Post: #1
Title: أساسي وغرامه لخالد كودي
Author: Badri
Date: 08-15-2005, 07:55 AM
Parent: #0
اللقب: اساسي
الحالة: .
عدد البوستات: 5407
تاريخ التسجيل: 20-07-2002
محل الاقامة: بيت الجيران
:
صفحتك الالكترونية: http://www.asase.com
Paltalk name: asasi_2
اكلات مفضلة: باربي كيووو
الاسم الحقيقى: جورج دبليو بوش
التعليم: تعليم شوارع أفضل بدرجات من تعاليم محمود
التلفون: الو بابا فين ؟
الحالة الاجتماعية: Engaged
العنوان الدائم: لوكسنبرج _ مدقشقر
شارع الطابية _ عمارة المجانين
رقم : 0
الفنان المفضل: الفنان خالد كودي
اللون السياسى: جمهوري افاك -سابقا شيوعي حاقد -طائفي دلدول
النوع: Male
الهوايات المفضلة: قول البيعجبك والبس مقاسك
الوظيفة: وظيفتي في المجتمع يعني؟ مستهلك
تاريخ الميلاد: جاهل وديع مغرور
شاعرك المفضل: المشاء الفاكيها في روحه قدر دا..ffr
عدد الاطفال: وعلاقته شنو بالكتابة في المنبر السوال دا؟
معلومات اضافية: الناس ديل كلهم كضابين وفاكنها في روحهم وانا زاتي زيهم بس المشكلة انه هم مصدقين المكنة دي وعايشين عليها
مكان العمل: وكالة ناسا
مكان الميلاد فى السودان: معرض الخرطوم الدولي
Image:
ICQ Number: 212101
Yahoo Instant Messenger: asasi
|
Post: #2
Title: Re: أساسي وغرامه لخالد كودي
Author: Badri
Date: 08-15-2005, 08:08 AM
Parent: #1
دا بروفايل دا ولا حلبة ملاكمة؟؟
أساسي ياخي انتا ألذ مشكلجي
وبعدين ياحبيب قالوا خبطتين في الراس بيوجعو وانتا أسي عليك الله اتخبطتا كم
تاني ياحبيب باقي آخر محاولة وأعتقد انها ماحتكون أقل من محاولة أغتيال أكيد طبعا
ماأغتيال بوردي لأنو دي برضو احدى المحاولات الغير ناجحة ... يامان اغتيال عديييييييل
كدا فيهو دم ... أعمل حسابك وخلي بالك من الايتام البتربي فيهم ديل ويااخوي الناس ديل
انتا ماقدرهم وقالوا الخواف ربى عياله...
|
Post: #4
Title: Re: أساسي وغرامه لخالد كودي
Author: waleedi399
Date: 08-15-2005, 11:33 AM
Parent: #2
انت يا بـدري
الوداك تقرع الابواب الخلفية شنوووووووو؟؟؟
|
Post: #30
Title: Re: أساسي وغرامه لخالد كودي
Author: اساسي
Date: 08-17-2005, 01:05 AM
Parent: #4
زي ما قلت يا وليد تسعتين
بدري وصحبه طلعوا شليقين والله بروفايله دا انا ما متذكره لو ما كلام بدري دا
عليك الله الزول دا ما قنطرني كدا بيهو وانا و بكري قاطعين شعرة معاوية زمان
وبقيت ملصق باللبانة في البورد دا
|
Post: #5
Title: Re: أساسي وغرامه لخالد كودي
Author: Badri
Date: 08-15-2005, 11:19 PM
Parent: #2
أبداً ياوليد واحد من زملائي في الشركة من الجماعة الموهومين بالبورد مقدم لبكري وبكري فاتح ليهو
والزول دا بقضي كل دوامه في المنتدى ولما مايلقى حاجة في جديدة بقعد يفتح في بروفايلات الأعضاء وأنا ماري بالصدفة لقيتو فاتح بروفايل أساسي ... والغريبة انو الزول دا بعرف الأعضاء أكتر مني.
تخريمة ياوليد..
