Post: #1
Title: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-09-2005, 02:11 AM
العناق يفيد قلب المرأة أكثر من الرجل
لندن: «الشرق الأوسط»
عناق المرأة واحتضانها مفيد.. لقلبها، إلا أن ذلك لا يفيد الرجال كثيرا، وفقا لأحدث دراسة طبية أميركية. وقال باحثون في جامعة نورث كارولينا درسوا حالات كل من الجنسين في 38 زوجا من الرجال والنساء، إن الاحتضان يؤدي الى ازدياد مستويات هرمون «الأوكسيتوسين»، الذي يسمى «هرمون الارتباط»، ويقلل من ارتفاع ضغط الدم، الأمر الذي يقلل من مخاطر التعرض لأمراض القلب.
وأضاف الباحثون الذين نشروا نتائج دراستهم في مجلة «سايكوسوماتك ميديسن» إنهم لاحظوا انخفاض ضغط الدم لدى النساء أكثر من الرجال بعد عناقهن واحتضانهن. وأجريت الاختبارات بقياس مستويات « الأوكسيتوسين» الذي يظهر لدى ولادة الأطفال وعند إرضاعهم، ومستويات هرمون التوتر (الكورتيزول).
وظهر ان معدلات «الأوكسيتوسين» ارتفعت لدى الرجال والنساء بعد عملية العناق والاحتضان، كما سجل ارتفاع كبير للهرمون لدى الأزواج المحبّين، مقارنة بالأزواج الآخرين. وظهر أيضا انخفاض في معدلات هرمون «الكورتيزول» لدى النساء بعد الاحتضان إضافة الى تدني ضغط الدم لديهن.
وأعلنت كارين غروين، التي قادت الدراسة، أن «دعم الزوج أو الزوجة الكبير يرتبط بزيادة هرمون «الأوكسيتوسين» لدى الزوجة أو الزوج، ومع ذلك فإن أهمية هذا الهرمون تكمن في تأثيراته الجيدة الكبيرة على القلب والأوعية الدموية لدى النساء».
http://www.asharqalawsat.com/details.asp?section=1&arti...le=316746&issue=9751
|
Post: #2
Title: Re: روشته (العناق يفيد قلب المرأة أكثر من الرجل) من الشرق الاوسط
Author: نادية عثمان
Date: 08-09-2005, 04:45 AM
Parent: #1
شكرا اخى الصادق
على تسليطك الضؤ على موضوعات اخرى هامة وحيوية فى مناحى الحياة المختلفة
|
Post: #20
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-10-2005, 02:28 AM
Parent: #2
العزيزة نادية
شكراً لمرورك الأنيق
قلنا نزيد جرعات الالفه بين الأحباب
|
Post: #3
Title: Re: روشته (العناق يفيد قلب المرأة أكثر من الرجل) من الشرق الاوسط
Author: ودقاسم
Date: 08-09-2005, 05:40 AM
Parent: #1
الغالي الصادق خليفة
العناق ده نشتري من وين ؟ من ياتو صيدلية ؟ بتعرف ليك زول يبيع لينا شوية عناق ؟؟؟
يا أخي والله غريبة ، يعني النسوان ديل في كل حتة خارتننا ؟ الله يدينا خيرهن ... ويكفينا شرهن .. وإن شاء الله الجندريات ما يقرن كلامي ده ..
|
Post: #4
Title: Re: روشته (العناق يفيد قلب المرأة أكثر من الرجل) من الشرق الاوسط
Author: abuguta
Date: 08-09-2005, 06:29 AM
Parent: #3
ها ها ها ها ها ها
ها ها ها
ها ها ها
انا برا اللعبة
لكنى شكلى شارب الدواء المر دا
الصادق مشتاقين والله
ولقدام
|
Post: #22
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-10-2005, 02:43 AM
Parent: #4
ولدنا ابو قوته
قال برا قال
ده على منو يا ابوقوته
يا ريتو دواء الهنا ، انت قايلو مر .
