|
|
|
 Re: رابطة الصالحية : فوز فريق نجوم الجزيرة والمتمة (Re: حمزاوي)
|
أخوي سيف مسد على
ود عوج الدرب
انت يا اخوي كنت مختفي وين
يا راجل مشتاقين
طولت الغيبة ليه
حمد الله على السلامة
انك رجعت لينا طيب
قلت :
اتمني لفريق الجزيرة الفوز بالبطولة .حب الاوطان من الايمان يا اونكل
حتكون المباراة قوية بس فريق بشاير الشمال صعب وفريق بطولات ولكن نقول الله يوفقكم
وطبعا نجوم كرمة وبشاير الشمال هم ديربي الصالحية
وانا اتوقع لقاءهم في النهائي
مجرد توقع
| |
 
|
|
|
|
|
|
|
 Re: رابطة الصالحية : فوز فريق نجوم الجزيرة والمتمة (Re: حمزاوي)
|
العزيز أستاذنا حمزاوي
تحياتي ..
أولاً مبروك ليكم الفوز ..
وللأسف لم أستطع أن أحضر المباراة الأولى فقد إشاد بها كل من حضرها ..
أما بالنسبة للمباراة الثانية التي جمعت المتمة بودنوباوي ..
فقد كانت مباراة سريعة وكانت فيها ندية شديدة ..
وإن كنت غير راضي عن أداء أبناء المتمة في المباراة ..
فقد كانت الشفقة والتسرع طابعهم مما أدى لضياع الكثير من الأهداف ..
والذي بموجبه قد أجل إعلان الفوز إلى نهايتها ..
والحمد لله إستطعنا أن نفوز ونصعد إلى دور الأربعة ..
فرق رابطة الصالحية قدمت في هذه الدورة مستويات فنية عالية ولاعبين ممتازين ..
مما جعل القاعدة العريضة بمدينة الرياض تستمع بهذه المباريات الرائعة ..
مبروك للفرق المتأهلة لدور الأربعة ..
وحظاً أوفر لبقية الفرق ..
بجيك تاني ..
| |
|
|
|
|
|
|
|
|
|
Re: رابطة الصالحية : فوز فريق نجوم الجزيرة والمتمة (Re: حمزاوي)
|
أخوي معتصم دفع الله
الله يحفظك
انا مازلت مقتنع انك من نجوم رابطة الصالحية مش فريق المتمة بس ، والعاجبني فيك اكتر اخلاقك العالية وقيادتك للفريق باقتدار ..
بس اعمل حسابك من ماجد عبدالله صاحب الفنيلة رقم 14 في فريق نجوم كرمة لانه بيعرف يحاور اللاعب حتى ولو فوق برش صلاة .
بس كلنا متفقين انه في الصالحية مافيش حد خسران الكل كسبان
وكما ذكرت المستوى ارتفع والدورة قوية ، مستويات عالية وظهور نجوم تبشر بمستقبل زاهر للرابطة والكرة السودانية .
أخوي ود عقيد
كيفنك
موعدنا الجمعة أليس الجمعة بقريب
أحسن حاجة ان المباراة بين فريقين قويين
عشان كدا حتكون مباراة في قمة الروعة
وتعال شوف فنيات اولاد المحس
يا صديق الموج انت فين
| |
|
|
|
|
|
|
|
|
 Re: رابطة الصالحية : فوز فريق نجوم الجزيرة والمتمة (Re: حمزاوي)
|
العزيز / حمـزاوي
يا أخوي قلت ما نقصر معاك دا منتخب المتمة بقيادة الكابتن معتصم دفع الله
كفر ووتر ونجوم النجوم في المنبر، وكمان بكسر الناس 
على فكرة فريق المتمة منتخب قومي شوف علي المسيكتاب
يمين الصورة واقف دا نجم النجوم أعتقد لعب للاهلي الخرطوم
والهلال والمريخ زمان دايرين يكسروا رقبتهم في تسجيلوا
ولا سأل حتى فيهم لانو زول واثق من نفسوا شديد مستواه كان بأهلوا
يلعب في الارسنال ولا برشلونه مش تبع فرق (الغمــة)
والفي النص دا خالد بس ما تسالني تقول لي خالد منو كان لاعب الخرطوم ثلاثة
