Post: #1
Title: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-13-2005, 04:38 AM
Parent: #0
عـلاقة الدواجـن والأسـرة السـودانية من قـديم الزمان عـلاقة
حميمـة جـداً ومن أوجه بروز تلكم الحميمية ورودها في كثير
من الأمثـال ، إلا أن ما خـص الذكور (الديوك) منـها دوماً
متعـلق بالتشـبيه المُـذِم!!
ولكم بعـض الأمثـلة التي تدلل:
ديـك البطـانة:
تُرحل الدواجن من منطـقة البطـانة إلي الأسـواق وهي معـلقة من
أرجـلها علي عود خشـبي مثبـت علي جانبي (اللوري أو البوكس) ثم
تبـاع وتخـرج من السـوق وهي علي نفـس الحالة رأسـها (مدلدل)
إلي الأسـفل دون أن تري ما بالسـوق.
و يضـرب المثـل لمن دخـل وخـرج دون أن يدري شـيئاً فيوصـف
بأنه ديـك البطـانة.
ديـك المسـلمية:
ويقال أن ديـك المسـلمية يصـيح ( وبصـلتو في النار)
و يضـرب المثـل للمغفل وبالمحلية (العوّقه أو العوير).
ديـك العِـدة:
والمقصـود بالعـدة هي عـدة المطـبخ خاصةً (الزجاجي والصيني
منها) وقبل ظهـور أحواض الغسـيل بالمطـابخ كانت تغسـل العـدة
علي طسـت بقربه جرادل ماء ثم تنشـر علي سـرير خاص بالعـدة
فرشـه من سـلك (النملي) وعند صـعود الديـك وسـط العـدة تكـون
الطـامة!!
إذا نهـرته قفـز!
وإذا تركتـه أيضاً قفـز!
وفي الحالتين لن ينجـو من الزجـاج والصـيني إلا القليـل.
و يضـرب المثـل للشخـص الأهوج الذي يسـبب كيفـما تصـرّف
إسماعيل حميم
|
Post: #2
Title: Re: أنـواع الديـوك ثـلاثة في زول بِعـرِف غيرهم
Author: saif massad ali
Date: 08-13-2005, 04:43 AM
Parent: #1
الله يديك العافية اها ديك العدة ديل ناس الجبهة الاسلامية في السودان أي حاجة تحصل الضرر يقع
|
Post: #3
Title: Re: أنـواع الديـوك ثـلاثة في زول بِعـرِف غيرهم
Author: ابو يسرا
Date: 08-13-2005, 04:48 AM
Parent: #2
ديك الجن
رفيق همي وغناي وفني
سوا طريقة فى سرقة وصبح متهني
ماهماهو باسط مية سكرة يني
كلما جاتو سرقة جديدة فوقها يغني
دة ديك بيعرفو القدال براهو
وانا اجتهدت لمعرقتة واعتقد ان لى اجران
|
Post: #4
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-13-2005, 04:51 AM
Parent: #2
أخوي السـيف
شـايفك
جريت ليك نفـس طـويل
إن شاءالله يذودونا بأمثال آخري
ترسـل لك العليل   .
إسماعيل حميم
|
Post: #5
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-13-2005, 04:59 AM
Parent: #4
ابو يسـرا
مرحب بيك كتير
وعشـان تأخذ الاخـر الثالث
ترجـم لينا علي الشريط 
مودتي
إسماعيل حميم
|
Post: #6
Title: Re: أنـواع الديـوك ثـلاثة في زول بِعـرِف غيرهم
Author: ناذر محمد الخليفة
Date: 08-13-2005, 05:00 AM
Parent: #4
إسماعيل حميم كيفنك ...
في ديك إنت ناسيهو ودا اهم واحد من الديكة ديل ..
إسمو ديك الجيران ..
أها دا الديك بتاع الجيران البيكون حايم في الحيطة البينك وبين جارك .. فأنت بتكون بتعاين ليهو ومتنشن معاو وماقادر تتصرف .. لإنو لو خليتو حا يشغلك بالمعاينة ولو نهرتو حا تزعل الجيران ...
أها انا بس ما عارف بتطلق على الزول لييه !!!
كدي حاول إجتهد فيها إنتا
|
Post: #7
Title: Re: أنـواع الديـوك ثـلاثة في زول بِعـرِف غيرهم
Author: ناذر محمد الخليفة
Date: 08-13-2005, 05:01 AM
Parent: #6
نسيت والله !!!!!
في ديك تاني إسمو ديك الحضور بس ما عارف دا نظريتو شنو !!
زمان في المدرسة الواحد لمن يعمل ليهو غلط كان الأستاذ بكورك فيهو (دا شنو يا ديك الحضور) !!
|
Post: #9
Title: Re: أنـواع الديـوك ثـلاثة في زول بِعـرِف غيرهم
Author: muntasir
Date: 08-13-2005, 05:19 AM
Parent: #7
الأخ إسماعيل
فى ديك المكوه
وفى نومه الديك فى الحبل
|
Post: #15
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-13-2005, 06:32 AM
Parent: #9
أخي منتصر
مرحب بي مرورك
تعرف ديك المكوة ده ينفع حارس مرمي
لانو بيقفلها ليك تمام
مودتي
إسماعيل حميم
|
Post: #8
Title: Re: أنـواع الديـوك ثـلاثة في زول بِعـرِف غيرهم
Author: gamal elsadig
Date: 08-13-2005, 05:15 AM
Parent: #6
ديـــــــك المـــاجي
مرقة الدجاج المشهورة في السودان بعد البوش
ديـــــــك المـــكوه
الذي يحكم به اغلاق مكوة الفحم او فتحها من
خلال حركته .
وبرضو في الليلة(ديـــك)
وديك الحاجة بهانة ...
وحزب الديوك السودانية تكون بعدان جهجهو الديوك
بحكاية البكور وتعديل الزمن ... فاصبح زمن الديوك
فارق .
