Post: #1
Title: سعديه عبد الرحيم الخليفه ( مذكر و لا مؤنث )
Author: Nour Kamil
Date: 08-16-2005, 00:49 AM
دخلت البروفايل لقيت الفوق ده
ممكن تفسير يا شباب
نور
|
Post: #2
Title: Re: سعديه عبد الرحيم الخليفه ( مذكر و لا مؤنث )
Author: ترهاقا
Date: 08-16-2005, 12:11 PM
Parent: #1
الاخ نور
حقيقة الغرابة فى إسمك ده انا عندى إقتراح تقول نورالدين مثلا
اما الاخت سعدية فهى اخت سودانية مثقفة ومناضلة، تقيم بالولايات المتحدة الامريكية
كاليفورنيا واهديها تحايايا وتحايا الاسرة من خلال بوستك ده.
ولك ودى اخ نورالدين -- حلو التغيير ده مش كده ؟
|
Post: #3
Title: Re: سعديه عبد الرحيم الخليفه ( مذكر و لا مؤنث )
Author: Saifeldin Gibreel
Date: 08-16-2005, 01:00 PM
Parent: #2
الاخ نور لم افهم ماذا ترمى او ماهو هدفك من هذا العنوان.
الاستاذة سعدية عبدالرحيم الخليفة عبدالله التعايشى، صحفية معروفة، ومشهود لها، بأسهاماتها فى العديد من الصحف السيارة، بل ومن الاقلام المشهود لها، بالمواقف الوطنية،غير ذلك هى من الناشطين فى مجال الحقوق المدنية، وحقوق الانسان،كذلك هى نائب رئيس الجالية السودانية بشمال كاليفورنيا، ولي شرف عظيم الان فى العمل مع الاستاذة سعديةفى ادارة الجالية بمنطقة شمال كاليفورنيا.
|
Post: #17
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-16-2005, 10:42 PM
Parent: #3
الاخ العزيز سيف جبريل
لك مودتي و تقديري و امتناني
و اتمني ان يكون السائل قد غنم بعضا من
الاجابة لتزيل الشك وتفيده جزما ان كنت ذكرا او انثي!!
مرة اخري لك شكري علي رنين كلمات زادتني دفعا الي المزيد من العطاء
في كل الجبهات التي ذكرتها!!
|
Post: #13
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-16-2005, 10:07 PM
Parent: #2
العزيز الاخ ترهاقا
تحياتي والف شكر علي الوقفة والمداخلة
تقديري وامتناني علي التعليق واالايفاء بمعلومات علها
تكفي ا لسائل عن السؤال
وارجو ان تتقبل واسرتك تحياتي
|
Post: #4
Title: Re: سعديه عبد الرحيم الخليفه ( مذكر و لا مؤنث )
Author: هشام مدنى
Date: 08-16-2005, 02:46 PM
Parent: #1
الأخت الأخ Nour Kamil
تحيه واحترام
انتو منو في الأول....؟
مرحب بيكم في المنبر العام... Nour Kamil ( مذكر ولا مؤنث)?????
الأستاذة الفاضلة سعدية عبدالرحيم الخليفه اختى شقيقتى..
مع صادق الود
|
Post: #5
Title: Re: سعديه عبد الرحيم الخليفه ( مذكر و لا مؤنث )
Author: Abureesh
Date: 08-16-2005, 04:01 PM
Parent: #4
الأخ نور،
بمـاذا يمكن أن يرمز لك الإسـم "سعـديـة"؟
|
Post: #6
Title: Re: سعديه عبد الرحيم الخليفه ( مذكر و لا مؤنث )
Author: قاسم المهداوى
Date: 08-16-2005, 05:55 PM
Parent: #5
الاخ نور لم افهم ماذا ترمى او ماهو هدفك من هذا العنوان.
الاستاذة سعدية عبدالرحيم الخليفة عبدالله التعايشى
اعتقد كدا من المفترض انك تكونى عرفتى من هى ....سعديه عبد الرحيم
لكن لى سؤال .... نور يا نور ... ما هوالقصد ... شخصيا افترض انك انثى يا نور ...
