Post: #1
Title: رابطة الصالحية : فوز فريق نجوم الجزيرة والمتمة
Author: حمزاوي
Date: 08-13-2005, 01:42 AM
رابطة الصالحية .
الجمعة 12 اغسطس 2005م
السلام عليكم ورحمة الله تعالى وبركاته
نجوم الجزيرة × ودحبوبة
فريقان من ارض الجزيرة ( أرض المحنه ) تم لقاء الفريقين عصرا مباراة رائعة بروعة اهل الجزيرة الفريقان كان متكافئان في العطاء داخل الملعب يرتفع الأداء مع ارتفاع درجات حرارة مدينة الرياض وتشجيع وتصفيق وهتاف الجمهور ( بخصوص الجمهور حضر المباراتين جمهور غفير نأمل المزيد في دوري الاربعة ) كبير مشجعي فريق نجوم الجزيرة صديق الموج زميلنا في المنبر كان متحمس جدا وكان كل مرة يتحرك ويصل خط التماس ويصيح في لاعبي فريقه يا زول ما تملأ النص بتاعك وركز شوية يا سيف رد عليه احد مشجعي فريق ودحبوبه والله يا صديق نصكم ما يملأه شعب الصين كله . هذه المبارة الرائعة انتهت
بفوز فريق نجوم الجزيرة على فريق ود حبوبه 4/3
وقد شرف المباراة سعادة قنصل سفارة جمهورية السودان السيد محمد يوسف وبرفقته سعادة المستشار الثقافي بالسفارة وبعض موظفي السفارة واستقبلهم الجمهور بالتصفيق الحار وأعطى وجودهما نكهة خاصة للمباراة
برز من فريق نجوم الجزيرة اللاعب سيف ومن فريق ودحبوبه اللاعب الجمعان .
تهانينا والف مبروك لفريق نجوم الجزيرة .
المتمة × ودنوباوي
التقى الفريقان مساءاً بعد صلاة العشاء مباشرة مباراة كانت في قمة الروعة كانت المنافسة قوية أبدع فريق المتمة بقيادة الكابتن معتصم دفع الله زملينا في المنبر وقاد هذا العملاق فريق المتمة للفوز على فريق ودنوباوي بنتيجة 3/2 تمتع الجمهور بمباراة متكافئة من الفريقين ولكن كانت الافضلية لفريق المتمة في اغلب فترات المباراة .
تهانينا لفريق المتمة بالفوز 3/2 وحظاً اوفر لفريق ودنوباوي
برز من فريق المتمة زميلنا معتصم دفع الله ومن فريق ودنوباوي اللاعب أبوالقاسم
عليه تكون مباريات دوري الاربعة على النحو التالي
يوم الجمعة الموافق 19 أغسطس 2005
عصراً : فريق بشاير الشمال وفريق نجوم الجزيرة .
مساءاً : فريق نجوم كرمة وفريق المتمة
|
Post: #2
Title: Re: رابطة الصالحية : فوز فريق نجوم الجزيرة والمتمة
Author: حمزاوي
Date: 08-13-2005, 03:11 AM
Parent: #1
أمل من الجميع الدعاء للوالد عبدالمنعم عبدالعال
والدنا عبدالمنعم أجرى عملية جراحية
والحمد لله نجحت العملية
وهو الآن يقضي فترة النقاهة
الدعاء له للعودة وقيادة الرابطة
|
Post: #3
Title: Re: رابطة الصالحية : فوز فريق نجوم الجزيرة والمتمة
Author: حمزاوي
Date: 08-13-2005, 04:14 AM
Parent: #1
فوق
|
Post: #4
Title: Re: رابطة الصالحية : فوز فريق نجوم الجزيرة والمتمة
Author: saif massad ali
Date: 08-13-2005, 04:27 AM
Parent: #3
up
اتمني لفريق الجزيرة الفوز بالبطولة .حب الاوطان من الايمان يا اونكل
|
Post: #5
Title: Re: رابطة الصالحية : فوز فريق نجوم الجزيرة والمتمة
Author: حمزاوي
Date: 08-13-2005, 07:13 AM
Parent: #1
أخوي سيف مسد على
ود عوج الدرب
انت يا اخوي كنت مختفي وين
يا راجل مشتاقين
طولت الغيبة ليه
حمد الله على السلامة
انك رجعت لينا طيب
قلت :
اتمني لفريق الجزيرة الفوز بالبطولة .حب الاوطان من الايمان يا اونكل
حتكون المباراة قوية بس فريق بشاير الشمال صعب وفريق بطولات ولكن نقول الله يوفقكم
وطبعا نجوم كرمة وبشاير الشمال هم ديربي الصالحية
وانا اتوقع لقاءهم في النهائي
مجرد توقع
|
Post: #6
Title: Re: رابطة الصالحية : فوز فريق نجوم الجزيرة والمتمة
Author: معتصم دفع الله
Date: 08-14-2005, 04:47 AM
Parent: #1
العزيز أستاذنا حمزاوي
تحياتي ..