طبعاً الزول دا من شدة مايئس من بكري وايدو حرقتو عارض على 500 ريال على الباسوورد
شفتا كيف ياوليد بقينا من أصحابين الأملاك
|
Post: #3
Title: Re: أساسي وغرامه لخالد كودي
Author: Badri
Date: 08-15-2005, 11:04 AM
Parent: #1
Quote: الفنان المفضل: الفنان خالد كودي
|
أساسي أديني نموذج من أعمال فنانك المفضل دا
|
Post: #14
Title: Re: أساسي وغرامه لخالد كودي
Author: Badri
Date: 08-16-2005, 07:38 AM
Parent: #13
حكمة؟؟؟؟؟ ياخي أسي انا قايلك جاييني بحاجة جديدة
كدي فتش ليك حاجة تانية لعلها تذيد من حكمتنا
|
Post: #31
Title: Re: أساسي وغرامه لخالد كودي
Author: اساسي
Date: 08-17-2005, 01:17 AM
Parent: #13
زي ما قلت يا كوكي طبعا انا عارفك اخو البطل الاسمك الريح كودي
زي ما قلت مشغول كنت بعدة لوحات علي نهج المخضرم كودي
احلي حاجة في الموضوع انه كودي في اللحظة دي بيكون قاعد يتخضرم
عشان يبقي مخضرم كدا 
|
Post: #6
Title: Re: أساسي وغرامه لخالد كودي
Author: nasiradin
Date: 08-15-2005, 11:56 PM
Parent: #1
حقيقه بروفايل أساسى
من أجمل البروفايلات الموجوده فى المنبر
هكذا هو دائما فى المقدمه
ناصر البطل
|
Post: #7
Title: Re: أساسي وغرامه لخالد كودي
Author: tmbis
Date: 08-16-2005, 01:55 AM
Parent: #6
يا فقري ..
اقترح انو يتم فصل الزميل اساسي في اسرع فرصة ليتنحى جانباويدي فرصة للدماء الحارة الزول ده اصبح محمول وابوعيال .. ومزازاة البورد دي ما بقدر عليهافلان داك ضربو وفلان داك فصلو والليلة هنايه وين ما ردت في البوست ده ..
اوصي مع الفصل خمسة وعشرين جلدة ( بطن وضهر ) 
|
Post: #8
Title: Re: أساسي وغرامه لخالد كودي
Author: Badri
Date: 08-16-2005, 02:42 AM
Parent: #7
تمبس صحبك مشى اشتكى قال عشان قالوا ليهو دباب 
أساسي كدي مسح عيونك وعاين للبروفايل دا تاني
| Quote: اوصي مع الفصل خمسة وعشرين جلدة ( بطن وضهر ) |
واقف ولا نايم؟؟؟
|
Post: #9
Title: Re: أساسي وغرامه لخالد كودي
Author: Badri
Date: 08-16-2005, 02:42 AM
Parent: #6
Quote: من أجمل البروفايلات الموجوده فى المنبر
هكذا هو دائما فى المقدمه
|
بروفايلو براهو بوست بكتاحتو وبعدين يانصر الدين ياخي
نحن خايفين عليهو من المقدمة دي زاتها
|
Post: #10
Title: Re: أساسي وغرامه لخالد كودي
Author: ود المايقوما
Date: 08-16-2005, 02:46 AM
Parent: #1
| Quote: من أجمل البروفايلات الموجوده فى المنبر |
وده اصح كلام
والتحية لك اخي بدر وتحية خاصة للعزيز اساسي الفقري
|
Post: #15
Title: Re: أساسي وغرامه لخالد كودي
Author: Badri
Date: 08-16-2005, 07:59 AM
Parent: #10
ود المايقوما
تشكر على المرور والتعليق
لكن سؤال .. أجمل حتة في بروفايلو دا ياتا؟؟
|
Post: #11
Title: Re: أساسي وغرامه لخالد كودي
Author: Mohammed Elhaj
Date: 08-16-2005, 03:29 AM
Parent: #1
أساسي
من الإسم الإختاروا دا بتبين سُخريتو (اللاذعة جداً) .. طبعاً مروراً بي بروفايلو المخستك دا ...
قبل كم شهر و أثناء حربه و أسامة الخواض و نكاية فيه كتب في خانة التوقيع (آنئذٍ) (و يتبعني كديس الميتافيزيقا )تعريضا ب توقيع الخواض (و يتبعني قطا النوستاليجيا) "فتشت أضحك معاي ما لقيت غيروا هو" و كانت عدد من الرسائل بالماسينجر قبل إللغائه ...