قاسم المهداوى ....
|
Post: #7
Title: Re: سعديه عبد الرحيم الخليفه ( مذكر و لا مؤنث )
Author: قاسم المهداوى
Date: 08-16-2005, 06:01 PM
Parent: #6
اللقب: Nour Kamil
الحالة: .
عدد البوستات: 38
تاريخ التسجيل: 07-08-2005
محل الاقامة: دوله الامارات
: Not shown
صفحتك الالكترونية:
Paltalk name:
اكلات مفضلة: لحمه شيه
الاسم الحقيقى: نور كامل
التعليم: خريج جامعه امدرمان الاهليه اقتصاد و علوم اداريه
التلفون:
الحالة الاجتماعية: Married
العنوان الدائم:
الفنان المفضل:
اللون السياسى: مااااااااااااااااااااااااااااافي
النوع: Male
الهوايات المفضلة: القراءه
الوظيفة: مدير مبيعات
تاريخ الميلاد: 12 سبتمبر 1975
شاعرك المفضل:
عدد الاطفال: واااااااااااااااااااااااااحد
معلومات اضافية:
مكان العمل: دبي
مكان الميلاد فى السودان: الخرطوم بحري - الديوم
Image:
|
Post: #8
Title: Re: سعديه عبد الرحيم الخليفه ( مذكر و لا مؤنث )
Author: قاسم المهداوى
Date: 08-16-2005, 06:02 PM
Parent: #7
تاريخ التسجيل: 07-08-2005
من ناس ديلا وا اسفاأأأأأأى
من زى ديلا وا اسفأأأأأأأأأأأأأأأأأأأأى
مع الاعتزار للاغنيه ......
قاسم المهداوى
|
Post: #9
Title: Re: سعديه عبد الرحيم الخليفه ( مذكر و لا مؤنث )
Author: Esameldin Abdelrahman
Date: 08-16-2005, 06:09 PM
Parent: #7
يا جماعة الخير
نور زي ما عارفين كلنا اسم مشترك ، لكين زول يكتب ليكم ،
| Quote: التعليم: خريج جامعه امدرمان الاهليه اقتصاد و علوم اداريه |
وليست خريجة
والله بعد ده غايتو الا تعملوا ليه تفتيش شخصي حتي تقتنعوا .
|
Post: #10
Title: Re: سعديه عبد الرحيم الخليفه ( مذكر و لا مؤنث )
Author: قاسم المهداوى
Date: 08-16-2005, 06:22 PM
Parent: #9
لكن لى سؤال .... نور يا نور ... ما هوالقصد ... شخصيا افترض انك انثى يا نور ...
قلنا نفترض .....
تفتيش شنو وطياره منو ....قاسم
|
Post: #11
Title: Re: سعديه عبد الرحيم الخليفه ( مذكر و لا مؤنث )
Author: قاسم المهداوى
Date: 08-16-2005, 06:32 PM
Parent: #10
Nour Kamil ( مذكر ولا مؤنث)?????
هنا ....المدعو/ه نور ... لم يحدث ان صادفنا طوال حياتنا التى نعيش اسم مذكر لسعديه...
ولك الخيار ...... حتما سنعود وكمان بقوه ....
قاسم
|
Post: #12
Title: Re: سعديه عبد الرحيم الخليفه ( مذكر و لا مؤنث )
Author: Esameldin Abdelrahman
Date: 08-16-2005, 06:48 PM
Parent: #11
الظاهر انا خشيت غلط
والله ما فاهم حاجة
كدي وقعوا لينا الموضوع يا جماعة لو سمحتوا
|
Post: #16
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-16-2005, 10:32 PM
Parent: #6
الاخ العزيز قاسم المهداوي
تحياتي
لك شكري وسؤالي عن اخباركم.
سؤالك مشروع والاجابة عليه مطلوبة!!
