Post: #1
Title: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-18-2005, 07:26 AM
Parent: #0
الاخ الفاضل تمبس
نهارك سعيد
ياخوى طبقت كلامك لصديقنا عاصم شريف بخصوص تصغير الصور بضبانته, شرفتنى صورة عاصم ببهائها وطارت صورة ولدى, لو صورتو ما رجعت الليلة بشتكيك وما بقبل اى وساطات ولا تعويض.
تحياتى
راجع بوست عيد ميلاد ابنتنا ملاذ وبالمرة ورينى كيف اعمل الرابط" دى على سبيل الرشوة"
|
Post: #2
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: عادل فضل المولى
Date: 08-18-2005, 07:55 AM
Parent: #1
يا محي الدين
تامبا دا فوقو النبي
لا تعرضلو
لا تزعل منو
....
اها موضوعك دا بسيط
(محمود الصغير دا بحلوا ليك)
تعال يا ولد يا محمود اقرأ كلام جدك دا وشوف ليهو حل...!
حاضر يابابا
....
يا جدو..سامعني
...؟
شوف يا جدو
1-افتح البوست الفيهو الصورة
2-احفظ (كوبي) من الصورة المختارة على سطح المكتب
3- افتح الموقع دا (www.w6w.net- الصفحة الرئيسية (تحميل الصور)
4- اضغط على زر (browes)= عرض المحتويات
5- اختار الصورة المعنية
6- بعد ظهور اسم الصورة عندك في (المجرى) اضغط على (تحميل)
7- اسحب الصفحة الى اعلى ستجد الصورة المختارة ظهرت مع رابطين (الصفحات الملف- المنتديات)
لو عايزها في البروفايل ...انسخ (الرقم) الخاص بالصفحات ثم ارجع الى البروفايل وضع الرقم في المكان المخصص ثم اضغط على تغيير ستظهر الصورة في موقعها
في حالة المنتديات اختار الرقم الخاص بذلك ثم افتح البوست واضغط على Image ثم قم بانزال الرقم في المجرى ..
وللتأكد من سلامة الاجراء افتح استعراض قبل ان ترفع البوست
...
شكرا
في حالة ظهور أي مشلكة عليك الكتابة فورا وسيأتيك الرد حالاَ
|
Post: #3
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-18-2005, 09:06 AM
Parent: #2
الاخ العزيز عادل
تسلم انت والصغير محمود واخونا تمبس
لكن ياخوى تمبس دة حقو يشكركم انت ونصار
انا قلت الراجل وقع والواحد يشوف ليهو تعويض خرافى ويلحق باقى الصيف فى جزر البهامامع الولد وامو, تجى ناطى لى انت ونصار ومحمود تفرتقوا لينا احلامنا بحتة موقع تحميل صور! ماكان العشم والله.
شكرا ليك انت والصغير محمود والله يعوضنا.
"بالمناسبة عرفت طريقة تصغير الصورة من ارشادات تمبس القيمة, وجات سليمة برضو"
شكرا كتير
محى الدين وسامى
|
Post: #4
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: عادل فضل المولى
Date: 08-18-2005, 09:32 AM
Parent: #3
يا محي الدين تحية ندية
تمبس دا والله من أروع السودانيين
في الدنيا دي
وانا لا شفتو لا قابلتو
لكن الواحد شاف فيهو حاجات نادرة
(.......)
خليها في سرك
وبعدين حكاية الرابط ان شاء الله تكون
ربطت معاك
...
والحاجة العجيبة
انو صورة صغيركم
فيها شبه شديد جداً من صورة محمود لمن كان عمرو ذي 7 أشهر
وان شاء الله سانزل تلك الصورة حتى تقارن
(يا ملائكة كلكم بتشبهوا بعض)
تسلم
والاجازة خليها معانا في السودان
وسنتكفل بكامل
....
...
..
.
حمايتكم
من
(الناموس)
وشكراً لي نصار
|
Post: #6
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-18-2005, 09:55 AM
Parent: #4
الاخ العزيز عادل
لك ومحمود عاطر التحايا
كلامك عن تمبس والله اثلج صدرى وازال سخطى على ضياع التعويض
وزول زى دة ما ساهل الله يحفظواويحفظك لينا.
وياريت سامى يشبه محمود فى كل مراحل عمره ويكونا من ابناء الوطن الصالحين(انا دة غايتو مارق للربا والتلاف).
