كل يوم بتنقص شريط
|
Post: #80
Title: Re: ثلجـي .. بكسـروا بـررررررراي ..
Author: waleedi399
Date: 09-05-2005, 12:33 PM
Parent: #79
Quote: بس عشان اريحك السائل دا ما الحيوانات المنوية
شوف ليك حاجة تانية |
هـا قد اسـقطنا واحدة إذاً
|
Post: #83
Title: Re: ثلجـي .. بكسـروا بـررررررراي ..
Author: Agab
Date: 09-08-2005, 02:38 PM
Parent: #1
العزيز وليد ما لا نهايــــــــــــــــــــــــــــــــــــــــــة
تحية متأخرة
لانو لـــــــــــــــــــــــــوري التلج بتاعي يا دوب جا راجـــــــــــــــــــــع
وزي ما قال ناذر إنشاءلله يوم فصلك ما يجي
وبس تموتو مغص يا ناس أساسي
|
Post: #84
Title: Re: ثلجـي .. بكسـروا بـررررررراي ..
Author: waleedi399
Date: 09-08-2005, 06:14 PM
Parent: #83
وليد العـجب
بشــوف القلـب يا أخـوي
ومشكووووووووور على لوري التلج يا ولي
دقيقة خلي الجماعة ينتظروا شووووية نفضي ليك ثلاجتنا
اصلــو الاخوان ما قصروا كل زول جاب ليه لوحين ثلاثة
انشاء الله يوم كسيرهم ما يجي
|
Post: #85
Title: Re: ثلجـي .. بكسـروا بـررررررراي ..
Author: Agab
Date: 09-08-2005, 06:24 PM
Parent: #1
| Quote: بشــوف القلـب يا أخـوي |
لكن القلب ما ملانــــــــــــــــــــــــــــــــــ
وعارفين الشباب ما بيقصروا
|
Post: #86
Title: Re: ثلجـي .. بكسـروا بـررررررراي ..
Author: waleedi399
Date: 09-08-2005, 06:33 PM
Parent: #85
| Quote: لكن القلب ما ملانــــــــــــــــــــــــــــــــــ |
مـلان شنو ما داير اقول ليك فاضي لكن فيه مساحات تسع كل الاحباب
بس انت تعال فرح ليالينا يا ولي وخليك قريب على الدوام
|
Post: #87
Title: Re: ثلجـي .. بكسـروا بـررررررراي ..
Author: Agab
Date: 09-08-2005, 06:44 PM
Parent: #1
ملان حـــــــــــــــــب للجميع
وقاعد قريب
|
Post: #88
Title: Re: ثلجـي .. بكسـروا بـررررررراي ..
Author: نادية عثمان
Date: 09-08-2005, 08:46 PM
Parent: #87
للمرة الالف جيت اكسر ليك تلج !!
وده كلوووو عشان تلحن لى النص الشعرى وتغنيه وتفتح بيهو بوست كاول تعاون فنى بينا
اها حانتظر كتييير ولا شنو ؟!!
|
Post: #89
Title: Re: ثلجـي .. بكسـروا بـررررررراي ..
Author: waleedi399
Date: 09-10-2005, 01:24 AM
Parent: #87
عـجب الدور ..
قاعد قريب .. في الهمبريب
على وزن واقف براك والهم عصف
اعتقد أنو مشكلة ندوية اتحلت بي صورتك دي لقينا ليها ملحن اكبر من الزول المتشبك ساااااكت ..
أها يا ندوية رأيك شنو أنا ولا العجب؟؟؟
|
Post: #90
Title: Re: ثلجـي .. بكسـروا بـررررررراي ..
Author: نادية عثمان
Date: 09-10-2005, 04:45 AM
Parent: #89
| Quote: أها يا ندوية رأيك شنو أنا ولا العجب؟؟؟ |
والله ياولى ماعارفة اقول ليك شنو !!!
دخلتنى فى كورنر ضيق!!
اقول ليك ؟
انت اغنية وهو اغنية الشعر رااااااقد نحمد الله !!
موش حليتها حلو ؟!!
|
Post: #92
Title: Re: ثلجـي .. بكسـروا بـررررررراي ..
Author: waleedi399
Date: 09-10-2005, 10:05 AM
Parent: #90
ندوية
خير!! مالك؟؟ لا كورنر ضيق ولا حاجة الكورنر اوسع مما كان ...
هسع عليك الله اجابتك دي ما وسعت الميدان خلي الكورنر
ما تقولي تلج لانو اليومين دي التصنيع وااااااااقف المكن محتاج قطع غيار
أها رأيك شنو في الباصات البينية دي (ون تو)
ويا ندوية طولي بالك علي شووووووووية جاييك بالالحـــان الجديدة ... لوووول
|
Post: #93
Title: Re: ثلجـي .. بكسـروا بـررررررراي ..