مرة اخري لك الود.
|
Post: #15
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-16-2005, 10:26 PM
Parent: #5
الاخ ابو الريش
تحية طيبة
لقد اشرت صدقا ورددت بالمفيد!!
لك شكري
|
Post: #14
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-16-2005, 10:20 PM
Parent: #4
أخي العزيز هشام مدني
التحية و التقدير والف شكر
واتشرف بان يحيطني اخوة مثلك بهذا القدر من
الصدق .
لك مودتي و تحياتي الي افراد الاسرة الكريمة
|
Post: #18
Title: Re: سعديه عبد الرحيم الخليفه ( مذكر و لا مؤنث )
Author: waleed500
Date: 08-16-2005, 10:43 PM
Parent: #14
والله يا جماعه انتو بتاعين مشاكل
حتى هشام مدنى كما...وصاحبة الاسم كمان
الرجل وجد النوع
ومفروض يكون والغلط من الاستاذ سعديه
ما من الاخ نور وعلى الاخت سعديه تعديل البروفايل
|
Post: #19
Title: Re: سعديه عبد الرحيم الخليفه ( مذكر و لا مؤنث )
Author: منصوري
Date: 08-17-2005, 00:18 AM
Parent: #1
نور سلام. تحية تقدير ومحبة...
مايطرحه الإنسان من افكار هو المهم.. بغض النظر عن هو أنثى أم ذكر.. حتى ولو ظل يخفى اسمه الحقيقي..سعدية كاتبة متميزة وهي قد كتبت إسمها واضحاً لمرجعية كل ما تقوله..وهذه ميزة أساسية عصرية حضارية على عدد كبير من أعضاء البورد الذين لايزالون يكتبون تحت أسماء مستعارة واسماء رمزية وحروف تهرباً أو إخفاءاً أو تمويهاً..وهي صفة الرجل الفوضوى أو المرأة الفوضوية..الذين لايتحملون تبعية افكارهم أو تصرفاتهم أو أفعالهم..( الحر هو الذي يفكر كما يريد ويقول كما يفكر ويعمل كما يقول، ثم لايكون فكره وقوله وعمله، إلا براً بالأحياء والأشياء..)..
أصبح العالم المتمدن أو المتمدين، يقيس الإنسان برهافة حسه ومقدرته على عدم إذياء الآخرين بأي شكل من شكول الإيذاء بالخاطر أو القول أو العمل..سعدية إسم عريق ومعروف في كل العالم العربي والإسلامي، حتى ولو لم تكتب هى في البروفايل ذكر أم أنثى.. وهذا غير مهم..
لقد اتعبت نفسك يا هذا بالذهاب الى البروفايل وقطعه ولزقه هنا ليروه كل الأعضاء والقراء، كل هذا في أمر هايف لايسوى شيئاً.. ألا ترى يا أخى أنك إعتديت على حرية عضو مهما كان هذا الإعتداء بسيطاَ لو في تقديرك؟,العزيز نور.بالطبع أنت ذهبت للبروفايل بقصد شئ ما..؟وخلاصته لايعرفه غيرك وربك حتى ولو سألناك، لماذا ذهبت تفتش في البروفايل، ماهو غرضك؟ والأغراض هنا ممكن تمتد من النية الحسنة إن وجدت الى التطفل الى المرض النفسى الى مهمات أمنية الى إرهاب.. الخ الخ...بالطبع أنت ما ذهبت لتعرف هى ذكر أم أنثي. لأن كلمة ذكر أم أنثي وجدتها بعدما فتحت البروفايل. غذن هنالك سبب متقدم على فتحك البروفايل وليس بعد ان عرفتها هى كتبت عن طريق الإستعجال وليس الخطأ ، كتبت ذلك.. وهذه مناسبة والشى بالشئ يذكر، حسناً هذه الحادثة، علامة مراجعة من الأخ بكري ابوبكر أن يضع تكنولوجيا وسوفت ويير تمنع اي عضو من الإطلاع على بروفايل الآخرين، هو شى مهم للتسجيل فقط مضطر الإنسان يكتبوا.. هل هو مهم أكثر من الماسنجر الذي حذفه الأخ بكري مرات،؟ والماسنجر مهم ولكن تصرف الناس بصور عشوائية واساليب متفننه في إيذاء الآخرين هو الذي جعل الأخ بكري يحجبه مرات..يعني الناس هنا بعضهم دون تقنية الأخلاق التي وفرها لهم الغرب ثم نأتي ونتبجح بأننا الأحسن خلقاً وديناً..