الرابط لسة فيهو مشكلة ياريت تحلها لينا
مشكورين على دعوتكم لقضاء الاجازة فى دفء مودتكم
وحماكم الجليل من البعوض والعوارض و ال. (........) دى خليها فى سرك طالما الواحد حياجز فى السودان.
مودتى
|
Post: #5
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: نصار
Date: 08-18-2005, 09:33 AM
Parent: #1
العزيز محي الدين
اضحك الله سنك
كتبت
| Quote: ياخوى طبقت كلامك لصديقنا عاصم شريف بخصوص تصغير الصور بضبانته |
المشكلة كلها في ضبانته
يعني زي الزول البشف الامتحان من جارو و يكتب اسم الزول الشف منه ورقم جلوسو كمان
حكاية التعويض دي تمبس كان ح يستفيد من مقدراتو الفنية و يرسم ليك دولارات
اسفيرية اعتي محامي تعويضات من جماعتكم البطلبوا الملايين في الفارغة و المليانة
ما يقدر قول فيها حاجة
|
Post: #7
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: Luay Elhashimi
Date: 08-18-2005, 10:03 AM
Parent: #5
الف مبروك يا محي الدين...
ملاذكم بتشبهك ..
وين اراضيك...
التحا يا لام ملاذ...
وما ترضي من تمبس بي غير اغنيه...
|
Post: #10
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-18-2005, 10:25 AM
Parent: #7
لؤى الصادق الشريف الهاشمى!!!!
يا لمحاسن الصدف!
مبروك ليك انت برضو الزواج وبالرفاه والبنين
ملاذ دى بت عاصم شريف, دخلنا البوست "بتاعهم" لقينا تمبس لابد لينا
الولد اسمو سامى وعقبالك انت كمان.
| Quote: وما ترضي من تمبس بي غير اغنيه... |
بس انت حليت لى الموضوع..
عاوز تعويض اغنية, ولو لابو داؤود, ابوس ايدى وش وضهر, لكن ليهو الخيار برضو
|
Post: #8
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-18-2005, 10:13 AM
Parent: #5
العزيز نصار
نصير تمبس ضد حقوقنا المشروعة
النقل بالضبانة دة مربط الفرس, يعنى لو كنت فكرت شوية ما كنت عملت الجقلبة دى, واصلوا فى الحاجات دى بستعين بزميلنا عضو المنبر وضاح تابر وهو غير موجود اليوم ,قلت لنفسى ياولد اعمل copy and paste للرابط بتاع تمبس وبالمرة تلقى فرصة تتفسح فى وضاح بمهارة تقنية جديدة, طلعت بصاص فاشل وكتبت اسم ورقم جلوس عاصم.
وبكلام الدولارات الاسفيرية دة الواحد بلع لسانو , والعفو والعافية ياتمبس وما دايرين منك اى حاجة, بس سلامتك ولملم دولاراتك الاسفيرية عليك, الله الغنى ( دى يازول بتودينا ورا الشمس).
|
Post: #9
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: عمار بيلي
Date: 08-18-2005, 10:21 AM
Parent: #8
الاخ محي الدين ...
انا افتش واكوس واعاين .. ياربي الزول
هج .. ولا حرد .. ولا طفش ؟؟؟
يومي الالم فيك القاك كايس لي صورة الولد
وكمان داير تغني من وراه حتي ولا منتظر ماهيتو ؟؟
علي العموم سلامات ومشتاقين كتير وإنشاء الله تمبس
مرقك
|
Post: #11
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-18-2005, 10:37 AM
Parent: #9
| Quote: هج .. ولا حرد .. ولا طفش ؟؟؟ |
عمار بيلى الفنان
ياخى العود ما دايرين نتعلمو, زورونا فى الله كدة ساكت!!
انت ياخوى ما سمعت بالراسمال البشرى, الليلة لو ما الجماعة ناس عادل وولدو محمود ونصار حجزونى من تمبس وقالو لى الزول دة اخونا وكويس, كانت صورة الولد خلتنا ملياردولارات.
والله مشتاق ليك ولعودك ابقى زورنا بكرة, وما تتاخر ملاح النعيمية بفوتك.
|
Post: #12
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: عمار بيلي
Date: 08-18-2005, 10:52 AM
Parent: #1
عزيزي محي الدين ..