أولاً مبروك ليكم الفوز ..
وللأسف لم أستطع أن أحضر المباراة الأولى فقد إشاد بها كل من حضرها ..
أما بالنسبة للمباراة الثانية التي جمعت المتمة بودنوباوي ..
فقد كانت مباراة سريعة وكانت فيها ندية شديدة ..
وإن كنت غير راضي عن أداء أبناء المتمة في المباراة ..
فقد كانت الشفقة والتسرع طابعهم مما أدى لضياع الكثير من الأهداف ..
والذي بموجبه قد أجل إعلان الفوز إلى نهايتها ..
والحمد لله إستطعنا أن نفوز ونصعد إلى دور الأربعة ..
فرق رابطة الصالحية قدمت في هذه الدورة مستويات فنية عالية ولاعبين ممتازين ..
مما جعل القاعدة العريضة بمدينة الرياض تستمع بهذه المباريات الرائعة ..
مبروك للفرق المتأهلة لدور الأربعة ..
وحظاً أوفر لبقية الفرق ..
بجيك تاني ..
|
Post: #7
Title: Re: رابطة الصالحية : فوز فريق نجوم الجزيرة والمتمة
Author: Abdulla Ageed
Date: 08-14-2005, 05:24 AM
Parent: #6
الأعزاء حمزاوي - معتصم
لكما التحية
أولا يا معتصم أعتذر عن عدم تمكني من حضور المباراة.
وألف مبروك للمتمة، وعقبال الكأس.
والمباراة الجاية مع أولاد عمّنا ديل .. بحضرا بإذن الله
وقطع شك غالبِنّهم.
ود عقيد
|
Post: #8
Title: Re: رابطة الصالحية : فوز فريق نجوم الجزيرة والمتمة
Author: حمزاوي
Date: 08-14-2005, 06:05 AM
Parent: #1
أخوي معتصم دفع الله
الله يحفظك
انا مازلت مقتنع انك من نجوم رابطة الصالحية مش فريق المتمة بس ، والعاجبني فيك اكتر اخلاقك العالية وقيادتك للفريق باقتدار ..
بس اعمل حسابك من ماجد عبدالله صاحب الفنيلة رقم 14 في فريق نجوم كرمة لانه بيعرف يحاور اللاعب حتى ولو فوق برش صلاة .
بس كلنا متفقين انه في الصالحية مافيش حد خسران الكل كسبان
وكما ذكرت المستوى ارتفع والدورة قوية ، مستويات عالية وظهور نجوم تبشر بمستقبل زاهر للرابطة والكرة السودانية .
أخوي ود عقيد
كيفنك
موعدنا الجمعة أليس الجمعة بقريب
أحسن حاجة ان المباراة بين فريقين قويين
عشان كدا حتكون مباراة في قمة الروعة
وتعال شوف فنيات اولاد المحس
يا صديق الموج انت فين
|
Post: #9
Title: Re: رابطة الصالحية : فوز فريق نجوم الجزيرة والمتمة
Author: waleedi399
Date: 08-14-2005, 12:57 PM
Parent: #8
العزيز / حمـزاوي
يا أخوي قلت ما نقصر معاك دا منتخب المتمة بقيادة الكابتن معتصم دفع الله
كفر ووتر ونجوم النجوم في المنبر، وكمان بكسر الناس 
على فكرة فريق المتمة منتخب قومي شوف علي المسيكتاب
يمين الصورة واقف دا نجم النجوم أعتقد لعب للاهلي الخرطوم
والهلال والمريخ زمان دايرين يكسروا رقبتهم في تسجيلوا
ولا سأل حتى فيهم لانو زول واثق من نفسوا شديد مستواه كان بأهلوا
يلعب في الارسنال ولا برشلونه مش تبع فرق (الغمــة)
والفي النص دا خالد بس ما تسالني تقول لي خالد منو كان لاعب الخرطوم ثلاثة
والقاعد اقصى اليسار دا حسام وهو الان مشى في مهمة خاصة في الدوري الممتاز
عشان يصعد بي فريق (النيل أو الاهلي شندي) يعني اعارة شفت ختـير كيفن
وبجيكم للكابتن الكبير معتصم دفع الله وصورة خااااااااااااصة للشفيف
|
Post: #10
Title: Re: رابطة الصالحية : فوز فريق نجوم الجزيرة والمتمة
Author: waleedi399
Date: 08-14-2005, 01:00 PM
Parent: #9
|
Post: #11
Title: Re: رابطة الصالحية : فوز فريق نجوم الجزيرة والمتمة
Author: مهدى الصادق السيد
Date: 08-14-2005, 01:58 PM
Parent: #1
الاخ حمزاوى
تحياتى
الف مبروك للجميع
