Post: #1
Title: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-15-2005, 03:38 AM
Parent: #0
تواصوا، إذن، بالبيوت
احملوها، كما السلحفاة، على ظهركم
أين كنتم، وأنَّى حللتم
ففي ظلِّها لن تضلوا الطريق إلى برِّ أنفسكم
ولن تجدوا في صقيع شتاءاتكم ما يوازي الركون إلى صخرة العائلة
وحرير السكوت
تواصوا، إذن، بالبيوت
استديروا، ولو مرةً، نحوها
ثم حثُّوا الخطى
نحو بيت الحياة الذي لا يموت ...
الراحلة المقيمة فينا أبداً "ليلى عبد المجيد" بنت الدامر
بكل الإعزاز أتقدم لكم جميعاً بأسمى آيات الشكر والعرفان على ما لمسناه منكم من حب وفرح خلال مناسبة زواجنا ...
كل من تكبد مشاق الاتصال الهاتفي بي أو بزوجتي مريم أو كتب هنا ... أنا ممتن لكم جداً ...
جميع الأخوة الجمهوريين على إمتدادهم الشاسع البهي ... فاضت نحوي شلالات حبكم بزواجي من مريم ... تباً للسياسة عندما تقهرنا وتصبح عبئاً على ومضات الحب فينا جميعاً ...
الأخ الصديق عماد بشرى ... في ربكة الحاصل (بي) ورد اسمك عني خطأ فلك مني العتبى حتى ترضى يا رجل يا رائع ... عقبالك أغني في فرحك وأقول أجمل غنية عندي ...
صديق الدروب الشتات وابن أمدرمان الأصيل عمك تنقو (خالد) يا تو كلام بشبه روعتك وطيبتك عشان أنضمو بأزهى الأحجار الكريمة وأجيبو ليك في حضرة كل الحب ... ؟؟؟ شكراً لسكك الأقدار فيك يا تنقو ... شكراً
الخال ود قاسم ... ليتك تدري كم أفرحني وأبهجي اتصالك ... شكراً بقدر هامة الحب في دواخلي لك ... سأتيك ومريم بمثل ما وعدتك ...
شقيقي محمد الحاج ... موصيني فيك النيل وليالي الوهج الحُنان العارفك متذكرهم ... ربنا يلم الشمل من جديد ... ونعود تاني ... تـــــــــــــاني تاني ونعود تاني من تاني ... وألقاك يا حبيب عمري وتلقاني ...
كل الحب
نادر عباس
|
Post: #2
Title: Re: فاض حبّكم فملأ الحنايا ... لكم جميعاً التجلة والتقدير
Author: waleed500
Date: 08-15-2005, 03:51 AM
Parent: #1
الف مبــــــــــــــــــــــــــــــــروك اخى نادر
الفين مبـــــــــــــــــــــــــــــــــروك مريم
|
Post: #3
Title: Re: فاض حبّكم فملأ الحنايا ... لكم جميعاً التجلة والتقدير
Author: ست البنات
Date: 08-15-2005, 03:56 AM
Parent: #1
والرائعون للرائعات !
مبروك تانى ومليون سعادة وهناء !
ست البنات .
|
Post: #4
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-15-2005, 06:27 AM
Parent: #1
الأعزاء الأحباب
waleed500
ست البنات
شكراً لمروركم الزاهي ... جعل الله بالأفراح أيامكم عامرة ...