كن كذلك كلما فاحت رائحه الغربه وعمت الامكنه
فلتعالجها( بالتقليه.. وأخواتها من المسائل البلديه )
.. كان بالود التواصل لكن أنت أدري ..
لك الشوق ..
|
Post: #13
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-18-2005, 11:01 AM
Parent: #12
| Quote: .. كان بالود التواصل لكن أنت أدري .. |
حقك فى ساقك يا عمار زى ما بقولو حبوباتنا
جابو لينا دخن من السودان, والله كان اسفو ما اخلى ليكم منو حاجة
|
Post: #14
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محمدين محمد اسحق
Date: 08-18-2005, 11:15 AM
Parent: #13
والله يا ابو سامي ..
وابو محمود ......
ضحكتوني ..بالمرة ....
هسع عليك الله ..بعنوانك دا ..تمبس يقدر يخش البوست دا..هسع كدي فتشو تمبس فات وين ..
الحمد لله لقيتو صورة سامي ..ما يكون هو ذاتو دقش البهاما ..طالب لجوء............
الله يحفظ ليكم سامي ..ومحمود ..وام سامي ..وام محمود .......................
قايتو انتو ..شيلو الشيلة ساكت ..كان تمبس دا ما ظهر..
|
Post: #15
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-18-2005, 11:51 AM
Parent: #14
| Quote: هسع عليك الله ..بعنوانك دا ..تمبس يقدر يخش البوست دا..هسع كدي فتشو تمبس فات وين .. |
محمدين الزول الزين سلامات
انا زاتى بديت اخاف من غيابو دة, وشغال فى الراجل قطيعة, هسع لو رفع ضدى دعوى تشهير وطالب بتعويض اعمل شنو؟
خليك قريب عشان تبقى واسطة خير مع الاجاويد نصار ومحمود وعادل.
|
Post: #16
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: حسام يوسف
Date: 08-18-2005, 02:32 PM
Parent: #15
الاخ محي الدين الشغلة من ما جابت ليها محاكم اخونا تمبس كب الزوقه
|
Post: #17
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: Asim Sharief
Date: 08-18-2005, 05:37 PM
Parent: #16
الصديق العزيو محى الدين ابكر
اها انا يا خوى جيتكم فى بيتكم..وقاصد شر..اها انت قايل الداير التعويض انت ولا تمبس؟..كضبا كاضب.. الداير التعويض انا ذاتى..اولا انت قمت بعملية قرصنة مركبة..اولا نسخت صورتى(الما خايف عليها)وبعدين استفدت من كلام تمبس لى انا ده بخصوص التصغير(وانا دفعت لى تمبس عليه)..اها بعد ده كلو الدير تعويض منو؟
تخريمة:تمبس بعد ده تعال مارق..الزول خلاص انا لويت ليه يده..
وبى مناسبة (الدفع )لى تمبس .اها اقول ليكم نكتة:
قالوا كان فى واحد طالب ليه زول قروش(ما انت يا تمبس)..والزول جننه ليك اصلو ما داير يرجع ليه قروشو,وقدر ما يلاقيه يسالوا منها صاحبنا يطمنو ليك بانه القروش فى.. لكن فى البيت..وبعد فترة الراجل مشى ليه فى البيت,واخونا داك كان قاعد خاتى ليه كرسى برة البيت وبياكل ليه فى تمر وجنبه كوز موية,اول ما شاف ليك الراجل جاى عليه,حفر ليه حفرة صغيرة ورمى فيها حصاية بلحة وكب عليها موية,واول ما وصل الراجل صاحبنا قام على حيله وقال ليه,شفت التمرة دى اها انا هسع زرعتها واول قطعة لى تمرها انا ببيعه واديك قروشك,قام الراجل اتمغص من كلام الزول ده وصفق يدينه,دليل على الاستهجان,فصاحبنا داك ما صدق قال ليه:ليك حق تصفق يدينك ما خلاص ضمنت حقك...
|
Post: #24
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-21-2005, 03:42 AM
Parent: #17
الصديق العزيز عاصم
اها شفتا دى الصلبطة ذاتها, ياخى السودانيين بقوا بيحبوا " القسمة" , رغم انو الرائع محمد احمد عوض قال " القسمة ما معروفة", تمبس عوضنى باغنيتين رايعات, انت انتظر حصاية البلحة لغاية ما تقوم.
|
Post: #23
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-21-2005, 03:31 AM
Parent: #16
الاخ العزيز حسام
شكرا للطلة البهية واعتذر لتاخيرى
انت فى زوغة تمبس ولا شربكة عاصم وطمعه فى التعويض, اها انا قبلت باغانى ابو داؤود النشوف عاصم حيعمل شنو.
|
Post: #25
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محى الدين ابكر سليمان
Date: 08-21-2005, 03:55 AM
Parent: #18
جيدا جيت يا تمبس
يازول الواحد جاهو شك انك "كبيت الزوغة" نهائى بعد شوفتك للعنوان, لكن حمدالله على السلامة وشكرا على الاختيار الراقى ومتعنا يالمزيد.
