ردحي رجال.. انكشف المغطى

عندما اشتركت في هذا البورد ... كنت اعتقد انني سوف ادخل الى بوابة الناضجين فكرياً ولديهم مسئولية في كل كلمة .. وخطابهم بعيد عن المكايدات الشخصية ...
لكن اسع انكشف المغطى .. وبانت المغطية بلا مهل .. وحا اقول ليكم بالسوداني العديل داك.....
انا بعرف الردحي وكشف الحال ..لكن حقيقة ردحي الرجال لى بعضهم بجنس ده الحال المايل ما عرفته الا في منبرك ده يا بكري ابوبكر...
يا رجال ماتختشوا .. وشوفوا ليكم كلام نجيض ينفعنا وينفعكم في الزايلة دي ...
يابكري .. اطا لب بفصل كل الرجال الرداحين في المنبر ده .. وخليه يبقى على كلام النسوان بس ... على الاقل حايكون لطيف متلن .. اضاني طرشه من الردحي ابصوتن تخين وخشن ده.

Quote: عندما اشتركت في هذا البورد ... كنت اعتقد انني سوف ادخل الى بوابة الناضجين فكرياً ولديهم مسئولية في كل كلمة .. وخطابهم بعيد عن المكايدات الشخصية ... لكن اسع انكشف المغطى .. وبانت المغطية بلا مهل .. وحا اقول ليكم بالسوداني العديل داك..... انا بعرف الردحي وكشف الحال ..لكن حقيقة ردحي الرجال لى بعضهم بجنس ده الحال المايل ما عرفته الا في منبرك ده يا بكري ابوبكر... يا رجال ماتختشوا .. وشوفوا ليكم كلام نجيض ينفعنا وينفعكم في الزايلة دي ... يابكري .. اطا لب بفصل كل الرجال الرداحين في المنبر ده .. وخليه يبقى على كلام النسوان بس ... على الاقل حايكون لطيف متلن .. اضاني طرشه من الردحي ابصوتن تخين وخشن ده.

Quote: عندما اشتركت في هذا البورد ... كنت اعتقد انني سوف ادخل الى بوابة الناضجين فكرياً ولديهم مسئولية في كل كلمة ..

و كذلك كان حالي - بالضبط - عندما دخلت لهذا البوست!

يا رجال ماتختشوا .. وشوفوا ليكم كلام نجيض ينفعنا وينفعكم في الزايلة دي ...
كلام في الصميم .. وكلام ناس ناضجين عاوزين يفيدوا ويستفيدوا

تحية طيبة يامنال
كلام في المليان

شكرا على المداخلة ...
يا ملاسي يا خوي انا كتبت البوست ده بعد ما خلاص ما زهجت من الكلام المداخلات الشخصية في كثير من البوستات... لكن ياريت تدخل مشاركاتي عشان تريح حالك ..
كذلك كان حالي - بالضبط - عندما دخلت لهذا البوست!

انشاء الله بوستس الصغير ده ما يكون سبب ردحي نقه برضو
شكرا
منال

انشاء الله البوست ده ما يكون سبب ردحي كمان

Quote: انشاء الله البوست ده ما يكون سبب ردحي كمان

ان كان المقصود ردحي رجال فلا اظن.
و ان كان المقصود غير ذلك؛ فيكفي حينها مطالعة متن البوست.

Quote: انشاء الله البوست ده ما يكون سبب ردحي كمان

ان كان المقصود ردحي رجال فلا اظن.
و ان كان المقصود غير ذلك؛ فيكفي حينها مطالعة متن البوست.

..
.

Quote: و كذلك كان حالي - بالضبط - عندما دخلت لهذا البوست!

ملعوبة يا ملاسي ...
Funny
كدى النقلد احد الديوك ..