واخيرا في ديـــــــك كده الله ريحنا منو بعد زمن .....
|
Post: #16
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-13-2005, 06:40 AM
Parent: #8
| Quote: واخيرا في ديـــــــك كده الله ريحنا منو بعد زمن ..... |
أخوي جمـال
العقبي لينا نرتاح
من ناس ديك شيني 
مودتي
إسماعيل حميم
|
Post: #65
Title: Re: أنـواع الديـوك ثـلاثة في زول بِعـرِف غيرهم
Author: ABDELAZIZ MAHADY
Date: 08-25-2005, 05:36 AM
Parent: #8
أنا ماعارفك يا جمال قاصدديكي ولا ديك تاني لكن علي العموم كان يا مكان في سالف العصر والأوان .. ديك ذا عرف وحلقوم .. يكاجرنا منذ الصباح الباكر في إذاعتنا الحبيبة.. ويستهل خطبتة العصماء ب ( أيها الداجن السوداني الفضل ............. ......................................................................................................... ززززززززززز
ولا نامت أعين ديوك الناس التانين في حبلنا
لكن ديك الجماعة إختفي بعد صهور ديك البكور وما عارف أحالوه للصالح الخاص ولا إتركن مع الروادي الديجيتال ..
أفيدونا أفادكم الله
ولله في ديوكة شئون
|
Post: #67
Title: Re: أنـواع الديـوك ثـلاثة في زول بِعـرِف غيرهم
Author: gamal elsadig
Date: 08-27-2005, 01:47 AM
Parent: #65
ود المهدي
سلامات
| Quote: أنا ماعارفك يا جمال قاصدديكي ولا ديك تاني لكن علي العموم كان يا مكان في سالف العصر والأوان .. ديك ذا عرف وحلقوم .. يكاجرنا منذ الصباح الباكر في إذاعتنا الحبيبة.. ويستهل خطبتة العصماء ب ( أيها الداجن السوداني الفضل ............. ......................................................................................................... ززززززززززز |
انا الديك ده عرفتو لانوا عوعاي في الفاضي ....
والديك الانا قاصدو من نفس القفص ... بس لسانو اكبر من عرفو ... وبيعوعي بعد الشمس ماتغيب ودايما وراهو كارثة ... وممكن نسميه (ديـــــــك الكوارث )
|
Post: #11
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-13-2005, 05:57 AM
Parent: #6
ناذر مرحب بيك ومشـتاقين
إنت يازول محل بصوروك بتغني دا..
ما ترسل لينا مسج .. نحنا برانا بنجي
والله ديكك بتاع الجيران ده ذكرني طرفة
واحد دخل عليهوا ضيف عزيز فجأة !!
قال لي للمرة أعملي لينا العشاء
قالت ليه ما في حاجة غير صحن الفول
قال خلاص أنا حا أضبح ليك الديك العجوز ده
قالت ليه الديك ده لحموا لستك بس
قال ليها ختيهو تكملة صينيه
وصاحبنا عزم جاره إكرام للضيف وجابوا
العشاء ،الضيف قبض رجل الديك لفاها لفتين
بدأء يجر بلا فايدة وفكاها رجعت محلها،
الجار عمل محاولة تانية ونفس النتيجة بلاستيك بس!
والديك رجع بي شكله!
تاني يوم الجار كورك بالحيطة لي صاحب الديك
" أديني ديكك اغدي بيهو ضيوفي وارجعوا ليك"
ده ديك الجيران البعرفوا
إسماعيل حميم
|
Post: #12
Title: Re: أنـواع الديـوك ثـلاثة في زول بِعـرِف غيرهم
Author: Abdulla Ageed
Date: 08-13-2005, 06:06 AM
Parent: #2
التحية للأستاذ اسماعيل حميم
قال سيف مساعد علي:
""الله يديك العافية اها ديك العدة ديل ناس الجبهة الاسلامية في السودان أي حاجة تحصل الضرر يقع""
وأضيف
أن ديك البطانة هم المحمولين على الهون من أفراد المعارضة في الخارج
يأخذهم الأسياد والقادة (مدلدلين) في حال الخصام مع النظام، ويعودون
بهم (مدلدلين) عندما تلوح أول بارقة لكرسي (جانبي) في السلطة.
|
Post: #17
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-14-2005, 01:29 AM
Parent: #12
Quote:
التحية للأستاذ اسماعيل حميم
قال سيف مساعد علي:
""الله يديك العافية اها ديك العدة ديل ناس الجبهة الاسلامية في السودان أي حاجة تحصل الضرر يقع""
وأضيف
أن ديك البطانة هم المحمولين على الهون من أفراد المعارضة في الخارج
يأخذهم الأسياد والقادة (مدلدلين) في حال الخصام مع النظام، ويعودون
بهم (مدلدلين) عندما تلوح أول بارقة لكرسي (جانبي) في السلطة. |
أخواني الأحباب
سيف مساعد
وعبدالله عجيب
بما أن الأوطان تتكون من
حكـومة
ومعـارضة
وشـعب
عليـه فنحـن وطـن داخله
ديوك عـدة ..... الجبهجية
ديوك بطانة ...... المعارضة
وديوك مسـلمية .... المتبقي من الشـعب
شـكراً للتوضيح
إسماعيل حميم
|
Post: #10
Title: Re: أنـواع الديـوك ثـلاثة في زول بِعـرِف غيرهم
Author: ADIL FAIT
Date: 08-13-2005, 05:25 AM
Parent: #1
لك التحية يا اخونا اسماعيل
فعلا المنبر يحتاج للدعابة
وكمان الرمزية البتخليك تفكر في الكلام 100 مرة
والله محتاجين يا اسماعين نطلع من الرتابة والحزن المسيطر
يديك العافية ايها الرائع
مع أكيد حبي وتقديري،،،
عادل فايت
|
Post: #21
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-14-2005, 03:57 AM
Parent: #10
Quote: التحية يا اخونا اسماعيل
فعلا المنبر يحتاج للدعابة
وكمان الرمزية البتخليك تفكر في الكلام 100 مرة
والله محتاجين يا اسماعين نطلع من الرتابة والحزن المسيطر
يديك العافية ايها الرائع
مع أكيد حبي وتقديري،،، |
الأخ الحبيب عادل فايت
تحية إحترام وتجلّ
والله إنك ٌٌقرأت ما عنيت
شـكراً علي المـرور
مودتي
إسماعيل حميم
|
Post: #13
Title: Re: أنـواع الديـوك ثـلاثة في زول بِعـرِف غيرهم
Author: محمد الامين احمد
Date: 08-13-2005, 06:19 AM
Parent: #1
تحية طيبة للجميع
| Quote: أها انا بس ما عارف بتطلق على الزول لييه !!! |
ديك الجيران ده يا ناذر تنفع لمن تكون مزنوق فى زول قريبك
لازم تشغلو او تسوقو معاك حفلة او او ، المهم كان عملت كده
اهلو بيزعلو منك
|
Post: #14
Title: Re: أنـواع الديـوك ثـلاثة في زول بِعـرِف غيرهم
Author: زول ساكت
Date: 08-13-2005, 06:28 AM
Parent: #13
ديك وعيييييييييك
شكراً سماعين
|
Post: #18
Title: Re: أنـواع الديـوك ثـلاثة في زول بِعـرِف غيرهم
Author: المسافر
Date: 08-14-2005, 02:45 AM
Parent: #14
تاني جبت سيرتو
في الليلة ديك...