بالمناسبة بروفايلو دا براهو ما بفصلو ؟؟ l ما خلا زول ما هبشو فيهو
|
Post: #17
Title: Re: أساسي وغرامه لخالد كودي
Author: Badri
Date: 08-16-2005, 08:35 AM
Parent: #11
محمد شكراً على المرور الجميل
| Quote: و نكاية فيه كتب في خانة التوقيع (آنئذٍ) (و يتبعني كديس الميتافيزيقا )تعريضا ب توقيع الخواض (و يتبعني قطا النوستاليجيا |
شالو التوقيع برضو ماريحو Quote: شاعرك المفضل: المشاء الفاكيها في روحه قدر دا..ffr
|
أسي ما كان أخير التوقيع
تحياتي محمد
|
Post: #12
Title: Re: أساسي وغرامه لخالد كودي
Author: حمزاوي
Date: 08-16-2005, 04:23 AM
Parent: #1
عدد الاطفال: وعلاقته شنو بالكتابة في المنبر السوال دا؟
لا يا اخوي اساسي
ليه علاقة ونص كمان
ومن تعاليم محمود ان يكون معروف عنك كم عدد اطفالك ليعرف مدى غرس الدين والعقيدة المتطورة موديل القرن الحادي والعشرين فيهم .
معليش الاخفاء وغطي وشك كان ينفع في القرن السابع .
خليك مودرن يا اخوي
واعمل فورمات لمعتقدك
واحد واقف تحت عمود كهربا
مع تحياتي وتقديري لك يا بدري اخوي
|
Post: #18
Title: Re: أساسي وغرامه لخالد كودي
Author: Badri
Date: 08-16-2005, 09:14 AM
Parent: #12
قريبي العزيز حمزاوي
وينك يارجل ياخ كل مانجي الرياض
ما نشوفك على العموم تحياتي وأشواقي
Quote: خليك مودرن يا اخوي
واعمل فورمات لمعتقدك
|
واحد واقف عمود كهرباء وفي ايدو سجارة خض....
حمزاوي تحياتي الشديدة واتمنى أشوفك في اقرب زيارة
|
Post: #16
Title: Re: أساسي وغرامه لخالد كودي
Author: ود المايقوما
Date: 08-16-2005, 08:19 AM
Parent: #1
| Quote: الفنان المفضل: الفنان خالد كودي |
|
Post: #19
Title: Re: أساسي وغرامه لخالد كودي
Author: Badri
Date: 08-16-2005, 11:22 AM
Parent: #1
كوكي الجميل ( الريح كودي )
هاك خش هنا لعل الله يفتح عليك ببعض الحكمة
http://www.halafaisal.com/
والله يفتحها عليك يا ود جيرانا
|
Post: #20
Title: Re: أساسي وغرامه لخالد كودي
Author: Badri
Date: 08-16-2005, 11:33 AM
Parent: #1
سوري للتعديل لكن اللنك جنني أسوي ليهو شنو
بتزحلق مني ولا أنا يدي بترجف ماعارف
وبعدين انتا ياالريح دا تشابه أسامي ساي؟؟؟
|
Post: #21
Title: Re: أساسي وغرامه لخالد كودي
Author: اساسي
Date: 08-16-2005, 11:55 AM
Parent: #20
اسمع يا بدري قبل ما ارد علي البوست ولا اجيب ليك نماذج من اعمال كودي
زميلك دا انا برسل ليهو الباس ويرد علي 250 ريال بس ويعمل في البروفايل العاوزه من جوة بدل يتفرج عليهو ... اخوك في عرض الورق الاخضر الايام دي ومستعد يبيع ابتدا من المبادئ نزولا للقناعات وانت ماشي ... اي حاجة عندي الايام دي قابلة للبيع
خليني امشي البيت وبديك النماذج الما خمج الليلة
|
Post: #22
Title: Re: أساسي وغرامه لخالد كودي
Author: اساسي
Date: 08-16-2005, 11:58 AM
Parent: #21
بعدين ياخي قبل اي حاجة عدل لي دي بالله Engaged الموضوع دا حضارة سادت ثم بادت اسع يا صديقي بقيت مريدج مرديج عديل بوست التهنئة دا ما مالي عينك ولا عشان ما شاركت في الكشف و عامل حميل
|
Post: #23
Title: Re: أساسي وغرامه لخالد كودي
Author: اساسي
Date: 08-16-2005, 12:03 PM
Parent: #22
بداية
اعجابي اللا متناهي بالفنان المخضرم شديد للسقف خالد كودي جعلني اتقصي طريقه واسلك دربه واتخذه غدوة طبعا غدوة دي ما جاية من الغدا حق نصة نهار داك غدوة دي براها ..