انت منال .. بتاعت الحركة الشعبية ..
لو ما انت .. عليك السلام ..
وكن انت انا برضو مكجن الشماليات العاملات فيها حركة شعبية
ما حدثوك انو الكوماندر سلفا كير كشح ياسر عرمان ومنصور خالد..
نصفها اشاعات ..
فى الشارع .. غداً تصبح واقع

بالضبط يأستاذة منال
مداخلة الأستاذ حسين ملاسي
بالنسبة لى .....

ونطالب بالأعتذار...

الاخوان المحترمين.. لم اقصد ان اهين احداً بهذا البوست ولكني حاولت ان اعلق على ما يدور في هذا المنبر من جدالات شخصية وتصفية خصومات وانتقادات شخصية خاصة بين اخواني الرجال ...ولقد كتبت البوست بلغة حريمية شويه ...
وفي الحقيقة لمن لايعرفني ...انني احاول ان ابعد نفسي عن هذه المتاهات لاني لا احمل على شخص يختلف معي في الرأي اي موقف عدائي .. وان اختلفت معه لا احب التعامل بمنطق ردود الفعل الفطيرة..
بالنسبة للاخ الذي يكجن الشماليات العاملات فيها حركة شعبية .. فهذا موقفك الشخصي ليس لي فيه الحق بلومك .. وهذه انفعالاتك الخاصة ولا استطيع التعليق عليها هنا .... ...لك ان تكره او تحب فهذا لن يؤثر في شي ....
وشكرا
منال .حركة شعبية وشمالية ميه في الميه ..

Quote: وفي الحقيقة لمن لايعرفني ...انني احاول ان ابعد نفسي عن هذه المتاهات

هو في متاهة اكبر من البوست دا!!

معليش يا اخ ملاسي اذا كان البوست بتاعي ده اساء لك بإي شكل من الاشكال .. واكرر اعتذاري لكل الاخوه ..
لكن ارى ان المنبر في الفترة السابقة بقى فيه ردحي ومداخلات شخصية ... قايتو ده رأيي والمكجني يشرب من البحر.. والداير معاي مشاكل ... ديدننا الدواس في الغابة ما هنا في منبر بكري ابوبكر .. فهنا نستغل المساحة للفكر واحترام الرأي الاخر .. وللذي يكرهنا ايضا احترامات
منال

Quote: وللذي يكرهنا ايضا احترامات

انتوا كــــــم؟؟
................

Quote: ديدننا الدواس في الغابة ما هنا في منبر بكري ابوبكر

غابة وين يا منــال دي ؟؟
انت لسه ( بتردحــي ) في الغابة والا شنو يا كمندره ..؟
خلاص ( أردحي ) في غابتك وخلينا نحن الرجال ديل نردح هنــا
والا رايك شنو ؟؟

Quote: والمكجني يشرب من البحر.. والداير معاي مشاكل ... ديدننا الدواس في الغابة ما هنا في منبر بكري ابوبكر

لمزيد من الردحي ..

ردحينا .. ولا تمر الغير


..

.