أهم ديك هو
ديك عبد الكريم
لا يرحم
لا يخلي من يرحم
ويقال إن ديك عبد الكريم توقف عن العفس
ولأنه يمتلك الثروة والسلاح
منع جميع الديوك الأخرى من الإقتراب والتصوير
فشكت الدجاجة الصغيرة الحمراء أمرها لطوب الرض
ويقال إن من خلف الحائط من سمعها تقول
ديك عبد الكريم
لا يرحم لا يخلي من يرحم
فذهبت مثلا
|
Post: #19
Title: Re: أنـواع الديـوك ثـلاثة في زول بِعـرِف غيرهم
Author: waleed500
Date: 08-14-2005, 02:53 AM
Parent: #18
ديك ام بلينه ...... ده اخطر الديوك
|
Post: #20
Title: Re: أنـواع الديـوك ثـلاثة في زول بِعـرِف غيرهم
Author: محمد امين مبروك
Date: 08-14-2005, 03:39 AM
Parent: #19
حميم
سلاماتي تحيتي من صيحة ديكي ......
في الديك الاساسي شايفك ما خاتي ليهو بالك ... وهو ما ورد في الاثر :
( منو البقنع الديك)
ذمان بت جيرانا استخدمت المثل دا ... اثناء نقاش عائلي في موضوع الايام ديك كان موضة تغيير التلفزيونات (ما القنوات!!!) عشان الصادق المهدي كان اربع وعشرين ساعة في التلفزيون .عاوزين اغيروا التلفزيون بتاعهم بواحد نوع مودرن لكن الحاج كان رافض ... يوم قاعدين قدام التلفزيون( بكون الصادق المهدي الوكت داك بتكلم، والترابي بخطط لانقلابو .... وهلمجرا يا سيف مساعد) المهم واحد جاء خاشي ... ما عجبو منظر الصادق في التلفزيون القديم ()قال لافراد الاسرة ... اتو ما في انواع جديدة نازلة السوق وغيروا التلفزيزن دا ....
نطت البت وقالت : نحنا عارفين لكن منو البقنع الديك .... قام الديك مسك البت حلق ليها صلعة ...
قام جاء العرس بتاع ناس (.............) مشوا ليهو الصادق ومبارك وفرح والباقين تكلوا في الجنينة زعلانين لانو ما عزموهم ... قام الترابي وعلى عثمان وعمار محمد ادم عملوا الانقلاب ... الصباح ولا ديك ما عوعاااااااااااااااااااااااااااااااااااااا
لكن الديوك بتاعتكم دي كلها محلية ..... من خارج الحدود انا بحوش ليكم ديوك روسية هو ديوك (رسول حمزتوف)*
شيئان في الحياة ...
يستحقان المنازعات الكبرى:
وطن جميل وامرأة رائعة
اما ما تبقى من الصراع
فهو من اختصاص ........ الديكة
: waleed
| Quote: ديك ام بلينه ...... ده اخطر الديوك |
هو دا ديك ولا تور ........... امكن دود قريد!!!
---------------------------------------------------------
* شاعر روسي
|
Post: #25
Title: Re: أنـواع الديـوك ثـلاثة في زول بِعـرِف غيرهم
Author: Al-Shaygi
Date: 08-14-2005, 05:21 AM
Parent: #19
Quote:
ديك ام بلينه ...... ده اخطر الديوك
|
أهه راجينك نشوف طورة ديك أملينة
|
Post: #29
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-15-2005, 01:11 AM
Parent: #25
Quote: Quote:
ديك ام بلينه ...... ده اخطر الديوك
أهه راجينك نشوف طورة ديك أملينة
|
أخي الشايقي
مرحب بي مرورك
والله أنا برضو مستني أعرف ديك أم بلينة دا
إسماعيل حميم
|
Post: #30
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-15-2005, 01:11 AM
Parent: #25
Quote: Quote:
ديك ام بلينه ...... ده اخطر الديوك
أهه راجينك نشوف طورة ديك أملينة
|
أخي الشايقي
مرحب بي مرورك
والله أنا برضو مستني أعرف ديك أم بلينة دا
إسماعيل حميم
|
Post: #28
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-14-2005, 07:11 AM
Parent: #19
| Quote: ديك ام بلينه ...... ده اخطر الديوك |
يا وليد 500
مرحب بي مرورك
لكن كدي قول لي
الخطورة دي من وين
يا ربي يكون توأم ديـك شيني؟
إسماعيل حميم
|
Post: #27
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-14-2005, 06:22 AM
Parent: #18
أخوي المسـافة
جدادتك دي .. ديـك عبد الكريم
طلقا ما رسـل ليها ورقتها ولا شنو؟
محنبكة منو قدر دا.