طبعا من اجمل اعماله هو رسمه للامام المهدي وحاجيب ليك الصورة حقت الامام المهدي
بس قبل ما اجيبها وبما اني تلميذه النجيض والنجيب قمت برسم خالد كودي زاتو وحاديك الصورة المرسوم فيها بواسطتي والبورتريه الاخذتها منه للفنان خالد كودي نفسه ونظرته الما خمج
|
Post: #24
Title: Re: أساسي وغرامه لخالد كودي
Author: ناذر محمد الخليفة
Date: 08-16-2005, 12:37 PM
Parent: #23
| Quote: قمت برسم خالد كودي زاتو وحاديك الصورة المرسوم فيها بواسطتي والبورتريه الاخذتها منه للفنان خالد كودي نفسه ونظرته الما خمج |
|
Post: #35
Title: Re: أساسي وغرامه لخالد كودي
Author: Badri
Date: 08-17-2005, 03:02 AM
Parent: #24
ناذر الله يخليك للذي دا
|
Post: #25
Title: Re: أساسي وغرامه لخالد كودي
Author: نهال كرار
Date: 08-16-2005, 12:43 PM
Parent: #23
| Quote: قمت برسم خالد كودي زاتو وحاديك الصورة المرسوم فيها بواسطتي والبورتريه الاخذتها منه للفنان خالد كودي نفسه ونظرته الما خمج |
بااااااالغت يا أساسي
والله ضحكتني كييف
|
Post: #37
Title: Re: أساسي وغرامه لخالد كودي
Author: Badri
Date: 08-17-2005, 03:05 AM
Parent: #25
Quote: بااااااالغت يا أساسي
|
مش عليك الله يانهال ... نحن دايرين نتدارك بروفايلو جا طبظها لينا عديل
|
Post: #27
Title: Re: أساسي وغرامه لخالد كودي
Author: اساسي
Date: 08-16-2005, 04:06 PM
Parent: #23
طبعا يا شباب حارد عليكم كلكم ان شاء الله بس في الاول خلوني ارد شوية لي سيد البوست لانه بصراحة البوست دا ريحني عديل كدا وداير اتجدع فيهو شوية اصلوا انا حاسي بيهو اخر فردية لي في المنبر دا اخر فردية دي للناس اللعبو البلي زمان يعني البوست دا حكمو شاقي اللين ولا نقول حكمو نظر...
اول حاجة نديكم صورة زعيمنا الكبير وفناني المفضل خالد كودي ونظرته الشهيرة
طبعا عليكم عمل مقارنات بسيطة بينها وبين رسمتي الخطيرة لمن غلط
عشان تعرفوا انه اخوكم موهبة مقنطرة بحم البلي الفوق دا
اها دي صورة البطل زاتو بس ما تسالوني جبتها من وين ومعاها رسمتي الخطيرة بالله اتمعنوا في التجلي والابداع دا
|
Post: #34
Title: Re: أساسي وغرامه لخالد كودي
Author: Badri
Date: 08-17-2005, 03:02 AM
Parent: #23
معقولة بس؟؟؟ والله انتا حتجيب لي الهواء ... لكن بدايتك مع
الفن التجريدي تنبئ بمستقبل تجريدي عظيم وبعدين عليك الله ما تجرد أكتر من كدا
لغاية هنا كفاية...
|
Post: #36
Title: Re: أساسي وغرامه لخالد كودي
Author: Badri
Date: 08-17-2005, 03:04 AM
Parent: #22
| Quote: دا حضارة سادت ثم بادت اسع يا صديقي بقيت مريدج مرديج |
دي اثبات واقعة ياحبيب ... دليل على عدم اهتمامك ولا مبالاتك وعشان الحكومة تقبضك بالثابتة
ما شفتا الناس الهميمة؟؟ أول حاجة غيرت البروفايلات
| Quote: بوست التهنئة دا ما مالي عينك ولا عشان ما شاركت في الكشف و عامل حميل |
يازول شنو ما كفاية شدينا ليك سلك والكان حندفعو في الكشف دفعنا في الفاتورة
والله فاتورة التلفون لسة عندي وبعدين ما تنسى الخمسمية دولار الراجياني دا بدل ما تساعدأخوك
وتشيلها معاهو ففتي ففتي ... شفتا انا البنوبني شنو من عنقالة الرياض
|
Post: #33
Title: Re: أساسي وغرامه لخالد كودي
Author: Badri
Date: 08-17-2005, 03:00 AM
Parent: #21
| Quote: زميلك دا انا برسل ليهو الباس ويرد علي 250 ريال |
يازول كدي روق أنا بزازي فيهو وقرب يوصلها الألف ريال تجي انتا تقول لي 250ريال؟
ما توقف سوقنا يامان دايرين نعرس..