نور هو الإسم المشترك بين الأنوثة والذكورة، كما ذكر لك عدد من الأخوة الزملاء الأعضاء هنا..
التعامل الإنساني ذوق وفن وعلم ومعرفة وتقوى ودين.. وكلما زاد الإنسان في التدين زاد تهذيبه(حسنات الأبرار سيئات المقربين)كما قال نبينا عليه أفضل الصلاة والسلام..
|
Post: #20
Title: Re: سعديه عبد الرحيم الخليفه ( مذكر و لا مؤنث )
Author: Nour Kamil
Date: 08-17-2005, 00:33 AM
Parent: #1
الاخوه الاعزاء
مشكورين علي ردودكم و تعرسفنا بالاستاذه سعديه
و اتقدم ليها باسفي لانه من لا يعرفك يجهلك
انا لفت نظري انو في البروفيل مكتوب مذكر بدل مؤنث
و ده سبب السؤال لا اكتر ولا اقل
عموما بتمني انو دي تكون فرصه طيبه و بدايه تعارف بيناتنا كلنا
اما حكايه نور فانا والله العظيم مذكر و كمان اب لاحمد و ممكن تسالو ناديه عثمان
حكايه الاسم دي حكايه طويله و ما لاقاني انا زاتي ولد اسمو نور غيري
بتمني انو كده الصوره تكون واضحه و اككر اسفي للاستاذه سعديه
الداير يعمل فحص انا جاهز 
|
Post: #21
Title: Re: سعديه عبد الرحيم الخليفه ( مذكر و لا مؤنث )
Author: منصوري
Date: 08-17-2005, 01:28 AM
Parent: #1
ماقصرت يا نور والله بإعتذارك والإعتذار بيطفي الحكاية.أنا غايتو من جانبي ومما ينوبنى في المسعلة دى عافى ليك ...أماربك وسعدية ماني عارفن عاد..
..........
عاد.. كلمة عاد دي من الحاجات المابيعرفوها لينا الجنسيات العربية الأخرى.. هنا..مع إنو الشاميين عندهم حاجة قريبة لى دي..(بتزورنا الليلة شى)أو (بنشوفك شى)..أو الخليجين يقولوا( في المستشفى الى الحين تراه..)( جيت أشوفك ترا) كلمة تراه بحذف الهاء عندهم تساوي عندنا عاد تقريباً..
وكلماتنا كتيرة البيشاغلونا بيها..غير زول الموجودة اصلاً في اللغة العربية..
( داير شنو يا زول)؟ كل الجملة دي ما معروفة..أو (قاعد قبلو) أو (الله ورقبتن)أو( الله ورقبتا) يقولوا ليك الجاب الله مع الرقبة والرقاب شنو؟ مع انو الله ورقبتا أى بمفردها ما معاها زول.. ( قنب حيلو)( لقيت حريم كوورجة يبكن في الشارع) كلمة كورجة عاد ما محصورة على ناس الشمال وحدهم كل السودان بيعرفا..
نور:
بردناها شوية موش كدة. وجعلنا سبب غايتو الواحد لما يدخل بوستك دا يلقى حاجة ما يطلع ساكت صاح..؟
|
Post: #22
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-17-2005, 03:03 AM
Parent: #21
ألاخ المنصوري
تحياتي و تقديري
لقد اصبت كبد الحقيقة قيما ذهبت اليه
كما ان تعليقك كان مسك الختام!!
وقد كفيتني مهمة ان اجود بمثل ما اتيت به من تحليل و تفصيل دقيق
وموضوعي. ولك يرجع فضل اسدال الستار علي هذا الامر
باعتذار السائل.