Author: Agab
Date: 09-11-2005, 04:47 PM
Parent: #90
يلا يا نادية
علشان سيد التلج ده يموصوا
ويا تلحين بفلوس بكرة يبقي ببلاش
|
Post: #94
Title: Re: ثلجـي .. بكسـروا بـررررررراي ..
Author: waleedi399
Date: 09-12-2005, 09:41 AM
Parent: #93
Quote: علشان سيد التلج ده يموصوا
|
يمصوا ويشرب مويتو يا ولي
يا عجب بالله ما تشغلنا اليومين دي منهمك بتوقيع لحنين
من اعمال الشاعرة ندوية ما تقطع حبل اوتارنا بالله
|
Post: #95
Title: Re: ثلجـي .. بكسـروا بـررررررراي ..
Author: Agab
Date: 09-12-2005, 09:44 AM
Parent: #94
إنت ما كلموك
أنا ما شلت واحد منهم
|
Post: #91
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-10-2005, 06:33 AM
Parent: #1
وليد
الحاصل شنو ؟
خليتو كسير التلج بقيتو تكسروا فى شنو ؟؟
|
Post: #96
Title: Re: ثلجـي .. بكسـروا بـررررررراي ..
Author: waleedi399
Date: 09-12-2005, 11:07 AM
Parent: #91
المكاشـفي
كل خـير ...
يبدو أن الضرب بقي في الركبة والانكل!!
لذلك توقفت الكسارة؟؟
وكذلك يحتاج التلج لبعض الغازات والمقويات
عشان ترفع نسبة (مياهـو المعدنية)
علي وزن (روحـو المعــنوية)
|
Post: #97
Title: Re: ثلجـي .. بكسـروا بـررررررراي ..
Author: waleedi399
Date: 09-15-2005, 05:53 AM
Parent: #96
المكاشفي ..
طبعاً اليوم الخميس
بدل نبيع القميص نبيع التلج احسن
مش كدا........
|
Post: #98
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-15-2005, 06:59 AM
Parent: #1
ايوا بس القيض دا شنو ؟
|
Post: #99
Title: Re: ثلجـي .. بكسـروا بـررررررراي ..
Author: waleedi399
Date: 09-17-2005, 03:06 AM
Parent: #98
| Quote: ايوا بس القيض دا شنو ؟ |
قيض شنو يا أخوي؟؟ ما فهمت عليك؟؟
|
Post: #100
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-17-2005, 03:31 AM
Parent: #99
الاخ وليد انا قصدي القميص لكن الكي بورد خزلني
|
Post: #101
Title: Re: ثلجـي .. بكسـروا بـررررررراي ..
Author: waleedi399
Date: 09-17-2005, 03:48 AM
Parent: #100
| Quote: الاخ وليد انا قصدي القميص لكن الكي بورد خزلني |
الكيبورد برضو يا مكاشـفي؟؟؟
|
Post: #102
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-17-2005, 04:02 AM
Parent: #101
الاخ وليد كدا ورينا الحاصل شنو ؟
انت الهدية ليش ما جبتها لي ؟
ماقلت لى هناك هدية قولت سلام تبقالو عيد
سؤالي مالك ما جاوبت عليهو ؟
انا منتظر الاجابة
|
Post: #103
Title: Re: ثلجـي .. بكسـروا بـررررررراي ..
Author: waleedi399
Date: 09-17-2005, 11:25 AM
Parent: #102
المكاشفـي
أي هدية تقصد؟؟؟
اديني امارة ..
سؤالك يا ود الخضر دحين اجابتو مو
(النـــــــار) ...
انت اصلو ما عندك خيارات؟؟؟
أها لقيتني كيييييف؟
|
Post: #104
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-18-2005, 05:58 AM
Parent: #103
اجابة خظأ
ممكن تتصل بصديق
|
Post: #105
Title: Re: ثلجـي .. بكسـروا بـررررررراي ..
Author: صلاح الدين عبدالله محمد
Date: 09-18-2005, 06:09 AM
Parent: #104
| Quote: ثلجـي .. بكسـروا بـررررررراي .. |
ماعاوز
مساعده
؟؟؟؟؟؟؟؟؟؟؟؟؟؟؟؟؟؟؟
|
Post: #108
Title: Re: ثلجـي .. بكسـروا بـررررررراي ..
Author: waleedi399
Date: 09-19-2005, 09:17 AM
Parent: #105
صلاح بالله دا كلام دا ..
شايل معداتك في يدك وتقول لي ايو مساعدة
يا راجل ما تناولنا بس
|
Post: #106
Title: Re: ثلجـي .. بكسـروا بـررررررراي ..
Author: waleedi399
Date: 09-19-2005, 03:31 AM
Parent: #104
Quote: اجابة خظأ
ممكن تتصل بصديق |
يا شيخي المكاشفي!!!