إسماعيل حميم
|
Post: #23
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-14-2005, 04:32 AM
Parent: #14
زول ساكت
ما إنت ما جيت تاني
مرحب بي مرورك
سماعين حميم
|
Post: #22
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-14-2005, 04:29 AM
Parent: #13
محمد الأمين
الله لا جاب الزعل .. نسوقوا نسوقوا
تشكر للمرور
إسماعيا حميم
|
Post: #24
Title: Re: أنـواع الديـوك ثـلاثة في زول بِعـرِف غيرهم
Author: المعتمد
Date: 08-14-2005, 04:51 AM
Parent: #1
الديك بتاع زيدان ابراهيم
فى الليلة ديك
|
Post: #26
Title: Re: أنـواع الديـوك ثـلاثة في زول بِعـرِف غيرهم
Author: ناذر محمد الخليفة
Date: 08-14-2005, 05:36 AM
Parent: #24
إسماعيل حميم تاني نسيت (ملعون أبو إبليس) !!!!
في ديك إسمو ديك المنبر !!!!
أااي المنبر عديل كدة
أما عن وصفه ومواصفاتو فدا داير ليهو قعدة
النلف ونجيك ولو ربنا قدر بقعد عشان أجيب ليك خبرو
|
Post: #32
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-15-2005, 07:10 AM
Parent: #24
Quote: الديك بتاع زيدان ابراهيم
فى الليلة ديك |
هو الديـك الفي الليلة داك حق زيدان
ولا التجاني حاج موسي والله انا ما متذكره
إسماعيل حميم
|
Post: #31
Title: Re: أنـواع الديـوك ثـلاثة في زول بِعـرِف غيرهم
Author: رانيا بابكر
Date: 08-15-2005, 02:30 AM
Parent: #1
| Quote: في زول بِعـرِف غيرهم |
ديك الحبل
|
Post: #35
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-16-2005, 01:51 AM
Parent: #31
رانيا إزيك
كيف الاخبار إن شاء الله كلُ تمام
لكن ما قلتي لينا حكايته شـنو
ديك الحبل ده
والحبال هي زاتها أنواع
حبل الغسـيل
وحبل الصـبر
وجر الحبل
وحبال بنان - هسـه يجي بكري يقول لي عملت دعاية
لمصنع بنان للحبال ونفصـلك نلحقك الجماعة وشـنو ما عارف
إسماعيل حميم
|
Post: #33
Title: Re: أنـواع الديـوك ثـلاثة في زول بِعـرِف غيرهم
Author: علوبه
Date: 08-15-2005, 11:00 AM
Parent: #1
التحايا العطره
فى كمان .......... حلاوه ديك
وبرضو كمان ........ ديك فرنسا (شعار الفريق القومى للكره)
وللمقريفين (أ.... ديك سفه ؟
|
Post: #38
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-16-2005, 02:35 AM
Parent: #33
| Quote: فى كمان .......... حلاوه ديك |
علوبة مرحب
لكن ما تقول لي دي حلوة خالص
صندوق كرتون مليان رملة مزروع فيها أعود صغيرة
من جريد النخيل أشبه بقـش المقشاشة في رأسها
ديك من الحلاوة بألوان زاهية شـفافة
يا الله عليك يا علوبة رجعتني 35 سنة
| Quote: وبرضو كمان ........ ديك فرنسا (شعار الفريق القومى للكره) |
دي الما فهم فيها أنا| Quote: وللمقريفين (أ.... ديك سفه ؟ |
واحد مسطول سأله واحد قدامه قهوة
اديك جبنه؟؟
رد المسطول
والله ما عارف لكن في جدادة نزلت ليها لوري طوب بي جاي
تشكر علي المرور يا حبيب
إسماعيل حميم
|
Post: #34
Title: Re: أنـواع الديـوك ثـلاثة في زول بِعـرِف غيرهم
Author: Elnasri Amin
Date: 08-15-2005, 11:07 AM
Parent: #1
سلام يا اسماعين
سؤال غاب عنى اثناء زيارتى للسودان...
الناس لسه بتاكل الحمام؟؟؟؟
ولسه بعملوهو للزول العيان؟؟؟
|
Post: #39
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-16-2005, 05:57 AM
Parent: #34
Quote: سلام يا اسماعين
سؤال غاب عنى اثناء زيارتى للسودان...
الناس لسه بتاكل الحمام؟؟؟؟
ولسه بعملوهو للزول العيان؟؟؟ |
عم النصـري أمين
إزيـك والله مشـتاقين
بس عليك الله المرة الجاية لمن تجي ما تمسـحنا زي الفاتت
تعـرف زمان لو شافوا زول شايل ليه حمام ولا زجاجة ببسـي
علي طول تسـمع السـؤال التقليدي ( علّكم طيّبة؟ العيـان ليكم
منو؟)
سـبحان مغيّر الاحوال!ّ!
إسماعيل حميم
|
Post: #36
Title: Re: أنـواع الديـوك ثـلاثة في زول بِعـرِف غيرهم
Author: Tabaldina
Date: 08-16-2005, 01:54 AM
Parent: #1
..
.
كوستاوي ..
احد انواع الديوك ..
|
Post: #40
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-16-2005, 06:23 AM
Parent: #36
Quote: ..
.
كوستاوي ..
احد انواع الديوك .. |
أخوي تبلدينا
سـلام
يا اخي ما تدّفـر القفـص دا ضـيق ومليان ديـوك
إسماعيل حميم
|
Post: #37
Title: Re: أنـواع الديـوك ثـلاثة في زول بِعـرِف غيرهم
Author: Badri
Date: 08-16-2005, 02:32 AM
Parent: #1
Quote: كوستاوي ..
احد انواع الديوك .. |
لووووووووووووووووووول تبلدينا عملتها ظاهرة لكن
اسي حيجوك بالمفكات والمقصات يازول كدي تاوق للمادة 17
|
Post: #41
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-16-2005, 06:59 AM
Parent: #37
Quote: Quote: كوستاوي ..
احد انواع الديوك ..
لووووووووووووووووووول تبلدينا عملتها ظاهرة لكن
اسي حيجوك بالمفكات والمقصات يازول كدي تاوق للمادة 17 |
مش عليك الله يا Badri
إسماعيل حميم
|
Post: #42
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-16-2005, 06:59 AM
Parent: #37
Quote: Quote: كوستاوي ..
احد انواع الديوك ..