شوقنا ماسورة محلوجة
|
Post: #21
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-10-2005, 02:39 AM
Parent: #3
حبيبنا العمدة ود قاسم
احترامي
العناق ده متوفر في صيدلية الغرف المغلقة
وهي وصفة للعشاق أمثالنا ( للمتزوجين فقط )
آلا ترى معي أن هرمون الارتباط مفيد للأحباب ؟
ما في احن من الجندريات و خرتتن لينا دي حلال عليهم
واصلو يا ود القاسم في الحالتين انت الضائع .
شفنا ولولتك زادت بعد سفر الجماعة
|
Post: #5
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Abdulla Ageed
Date: 08-09-2005, 07:22 AM
Parent: #1
شفتو بالله ستاتنا ديل..!!
انحنا ضغطتنا يرتفع .. هن ضغطهن ينزل!
هن قلبهن يستفيد .. ونحنا قلبنا ينقطع!
انا معاك يا ود قاسم.
فلنهتف جميعا.. لا للعناق..
أوعا تنط..
أها عدلتها يا ست البنات..!
|
Post: #6
Title: Re: روشته (العناق يفيد قلب المرأة أكثر من الرجل) من الشرق الاوسط
Author: نادية عثمان
Date: 08-09-2005, 07:44 AM
Parent: #5
Quote: شفتو بالله الحريم ديل..!!
انحنا ضغطتنا يرتفع .. هن ضغطهن ينزل!
هن قلبهن يستفيد .. ونحنا قلبنا ينقطع!
انا معاك يا ود قاسم.
فلنهتف جميعا.. لا للعناق.. |
حتى انت ياود عقيد!!!
|
Post: #23
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-10-2005, 02:47 AM
Parent: #5
العزيز عبد الله عقيد
شاكر مرورك الباهي
بل فلنهتف نعم للعناق و ملحقاته
بالله بيني و بينك كده في أحلى منو .
الجندر دول العيشة براهم صعبة
أسأل مجرب (ودقاسم) .
|
Post: #27
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Abdulla Ageed
Date: 08-10-2005, 07:33 AM
Parent: #23
الحبيب الصادق الخليفة
أشكرك على هذا البوست الجميل
رغم أنه فتح علينا النيران
الله يستر..!!
|
Post: #7
Title: Re: روشته (العناق يفيد قلب المرأة أكثر من الرجل) من الشرق الاوسط
Author: ADIL FAIT
Date: 08-09-2005, 07:49 AM
Parent: #1
شكراً جزيلا يا الصادق خليفة علي المعلومة
وتاني شكراً .. وانت تخرجنا من الجو المشحون بالاحزان
مع اكيد حبي وتقديري،،،
عادل فايت
|
Post: #30
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-10-2005, 11:14 AM
Parent: #7
الأخ عادل
شكراً لك أنت على المرور الأنيق
بيني وبينك شايف المنبر اليومين دول مميل في اتجاه واحد
قلنا لنفسك عليك حق واصلو الحياة ما بتتوقف بحزنها و فرحها
|
Post: #8
Title: Re: روشته (العناق يفيد قلب المرأة أكثر من الرجل) من الشرق الاوسط
Author: ست البنات
Date: 08-09-2005, 08:56 AM
Parent: #1
سلام يا ود قاسم ، وتحية لعقيد ،
أها قريناهو ، وأرجوا الكبة الجاياكم من باقى الجندريات !
أنا ونادية أخيتى دى باقى ميسيكينات !
وبعدين حريم دى ما شوية ما ظريفة يا عقيد ???