|
Post: #31
Title: Re: فاض حبّكم فملأ الحنايا ... لكم جميعاً التجلة والتقدير
Author: Mohammed Elhaj
Date: 08-16-2005, 07:05 AM
Parent: #4
سلامات نادر
و الحضور
القصيدة لاقتني ليها كم يوم ما كنت عارف الصقا وين
أها هاك ليها انت /تو
حتعجبك إذا ما مريت عليها أصلاً انت
و آآآآآآآآآآآآآآآمين على الدعوات
علاقة الـــــدم
هاشم صديق
سوف اصنعُ لي فتاة من دمائي
كي تقدسني وتبكي عند موتي
دون زيف
سوف اصنع لي فتاة
من دخان سجائري
لتلم عن وجهي غبار الاغتراب
وكي تقيني من مكابدة النزيف
سوف اصنع لي حبيبة
تفهم الوطن الذي اشقى به
واخصها بالشعر والحمى
اسميها نضال
قد قلت يوما : هكذا تلد المدينة
من قذارتها غبارا
كي تسمية دماً
فتلفت الوجهاء حيث اشرت
ثم تناقشوا في اللون .. واللغة البذيئة ..والرغيف
كم تبعد الاشياء عن لغتي ..وانت تغادرين دمي
الي اقصى تفاصيل النقيض ..تتسللين الي نوافذ غربتي
وتهيئين القبر من أجلي لأرقد ..في سلام
كم يبعد الشعراء عن الحانهم ..كي يكتبوا اشياء اخرى
لاتخص العاشقات
اذن
ساعلن في المدينة عن حياتي
ثم اخرج عارياً .. في هيئة الاطفال
كي اجد البراءة في ثياب الانقياء
اكذا نموت ..كما ولدنا ..عاريين من البكاء
انه وطن جميل ..رغم التناقض في ازقته
ولكن كيف يمكن ان اعود الي السماء ؟؟؟
اني غريب..والان قد ادركت بعض خصائص الكون الرحيب
فلا مفر من الحبيبة
سوف اصنعها لتكتب عن دمي نثرا
وتضع ثورةً للحلم والوطن الحبيب
سوف اصنع لي حبيبة
سوف اصنع لي وطن
http://www.sudaneseonline.com/monw3at/gside-sudania7.htm
|
Post: #5
Title: Re: فاض حبّكم فملأ الحنايا ... لكم جميعاً التجلة والتقدير
Author: مريم بنت الحسين
Date: 08-15-2005, 10:09 AM
Parent: #1
يا جماعه ممكن نشجّع؟
انا من زمان قاعده أشجّع وقاعدين يشجعوني... لكن حسي ع المكشوف... الواحد بعين قوية يخت ليهو كرسي ويقعد يشكّر، وكدي النشوف لي زول يقول لي كلامك غلط...
نادر.. عليك النبي شفته الناس ديل فرحوا كيف؟ عمو فايز اتصل بي من امريكا وقال لي الناس البعرفوكم والمابعرفوكم فرحوا ليكم... شالهم حال الفرح العام الحاصل مع زواجكم...
| Quote: كل من تكبد مشاق الاتصال الهاتفي بي أو بزوجتي مريم أو كتب هنا ... أنا ممتن لكم جداً ... |
دي حلوه  عجبتني شديد، ما يجو حسي دعاة "الحبس الانفرادي" يشاكلوني...
ليكم جميعاً.. جاياكم، بس انتو عارفين المشغولية
تخريمة للنا مهدي... على الدرب سائرون، بس انت واصلي التشجيع، والامدادات
لكم محبتي
بنت الحسين
|
Post: #6
Title: Re: فاض حبّكم فملأ الحنايا ... لكم جميعاً التجلة والتقدير
Author: منعمشوف
Date: 08-15-2005, 10:32 AM
Parent: #5
الأعزاء جداً مريم ونادر
ألف ألف مبروك يا شباب
والله فرحنا ليكم شديد
لمن نزل البوست الفرح، كنت عامل لوق إن فى بلد وأنا فى بلد تانية
الناس مهججين وتبريكات زى الليل وتهانى شحمانة وأنا مكتف وماعارف أعمل شنو
يعنى كنت عامل زى الزول البحب الهجيج وضارباهو ملاريا والحفلة فى خشم بيتم وقادا أضانو
معليش امسحوها لأخوكم فى وشو الشين دا .. وأعوضا ليكم فى البكارى .. إستبينا؟ 
|
Post: #14
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-15-2005, 11:18 PM
Parent: #6
صديقي العزيز جداً منعمشوف
يا زول سيبك من الحجج دي حمدالله الشفناك زاتو تقول لي متأخر في التهنئة وأمسحها ليك في وشك؟؟؟ انت بتجي في الشهرين نص مرة مش الحمدلله جيت وباركته حسه ؟؟؟؟
ياخي ليك وحشه ومشتاقين لبوستات زمان الروعة ديك
أقول عقبال ليك منعم؟؟
|
Post: #17
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-15-2005, 11:27 PM
Parent: #5
يا بينة معطشة حلق النيل
|
Post: #7
Title: Re: فاض حبّكم فملأ الحنايا ... لكم جميعاً التجلة والتقدير
Author: بلدى يا حبوب
Date: 08-15-2005, 11:04 AM
Parent: #1
مبروك ومليون مبروك
العريس ابن المنبر نادر
والعروس بنت المنبر مريم بت الحسين
كم فرحت عند ازال الخبر وكان بمثابة البلسم الذى شفى جراحات المنبر من كثر البوستات التى عجت به من الاحداث فعبركم كان مولد الفرح فى زمن عزت فيه الافراح وبكما وجدنا المنبر يتوشح بالجمال والافراح ويتدثر بالسعاده كل الامنيات بحياة زوجية سعيدة ومديدة مفعمة بالمحنة والمودة وعنوان للسعادة الزوجية لكل من يريد ان بعرف الافرح
تحياتى
|
Post: #15
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-15-2005, 11:24 PM
Parent: #7
بلدي يا حبوب
يا أبو جلابية وتوب ... وسروال ومركوب
وجبة وصديري وسيف وسكين
يا سمح يا زين
كيفنك وكيف أحوالك
أنا ممتن جداً لتواجدك ومشاركتك فرحتي ومريم ...
