Post: #1
Title: الهناك الذى أنا ..!!
Author: عثمان البشرى
Date: 08-05-2005, 09:44 AM
كان يعني إيه تكبر
وتلقى موظفين الروح على بعد إنتظار شهقة
محل نفسك يشل جسدك
وتتمسح بخيط النور
كان يعني إيه في النسوة نون النسوة
وفي مسدك رجل مبهور
ومتورط إلى أبدك
مجندل بالاغاني الضو
وبالشجر الحفي الممهور
تبق من تاني يا آسف
ومخنوق بالخلا العتمور
أنا آسف
تعال أرجع معاي يا قبيل
يا وكتين ركبت الغيم بلا سأله
يا فاتحني في الزول الشفيف جداً
وغامض حد مسافة النور
وكانت في الخيال طيرة
وفي الليل لما تتسحر بتطفي النور
وتقعد جمبك البكره
كان يعني إيه تكبر؟
إذا دلوقت إنت سبقتو ..!
قبل السور يعدي معاك
ياساتر عليك ياقلب
يا فكرة
بلا ساحل ولا ذكرى سوى الذكرى
كفاك تكِل
شوية من الغياب تكفي
أنا ببكي
وببكي لأنو ما ممكن أطفي النور
الدنيا وحشة
إذا ما الليل بخوِّن في حماقاتو
ويدلق ذاتو من ذاتو
أبيت وين ياجداول الضو
وأي طريق حامشي لوين
متين ما شفت جوا النار
أزغرد: حوّا ولادة
أزغرد لو كأني أنا
مرقت من القميص للتو
وحارسك ياجداول الضو
وكالعادة
أمرقي ياخالة غناي فيني
عارفك ما بتعرفيني
وعارف انو أتعابك معاي
وثمة لا فكاك مني
أمرقي ، خليني الأواسيني
مدام الرؤيا خلابة
مدام لازم تكوني أنا
وأكون اللازم العادة
أمرقي لأني متخم بيك
الى حد الجريمة وإنعدام الوزن
أمرقي مرق حصان وقتك
على القبلة .. سلكنى وراك.......
القاهرة /3/8/2005
ذات أصدقاء وريفون/عمر أحمد/عبدالله داش/ عبدالقادر ميكال
|
Post: #2
Title: Re: الهناك الذى أنا ..!!
Author: عبد المنعم ابراهيم الحاج
Date: 08-05-2005, 11:27 AM
Parent: #1
Quote: كان يعني إيه تكبر
وتلقى موظفين الروح على بعد إنتظار شهقة
محل نفسك يشل جسدك
وتتمسح بخيط النور
كان يعني إيه في النسوة نون النسوة
وفي مسدك رجل مبهور
ومتورط إلى أبدك
مجندل بالاغاني الضو
وبالشجر الحفي الممهور
تبق من تاني يا آسف
ومخنوق بالخلا العتمور
أنا آسف
تعال أرجع معاي يا قبيل
يا وكتين ركبت الغيم بلا سأله
يا فاتحني في الزول الشفيف جداً
وغامض حد مسافة النور
|
وياعسمان يبتق
حزنك الساجي
يفر صفحاتو
بعد الخجه،
بعد الروح تناتق
من وراء توبا
وشدر الروح مشعتف
بالهجير والصي
أحي..ياريح
جنوب غربي..
صهيلك في بنى الجالوص
وفي كرتون يداري
المسغبة الحارة..
وليل نزت
جراح الغيمة شووو
كبابة في السهلي
نشيج غبن
المدارات شوو..
فصول تتعامى
كان شافت
بطان الحي
بيبحتو بين
عقاب الناس
حتيتت عيشة
خورن نصها الباقي
ونيل خجلان طلق
سروالو ماشي
شمال لا زولن يهيبلو
ولا يتكيهو في الحيضان..
جرف يندسّه في
القسيبة يرجى الحول
وحول الناس
تكون مسجونه في
كيله..
|
Post: #3
Title: Re: الهناك الذى أنا ..!!
Author: ahmed abdelati
Date: 08-05-2005, 11:30 AM
Parent: #1
الصديق الرائع عثمان
دائما انت
( مجندل بالاغاني الضو= وبالشجر الحفي الممهور)
مزيدا من التالق والتدق
ونحن في انتظار انهمارك
|
|