ست البنات .
|
Post: #31
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-10-2005, 11:16 AM
Parent: #8
الأخت ست البنات
انتو ما حريم انتو ستات وستات مين ستات الرجال
|
Post: #9
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Abdulla Ageed
Date: 08-09-2005, 09:31 AM
Parent: #1
عوووووووووك يا ود قاسم الحقني!؟
|
Post: #10
Title: Re: روشته (العناق يفيد قلب المرأة أكثر من الرجل) من الشرق الاوسط
Author: محمد حسن العمدة
Date: 08-09-2005, 10:25 AM
Parent: #9
| Quote: وأضاف الباحثون الذين نشروا نتائج دراستهم في مجلة «سايكوسوماتك ميديسن» إنهم لاحظوا انخفاض ضغط الدم لدى النساء أكثر من الرجال بعد عناقهن واحتضانهن. |
loooooooooooooooooooool
والله كلام يا حبيب تاني ضغط الدم ح يرتفع كتير عند النسوان
هههههههههههههههههه
الحمد لله اليومين دي الجندر مختفي
يا الصادق خليفة كلم الطيب مصطفى يحجب البوست ده عن البيوت
قرقرقرقرقر
|
Post: #11
Title: Re: روشته (العناق يفيد قلب المرأة أكثر من الرجل) من الشرق الاوسط
Author: نادية عثمان
Date: 08-09-2005, 01:43 PM
Parent: #10
ماكان العشم ياود عقيد
الفيك اتعرفت !!!
|
Post: #12
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Abdulla Ageed
Date: 08-09-2005, 01:51 PM
Parent: #11
Quote: ماكان العشم ياود عقيد
الفيك اتعرفت !!! |
هوووووي يا نادية.. أنا ما قلت أي حاجة..
وبعدين ياخي أنا بهظر ساكت.. يعني الواحد
ما يهظر ولا شنو!.
نحنا نطير وين يعني، في البيت ما ننضم
في البورد ما ننضم.. نسوي شنو يعني..
يا جماعة أشهدو أنا مع حقوق المرأة بالكاااامل
ومع ما تريده من غير حقوقها لو أرادت..
أها.. تاني نتقطّع يعني!؟؟
|
Post: #13
Title: Re: روشته (العناق يفيد قلب المرأة أكثر من الرجل) من الشرق الاوسط
Author: نادية عثمان
Date: 08-09-2005, 03:36 PM
Parent: #12
Quote: هوووووي يا نادية.. أنا ما قلت أي حاجة..
وبعدين ياخي أنا بهظر ساكت.. يعني الواحد
ما يهظر ولا شنو!. |
ماقلتو نوبة !!!
| Quote: نحنا نطير وين يعني، في البيت ما ننضم |
فى البيت تعانق بس خلى ام العيال ضغطها ينتظم ..
| Quote: في البورد ما ننضم.. نسوي شنو يعني.. |
فى البورد انضم ..لكن قول كلام سمح يفتح النفس ..برانا زهجانيين يااااااخ..
Quote: يا جماعة أشهدو أنا مع حقوق المرأة بالكاااامل
ومع ما تريده من غير حقوقها لو أرادت.. |
لا كفاية حقوقنا بس نحنا ماطماعين ..
| Quote: أها.. تاني نتقطّع يعني!؟؟ |
برية يايابا انشاء الله عدوك والبكرهوك..!!
|
Post: #14
Title: Re: روشته (العناق يفيد قلب المرأة أكثر من الرجل) من الشرق الاوسط
Author: محمد حسن العمدة
Date: 08-09-2005, 03:56 PM
Parent: #13
***** ماكان العشم ياود عقيد
الفيك اتعرفت !!! *****
LOOOOOOOOOOOOOL
هرشوهو
|
Post: #15
Title: Re: روشته (العناق يفيد قلب المرأة أكثر من الرجل) من الشرق الاوسط
Author: نادية عثمان
Date: 08-09-2005, 04:13 PM
Parent: #14
محمد حسن العمدة
بطل الفتن انت ..!!