ممكن
|
Post: #107
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-19-2005, 06:04 AM
Parent: #106
الاخ وليد
الصديق فى انتظارك على الرقم
00249912940678
|
Post: #109
Title: Re: ثلجـي .. بكسـروا بـررررررراي ..
Author: waleedi399
Date: 09-19-2005, 09:48 AM
Parent: #107
الرقم الذي طلبته ..
غير موجود بالخدمة مؤقتاً
ارجو مراجعة خدمات المشتركين ..
نشوف رأي الجمهور هل نحذف اجابتين
ولا نشاورهم ...
بالمناسبة الغضب يا المكاشفى يطفأ ويموت بالماء
وكذلك الانسان حاجات كثيرة بس يا اخي حيرتني!!!
|
Post: #110
Title: Re: ثلجـي .. بكسـروا بـررررررراي ..
Author: فيصل نوبي
Date: 09-20-2005, 01:50 PM
Parent: #1
وليد
هاك التلجه دي
نوبي
|
Post: #111
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-21-2005, 00:30 AM
Parent: #110
غايتو يا وليد التلجة دي لو ما كسرتها بكسرا انا دا
|
Post: #113
Title: Re: ثلجـي .. بكسـروا بـررررررراي ..
Author: waleedi399
Date: 09-21-2005, 01:19 AM
Parent: #111
| Quote: غايتو يا وليد التلجة دي لو ما كسرتها بكسرا انا دا |
طيب راجي الري كسارات مافي ولا نعل ما غلبتك
بالمناسبة الزول دا بذكرني بصورة البطل ابو الوليد ...
|
Post: #112
Title: Re: ثلجـي .. بكسـروا بـررررررراي ..
Author: waleedi399
Date: 09-21-2005, 00:54 AM
Parent: #110
والله لكن تلجه جامدة يا فيصل .....
دي نكتها من وين، انا ما قلت التلج المدكن دا للضيوف
منتظر يوم تلجك بفارق الصبر ....
مع انو ندوية ما خلتو فيهو قالب حااااااايم
|
Post: #114
Title: Re: ثلجـي .. بكسـروا بـررررررراي ..
Author: فيصل نوبي
Date: 09-21-2005, 01:59 AM
Parent: #1
| Quote: منتظر يوم تلجك بفارق الصبر .... |
الله كريم يا وليد ايام كسير تلجي انتهت
اخوك انتهي خلاص
|
Post: #115
Title: Re: ثلجـي .. بكسـروا بـررررررراي ..
Author: waleedi399
Date: 09-21-2005, 02:53 AM
Parent: #114
فيصـــــــل ....
تاني ما تقـــول انتهــينا ...
نحــن يا دوووووب ابتدينــا
انت لسـه في ايـأم مجـدك الاولـي
|
Post: #116
Title: Re: ثلجـي .. بكسـروا بـررررررراي ..
Author: المكاشفي الخضر الطاهر
Date: 09-21-2005, 04:13 AM
Parent: #1
| Quote: مع انو ندوية ما خلتو فيهو قالب حااااااايم |
انا قايلو قالب تلج اللتاريهو قالب كاستررررررر
|
Post: #117
Title: Re: ثلجـي .. بكسـروا بـررررررراي ..
Author: فيصل نوبي
Date: 09-21-2005, 05:25 AM
Parent: #1
| Quote: انا قايلو قالب تلج اللتاريهو قالب كاستررررررر |
كاستر ولا جيلي ؟
|
Post: #118
Title: Re: ثلجـي .. بكسـروا بـررررررراي ..
Author: waleedi399
Date: 09-21-2005, 09:30 AM
Parent: #117
انت خليتو التلج بقيتو تفتحو (الفريزر)
تفتشو في الجيلي والكاستر (الجيلي الشيخ)و(فدل كاستر)
جـاك ســـترو ..
ارجعو للكسير وكلو عند (الغرب) كســـــير
|
Post: #123
Title: Re: ثلجـي .. بكسـروا بـررررررراي ..
Author: waleedi399
Date: 10-31-2005, 03:54 AM
Parent: #117
فدل كاسترو يا نوبي
|
Post: #124
Title: Re: ثلجـي .. بكسـروا بـررررررراي ..
Author: waleedi399
Date: 10-31-2005, 03:54 AM
Parent: #117
فدل كاسترو يا نوبي
|
Post: #119
Title: Re: ثلجـي .. بكسـروا بـررررررراي ..
Author: فيصل نوبي
Date: 09-23-2005, 04:47 AM
Parent: #1
|
Post: #120
Title: Re: ثلجـي .. بكسـروا بـررررررراي ..
Author: waleedi399
Date: 10-29-2005, 03:20 AM
Parent: #119
أها رجعنا يا فيصل ..
انت وووووووووووووووين؟؟
|
|