Post: #1
Title: الاثيوبيه و السودانين في مقهي مشهور ( قصه حقيقيه )
Author: Nour Kamil
Date: 08-07-2005, 11:04 AM
Parent: #0
شباب
نحكي ليكم قصه حقيقيه و حاصله
الاثيوبيه و السودانيين
اعتدت ان ارتاد المقاهي الاثيوبيه لشرب القهوه و الاستمتاع بالتراث الاثيوبي مع مجموعه من الاصدقاء
و في يوم واحد من الشباب قال لي في قهوه فتحوها جديده
اها مشينا هناك و قابلت بنيه جميله خلاص و شغاله في محل ما محلها
طبعا حتسالو كيف
البنات البيشتغلو في المقاهي دي عاده ما بيعرفو لا يتكلمو عربي و لا انجليزي بس امهريك اها البنيه دي بتتكلم انجليزي زي الطلقه ، قعدنا و شربنا القهوه و خشم خشمين ونسات تقيله خلاص سالتها من وين و ما من وين حكت لي قصتها لما جات البلد دي قالو ليها تشتغل خدامه في بيت و في قروش تقيله اها و قصص زي دي
المهم مرت الايام و عرفت انها ما صاحبه المقهي و صاحبو واحد سوداني و هي بتحبو و فتح ليها المقهي عشان ما تشتغل ليها شغله تانيه
ابو الشباب لما تحويشه عمرو و فتح ليها المقهي ده ، اها صاحبنا دقس و البنيه رواد المقهي كتار خلاص و الحنك السنين مدور دوير الف ، اها واحد من الشباب حنكها و بقت تحبو جد جد و الحب القديم داك كان مصلحه يعني بالعربي كده عشان يفتح ليها الكافتيريا ، اها الكابتن داك عرف قصه الحب الجديده و المشاكل دورت و من هنا بدت القصه
لو عندكم استعداد نواصل كلموني
|
Post: #2
Title: Re: الاثيوبيه و السودانين في مقهي مشهور ( قصه حقيقيه )
Author: عثمان فضل الله
Date: 08-07-2005, 11:11 AM
Parent: #1
يا اخوى نور حكايات الكسر فى قهاوى الحبش فى الامارات دى كتيره واليومين ديل الناس مشغوله بى قرنق وموته والبلد ووحدته لكن ممكن موضوعك ده يبقى كسره يا ابوعلى اه
نشوف راى الباقين
|
Post: #3
Title: Re: الاثيوبيه و السودانين في مقهي مشهور ( قصه حقيقيه )
Author: zoul"ibn"zoul
Date: 08-07-2005, 11:12 AM
Parent: #1
Continue - Aljadeed Shadeed
|
Post: #4
Title: Re: الاثيوبيه و السودانين في مقهي مشهور ( قصه حقيقيه )
Author: Nour Kamil
Date: 08-07-2005, 11:16 AM
Parent: #1
اخوي عثمان
دي فوق العاده ولو الشباب سمحو لينا بتعرف انها فوق العاده
ما دايرين نكشفها بدون تفاصيل
|
Post: #5
Title: Re: الاثيوبيه و السودانين في مقهي مشهور ( قصه حقيقيه )
Author: محمد حامد جمعه
Date: 08-07-2005, 11:19 AM
Parent: #4
امرينا تفلط
محمد تودش اثيوبيا
واصلى ... ايشى
|
Post: #6
Title: Re: الاثيوبيه و السودانين في مقهي مشهور ( قصه حقيقيه )
Author: عثمان فضل الله
Date: 08-07-2005, 11:21 AM
Parent: #1
نور شايف المساله عندها سوق واصل نشوف
ودجمعه عزمناك عشان تنم لينا فوق صورة البنيه الشايله قرنق فوق راسه ديك
|
Post: #7
Title: Re: الاثيوبيه و السودانين في مقهي مشهور ( قصه حقيقيه )
Author: Nour Kamil
Date: 08-07-2005, 12:00 PM
Parent: #1
الشباب 3 قالو واصل نواصل
اها الكابتن الجديد نديو اسم ( بطه )
اها بطه ده مسك البنيه و حنك سنين خلاص البنيه بقت زي الخاتم في صباعو اي شي يقولو ليها تعملو تديو ايراد المقهي و المسكين المنقذ داك يدفع من جيبو لسه ( الايجار و متطلبات المقهي و مستلزمات البنيه و .... الخ ) اها المنقذ ده كان بحبها جد جد و دخل في دوامه سكر و عربده و بكا و حاجات من النوع ده و بطه نايم في العسل نوم البنيه بتحبو بتريدو
اها بي هنا الاتنين كل واحد بيحلم في واديو و البنيه مدوره بي هناك في وادي تاني مع كل زبون في القهوه خمسه و كل زبون بقي عندو حكايه معاها.