يسلم ود عقيد مابهرشوه النسوان
الراجل الجميل فايض عشق وحنان
بعانق ليل نهار محبوبتو فرع البان
رومانسى طراز فريد مابشبهو الخلان ..
|
Post: #26
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Abdulla Ageed
Date: 08-10-2005, 07:28 AM
Parent: #15
Quote: يسلم ود عقيد مابهرشوه النسوان
الراجل الجميل فايض عشق وحنان
بعانق ليل نهار محبوبتو فرع البان
رومانسى طراز فريد مابشبهو الخلان .. |
تسلمي إنتي يا نادية ام شعور وحنان
ويسلم ها الجمال الرائع الفتان
نحنا بدون وجودكم نبقى من غير الشان
هن ياهن حياتنا وروحنا يا حِبّان
|
Post: #32
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-10-2005, 11:19 AM
Parent: #10
الحبيب ود العمدة
بطل فتن
و الله الوصفة ده الطيب مصطفى ذاتو بحبها
|
Post: #16
Title: Re: روشته (العناق يفيد قلب المرأة أكثر من الرجل) من الشرق الاوسط
Author: معتصم دفع الله
Date: 08-09-2005, 04:26 PM
Parent: #1
| Quote: روشته (العناق يفيد قلب المرأة أكثر من الرجل) |
يا أبومحمد ..
يعني نحن نقع في رقبتنا دي نكسره ولا كيف ؟
|
Post: #17
Title: Re: روشته (العناق يفيد قلب المرأة أكثر من الرجل) من الشرق الاوسط
Author: سجيمان
Date: 08-09-2005, 04:30 PM
Parent: #16
العناق عرفناهو.......
الاحتضان دا كيفنو؟؟؟؟؟؟
|
Post: #18
Title: Re: روشته (العناق يفيد قلب المرأة أكثر من الرجل) من الشرق الاوسط
Author: محمد حسن العمدة
Date: 08-09-2005, 04:51 PM
Parent: #17
Quote: يسلم ود عقيد مابهرشوه النسوان
الراجل الجميل فايض عشق وحنان
بعانق ليل نهار محبوبتو فرع البان
رومانسى طراز فريد مابشبهو الخلان .. |
كان كدي انا زاتي عاوز لي هرشة وسجيمان اخوي ده عارفو ج متاوق النضم عجبو ضممما كمان برضو عاوز ليهو هرشة
حظك يا عقيد نزل الضغط ساي
|
Post: #25
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Abdulla Ageed
Date: 08-10-2005, 06:48 AM
Parent: #18
الحبيب ود العمدة
انتو حكايتكم شنو معانا
يهرشونا .. تصفقو
يصالحونا .. تزعلو
نحن والله ياها دي حالتنا كدي
الواحد ياخد هرشتو .. وبعدها تأتي المصالحة..
فاسألو أهل (الخبرة).
|
Post: #35
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-11-2005, 01:32 AM
Parent: #17
سجي
كيف حالك
قريب منو ؟
|
Post: #33
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-10-2005, 11:22 AM
Parent: #16
الحبيب معتصم الزول الراسي
قلنا تعملوا ليكم همة أنت و أحبابك
كدي هاك دي
ولم أنس ضميّ للحبيب على رضاً ورشفي رضاباً كالرحيق المسلسل
ولا قوله لي عند تقبيل خدهّ تنقّل فلذّات الهوى في التنقّل
|
Post: #19
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Anwar Ahmed
Date: 08-09-2005, 06:05 PM
Parent: #1
لا يمكن بأي حال من الأحوال تعميم هذه الدراسه وذلك لاختلاف المجتمعات بشكل عام و بأختلاف قومياتهم و سلوكياتهم فالعناق أمر شائع و منتشر في مناطق كثيرة وأخص منها معظم المجتمعات الغربية( بزواج,صداقه
,معرفه او غيرها)اما في مجتمعاتنا يقل العناق والقليل (شديد) في مجتمعاتنا.
بعد اجراء تغير بسيط ما اريد ان اقوله
عناق المرأة واحتضانها مفيد .. لقلبها، إلا أن ذلك يفيد الرجال كثيرا !
للأزواج فقط
أنور أحمد
|
Post: #36
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-11-2005, 01:44 AM
Parent: #19
الحبيب انور
تحياتي
تختلف المجتمعات ولكن تظل الغرائز هبة ربانية يتساوى فيها الجميع
ولكن كيف يتم اشباعها؟ هنا يكمن الاختلاف .