والقاعد اقصى اليسار دا حسام وهو الان مشى في مهمة خاصة في الدوري الممتاز
عشان يصعد بي فريق (النيل أو الاهلي شندي) يعني اعارة شفت ختـير كيفن
وبجيكم للكابتن الكبير معتصم دفع الله وصورة خااااااااااااصة للشفيف
| |
|
|
|
|
|
|
|
|
|
Re: رابطة الصالحية : فوز فريق نجوم الجزيرة والمتمة (Re: حمزاوي)
|
اخوي وليد ود احمد
كيفنك
شباب المتمة دول ناس كرمة مجهزين ليهم مفاجأة
مع اني من المعجبين بفريق المتمة
ولكن نعمل شنو ماجد مصر اصرار شديد الا يحاور معتصم
ويضقل ليه الكورة في خط ستة
الفريقين يستاهلو الفوز
والميدان يا حميدان
نتلاقى الجمعة ان شاء الله
والمستور يبان هناك
اخوي مهدي الصادق
مشتاقين
كيفنك
نتلاقى الجمعة
في واحة الصالحية
لسنتظل بحب الاحباب
ولك ودي
| |
|
|
|
|
|
|
|
|
|
Re: رابطة الصالحية : فوز فريق نجوم الجزيرة والمتمة (Re: حمزاوي)
|
الأخ حمزاوي وكل الحضور الجميل
رابطة الصالحية الواحة الظليلة التي تجمع الاحباب وتتجسد فيها معاني الأخوة السودانية في تنافس شريف أكسبنا معرفة رجال من كل أنحاء السودان
الكل يتمنى الفوز لفريقه ولكن الفيصل في الميدان ولمن يبذل الجهد والعرق ويلعب بأعصاب هادية دون شد ولا تشنج
يا معتصم حمزاوي أصبح محلل وناقد رياضي خطير جداً
ويمكن بكرة نكتشف فيه جانب آخر
| |
|
|
|
|
|
|
|
|
|
Re: رابطة الصالحية : فوز فريق نجوم الجزيرة والمتمة (Re: Habib_bldo)
|
أحبائي في رحاب الصالحية
فاتتني أمسية الفن والمهارة الكروية، لانني كنت خارج الرياض، والتهاني موصولة لاخوانا في نجوم الجزيرة وحبايبنا في المتمة.
المربع الذهبي فعلا ذهب ساطع بفرق قوية كلها مؤهلة للنهائي ونيل الكأس الغالي " كأس فقيدنا ابو عزيزة".
التحدي قائم دائما بين فريقي بشائر الشمال ونجوم الجزيرة، وانا أؤكد ان المباراة ستكون مثيرة، وكوني من فريق البشائر في المنائر، اعلن التحدي، تحدي بروح رياضية، بأن كل من سيواجه البشائر مصيره اللحاق بباص المغادرين سريعا- ما حقول طيارة - بعد قرنق!.
العزيز صديق الموج... معلش انت اتمنيت اللقاء واتحديت وقلت بالحرف احنا دايرنكم، مع اني عارف انك قلتها وانت بترجف، بس معلش، انت زول فكيه، والدليل الحمامة!!، ما تتمني حاجة انت مادايرها.
ولك تقديري ايها الرجل المرح.
حمزاوي، تغطية رائعة، وتحليل أروع.
الصالحية، صرح شامخ، ملتقي للأحبة، وشعارنا كلنا فائزون.
ولكم جميعا مودتي
| |
|
|
|
|
|
|
|
|
 Re: رابطة الصالحية : فوز فريق نجوم الجزيرة والمتمة (Re: حمزاوي)
|
حمــزاوي أنا طبعاً ..
واعوذ بالله من قولت انا
أنـا زول قومـي شـديـد
بشجـع اللعـبة الحلـوة
خارج الميدان براوغ الجمور
اما داخل الميدان بشجع الحكم
والكورة الساهلة دي بجليها واقفه
يا حليلك يا الدافوري وكـورة الشـراب
أما الزول دا يا بكري تسجيلات بكري الجديد
شيلــو شيلتكـم  ؟؟؟؟؟؟؟
| |
|
|
|
|
|
|
| |
saif massad ali
معتصم دفع الله
Abdulla Ageed
waleedi399
Habib_bldo
فيس بوك
تويتر
انستقرام
يوتيوب
بنتيريست