لووووووووووووووووووول تبلدينا عملتها ظاهرة لكن
اسي حيجوك بالمفكات والمقصات يازول كدي تاوق للمادة 17 |
مش عليك الله يا Badri
إسماعيل حميم
|
Post: #43
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-18-2005, 04:57 AM
Parent: #42
وإليكم ما تم حصره من الديوك حتي الآن
والذي دلل علي خراب ذاكرتي مع كثيرمن الجهل
في المسألة الديوكيه.
ديك الجن
ديك الجيران
ديك الحضور
ديك المكوة
ديك الماجي
ديك زيدان
ديك الحاجة بهانه
الديوك الحزبية السودانيه
ديك وعيك
ديك عبدا لكريم
ديك أم بلينة
ديك المجنون الما بيقتنع
ديك المنبر الما ورانا ليهو ناذر
ديك الحبل
حلاوة ديك
ديك فرنسا
الديك سفه
الديك جبنه
ونواصل
إسماعيل حميم
|
Post: #44
Title: Re: أنـواع الديـوك ثـلاثة في زول بِعـرِف غيرهم
Author: Tabaldina
Date: 08-18-2005, 05:22 AM
Parent: #1
..
.
سلام يا حميم وبدري ،،،
ديك المنبر نسيتو ...
طبعاً به عدد من الديوك اشار ناذر لاحدهما
وحددت انا الأخر ..
بس خلونا من الديوك .. مافي انواع جداد ان شاء الله
محمر ..ومسلوق .. ومشوى ..
بمووت انا فى الجداد .. خاصة الما بكاكي ..
ويا جداتي كاك كاك ..
الاكلك يصبو الهلاك ..
الاكل الصدر يموت بالعصر
والاكل الجناح يموت فى الصباح ..
يا الله ذكرتونا الجامعة وايام الرحلات
ونحن فى البصات بنركب وراء ..
ونحنا الخلطات بنخلط سوا ...
سلام ..
تبلدينا .. رايق وفايق ،،،
|
Post: #45
Title: Re: أنـواع الديـوك ثـلاثة في زول بِعـرِف غيرهم
Author: gamal elsadig
Date: 08-18-2005, 06:45 AM
Parent: #44
كنت اريد الاكتفاء بانواع الديوك التي ذكرتها ....
ولكن هذا الشخص الذي يجلس امامي الان يستحق تماما ان يكون
متصدر القائمة ... يآآآخ ده ديك بمعنى الكلمة مع الاعتزار للديوك ؟
***********************************
تبلدينا ...يافايق ورايق ... منتظر زيارتك ...ممكن تزورنا(كاش)او( بالاقساط)
المهم طلتك .... وياحليل النيمة الكبيرة الكانت اكبر واجمل منبر ومنتدى
************************************
تحياتي للجميع
جمال حسين
|
Post: #46
Title: Re: أنـواع الديـوك ثـلاثة في زول بِعـرِف غيرهم
Author: صلاح الدين عبدالله محمد
Date: 08-20-2005, 00:37 AM
Parent: #45
ديك النضال
وهذا النوع من يتبع من يسمون انفسهم مناضلى دارفور
|
Post: #50
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-20-2005, 03:55 AM
Parent: #46
Quote: ديك النضال
وهذا النوع من يتبع من يسمون انفسهم مناضلى دارفور |
وديّـك دارفـور
والسواي مو حداث
إسماعيل حميم
|
Post: #49
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-20-2005, 02:45 AM
Parent: #45
أخوي جمال
ما قلت لي والله ديكك خطير!!
وبس قول لي المعاه دا ديكشيني؟؟
مودتي
إسماعيل حميم
|
Post: #48
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-20-2005, 02:10 AM
Parent: #44
Quote:
سلام يا حميم وبدري ،،،
ديك المنبر نسيتو ...
طبعاً به عدد من الديوك اشار ناذر لاحدهما
وحددت انا الأخر .. |
أخوي تبلدينا
يذداد بي حضورك طربنا
ودوماً مرحب بيك
تعرف يا تبلدينا ذكرتني القصيدة الحلمنتيشية
يا عبدو عيب في مقطعها الـ بقول
يا عبدو عيب ياخي صلي علي الحبيب
يا إخونا لا أنا داير اموت أقع البحر
يا عبدو عيب الدنيا حر
والموية بتسخن عليك
ثلاثة ساعات كاملة زولنا يسب ويكيل
ودموعو تتخرخر تسيل
يبكي وينف ودموعو سايلات بالكفوف
وشريطو تلمع في الكتوف
بقي فيلسوف !!
شئ كلام عن الدنيا أم قدود
وعلاقة بين يوم السبت
وعين الحسود
ومقارنات
بين الجمال والجهل وسوء الإختيار
قال شينة قال!!
فال شينة قال قلنا كلام صحيح
وخطيبا زاتوا ولد قبيح ده كلام صحيح
بس يا اخ الواطه صبحت دايرين ننوم
قام تاني جاب سيرة البحر
إسماعيل حميم
|
Post: #47
Title: Re: أنـواع الديـوك ثـلاثة في زول بِعـرِف غيرهم
Author: وضاحة
Date: 08-20-2005, 01:07 AM
Parent: #1
سمعة سلامات
بمناسبة الديوك دى عاوزة احكى ليكم نكتة بث
معروف فى الخيلج انوا الخلجين ما بشتغلوا بشتغلوا ليهم المقيمن او الأجانب زى ما هم بسموهم.
فى دكتور بيطرى مصري شغال فى دولة خليجية فى مزرعة خليجى
قام الخليجى جاء زيارة للمزرعة الصباح بدرى لقى ليك الديوك ما بتعوعى
الحكاية دى زعلتوا جدا .
قام طلب من البيطرى المصرى يحل ليه المشكلة دى .
فقام المصرى اقترح للخليجى يجب ديوك من مصر علشان تعلم الديوك الخليجة العوعاى .
فعلا جابوا الديوك من مصر وبعد شهر الخليجى سال المصرى كيف الديوك الخليجة قال ليه كلوا تمام قام المصرى قال ليه بس تعال الصباح بدرى زور المزرعة . وفعلا الخليجى جاء الصباح بدرى صلاة الصبح المزرعة لقى الديوك المصرية تعوعى والديوك الخليجة تقول ليهم احسنتم احسنتم.
|
Post: #54
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-22-2005, 00:54 AM
Parent: #47
سلمكِ الله من كل شر
أخيتي وضــاحة
تشكري يا سـتي علي النكته الشـهادة عربية
وكمان علي المرور
دوماً إخوننا في شمال الوادي لهم المقدرة
علي تسـويق كل ما هو مصري في داخل الوطن
العربي.