لماذا يقل العناق في مجتمعاتنا الشرقية في اطاره المباح طبعاًمن وجة نظرك ؟
هل للحياء أو الخجل سبب في ذلك ؟ ام نحن لا نستطيع ان نعبر عن ما بدواخلنا؟
|
Post: #24
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Tragie Mustafa
Date: 08-10-2005, 02:54 AM
Parent: #1
شكرا يا الصادق
وانا اتفق مع الدراسه تماما
واذكر قول احمد شوقي:
لم ادر ما طيب العناق***على الهوى حتى ترفق ساعدي فطواك
ودخلت في ليلين فرعك***والدجي ولثمت كالصبح المنور فاك.
تراجي.
|
Post: #37
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-11-2005, 01:51 AM
Parent: #24
شكرً لمرورك تراجي
كثيراً ما قيل في العناق و الحب
قال ابن المعتز أيضا:
ما أقصر الليل على الرافد و أهون السقم على العائد
كأنني عانقت ريحانهً تنفست في ليلها البارد
فلو ترانا في قميص الدّجى حسبتنا جسدٍ واحد
|
Post: #28
Title: Re: روشته (العناق يفيد قلب المرأة أكثر من الرجل) من الشرق الاوسط
Author: ودقاسم
Date: 08-10-2005, 08:01 AM
Parent: #1
والله يا ود عقيد ( النسوان ) بلاش حكاية ( الحريم ) رفعوا ليك ضغطك ،،، كمان يجوا يقولوا لي تنسى دلقانك يا ود قاسم ،،، والله غلبنا النسوي ...
يا زول ولا يهمك لو كان العناق يتيح لهن رفع ضغطنا وإنزال ضغطهن ، فإن لدينا أدواتنا لرفع ضغطهن ،،،
|
Post: #38
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-11-2005, 01:56 AM
Parent: #28
العمدة ود قاسم
| Quote: يا زول ولا يهمك لو كان العناق يتيح لهن رفع ضغطنا وإنزال ضغطهن ، فإن لدينا أدواتنا لرفع ضغطهن ،،، |
ماهي تلك الأدوات بحكم تجربتكم في الحياة ؟
طبعا نحن ما زلنا نعتبر انفسنا برالمه و منكم نستفيد يا خال
·
|
Post: #29
Title: Re:والله العظيم قاعدين تبالغوا عديل كده!!
Author: عادل ابراهيم عبدالله
Date: 08-10-2005, 08:26 AM
Parent: #1
الاخ الصادق
(أكثر..
يريد الرجل من الحب
اكثر..
تريد المرأة من الرغبة
يريدان معا أعمق ما يكون)
الصادق الرضي
و شكرا على البوست العلمي والمفيد جدا وعلى طريقة عادل سجيمان محتاجين جدا في المنعطف الحالى لأعلاء شعيرة العناق.._طبعا نحن الشباب ديل الا نعليها..بالأشعار والأغاني
Quote: ..تحفظين السر
والمجد الذي ما بين نهديك أختبأ |
غايتو البوست دا حردنا عدييل كده (لأصحاب الخبرة بالطبع!!)
Quote: يا أبومحمد ..
يعني نحن نقع في رقبتنا دي نكسره ولا كيف ؟
|
معليش ياابو معتصم الناس ديل ما براعو لى مشاعرنا،يعني الواحد لو انظم للقاعدة ماغلطان!
محبتى
|
Post: #39
Title: Re: Re:والله العظيم قاعدين تبالغوا عديل كده!!
Author: الصادق خليفة
Date: 08-11-2005, 02:02 AM
Parent: #29
الاخ عادل
تحياتي و شكراً للاضافة الجميلة
و الله نحترم مشاعر العذابة ولكن في نفس الوقت التحريض واجب
الا القاعدة يا عادل انت عاوز تجيب لينا هواء مالك
|
Post: #34
Title: Re: روشته (العناق يفيد قلب المرأة أكثر من الرجل) من الشرق الاوسط
Author: waleedi399
Date: 08-10-2005, 01:27 PM
Parent: #1
الصادق خليفة..