أستاذة منال
سلام
بصراحة، ومن وِجهة نظري على الأقل، لو أنّ كل واحد منّا انتابته نوبةُ مللٍ أو غضبٍ كالتي انتابتكِ مما يُكتب هنا فكتب عن ملله وغضبه هذين لامتلأت صحفة المنبرِ الأولى باللائمين والراثين لحال المنبر، مقالتي هذه يوحي ظاهرها باتفاقي معك وربما كان هذا الإيحاء مصيبا في اتجاهه، لكن الدقة تنقصه وتبيان ذا في ما يلي من تعقيبي.
نعم يا أستاذة، بعض ما يُكتب في المنبر يصيب المرء بأحاسيس شتى (تختلف باختلاف هذا المرء، بعض منا هش التوازن النفسي فيصيبه الغثيان، وبعض آخر متوسط التوازن النفسي فيعتريه الملل)، هذا من ناحية، ومن ناحية أخرى فإنّ اختلافنا في ما هو سيء وما هو محمود لن تغيره كلماتك المعاتبة هذه مع احترامي لكِ ولها، فقد ثبت بما لا يدع مجالاً للشك أنّ النظرة المنبرية لواحِدِنا تستند على رأيه لا على أسلوبِه، فبعضٌ ممن يمارسون (الردح) بأنواعه كلها لم يجردهم (ردحهم) هذا من أوصاف أخرى كالنضال والروعة والوطنية والشفافية وهلم جرا! فما الذي يوقف أحدنا من (الردح) إن لم تكن له تبعات سالبة عليه؟!
لم يكن مقالك هذا الأول من نوعه ولن يكون الأخير، فقد اعتدنا بين الفينة والفينة أن يوقف أحدهم عربةَ المنبرِ السيارة لينزل عنها وتنتفي عنه صفة (الركوب) ثم يلوم الراكبين بعد أن لم يعد من بينهم، ولربما لحق به بعض الراكبين ليثنوا على نزوله الشجاع هذا لكنهم سرعان ما يدركون أن العربة بهم وبدونهم سيارة سيارة فيعودون لها من أوساط المارة!! أي أنّ مقالك هذا سيطويه النسيان لا محالة -كما طوى الذين من قبله- بل ربما كنتِ أنتِ أولَ من يبدأ طيّـه بشكل أو بآخر... (عادي يعني)
أمر آخر، مقالك حمل بين طياته تعميماً مخلاً ككل تعميم لا تسنده الدقة، فأصابع اتهامك –شئتِ أم أبيُتِ- تتجه نحو جميع الرجال من الكاتبين هنا لأنه –أي مقالك- لم يحْوِ –حتى هذه اللحظة- تعريفاً صريحاً ل(الردح) كما تريْنه أنت، بيًد أنه حوى ضرباً جديداً من التمييز (الشهير هذه الأيام بالعنصرية)، فأنت يا سيدتي تلومين الرجال الذي (يردحون) كما النساء، ما رأيك إذاً في النساء اللائي (يردحن) كالنساء؟ هل هذا مقبول لديك؟! بل ما هو رأيك في اللائي (يردحن) كالرجال؟! (الردح) بأنواعه كلها مذموم، سواء أكان (الرادح) رجلاً أم امرأة، ولا فضل ل (رادحة) على (رادح) إلا بقلة (ردحها) عن (ردحه)!!
كان حريّاً بكِ يا أستاذة أن تعاتبي المخطئ مكان خطئه حتى يعلم أنه أخطأ وحتى لا يصيب رشاش كلماتك الجميع، الآن أدعوك لقراءة كلماتك مرة أخرى ثم خبريني –بعد قراءتها- من هم الرجال (الراحدين) الذي قصدتيهم؟ لا إشارة لهم، ولا إشارة حتى لماهية (ردحهم) هذا حتى نتعرف عليهم وعلى (ردحهم) فلا( نردح) مثلهم... (ولا ماكده؟)
بقى أن أشير لأنّ السودانيين (أونلاين) و(أوفلاين) فعلوا الأفاعيل بمفردة( الردح) هذه فأزاحوا معناها عن موضعه الذي جاء في المعاجم...
ف(الردْح) هو الوجع الخفيف، بينما (الردَح) هي المدة الطويلة، يقال للمرأة أنّها أكثرت من الولد إذا (ردَحَت) ، ويقال للرجل (أو المرأة) أنّه ردح إذا ثبت وتمكن وأصاب حاجته، ويقال للرجل إنّه (ردَح) الرجل إذا صرعه، وإذا (ردَح) بالمكان أقام فيه، أما المرأة (الردّاح) فهي الضخمة، والبيت (الردَاح) هو الواسع، والجمل (الردَاح) ثقيل الحمل، والفتنة (الردَاح) هي العظيمة... أما (الرُدَحيّ) فهو البقال.
أرجو أن في مقالك الرادح هذا مرتدحاً لي (أي متسعاً) بعد انقطاع عن المنبر دام رَدَحاً من الزمان حرمني من أن أردح فيه (أي أقيم).