هل لنا أن نسـتفيد من هذا المنهج؟؟
مودتي
إسماعيل حميم
|
Post: #51
Title: Re: أنـواع الديـوك ثـلاثة في زول بِعـرِف غيرهم
Author: شرووم
Date: 08-21-2005, 05:53 AM
Parent: #1
سلاماتنا الكتيرة يا حميم
شكلك نسيت : الديك الرومي .
ديك الحبش .
ديك أحمر (( للفكي لزوم الكادوك وكدا ) .
ولك تحياتي ،،،،
شرووم
|
Post: #52
Title: Re: أنـواع الديـوك ثـلاثة في زول بِعـرِف غيرهم
Author: عماد شمت
Date: 08-21-2005, 08:29 AM
Parent: #51
والدتي الله يضراها بالخير عندها مثل بالرطانه
ذي الديك المابعرف الصباح
يعني الشخص الذي لا يعرف ترتيب الامور.
ديك المولد.. لونه احمر بالسكر
ديك الكنيسه... ذي الهلال الفي مأذن الجوامع
ديك النصاري.. ده مابعرفه
عندي تعليق في ديك العده
ديك العده لو نهرتو كسر (العده الفي النشافه من السلك النملي في شكل
سرير كما اسلفتم ) ولو تركته يتبرز ويوسخ العده .يعني في كل الحالات ضرر
لكم مودتي
|
Post: #57
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-22-2005, 02:16 AM
Parent: #52
Quote:
والدتي الله يضراها بالخير عندها مثل بالرطانه
ذي الديك المابعرف الصباح
يعني الشخص الذي لا يعرف ترتيب الامور.
ديك المولد.. لونه احمر بالسكر
ديك الكنيسه... ذي الهلال الفي مأذن الجوامع
ديك النصاري.. ده مابعرفه
عندي تعليق في ديك العده
ديك العده لو نهرتو كسر (العده الفي النشافه من السلك النملي في شكل
سرير كما اسلفتم ) ولو تركته يتبرز ويوسخ العده .يعني في كل الحالات ضرر
لكم مودتي |
أخوي عماد شمت
من قبل البدء
ربنا يطرأ ولدتك بالخير ويديها العافية
ويديك رضاها .. آمين
ونسـأله رضا الولدين لنا جميعاً .. آمين
ديك المولد البتاكل قبل ما يصل البيت
كان بشتروه لينا بقينا نشتريه نحنا!!
وديك الكنيسة باقي لي هو زاتو بتاع النصاري
لكن ما عارف بيضربو بيهو المثل لي شنو؟
والله إفادتك في ديك العدة أوقع
أياني من الليلة مغيّر القصة
إسماعيل حميم
|
Post: #56
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-22-2005, 01:37 AM
Parent: #51
Quote:
سلاماتنا الكتيرة يا حميم |
أخوي شرووم
تسـلم ليك باقي سنونك إن شاء الله
قول آمين
Quote: شكلك نسيت : الديك الرومي .
ديك الحبش .
ديك أحمر (( للفكي لزوم الكادوك وكدا ) . |
الديك الرومي اول ما أسمع سيرته إحساسي بيمشي
شمالاً طوالي.
والحبشي الظار بس.
والأحمر لابد يكون معاهو ضب أعور وسحلية عرجه
مطلّقه وجلد ناموسه ما يكون مقدد.
خالص مودتي
إسماعيل حميم
|
Post: #53
Title: Re: أنـواع الديـوك ثـلاثة في زول بِعـرِف غيرهم
Author: WadAker
Date: 08-21-2005, 08:45 AM
Parent: #1
والاهم من دا كلو..
يقولو ليك الزول ده مديك مالو؟
|
Post: #55
Title: Re: أنـواع الديـوك ثـلاثة في زول بِعـرِف غيرهم
Author: الصادق خليفة
Date: 08-22-2005, 01:06 AM
Parent: #53
الديك النكتة
ديك المصارعة
و الأثنان يا حميم الا الجماعة المعاك دول يغمدوا
أعينهم عشان اكلمك بيهم في اضانك .
سلامي
|
Post: #58
Title: Re: أنـواع الديـوك ثـلاثة في زول بِعـرِف غيرهم
Author: ابو جهينة
Date: 08-22-2005, 03:19 AM
Parent: #55
الأخ إسماعيل حميم
تحياتي و تقديري
1. و لي ديك له صوت جمل الصوت رنان
كأن عيونه خرز له في الشمس ألوان
ديل ديوك زمان .. حسع الديوك بقى صوتها مبحوح و كمان ديوك كسلانة ما بتصحي الناس زى زمان و ديوك هزيلة ما زى ديوك زمان لما تمشي في الحوش تسمع ليها هزة و رزة.
2. الشري أبو ديك
حيث كان شاربو هذا النوع من المنكر المحلي الصنع تصبح عيونهم في لون عيون الديك .
3. الديك الشركسي
و هو أشهر الديوك قاطبة ، تجده يمشي مختالا بين جواريه من الدجاج اللاحم و البياض.
4. الديك الخفج العجين
5. الديك الرومي : رغم أنه من فصيلة أخرى إلا أنه ينتمي للديوك أعلاه بصلة نسب و قربى. و هو محبوب عند الفرنجة أيام أعياد الفصح و الكريسماس
هذا و دمتم
مع تحياتي
|
Post: #60
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-23-2005, 02:41 AM
Parent: #55
Quote: الديك النكتة
ديك المصارعة |
يا عم الصادق
مرحب بالمرور
الديك ما نكتة الديك نوع من أنواع الطيور الداجنة
ديك المصارعة دا مش بتاع الأمريكان؟
Quote: و الأثنان يا حميم الا الجماعة المعاك دول يغمدوا
أعينهم عشان اكلمك بيهم في اضانك .