اول شئ قبل السلام حمد لله على سلامتك ما تطول الغيبة
وثانياً يا أخوي قبل ما ندخل عندك ونخطي الخطوة الاولى
عرفنا العناق بفيد قلب المرأة، قلب الرجل التعبان دا
شنو بنفعوا يعني هي تكاوش على كل حاجة،، والله مسكين انت يا الرجل
كان الله في عون الرجال، كل حاجة للنسوان
مع تحيات جمعية أعداء المرأة والرفق ومناصرة الرجال المظلومين
|
Post: #40
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-11-2005, 02:07 AM
Parent: #34
Quote: اول شئ قبل السلام حمد لله على سلامتك ما تطول الغيبة
وثانياً يا أخوي قبل ما ندخل عندك ونخطي الخطوة الاولى
عرفنا العناق بفيد قلب المرأة، قلب الرجل التعبان دا
شنو بنفعوا يعني هي تكاوش على كل حاجة،، والله مسكين انت يا الرجل
كان الله في عون الرجال، كل حاجة للنسوان
مع تحيات جمعية أعداء المرأة والرفق ومناصرة الرجال المظلومين |
وليد 399
الله يسلمك من كل شر
قلب الرجل بينفع دا يا وليد
ولم أنس ضميّ للحبيب على رضاً ورشفي رضاباً كالرحيق المسلسل
ولا قوله لي عند تقبيل خدهّ تنقّل فلذّات الهوى في التنقّل
|
Post: #41
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Anwar Ahmed
Date: 08-11-2005, 01:25 PM
Parent: #1
Quote: الحبيب انور
تحياتي
تختلف المجتمعات ولكن تظل الغرائز هبة ربانية يتساوى فيها الجميع
ولكن كيف يتم اشباعها؟ هنا يكمن الاختلاف .
لماذا يقل العناق في مجتمعاتنا الشرقية في اطاره المباح طبعاًمن وجة نظرك ؟
هل للحياء أو الخجل سبب في ذلك ؟ ام نحن لا نستطيع ان نعبر عن ما بدواخلنا؟ |
الحبيب الصادق شكرا للمساحه
نجد أن بعض الرجال يبدون خشونة وجفاف في معاملة زوجاتهم واحيانا تجتاحهم حالات عاطفية وانفعالية مؤقته
و كثير من الرجال يمضون الساعات الطوال في مشاهده كرة القدم أو الجلوس على الطرقات في الوقت الذي لا يجدون وقت كافي لمداعبة زوجاتهم وأشعال عواطفهما معا . من ناحيه اخري يعتبر الزوج ان زوجته عندما تتقرب اليه انها تقوم بواجبها لا بدافع المشاركة العاطفية و الرغبة المشتركة.
أنور أحمد
|
Post: #42
Title: Re: روشته (العناق يفيد قلب المرأة أكثر من الرجل) من الشرق الاوسط
Author: عبدالماجد فرح يوسف
Date: 08-11-2005, 01:44 PM
Parent: #1
تحذيرات طبية:
1- تناول جرعات أكثر من المصرح به طبيا قد يؤدي إلي إنخفاض حاد وهبوط في ضغط الدم.
2- يجب تناول الدواء بعيدا عن الأطفال والأماكن العامة.
|
Post: #43
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Abdulla Ageed
Date: 08-11-2005, 01:54 PM
Parent: #1
قال الشاعر أبو الدقيق:
العناق على الريق .. بيعدل الطريق
|
Post: #44
Title: Re: روشته (العناق يفيد قلب المرأة أكثر من الرجل) من الشرق الاوسط
Author: jini
Date: 08-12-2005, 01:56 AM
Parent: #43
| Quote: العناق يفيد قلب المرأة أكثر من الرجل |
العناق والأعمال الشاقة!
ومن نكد الدنيا على الحر ان يجد غريما له ليس من عناقه بد!