أحمد الريّح

يا ود يا مدردح إنت (أي قالب الهوبة)

الردح في حد ذاته مدرسة قائمة بذاتها وهو سقف الشتم وأعلى درجات البذاءة إذ يصاحب الشتم ليصبح ردحا إشارات من اليدين .. وقصع للظهر وتطييرٍ وهفهفة بأطراف الثوب أو الفستان اجد حديثك هنا ياخذ طابع جديد من الردح نهيتى عن ردح وجيتى بردح اكبر
منه...شايف الشباب بقولو عليك استاذة استاذة فى شنو؟؟ شكلك استاذة فى فنون الردح فقط ..هنا اكثر من الف الرجل شايفك ما احترمتى ولا واحد فيهم..كان بامكانك تخصصى وتضربى الحديد وهو ساخن كان على الاقل وجدتى العشرات يطبلون من خلفك....اسخف بوست يقابلنى هنا وكان تسجيلى فى البورد من اربعه سنين.....

يا سـيدة / منال

Quote: عندما اشتركت في هذا البورد ... كنت اعتقد انني سوف ادخل الى بوابة الناضجين فكرياً ولديهم مسئولية في كل كلمة .. وخطابهم بعيد عن المكايدات الشخصية ... لكن اسع انكشف المغطى .. وبانت المغطية بلا مهل .. وحا اقول ليكم بالسوداني العديل داك..... انا بعرف الردحي وكشف الحال ..لكن حقيقة ردحي الرجال لى بعضهم بجنس ده الحال المايل ما عرفته الا في منبرك ده يا بكري ابوبكر... يا رجال ماتختشوا .. وشوفوا ليكم كلام نجيض ينفعنا وينفعكم في الزايلة دي ... يابكري .. اطا لب بفصل كل الرجال الرداحين في المنبر ده .. وخليه يبقى على كلام النسوان بس ... على الاقل حايكون لطيف متلن .. اضاني طرشه من الردحي ابصوتن تخين وخشن ده.

قليل من الرجال من يوافقك الرأي في قولك،، فهو حر فيما ذهب اليه ربما لشئ ما في نفسه ..

فقط أحب اؤكد لك بأنك بهذا البوست كسبت عداوة كل الرجال في هذا المنبر، فالخطأ لا يعالج بالخطأ...

وما كان يجب عليك التقليل من شأن الأخرين، فهذا منبر للحوار، لكي أن تقولي ما تشائين دون مس الكرامة ولا الاشياء الشخصية.. وهذا ما يؤكده قولك هنا

Quote: عندما اشتركت في هذا البورد ... كنت اعتقد انني سوف ادخل الى بوابة الناضجين فكرياً ولديهم مسئولية في كل كلمة

وكذلك هذه:

Quote: يا رجال ماتختشوا .. وشوفوا ليكم كلام نجيض ينفعنا وينفعكم في الزايلة دي ...

مع انحيازك التام لبنات* جنسك فهذا حق مشروع لك، أعتقد أن هذا الحق لا يجعلك أن تتهكمي بالاخرين:

Quote: اطا لب بفصل كل الرجال الرداحين في المنبر ده .. وخليه يبقى على كلام النسوان بس ... على الاقل حايكون لطيف متلن

أسديك نصحاً أخوياً بمسح الكلام أعلاه، ليس تكميماً ولا مصادرة للرأي فهذا رأيك بل نصحاً أخوياً مع تقديم توضيح مصحوب باعتذار واعتقد ذلك لايضير بل خير لك، فكلنا خطأ وخير الخطايين التوابين.. لا أقول ذلك جزافاً وأنما لرود الافعال القوية التي صاحبت دخول كل من يهمه الامر إلى هنا .. وشكراً

والله يا منال كلامك واضح جدا جدا


وبصراحة ما عارف الناس زعلانة ليه ؟؟؟؟


انا شخصيا لانى ما بردح


عشان كده ما زعلان

الاخت منال


احيي صراحتك ووضوحك ومباشرتك..


