Post: #1
Title: السلام الاجتماعي كيف؟ دعوة للمشاركة
Author: Layla Mohamed Salih Omer
Date: 08-14-2005, 01:39 AM
Parent: #0
اتفاقيات السلام السياسية لا تؤدي الي السلام الاجتماعي الفعلي واكبر دليل هو الاحداث المؤسفة التي حدثت في الخرطوم وبعض المدن بعد رحيل د. قرنق.
السودان بتكون من قبايل وكل قبيلة معتزة بي اصلها وشاعره بي علوها علي الآخرين. لكين في الشمال حصل تمازج بين القبايل... لماذا؟؟؟؟؟؟؟؟؟؟
هل نفس الشي حصل بين قبايل الجنوب؟؟؟ عايزة معلومات؟؟
كيف قلت النعرات الجهوية في الشمال؟؟؟ (لكين شايفاها بدت تاني خلال السنوات الاخيرة حتي بين المجموعات السياسية الواحدة).
هل هناك تجارب او معلومات عن تمازج بين الاعراق المختلفة في السودان؟؟
حتي لو كانت سيرة عائلات دعمت هذا الخط.... لازم نبرز التجارب الناجحة عشان نعرف محل العطل وين.
مع تحياتي
|
Post: #3
Title: Re: السلام الاجتماعي كيف؟ دعوة للمشاركة
Author: إسماعيل حميم
Date: 08-14-2005, 02:12 AM
Parent: #1
Quote: اتفاقيات السلام السياسية لا تؤدي الي السلام الاجتماعي الفعلي
واكبر دليل هو الاحداث المؤسفة التي حدثت في الخرطوم وبعض
المدن بعد رحيل د. قرنق. |
أختي ليلي
مرحب بيك في أول بوست عام
أولاً أختلف معك في الحكم علي نتائج الإتفاقية الآن
لانها لا زالت في طور التنفيذ!!
ثانياً إن للأحداث بقراءة تاريخية عوامل آخري غائرة في أعماق
الشمال والجنوب لا تتحمل وزرها الإتفاقية.
Quote: السودان بتكون من قبايل وكل قبيلة معتزة بي اصلها وشاعره بي علوها علي
الآخرين. لكين في الشمال حصل تمازج بين القبايل... لماذا؟؟؟؟؟؟؟؟؟؟ |
العامل الأساسي لإزالت النعرات العنصرية دحر الجهل (ولا اقول التعليم فقط)
وإزالت الجهل تحمل مفاهيم كثيرة مثال عند المسلمين ( لا فرق بين بي البشر إلا
بتقوي الله)!!
Quote: كيف قلت النعرات الجهوية في الشمال؟؟؟ (لكين شايفاها بدت تاني خلال
السنوات الاخيرة حتي بين المجموعات السياسية الواحدة). |
أول شكل شبيه بخرطة السـودان الحالية تكون مع الدولة المهدية وقبله كان دويلات
وممالك صغيرة ...
وأتي الإستعمار قبل إنصهار القوميات المختلفة في بوتقة السودان الحالي
وكانت الارض صالحة لزراعة الفتنة التي نحصد ثمارها الآن.
إسماعيل حميم
|
Post: #4
Title: Re: السلام الاجتماعي كيف؟ دعوة للمشاركة
Author: alsngaq
Date: 08-14-2005, 02:25 AM
Parent: #1
Quote: السودان بتكون من قبايل وكل قبيلة معتزة بي اصلها وشاعره بي علوها علي الآخرين. لكين في الشمال حصل تمازج بين القبايل... لماذا؟؟؟؟؟؟؟؟؟؟
هل نفس الشي حصل بين قبايل الجنوب؟؟؟ عايزة معلومات؟؟ |
موضوع حيوي لكن
الحديث عنه محفوف بالمخاطر وطرحه عامل زي وضع النار جنب البنزين
رايك شنو نضيف السؤال دا اخت ليلى
هل ممكن ان يحصل تمازج بين قبائل الشمال وقبائل الجنوب؟؟؟
السؤال دا بشكل تلقائي بقودنا لحالات الزواج فى مجتمعنا السوداني
هل رفض هذه القبائل او مجرد عدم التفكير في التزاوج فيما بينها
بولد احساس الدونية لدى اي واحدة تجاه الاخرى؟؟؟؟
وما مدى تأثير مثل هذه الرؤية لدي قبائل الشمال والجنوب على تحقيق
السلام الاجتماعي الحقيقي؟؟؟
ولي عودة
|
|