هسع انحنا اتصلحنا بتدخل الاجاويد والاغنيتين ديل, لو ما كدة, اجيبك بالانتربول محل ما قاعد, تقعد فى الحبس خميس وجمعة, وسبت واحد كمان( انت ناسى انو دة الويك اند حقهم؟) ودة تحت مادة نشر معلومات مضللة واثارة وارباك الحالة النفسية لمواطن مسكين.
تعويضك عن الترويع حيكون مجزى والزوار كلهم حينومو موسيقيا لو شرحت لى انزل اغانى كيف.
وشكرا تانى لابوداؤود
|
Post: #26
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: waleedi399
Date: 08-21-2005, 04:49 AM
Parent: #18
| Quote: ( محاولةارهاب زول نايم ) |
Quote: ( الترويع وخلق البلبلة لي بوردابي وهو يوم الخميس غرقان في النوم ما جايب خبر )
|
في يوم الخميس جانا الخبر وانشاع في الاربع قبل،،
أنا اتخيل لي يوم الخميس بين الساعة 3-4 سمعت اطلاق نار
فقلت يمكن يكون دا واحد من انصار العوفي أعضاء القاعدة
أتاريه دا أخونا الكاشف محي الدين ،، والكاشف هنا ليس الفنان
ولا الحالو مكشوف .. دا التيم اللي بعلب بخط دفاع مهزوز
وظهروا مكشوف يا تامبا .. وبرضو ما بعفيك في ارجاع الصورة بتاعت ولدوا .. لووووول 
|
Post: #19
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: Abdulla Ageed
Date: 08-20-2005, 05:47 AM
Parent: #1
قال عادل فضل المولى:
Quote: تمبس دا والله من أروع السودانيين
في الدنيا دي
وانا لا شفتو لا قابلتو |
يا عادل
أنو شفتو.. وقابلتو
ووالله كلامك صاح
|
Post: #20
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: عادل فضل المولى
Date: 08-20-2005, 06:31 AM
Parent: #19
ود عقيد
ياخي اطيب تحية
انت والله زول حقاني
وشفيف ...
والارواح جنود مجندة
ما تعارف منها ائتلف
وما تنافر منها اختلف
...
هذا الفضاء (السوداني) الخاص
يجمع تحت مظلته رائعين
روعة البلد نفسها
وشهادتك حول تمبس
شهادة من رائع
عن رائع
وبكما والآخرين يطيب لنا
المقام هاهنا
....
ارجو ان تقبل مباشرتي
وصراحتي
و...
...
..
.
محبتي
|
Post: #21
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: Abdulla Ageed
Date: 08-20-2005, 06:59 AM
Parent: #1
Quote:
ارجو ان تقبل مباشرتي
وصراحتي
و...
...
..
.
محبتي |
الحبيب ابو محمود
"أوفيت.. ولكن
دايرين
زيادة"
هذا ما قاله أبو داود ((أعلاه))
ولكني أقول..
"أوفيت.. ونحنا
بنديك
زيادة.."
من الحب
الذي تستحقه
|
Post: #22
Title: Re: الاخ تمبس....رجع لى صورة ولدى هسع والا حيكون بيناتنا محاكم!
Author: محمد احمد النور
Date: 08-20-2005, 12:49 PM
Parent: #21
الصديق العزيز/ ود ابكر
حبيبنا اللذيذ/ سامى
سلامات وعافية
حاولت كثيرا ان اكون معك ولكن لظروف كتيرة وغريبة لم اتمكن ..
الود سامى كيف اخبارو وامورو ... شايفو شاهد على ما يجرى فى هذا المنبر لكن اقول ليك كان خليتو عاش حياتو بعيدا عن النكدوالنقةدى اخير ليهو .. الراجيهو كتييير
لك الود ونلتقى
سلامى للود سامى
|
|