ربنا ياخي يجمعنا دائماً في السمح ... من كل أعماقي أتمنى لك كل الخير دنيا وآخرة ... محبة في الله والرسول كده ...
|
Post: #8
Title: Re: فاض حبّكم فملأ الحنايا ... لكم جميعاً التجلة والتقدير
Author: 3mk-Tango
Date: 08-15-2005, 11:11 AM
Parent: #1
نادر يا نادر ...
ما بقدر اقول بعد كدا .. شهادتي فيك مشروخة ..
وانت عارف كل الداير اقولوا ..
لكن عاوز اذكرك فطور رمضان في كورنيش الدمام
والحديث المطول داك .. دائما بتذكروا
___
و ملاحظ معاي شهر 8 دا بدا كيف ؟ واسة ماشي كويس كيف ؟
صداح برضو عمل ليهو حركة جريئة ..
ما كلمتوني من بدري امكن كنت سخنت حول الملعب ساي وحييت الجمهور
املنا في كاس العالم القادم ..
كلام بالجنبة : مبروك تغيير بيانات البروفايل
ولد دا  
|
Post: #18
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-15-2005, 11:30 PM
Parent: #8
هو غيروهو!!!؟؟ 
|
Post: #21
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-16-2005, 01:04 AM
Parent: #18
تنقو النبيل
Quote: لكن عاوز اذكرك فطور رمضان في كورنيش الدمام
والحديث المطول داك .. دائما بتذكروا
|
متذكر يا تنقو كل الكلام داك ... تعرف الأيام ديك تحديداً بدأت في ترتيب أموري بشكل جيّد ... والكلام داك ما كان ساي يا حبة كا ن ليهو مرجعيتو وحاجاتو المرتكز عليها ...
Quote: و ملاحظ معاي شهر 8 دا بدا كيف ؟ واسة ماشي كويس كيف ؟
صداح برضو عمل ليهو حركة جريئة ..
|
ما سمعته بي زواج صداح مبروك ليهو ولو عندك رقمو باصيهو
شهر 8 شنو والله أي شهر تاني بمشي زي ما عاوزين نحنه ولا على كيفو ... بس بيني وبينك أثبت أغسطس دائماً أنه زاخر بالنجوم (نجمة أغسطس؟)
Quote: ما كلمتوني من بدري امكن كنت سخنت حول الملعب ساي وحييت الجمهور
املنا في كاس العالم القادم ..
|
أصلو انته تنقا ولا تنقو ...
|
Post: #27
Title: Re: فاض حبّكم فملأ الحنايا ... لكم جميعاً التجلة والتقدير
Author: معتصم دفع الله
Date: 08-16-2005, 04:41 AM
Parent: #8
صديقي الجميل نادر
ياخي والله إنت تستاهل كل خير ..
ربنا يهنيكم ويسعدكم ويملأً عليكم البيت وليدات ..
والتهنيئة القلبية للعزيزة مريم ..
تخريمة سغنتوتة ..
يعني تاني كان إشتهينا لينا أم رقيقة ولا تحلية ..
بنجي ناطين ليكم في الدمام القريبة دي ..
عقبال ما نفرح بيك إنت وباقي العصابة عشان تفتحوا لينا الطريق ..
الكلام دا لي تنقو ما تنطط لي عينيك ديل ..
محبتي ..
|
Post: #28
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-16-2005, 04:48 AM
Parent: #27
الانسان كفيما يشتهي الجمال معتصم
صدقني دائما يبعث فيني صوتك دفء الحياة السودانية الخالصة ... شكراً على اتصالك الحميم يا صديقي ...
مرحب بيكم في داركم في الدمام وكان ما شالتكم العين يشيلكم الرأس والبيت بيتكم ومنتظرين تشريفكم لينا على أحر من الجمر بستجي ست البيت ونوارتو ...