و الذي قبلته
مرة اخري لك التقدير و الامتنان.
|
Post: #23
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-17-2005, 03:37 AM
Parent: #22
الــي كل الاخوة الذين ذادوا عن حمي القلم في شخصي
اليهم جميعا اتقدم بالشكر و التقدير لقوة نبرتهم العالية
التي طوقوا بها عنقي و اخجلوا بها تواضعي. والآن بعد ان تبين
الخيط الاسود من الابيض في فجر يوم جديد عساه ان يكون محفوفا بالخير و الأمل
والتفاؤل فأنا احييكم من هذا المنبر وآمل ان ننصرف الي
ما يضيف بعدا أفيد و فكرا أثقب وننبري جميعا لمواجهة تحديات العصر.
ولنجعل من هذا البراح الرحب مرتعا خصبانغذي به افكارنا ومنهلا عذبا نرده لتنمو وتزدهر
مفاهيمنا من أجل الانسان بلا نوع او جنس وليكن انتماؤناالي الوطن والتراث العريض
الذي تزخر به بلادنا. مرة اخري لكم الشكر.
وفي الختام أقول للأخ نور قد قبلت اعتذارك.
|
Post: #24
Title: Re: سعديه عبد الرحيم الخليفه ( مذكر و لا مؤنث )
Author: abuguta
Date: 08-17-2005, 04:00 AM
Parent: #23
سعدية عبد الرحيم الخليفة
دخل هذا الاسم الى مسامعى..فى لحظة حزن حين جاءت كلماتها بردا وسلاما وعزاء لكل محبى
واصدقاء واسرة الرحال عبد العظيم ادريس...فسطر يراعها كلامات مازالت تعطر اذنى وكم عددت مناقب
ومحاميد الراحل..ومن يومها صرت اسال عن هذه الرائعة التى تعرف الكثير عن منطقتنا
فجاءتنى الاخبار بانها صحفية ممتازة مقيم فى امريكا...
يعرفها كل منز قاسم المهداوى ..مطر قادم..كمال قسم الله..د.صلاح الزين..مصور المفتاح
د.عبد الله احمد على واسرته..جمال العمدة..فهذه شهادة ادلى بها لوجه الله
خالص تحياتى للسائل..اذا كان سواله برئيا..ويرد المعرفة
|
Post: #25
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-17-2005, 12:25 PM
Parent: #24
الاخ العزيز ابوقوتة
تحية طيبة واهلا بك
كثير الامتنان و اجزله علي ما اشرت
وان اعاد الامر ذكري عزيزة لاخ و صديق افتقدناه مبكرا
تبقي لهذا المكان قدسيته واحترامه ليرتقي بعطائنا والتجائنا الي رصين الكلام و موضوعيته.
الف رحمةالي روح الراحل المقيم عبد العظيم
ومرة اخري تقديري الفائق
|
Post: #26
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-17-2005, 10:44 PM
Parent: #25
الأستاذة/ سعدية
السلام عليكم ورحمة الله وبركاته..
بما أني لست عضوا في منبر سودانيز اون لاين العام (رغم تقدمي بطلب و تم
تجاهله فيما يبدو) لذا و جدتني مضطرا إلى إعلان تضامني معك عبر الإيميل الشخصي فيما يتعلق بالبوست (سعدية عبد الرحيم الخليفة مذكر أم مؤنث). و في الحقيقة قد توقعت نهاية البوست سوف تكون بلإعتذار; والذاكرة مازالت محتفظة ببوست مشابه ادعى فيه صاحبه (أو بدا له) أن الأستاذ الرائع جراهام كان سافي (صاعود) أثناء تقديمه لبرنامج في الفضائية السودانية. و للمفارقة قد تصدى له الأخ ترهاقا بحكم زمالته لإستاذ جراهام عبد القادر فله التحية في كلتا الحالتيين. و انتهى ذاك البوست بالإعتذار أيضا و هي في حد ذاتا محمدة.