الصالحية منارة ومدرسة متفردة
القادم احلى
|
Post: #12
Title: Re: رابطة الصالحية : فوز فريق نجوم الجزيرة والمتمة
Author: حمزاوي
Date: 08-15-2005, 00:12 AM
Parent: #1
اخوي وليد ود احمد
كيفنك
شباب المتمة دول ناس كرمة مجهزين ليهم مفاجأة
مع اني من المعجبين بفريق المتمة
ولكن نعمل شنو ماجد مصر اصرار شديد الا يحاور معتصم
ويضقل ليه الكورة في خط ستة
الفريقين يستاهلو الفوز
والميدان يا حميدان
نتلاقى الجمعة ان شاء الله
والمستور يبان هناك
اخوي مهدي الصادق
مشتاقين
كيفنك
نتلاقى الجمعة
في واحة الصالحية
لسنتظل بحب الاحباب
ولك ودي
|
Post: #13
Title: Re: رابطة الصالحية : فوز فريق نجوم الجزيرة والمتمة
Author: Habib_bldo
Date: 08-15-2005, 00:33 AM
Parent: #12
الأخ حمزاوي وكل الحضور الجميل
رابطة الصالحية الواحة الظليلة التي تجمع الاحباب وتتجسد فيها معاني الأخوة السودانية في تنافس شريف أكسبنا معرفة رجال من كل أنحاء السودان
الكل يتمنى الفوز لفريقه ولكن الفيصل في الميدان ولمن يبذل الجهد والعرق ويلعب بأعصاب هادية دون شد ولا تشنج
يا معتصم حمزاوي أصبح محلل وناقد رياضي خطير جداً
ويمكن بكرة نكتشف فيه جانب آخر
|
Post: #14
Title: Re: رابطة الصالحية : فوز فريق نجوم الجزيرة والمتمة
Author: رشيق اباظة
Date: 08-15-2005, 01:39 AM
Parent: #13
أحبائي في رحاب الصالحية
فاتتني أمسية الفن والمهارة الكروية، لانني كنت خارج الرياض، والتهاني موصولة لاخوانا في نجوم الجزيرة وحبايبنا في المتمة.
المربع الذهبي فعلا ذهب ساطع بفرق قوية كلها مؤهلة للنهائي ونيل الكأس الغالي " كأس فقيدنا ابو عزيزة".
التحدي قائم دائما بين فريقي بشائر الشمال ونجوم الجزيرة، وانا أؤكد ان المباراة ستكون مثيرة، وكوني من فريق البشائر في المنائر، اعلن التحدي، تحدي بروح رياضية، بأن كل من سيواجه البشائر مصيره اللحاق بباص المغادرين سريعا- ما حقول طيارة - بعد قرنق!.
العزيز صديق الموج... معلش انت اتمنيت اللقاء واتحديت وقلت بالحرف احنا دايرنكم، مع اني عارف انك قلتها وانت بترجف، بس معلش، انت زول فكيه، والدليل الحمامة!!، ما تتمني حاجة انت مادايرها.
ولك تقديري ايها الرجل المرح.
حمزاوي، تغطية رائعة، وتحليل أروع.
الصالحية، صرح شامخ، ملتقي للأحبة، وشعارنا كلنا فائزون.
ولكم جميعا مودتي
|
Post: #15
Title: Re: رابطة الصالحية : فوز فريق نجوم الجزيرة والمتمة
Author: waleedi399
Date: 08-15-2005, 02:43 AM
Parent: #12
حمــزاوي أنا طبعاً ..
واعوذ بالله من قولت انا
أنـا زول قومـي شـديـد
بشجـع اللعـبة الحلـوة
خارج الميدان براوغ الجمور
اما داخل الميدان بشجع الحكم
والكورة الساهلة دي بجليها واقفه
يا حليلك يا الدافوري وكـورة الشـراب
أما الزول دا يا بكري تسجيلات بكري الجديد
شيلــو شيلتكـم  ؟؟؟؟؟؟؟
|
Post: #16
Title: Re: رابطة الصالحية : فوز فريق نجوم الجزيرة والمتمة
Author: مهدى الصادق السيد
Date: 08-16-2005, 11:50 AM
Parent: #1
اخوى حمزاوى
تحياتى تصلك اين ما كنت
يوم الجمعة يوم جميل فى رحاب الصالحية وخاصة الجمعة القادمة
شفت الروعة
تعال الجمعة بدرى عشان تشوف الابراج الجديدة لازم تكلم الجميع
ابو الصادق
|
Post: #17
Title: Re: رابطة الصالحية : فوز فريق نجوم الجزيرة والمتمة
Author: مهدى الصادق السيد
Date: 08-17-2005, 08:57 AM
Parent: #1
صالحية منار
فوووووووووووووووووووووووووووووووووووووووووووووووق
|
|