تحياتي للجميع خاصة
قول لي تمبــــــــــــــــــــــــــــــس (سوا) عملت تخفيض في سعر المكالمات الداخلية ...
ووليد ...
|
Post: #9
Title: Re: فاض حبّكم فملأ الحنايا ... لكم جميعاً التجلة والتقدير
Author: نصار
Date: 08-15-2005, 11:16 AM
Parent: #1
نادر و مريم
لا شكر لا حاجة نحنا فرحانين لي روحنا دي.. الشكر ليكم انتوا لجعلكما ذلك ممكناً
و ان شاء الله ببركة دعاء الاحبة ديل كلهم تمسكن ام فريحانة لمان يجي المولود
الاول يزيدا و البعده و البعده لمان تقولو بس.
مبروك
|
Post: #19
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-15-2005, 11:34 PM
Parent: #9
الأخ الأستاذ/ نصّار
تحياتي وأمتناني على مشاركتك الرائعة في هذه المناسبة العزيزة ... جعل الله أيامك كلها أفراحاً وسعادة ...
|
Post: #10
Title: Re: فاض حبّكم فملأ الحنايا ... لكم جميعاً التجلة والتقدير
Author: محمد السر
Date: 08-15-2005, 11:22 AM
Parent: #1
مريم ونادر
ألف مبروك وإمنياتي بحياة زوجية سعيدة
والتهاني موصولة للأسرتين
|
Post: #24
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-16-2005, 04:01 AM
Parent: #10
تسلم محمد السر
سررت بمرورك وبمشاعرك الراقية يا أصيل ... وعقبال ليك ... بس تعرف استعد لأنو الخشم الفاتح ده بتقفل تبّ ...
|
Post: #11
Title: Re: فاض حبّكم فملأ الحنايا ... لكم جميعاً التجلة والتقدير
Author: عزاز شامي
Date: 08-15-2005, 04:15 PM
Parent: #1
بختك يا مريم وبختك يا نادر ...
(الطيبون للطيبات) بتتجلى في رباطكم المقدس ...
الله يديم ايام صفاكم وتتهنوا العمر الجاي كله ببعض ..
ابقوا عشرة على روحكم... والمولى يحفظكم من كل شر ...
للأسف ثقافتي الصورية (انزال الصور) نفس ثقافتي اليابانية بعيد عنكم
اعفوا لي واعتبروا وشي البيضحك ده زغروووودة لآخر المدى
|
Post: #26
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-16-2005, 04:04 AM
Parent: #11
الأخت العزيزة عزاز شامي
ياخي تسلمي وعاجز عن التعبير عن سعادتي ومريم بكلماتك الحانية الجميلة .. أمنياتي بكل جميل لك ... وليدوم التواصل بيننا
|
Post: #12
Title: Re: فاض حبّكم فملأ الحنايا ... لكم جميعاً التجلة والتقدير
Author: luai
Date: 08-15-2005, 04:35 PM
Parent: #1
الاخ والاخت /نادر ومريم العرسان ..تاني بنقول مبروك ...
وبيت مال وعيـال ...
بعدين عشان انتو جمهوريين ما بتعزموا الاطراف التانية ولا شنو ؟
غايتو من اسه ...بتكم محجوزة للكوز ولدي ..
وكان ابيتو بيها ..ليهو ...بشيله منكم حب ساكت ...
تمنياتي القلبية لكم بحياة زوجية سعيدة ..ومنزل عامر دفئه الايمان والحب
ووالله لو كنت محل بكري ..كل ما مات زول مسود لينا البورد دا ..لو كنت
في مكانه ..كنت خليت لونه وردي الان ..احتفاء بعرسان البورد .....
|
Post: #29
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-16-2005, 04:51 AM
Parent: #12
شكراً أخي لؤي على مرورك وعقبالك إن شاء الله
|
Post: #13
Title: Re: فاض حبّكم فملأ الحنايا ... لكم جميعاً التجلة والتقدير
Author: محمد الامين احمد
Date: 08-15-2005, 06:38 PM
Parent: #1
الف مبروك ... و كل التمنيات بالتوفيق
و مبروك تغير البروفايل
|
Post: #32
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-16-2005, 11:41 AM
Parent: #13
العزيز محمد الأمين أحمد
تحياتي وأمنياتي لك بكل جميل مثلك ...
| Quote: و مبروك تغير البروفايل |
تعرف التحول من عزابي لي متزوج لذيذ عشان كده الواحد ببدأ يهرب من كون انو عزابي بصورة كاملة متكاملة ... ياخي ما أقسى الحياة دون صنو يرتب معالمها ويمزجها برحيق الإلفة ...