كل واحد يشرب قهوه بي عشره يدفع الف و البيدفع الفين و البيدفع خمسميه و شوف عيني في واحد جاب شنطه دهب عشان يقضي ليله و الموبايل شغال شغل تقيل خلاص
ده يضرب و ده يقفل و البنيه ما مقصره و بدت تتعلم العربي و الحق يقال البنيه زكيه خلاص يعني كم شهر البنيه بقت خطره في اللغه و المفاهمه ده غير الانجليزي الغريب
اها البنيه بدت تخطط لي حياه تانيه و احلام وردي و تلم البتقدر عليو و الشباب الاتنين ديل نايمين كل واحد في وادي المنقذ مع الشك و بطه فرحان بي شبابو.
اها البنيه قالت دايره ترجع بلدها اجازه و طبعا بطه ما قصر لافي معاها 24 ساعه و هدايا لفلان و فلانه و امها و ابوها و الاهل و الجيران و ولدها المسجل بي اسم واحد ما معروف يطلع شنو و البنيه تحكي لي بطه قصصها في اديس انها كانت بتحب واحد و تاني ما حبت الا بطه و كده ، و ابوها المليونير المنفصل عن امها و اخواتها 2 من ابو تاني و قصص غريبه خلاص و ابوها العندو اكتر من 20 زوجه غير اللافات ساكت و حكايات كده في الافلام بس و بطه بدا يغرق معاها و يحبها و يدفع من جيبو بدل ما كان بياخد
البنيه كانت ذكيه خلاص معاو و تحلف ليو انو ما عندها غيرو وانو المنقذ ده قاعد عشان القروش و كده طبعا دايرو يدفع و يشيل المنقذ بره من طريقها ده كلو حصل ايام السفر البسيطه دي و انقلب الحال فوق تحت و بطه بقا عاشق ولهان و ما بيقدر يرفض طلب و اي امر منفذ و البنيه زي الحمل الوديع طلباتو اوامر و الدنيا حلوه في عيونو
لحد ما جا اليوم العجيب و المنقذ رجع البيت و لقا صور البنيه مع بطه في اوضاع غريبه خلاص صور في طرف البحر و صور فوق الجبل و صور في الصحراء و حاجات في فنادق و عايشين الحياه بالطول و العرضو الخرب الموضوع اكتر و اكتر صوره في سريرو في اوضه نومو اها استناها لما رجعت البيت و الشكه دورت و كبرت
اها البنيه بكل بساطه خلتو و ضربت لي بطه جاها و طلعت مشت معاو وقضو ليله من ليالي قيس و ليلي اها المنقذ فكر و فكر و قرر انو يشيل قروشو و يمشي .
ممكن نقيف هنا شويه ؟
|
Post: #8
Title: Re: الاثيوبيه و السودانين في مقهي مشهور ( قصه حقيقيه )
Author: الزنجي
Date: 08-08-2005, 00:33 AM
Parent: #1
يا نور الله يقطعك ويقطع يومك
ما تكمل القصه خلينا نمشي نشوف زول غيرك
|
Post: #9
Title: Re: الاثيوبيه و السودانين في مقهي مشهور ( قصه حقيقيه )
Author: خدر
Date: 08-08-2005, 00:49 AM
Parent: #8
عذراً نور قبل اكمال القصة
نور اسم يطلق علي المزكر و المؤنث
(نور كمال) .. ياتو
عشان ما نشتر الرد و تجينا حرجة طايرة
|
Post: #10
Title: Re: الاثيوبيه و السودانين في مقهي مشهور ( قصه حقيقيه )
Author: mutwakil toum
Date: 08-08-2005, 01:01 AM
Parent: #9
اذاعة سوق نايف ..