سلامي |
أها... يا عبدو عيب
تاني جبتْ سيرة البحر؟؟
أرسل ليك الإيميل؟
إسماعيل حميم
|
Post: #59
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-23-2005, 02:12 AM
Parent: #53
Quote: والاهم من دا كلو..
يقولو ليك الزول ده مديك مالو؟ |
أخوي ود عكر
مرحب بي مرورك
ممكن ترجمة علي الشريط
مودتي
إسماعيل حميم
|
Post: #61
Title: Re: أنـواع الديـوك ثـلاثة في زول بِعـرِف غيرهم
Author: عادل ابراهيم عبدالله
Date: 08-23-2005, 05:32 AM
Parent: #1
Quote: ديك الجن
ديك الجيران
ديك الحضور
ديك المكوة
ديك الماجي
ديك زيدان
ديك الحاجة بهانه
الديوك الحزبية السودانيه
ديك وعيك
ديك عبدا لكريم
ديك أم بلينة
ديك المجنون الما بيقتنع
ديك المنبر الما ورانا ليهو ناذر
ديك الحبل
حلاوة ديك
ديك فرنسا
الديك سفه
الديك جبنه
ونواصل
|
ياحميم
شايفك نسيت (ديك)تشيني
وهو أهم (ديك)حالياً في العالم
لأنه محسوب على (صقور)الأدارة الامريكية.
وأديك كده هسع..
الديك الفرنسى الشهير-ماعارف اتذكرت بلاتيني ليه!
اكون بقيت (ديك)ــارتي ؟
|
Post: #62
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-24-2005, 06:32 AM
Parent: #61
الوجيه حكيم المنبر
أبوجهينة
مدخل مدح:
يـذداد هذا البوست شـرفاً بحضوركم
مدخل عتاب:
لقاء أول في دار الإتحاد من غير جلسة (نقة معاك)
لقاء ثاني متوقع بالرفيرا عجباً سمعنا فيه خبر السـفر؟
مدخل مداعبة:
الوجيه دي عشـان الصورة الجديدة
البتشـبه في صلاح كرار دي
إسماعيل حميم
|
Post: #63
Title: Re: أنـواع الديـوك ثـلاثة في زول بِعـرِف غيرهم
Author: filan
Date: 08-24-2005, 08:02 AM
Parent: #62
سلامات
غريبة مافى زول جاب سيرة الديك دا !! مع إنو أشهر ديك بسودانيز أون لاين :-
افضالِ الضالِ في سلاح الامداد والتموين
|
Post: #64
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-25-2005, 02:51 AM
Parent: #61
Quote: ياحميم
شايفك نسيت (ديك)تشيني
وهو أهم (ديك)حالياً في العالم
لأنه محسوب على (صقور)الأدارة الامريكية.
وأديك كده هسع..
الديك الفرنسى الشهير-ماعارف اتذكرت بلاتيني ليه!
اكون بقيت (ديك)ــارتي |
أخي الكريم عادل إبراهيم
تحيات طيبات
ناس ديكتشيني ديل هم بيديوك فرصة تنساهم
إلا جلّ ساكت من الكيبورد
هسه يقوموا يدوك كـد!!
أما المسكوكه من 22 دي عرفتي فيها
متواضعة جداً لا بعرف ديكارتي ولا ديك فرنسا
تشكر علي المرور
مودتي
إسماعيل حميم
|
Post: #66
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-27-2005, 01:00 AM
Parent: #64
أخي فلاني
سـلام
تشكر علي المرور يا حبيب
بشـوف ديك دكين داك كويس وبيجك راجع
مودتي
إسماعيل حميم
|
Post: #68
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-27-2005, 07:07 AM
Parent: #66
ود المهــدي وجمــال
ســلامات
الدار داركم إفضلو لا جوا
أرقدو تِمـوا باقي الونسـة
إمكن نفهم حاجة
والله ما شمارات ترحاب بس!
إسماعيل حميم
|
Post: #69
Title: Re: أنـواع الديـوك ثـلاثة في زول بِعـرِف غيرهم
Author: Biraima M Adam
Date: 08-27-2005, 07:35 AM
Parent: #68
]red]
الأخ أسماعيل
ديك الصباح، الذى يوقظ النائمين لصلاة الصبح.
|
Post: #70
Title: Re: أنـواع الديـوك ثـلاثة في زول بِعـرِف غيرهم
Author: saif massad ali
Date: 08-27-2005, 07:58 AM
Parent: #69
اها نسينا اخطر ديك ديك الناظر
|
Post: #71
Title: Re: أنـواع الديـوك ثـلاثة في زول بِعـرِف غيرهم
Author: wadalzain
Date: 08-27-2005, 08:37 AM
Parent: #70
ايه رأيكم فى بيضة الديك
|
Post: #79
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-30-2005, 00:57 AM
Parent: #71
| Quote: ايه رأيكم فى بيضة الديك |
ود الزين
سـلامات يا حبيب
سـؤال جد جد الديـك أنا بسـمع أنو ببيّض
الكـلام ده حقيقي ؟؟
تشـكر علي الطلّه
مودتي
إسماعيل حميم
|
Post: #78
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-29-2005, 04:48 AM
Parent: #70
| Quote: اها نسينا اخطر ديك ديك الناظر |
وجاء الناظر وتلي قائمة الاسماء
وأشار لأفخرنا جسداً أن كن ألفا
وكان الالفا
شكر الاستاذ الشاعر محي الدين الفاتح محي الدين
ما قلتي لي يا سيف
ديك الناظر ده أفخرهم جسـداً برضو
ولا يكون ده ديكشيني جد جد
إسماعيل حميم
|
Post: #76
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-29-2005, 03:45 AM
Parent: #69
Quote:
الأخ أسماعيل
ديك الصباح، الذى يوقظ النائمين لصلاة الصبح. |
أخي بريمة
مرحب بيك
يا حليل الديوك العايشة وسـط الناس وبتصحيهم للصـلاة
القصة بقت
بيـض مائدة
ودجاج لاحم
وفقاسات
وحضانات
يا حليل لمن تجيب ليك عشرة كتاكيت في كرتونة مقددة
وكيزان صلصة للأكل والموية ويطلع ليك منهم 8 دجاجات
وديكين ويقولوا عليك زول محظوظ في الجداد .