سررت جدا لمرورك وعقبالك قريب
|
Post: #16
Title: Re: فاض حبّكم فملأ الحنايا ... لكم جميعاً التجلة والتقدير
Author: Badri
Date: 08-15-2005, 11:27 PM
Parent: #1
نادر ** مريم
تهانينا القلبيةوتمنياتي بحياة زوجية سعيدة
وربنا يهنيكم ويسعدكمويعم الفرح داركم
بدري
|
Post: #33
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-16-2005, 11:43 AM
Parent: #16
بدري عليك
سررت أيما سرور لاتصالك المدهش ... أمنياتي أن يدوم التواصل بيننا وعقبالك
وبينا الأيام يا رائع ...
|
Post: #20
Title: Re: فاض حبّكم فملأ الحنايا ... لكم جميعاً التجلة والتقدير
Author: ALGARADABI
Date: 08-16-2005, 00:03 AM
Parent: #1
| Quote: والرائعون للرائعات |
وأهى فرصة تانية عشان نقول مبروك
و بيت مال وعيال يا أبو محمود
|
Post: #34
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-17-2005, 01:11 AM
أخي العزيز والصديق ALGARADABI
أشكر لك كلماتك مع خالص أمنياتي لك بكل جميل ...
أبومحمود
|
Post: #22
Title: Re: فاض حبّكم فملأ الحنايا ... لكم جميعاً التجلة والتقدير
Author: Hozy
Date: 08-16-2005, 03:06 AM
Parent: #1
الف الف الف
ومليون الف مبروووووووووووووووووووووك تاني وتالت
والله يديم الافراح يا مريومة ويا نادر
ويعمر بيتكم وتتهنوا فيه انشاء الله يارب
لما نتصل عليك نبارك ليكم والوالدة والوالد
ياستي الله يوفقكم
قولوا اميين
الف تحية
مني وزيكو
ومن الوالدة وكل الاسرة
دمتم
|
Post: #23
Title: Re: فاض حبّكم فملأ الحنايا ... لكم جميعاً التجلة والتقدير
Author: مهيرة
Date: 08-16-2005, 04:00 AM
Parent: #22
عفوا.مكرر
|
Post: #25
Title: Re: فاض حبّكم فملأ الحنايا ... لكم جميعاً التجلة والتقدير
Author: مهيرة
Date: 08-16-2005, 04:02 AM
Parent: #22
الف مبروك للاعزاء نادر ومريم
وبيت مال وعيال
وان شاء الله العديلة تقدمه وتبراه
تحياتى
|
Post: #36
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-17-2005, 01:19 AM
Parent: #25
الأخت الدكتورة مهيرة
يسعدني دائماً مرورك ... وتبهجني كلماتك ووقفتك الجميلة معنا ... ويجدر بي الإشارة إلى عظيم فرحي بعودتك للمشاركة من جديد في إثراء البورد بعد غيبة ...
أتمنى لك كل جميل وراق بمثل حضورك ...
|
Post: #35
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-17-2005, 01:15 AM
Parent: #22
الأعزاء هزي وزيكو زيكو وهوزي
شكراً على مشاعركما الطيبة الجميلة ... عميق تقديري لوقفتكم معنا ... مع خالص دعواتي أن تتحقق كل أمنياتكم وأن تنعما بحياة عامرة بالحب والإلفة ...
|
Post: #30
Title: Re: فاض حبّكم فملأ الحنايا ... لكم جميعاً التجلة والتقدير
Author: ودقاسم
Date: 08-16-2005, 06:47 AM
Parent: #1
نادر
أحسست بفرحك الكبير وما زلت أتابع هذا الفرح ، وهناك على الضفة الأخرى تسعد مريم حتى تصلنا ظلال فرحها عبر المسافات ،،،
بالجد فرحان ليكم، ومتمني أشوفكم مع بعض ،،
أنتظركما ...
|
Post: #37
Title: Re: فاض حبّكم فملأ الحنايا ... لكم جميعاً التجلة والتقدير
Author: نادر
Date: 08-17-2005, 01:21 AM
Parent: #30
الخال العزيز ود قاسم
أبهجتني مباركتك لزواجنا ... وغمرني سرور عظيم بكلماتك الدافئة ... الوعد قائم أن نلتقيك وأم طلال قريباً ...
|
|