قلتا غريما بدل عدوا على سبيل التخفيف
جنى
|
Post: #45
Title: Re: روشته (العناق يفيد قلب المرأة أكثر من الرجل) من الشرق الاوسط
Author: Manal Mohamed Ali
Date: 08-12-2005, 03:54 AM
Parent: #44
يادوب عرفت حكاية ضغط الدم المرتفع دي شنو وسط النساء السودانيات ...
|
Post: #46
Title: Re: روشته (العناق يفيد قلب المرأة أكثر من الرجل) من الشرق الاوسط
Author: نادية عثمان
Date: 08-12-2005, 04:20 AM
Parent: #45
| Quote: يادوب عرفت حكاية ضغط الدم المرتفع دي شنو وسط النساء السودانيات ... |
منال بت أمى
صدقتى والله
لكن معليش الله فى !!!
|
Post: #47
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-13-2005, 02:14 AM
Parent: #43
اجمل ما قيل في العناق
ولم أنس ضميّ للحبيب على رضاً ورشفي رضاباً كالرحيق المسلسل
ولا قوله لي عند تقبيل خدهّ تنقّل فلذّات الهوى في التنقّل
وقال علي بن الجهم
سقى الله ليلاً ضمنا بعد فرقةً و أدنى فؤاداً من فؤاد معّذبِ
فبتنا جميعاً لو تراق زجاجهًّ من الخمر فيما بيننا لم تسرّب
وقال ابن المعز
و كم عناقٍ لنا وكم قبلٍ مختلساتٍ حذار مرتقب
نقر العصافير وهي خائفةَ من النواطير يانع الرطبِ
وقال اخر :
يا ليل د’مْ لي لا أريد براحاً حسبي بوجه معذبي مصباحا
حسبي به نوراً و حسبي ريقه خمراً وحسبي خدّه تفاحا
حسبي بمضحكه إذا استضحكته مستغنياً عن كل نجمٍ لاحا
طوقته طوق العناق بساعدٍ و جعلت كفىّ للثام وشاحا
هذا هو اليوم النعيم فخلنا متعانقين فلا نريد براحا
وقال ابن المعتز أيضا:
ما أقصر الليل على الرافد و أهون السقم على العائد
كأنني عانقت ريحانهً تنفست في ليلها البارد
فلو ترانا في قميص الدّجى حسبتنا جسدٍ واحد
|
Post: #48
Title: Re: روشته (العناق يفيد قلب المرأة أكثر من الرجل) من الشرق الاوسط
Author: نادية عثمان
Date: 08-13-2005, 03:42 AM
Parent: #47
Quote: يا ليل د’مْ لي لا أريد براحاً حسبي بوجه معذبي مصباحا
حسبي به نوراً و حسبي ريقه خمراً وحسبي خدّه تفاحا
حسبي بمضحكه إذا استضحكته مستغنياً عن كل نجمٍ لاحا
طوقته طوق العناق بساعدٍ و جعلت كفىّ للثام وشاحا
هذا هو اليوم النعيم فخلنا متعانقين فلا نريد براحا |
قادر الله!!!!
|
Post: #49
Title: Re: روشته (العناق يفيد قلب المرأة أكثر من الرجل) من الشرق الاوسط
Author: ADIL FAIT
Date: 08-13-2005, 03:49 AM
Parent: #48
وتاني قادر الله يا ناديةعثمان
مع اكيد حبي وتقديري،،،
عادل فايت
|
Post: #50
Title: Re: روشته (العناق يفيد قلب المرأة أكثر من الرجل) من الشرق الاوسط
Author: الصادق خليفة
Date: 08-14-2005, 02:21 AM
Parent: #48
الاخت
نادية قادر الله ساكت
قادر الله وقادر الله
|
Post: #51
Title: Re: روشته (العناق يفيد قلب المرأة أكثر من الرجل) من الشرق الاوسط
Author: WadAker
Date: 08-14-2005, 10:17 AM
Parent: #1
طيب اكان كدى ما نتوكل ونخش على اقرب شجرة
|
|