والردحي دا حقو تخلوه لأهلوه

كلام في التنك

Quote: يا رجال ماتختشوا .. وشوفوا ليكم كلام نجيض ينفعنا وينفعكم في الزايلة دي

يا منال يا زوله يا رايقه ....

كدا الحاصل شنو .......

المهم عساك بخير وطيبه ....


حبيت اسلم عليك ...و......و.....

المهداوى قاسم

..
.
هذا هو ردح حريم الحركة الشعبية ..
وديوك نضالها ،،،،
اسلوب متطور ،، وفهم راقٍ .. وكلمات منتقاة ..

وللنضال طرق طويلة واساليب عديدة ..

ماشين فى السكة نتأمل ..

يا أستاذة كلنا مكجنين بعض أساليب الحوار هنا .. لكن و لأنك سعيتي لمعالجة القبح بما أقبح إذن يصبح سعيا غير مشكور و مشحون بالتناقضات !

1- اللغة فعلا لغة غابة برغم أنه غابة الحركة الشعبية غابة من أجل الحق والمستقبل العادل ( و المكجني يشرب من البحر )..

2- إذا كنتي من الفواضل اللائي يتعاملن بي ( أخواني الرجال ) فليه إذن كل هذا المزاج الرابط بين ( الحريم ) و ( السوقية ) بحسب منطقك :

3- عن أي حركة شعبية تتحدثين تلك اللتي تبيح للمرأة حق لطافة الردحي وهل الأسلوب النسائي المحكوم عليه بلازمة الهبوط بحسب مقالك لايشكل هم من هموم السودان الجديد ?

4- الحركة لسة ما طالبتكم بالكف عن لغة ( الدواس ) ولو إلي حين ? يعني كل زول فيكم شغال براه ? ولا تكوني عضوة ( خرماجة ) تساهم في تزكية شيطان الإنفصال المنفلت منذ رحيل القائد الفذ !

أضعتي فرصة ذهبية لإدارة حوار رصين ( حركي ومطلوب بشدة ) ومستوعب للذهنية السائدة لأجل محاولة ترتيب الأجندة و ترقية أساليب تناول القضايا
العامة والمنبر بشكل عام .. والمثل النيجيري بيقول " عندما تكون في قلب النهر فآخر ما تفعل هو سب التماسيح "..

Quote: عندما اشتركت في هذا البورد ... كنت اعتقد انني سوف ادخل الى بوابة الناضجين فكرياً ولديهم مسئولية في كل كلمة .. وخطابهم بعيد عن المكايدات الشخصية ...

كشفتى عن نفسك بنفسك..لا ناضجة فكريا ولا حتى لديك مسئولية الكلمة.....

Quote: يابكري .. اطا لب بفصل كل الرجال الرداحين في المنبر ده .. وخليه يبقى على كلام النسوان بس ... على الاقل حايكون لطيف متلن .. اضاني طرشه من الردحي ابصوتن تخين وخشن ده.

وهنا فصلتى نفسك لانك طالبتى الاخ بكرى بجعل البورد خاص بالنسوان اللطيفات فقط وانتى خلاف ذلك........ الاخ بكرى انى اطالب بفصل الزولة دى لانها حالة شاذة فى المجتمع الانثوى

Up

ياشباب

شنو يعنى الحكاية .. هجمتو على الزولة دى كده ليه ؟!!

صاح كلامها موجع شوية لكن برضو البوست ده ممكن يدار فيهو الحوار مع اختنا منال بشكل اهدأ من كده موش ؟!!

انتو عارفنى انا هنا موش بصدد الجندرة ولانو منال بت زى ولاحاجة ......واظن انتو عارفنى ياوليدات ..( ولد وجمع وليد برضو ) انو انا بعزكم كلكم قدر شنو ونحنا بينا عشرة عمر كمان قصرت او طالت ..


فرجاءا تديروا الحوار بشكل هادئ واكيد حانوصل لشئ ايجابى فى النهاية

اها رأيكم شنو ؟!!