ما إستخلصته من المثالين أعلاه أن هناك ثمة مشكلة ما في الإلمام بأعلام المجتمع بصفة عامة وسطنا كسودانيين و بصفة خـــــاصة (جدا) وسط الشباب و دي هي المنقصة حتى ولو مطينا فوقها محمدة الإعتذار في كل مرة.
و عموما إلى أن نجد لنا حلا شـافيا لهذه المعضلة لا أجد سوى (رقبة) الأعتذار لأمطها لك بدوري هنا و في ذات اللحظة لإفتضاح جهلي التـــام (بعد الفصاحة دي كلها) بـأنك حفيدة الخليفة تورشين شخصيا !! (و في الحتة دي إن عدتم عدنا; و بالمناسبة في الأيـام دي بقرأ عن الأمير جراب الراي).
و أنتهز هذه الفرصة لأعيد ما و قد سبق وأن ذكرته بأن الفن أحق .. أجدى .. أجدر هتمامتكم من المدعوة/ السياسية على الطريقة السودانية.
أتابع كل كتاباتك; حصة الفن فيها أقل من حصة ..... في السلطة
بلغة سياسودانية).
ختاما لكم كل الود مع كثير احترامي
بـهاء الدين الوالي
شكري وتقديري للاخ العزيز بهاء الدين الذي لم يفته قصب السبق
في ان يكون بين المتداخلين الأفذاذ
أهلا بك و مرحبافقد لمست الامر و تحسسته من أبعاد جد هامة
مرة اخري تحياتي وأعدك بان تنال الفنون والابداع اهتماما أكبر!!
وامتناني لاهتمامك بقراءة التأريخ و تتبع سير ذاتية لرجال قدموا دماءهم مهرا للوطن!!
|
Post: #27
Title: Re: سعديه عبد الرحيم الخليفه ( مذكر و لا مؤنث )
Author: nour tawir
Date: 08-17-2005, 11:03 PM
Parent: #26
Nour Kamil
لا يختلف اثنان فى ان اسم سعدية اسم لانثى وليس هناك رجل سودانى اسمه سعدية..
ثانيا سعدية عبدالرحيم صحفية سودانية وقديرة ومعروفة على انطاق واسع..
لها اسهامات واضحة فى مجال المرأة.
وبصراحة بالبحث فى البروفايل الخاص بها نية غير معروفة..
ثانيا ان يتم السؤال عنها عما اذا كانت ذكرا ام انثى ففيه اهانة.
السؤال هو من انت/ى؟
لان اسم نور يطلق على الرجل او المرأة على السواء عكس اسم سعدية الذى لا يطلق على الرجل مطلقا..
فهل انت/ى ذكر ام انثى؟
متنازلين عن اسهاماتك فى اى مجال لاننا لم نسمع بهذا الاسم فى اى قضية عامة من قبل...
|
Post: #28
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-18-2005, 00:45 AM
Parent: #27
العزيزة نور
اتمني ان تكوني بخير علي الصعيد الشخصي اما الصعيد العام فلا يزال في المختبر
لعقدين من الزمان أو تزيد عقدا ايضا.
سعيدة انا ان اطللت من هذا المكان دفاعا عن حق اسمي في اختيار "نوعه" اذ هو لم وسوف لن
يكون هناك مثار جدل في حقيقة انتمائه الي "جنس" المرأة دون شك.
وسعيدة انا ايضا ان نكون صمامات امان جمعت بيننا ساحات نبيلة
خضناها و لا نزال من اجل قضية السودان الكبري
سوف تظل سنوات النضال العامرة بالتفاني و الأثرة ملاذا نلجأ اليه
كلما حمي وطيس او تنادينا لدرء خطر يتهددنا. لقد كانت اياما حبلي
بالخير و لا نزال و سوف نبقي علي عهدها مثلا في التكافل و التفاكر
وان دعا الحال استنفرناانفسنا مساندة ومشاركة و مقاسمة
وان لم يحالفنا الحظ العاثر في انجاز الاماني يبقي
رصيدنا الانساني كنزا نغترف منه كلما نفذ زادنا!