| Quote: ويعمل في البروفايل العاوزه من جوة بدل يتفرج عليهو |
أسي يعمل فيهو تاني شنو أكتر من عمايلك دي ؟؟؟ لو قال ينضفو ساي موية البحر مابتنضفو
|
Post: #26
Title: Re: أساسي وغرامه لخالد كودي
Author: Agab
Date: 08-16-2005, 02:11 PM
Parent: #1
أساســـــــــــــــــــي
إنت يا بتسطــــــــــــــــــــــــــــــــــــــل
يا بتسطــــــــــــــــــــــــــــــــــــــــــل
والله يخليك للمنبر شوكة حوت لا بتنبلــــــــــــــــــــــــع لا بتفـــــــــــــــــــــــوت
| Quote: اخوك في عرض الورق الاخضر الايام دي ومستعد يبيع ابتدا من المبادئ نزولا للقناعات وانت ماشي |
كضــــــــــــــــــــــــــــــــــاب
دي عندها ناسا
ملحوظة
ناسا دي ما ناسا الأمريكية
|
Post: #28
Title: Re: أساسي وغرامه لخالد كودي
Author: اساسي
Date: 08-16-2005, 04:21 PM
Parent: #26
الكلام دا لبكري
بالله ما تشبكني شكرا للوقت القضيتو معنا ونتمني لك التوفيق في منابر اخري
انا الان بمارس في رسم تجريدي والمرسوم (طبعا ما دستوري) المرسوم دا زاته ما مقصر من زول المهدي واحفاده راسمهم (ميطي) يحمد الله انه لبسناهو ردا تحت الركبة والله في الثانوي ما لبسو
نجي لمقرنات بسيطة بين الصورتين
طبعا خالد كودي في صورته فاكي الزراير الفوق بتاعة القميص حق( الترفيرة) طبعا انا ريحته من الموضوع بتاع الزراير دا بالمرة وشلت ليهو القميص برة
وزي ما هو ظاهر في الصورة انه التحت لابس او ما لابس شنو ما معروف عشان كدا اجتهدت انه البسو عوان ما بين هذا وذاك
كدا يا اب ردا
|
Post: #29
Title: Re: أساسي وغرامه لخالد كودي
Author: Agab
Date: 08-16-2005, 06:37 PM
Parent: #1
كده فانتاستك
كونك تجي بردا
لكن التجريد ما عندك يا أساسي
|
Post: #32
Title: Re: أساسي وغرامه لخالد كودي
Author: ود المايقوما
Date: 08-17-2005, 01:34 AM
Parent: #1
اساسي اللذيذ
قمة الابداع وفعلا شوكة حوووت كبيرررر
لا بتنبلـع لا بتفــوت
بس والله مادايرين نخسرك (انت ماالبورد ذاتو )
|
Post: #38
Title: Re: أساسي وغرامه لخالد كودي
Author: Badri
Date: 08-17-2005, 04:18 AM
Parent: #1
أما زال كوكي يغوص في بحور الحكمة؟؟؟
ياترى بماذا سيأتينا بعد أن يعتصر ويختزل كل تلك الحكم؟؟
|
Post: #39
Title: Re: أساسي وغرامه لخالد كودي
Author: nasiradin
Date: 08-17-2005, 05:41 AM
Parent: #38
مما يزيد الطين بله
و يدعنا نخاف لأساسى من الفصل
انه بدأت تظهر له هوايه الرسم
خصوصا انه فى سن مبكره مما يجعل
العمالقه يخافون على أكل عيشهم فى المستقبل
لذا يجب الحذر الحذر لهذا التشكيلى الرائع
ناصر البطل
|
Post: #40
Title: Re: أساسي وغرامه لخالد كودي
Author: ناذر محمد الخليفة
Date: 08-17-2005, 07:07 AM
Parent: #1
Quote: انا الان بمارس في رسم تجريدي والمرسوم (طبعا ما دستوري) المرسوم دا زاته ما مقصر من زول المهدي واحفاده راسمهم (ميطي) يحمد الله انه لبسناهو ردا تحت الركبة والله في الثانوي ما لبسو
|
|
Post: #41
Title: Re: أساسي وغرامه لخالد كودي
Author: ناذر محمد الخليفة
Date: 08-19-2005, 02:22 AM
Parent: #1
أرفع هذا البوست لنواصل الإستمتاع مع ذكريات تلميذ كوري النجيض في الإحتذاء بأستاذه في ممارسة الرسم الأوتومسفيري ...
(الإحتذاء دي مالا زي الغلط كدة) !!!!
|
|