القصص دي في الامارات زي الافلام الهندية كلها بتشبه بعض
بطل وخائن وجيب وحصان وكم اغنية ، مع اختلاف الاسماء
حبشية وسوداني .. فتح ليها قهوة .. حبت سوداني تاني ..
هربت منهم الاتنين مع حبشي .
|
Post: #11
Title: Re: الاثيوبيه و السودانين في مقهي مشهور ( قصه حقيقيه )
Author: المكاشفي الخضر الطاهر
Date: 08-08-2005, 01:09 AM
Parent: #1
ممكن نصيحة يا شباب
وبدون زعل
|
Post: #12
Title: Re: الاثيوبيه و السودانين في مقهي مشهور ( قصه حقيقيه )
Author: Nour Kamil
Date: 08-08-2005, 01:40 AM
Parent: #1
الاخ خضر
Quote: نور اسم يطلق علي المزكر و المؤنث
(نور كمال) .. ياتو |
نور كامل مذكر و عندنا كمان مؤنث بس زول في البورد مذكر
الاخ المكاشفي
Quote: ممكن نصيحة يا شباب
وبدون زعل |
قول و اخد راحتك
الاخ متولي
دي ما اذاعه شوق نايف ولو كانت زي ما انت قلت ما كنا فكرنا نكتبها والله
عموما احترم رايك و راي الشباب و انا مستعد اقيف عن الكتابه.
|
Post: #13
Title: Re: الاثيوبيه و السودانين في مقهي مشهور ( قصه حقيقيه )
Author: mutwakil toum
Date: 08-08-2005, 01:48 AM
ابداً يا نور ..
ما قصدي ..
بالعكس واصل ..
وانا متابع
|
Post: #14
Title: Re: الاثيوبيه و السودانين في مقهي مشهور ( قصه حقيقيه )
Author: wail malik
Date: 08-08-2005, 02:10 AM
Parent: #1
القصصى الرائع ابو النور
أرجو صادقآ أن تكمل القصة كلها مرة واحدة لا لشى الا ليستفيد منها كل من يطلع عليها
ويا اعضاء المنبر خذوا منها العبر فانها لاتحدث فى الامارات فقط بل تحدث فى كل دول المهجر ولا اكون متحاملآ اذا قلت انها تحدث بصورة ابشع فى السودان
ان عبرة هذه القصة ليست فقط فى انعدام مسئوولية ابطالها اذا جاز اطلاق لفظ الابطال مجازآ بل ان عبرتها فى ما يحدُث من انتهاك لمعانى انسانية سامية ظلت على الدوام تعنى فى ابسط معانيها التوادد والتراحم والمحبة بين الرجل والمرأة وبالعكس.
عقب انتهاء هذه القصة المأساوية سأكتب عن معناها الانسانى ومدى الانتهاك الذى يحدث لهذا المعنى عن قصد او غير قصد
|
Post: #15
Title: Re: الاثيوبيه و السودانين في مقهي مشهور ( قصه حقيقيه )
Author: Nour Kamil
Date: 08-08-2005, 03:14 AM
Parent: #1
الاخ متوكل
الاخ وائل
ليس القصد من عدم المتابعه او التشويق لاحداث غامضه
لكني احاول جاهدا تذكر تفاصيلها بدقه و احاول ايضا ان اكملها مع انشغالي في العمل
اعتذر عن التقطع و اعدكم ان اختصرها دون تفاصيل و سردها علي البورد في اقرب وقت
اكرري شكري لكم و لنصائحكم.
|
|