الف شكر ومرحبا بك يا نور!!
|
Post: #30
Title: Re: سعديه عبد الرحيم الخليفه ( مذكر و لا مؤنث )
Author: قاسم المهداوى
Date: 08-18-2005, 12:10 PM
Parent: #29
[| Quote: B]الداير يعمل فحص انا جاهز [/ |
B]
يا نور .... المؤسف هو اصرارك واهتمامك بصغائر الاشياء .... كقولك هذا...
ولا ابالغ لو قلت لك هذه احدى حالات فقر الدم الموضوعى.... هل سمعت بها؟؟؟؟
ثم ناتى للمهم ... ما هو الغرض من الكتابه والتواجد هنا .....
أ لمثل هكذا موضوعات ..؟؟؟؟؟؟؟؟ و هل من الممكن ان نعتبر
هذا البوست ذا فائده تعود على الناس بمفهوم معين وجمله افكار ام ماذا بربك؟؟؟؟
اكرر هذى احدى حالات فقر الدم الموضوعى.....وانبطاح مخل بكل ما هو ذا فائده
.....
قاسم المهداوى
|
Post: #31
Title: Re: سعديه عبد الرحيم الخليفه ( مذكر و لا مؤنث )
Author: قاسم المهداوى
Date: 08-18-2005, 12:20 PM
Parent: #30
| Quote: عموما بتمني انو دي تكون فرصه طيبه و بدايه تعارف بيناتنا كلنا |
ياخى بالعاميه السودانويه كدا .....
عيب الشؤم واللوم القاسى......
أهكذا يتعارف الناس ......
تاريخ التسجيل اغسطس 2005 ياخى حتى هذه اللحظه اسمك مدون بقلم الرصاص ... والاستيكه
جاهزه ولكن افضل تواجدك هنا حتى تعى وتتعلم كيفيه مخاطبه الناس واحترام الغير...
وايضا الموضوعيه ثم الموضوعيه
|
Post: #32
Title: Re: سعديه عبد الرحيم الخليفه ( مذكر و لا مؤنث )
Author: قاسم المهداوى
Date: 08-18-2005, 05:20 PM
Parent: #31
Quote: الاخوه الاعزاء
تاني مشكورين هنا
و الاسف للاستاذه سعديه
وخلونا نقول لي قدام |
نور.... لى قدام وين ؟؟؟؟؟ لا اعتقد ....
|
Post: #33
Title: Re: سعديه عبد الرحيم الخليفه ( مذكر و لا مؤنث )
Author: ترهاقا
Date: 08-18-2005, 05:40 PM
Parent: #32
Quote: الاخوه الاعزاء
مشكورين علي ردودكم و تعرسفنا بالاستاذه سعديه
و اتقدم ليها باسفي لانه من لا يعرفك يجهلك
انا لفت نظري انو في البروفيل مكتوب مذكر بدل مؤنث
و ده سبب السؤال لا اكتر ولا اقل
عموما بتمني انو دي تكون فرصه طيبه و بدايه تعارف بيناتنا كلنا
اما حكايه نور فانا والله العظيم مذكر و كمان اب لاحمد و ممكن تسالو ناديه عثمان
حكايه الاسم دي حكايه طويله و ما لاقاني انا زاتي ولد اسمو نور غيري
بتمني انو كده الصوره تكون واضحه و اككر اسفي للاستاذه سعديه |
ياريت نقيف هنا،والتحية للاخ نور والاخت سعدية.
|
Post: #34
Title: Re: سعديه عبد الرحيم الخليفه ( مذكر و لا مؤنث )
Author: سعدية عبد الرحيم الخليفة
Date: 08-19-2005, 00:19 AM
Parent: #29
الاخ ALGARADABI
تحياتي و تقديري علي المداخلة
واشكرك الي ماوصفتني به فهي شهادة من أخ أعتز بها!
|
|