تشكر يا حبيب علي المرور
إسماعيل حميم
|
Post: #72
Title: Re: أنـواع الديـوك ثـلاثة في زول بِعـرِف غيرهم
Author: ناذر محمد الخليفة
Date: 08-27-2005, 08:47 AM
Parent: #1
أ(ديك) في حنانك !!!!!!؟؟؟؟
|
Post: #73
Title: Re: أنـواع الديـوك ثـلاثة في زول بِعـرِف غيرهم
Author: عادل فضل المولى
Date: 08-27-2005, 09:36 AM
Parent: #72
يا اسماعيل
بعد السلام
شايف الجماعة ما خلوا ديك حايم الا جابوه ليك
الا انا مشيت بي هناك جنب الاستديو بتاع هناي
لقيت ليك الديك دا في صورة تذكارية هو وحرمو وأفراد العيلة
ولو بقيت نجيض بتعمل ليك منهم مزرعة دواجن
|
Post: #75
Title: Re: أنـواع الديـوك ثـلاثة في زول بِعـرِف غيرهم
Author: gamal elsadig
Date: 08-29-2005, 02:54 AM
Parent: #73
عادل فضل المولى
دي صورة تزكارية للديك وحرمو ولا ....
ولاة الولايات الجدد الم تلاحظ ان العدد 26 والي اقصد (سوسيو) تمامامثل عدد الولايات
احتمال تكون صورة تزكارية للتشكيل الجديد ... الله يستر
|
Post: #81
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-31-2005, 01:11 AM
Parent: #75
جمال اخوي
والله دي بالغت فيها عديييييل
حلوه حلوه حلوه
إسماعيل حميم
|
Post: #80
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-30-2005, 01:12 AM
Parent: #73
Quote: اسماعيل
بعد السلام
شايف الجماعة ما خلوا ديك حايم الا جابوه ليك
الا انا مشيت بي هناك جنب الاستديو بتاع هناي
لقيت ليك الديك دا في صورة تذكارية هو وحرمو وأفراد العيلة
ولو بقيت نجيض بتعمل ليك منهم مزرعة دواجن |
ود فضـل المولي
والله الجماعة حيّروني عدييل كده وطلعوني مسطّح في قطر
يا اخ قلت ثلاثة أنواع لحدي هسـه ماشين علي المليون
ديـــك.
بس ما قلت لي هنــاي ده قدر يقنع الأسـره الحلوه دي
بالوقوف المرتب دا كيـف؟؟
لكـن صورة ختريه ميه الميه
مرورك يسـعدني يا جميل
مودتي
إسماعيل حميم
|
Post: #77
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 08-29-2005, 04:27 AM
Parent: #72
| Quote: أ(ديك) في حنانك !!!!!!؟؟؟؟ |
أدينـا أغنية أتومسفيريه
إنت وين يا عم ناذر
الجماعة ما خلو ديـك حايم
وإلا جابوه لي
إسماعيل حميم
|
Post: #84
Title: Re: أنـواع الديـوك ثـلاثة في زول بِعـرِف غيرهم
Author: showgi idriss
Date: 09-01-2005, 01:16 PM
Parent: #72
ابوعجاج.. اقصد (أب عاج)..
كلهم ديوك..
بس بستحلوا قعدو تاكرسي..
والديك بطبعوا نساييي
والمثل البقول .. لو دامت لغيرك ما جاتك..
لا ينطبق على كل الديوك..والملوك
لانه لما ينفرد بالجداد.. بنسى إنو بعجز
أبوالشوش
|
Post: #74
Title: Re: أنـواع الديـوك ثـلاثة في زول بِعـرِف غيرهم
Author: منصوري
Date: 08-27-2005, 11:38 AM
Parent: #1
يا جماعة الخير..نسيتو ( الديك الحجيري) والديك الحجيري هو ذكر الدجاج الحجيري.. ودا السودان كلو بعرفو.. يضرب به المثل.. يقول ليك والله فلان دا حجيري.. دلالة على أنو كبير في عمرو لكن محافظ...تقول ليهو والله فلان دا محافظ يقول ليك وين يازول دا عمرو سبعين سنة بس براه حجيري ساكت.. والديك الحجيري دايما محافظ وما بيكبر بسرعة..
ونحن في منظقة في الشمالية.. مثل بيقول ليك ( ديك عبوك البيبلع بلا لوك) وديك عبوك بفتح العين.. عبوك واحد مجذوب مدروش ساعي جداد.. وكلمة جداد دي بالمناسبة خاصة بينا نحن في السودان.. ماعارف القلب دجاج الى جداد شنو؟ الخليجين هنا يقولو( دياي) وعادل أمام لما جاء السودان وطلع مسرح مدني.. كان معجب بكلمة (جنى جداد) التي نطلقها نحن على البيض..سبب بلا سبب يكررها ويضحك ونادر ما يضحك عادل امام خارج مسرحية..والناس زمن العصر الذهبي للقطارات البييعة ما كان بيقولو بيض.. بيض..كان بيصيحو يقولوا جني جداد جنى جداد..
أها نجي لى ديك عبوك البي يبلع بلا لوك.. قصة طريفة حا نحكيها ليكم بعد شوية..
|
Post: #83
Title: Re: أنـواع الديـوك ثـلاثة في زول بِعـرِف غيرهم
Author: إسماعيل حميم
Date: 09-01-2005, 12:55 PM
أخوي منصوري
مراحب يا حبيب
كدي أول حاجة أنا داير أفهم
اول البيضه ولا الدجاجة
هل لغب حجيري جاي من الديك الحجيري ؟
ولا
مسمي حجيري عشان بيعمر؟
أنا كنت فاهم حجيري من الحجر
إسماعيل حميم
|
Post: #82
Title: Re: أنـواع الديـوك ثـلاثة في زول بِعـرِف غيرهم
Author: Tabaldina
Date: 08-31-2005, 08:15 AM
Parent: #1
..
.
الديك الحرامي وهو الديك الرومي ،،،
بياكل ناس الساحل الشرقي فى عيد القيامة.
وأحياناً يؤكل وهو حامي من الفرن ..
بالجد ما نسيتو الديك الرومي ،،
تحية
|
|