يا خسارة.... شعبنا غير محظوظ

يا خسارة.... شعبنا غير محظوظ

لما سمعت الخبر المشئوم، جانى احساس بانى فقدت ابوى ولا اخوى. احساس بفراغ كبير جوااى. وبدات اقول:

احيـــــــى.. انا على السودان.. نحنا شعب غير محظوظ. دائما القادة السياسيين الكويسين بتحصل ليهم حاجة، (عبدالرحمن نقدالله،الخاتم عدلان،..الخ).

لكن قرنق .. ده.. بالجد فقد كبير جدا جدا. أسال الله ان يقوينا ويلزمنا الصبر على المصيبه. واتمنى ان تتواصل مسيرة السودان نحو السلام والوطن الواحد. اتمنى قيادة الحركة الجديدة تكون قادرة على المواصلة مع حكومة البشير( وتقدر عليها ).

عندما سمعتا الخبر، كنا مع مجموعة من السودانيين، وكلنا اتخلعنا وخيم على الجو الحزن الشديد. اطفال صغار بيتكلموا مع بعض متسائلين عما حدث:

- What happened?
- I think John Garang مات
- Who is John Garang anyway?
- He is the only man in Sudan could keep Omer Albashir in his limit..

ألاطفال بقوا بيفهموا ..

يا فرحتنا الما تمت....ويا أمانينا الما فجت..
يا النورت علينا الشارع.... وخليتنا نحس بامان وسلام..

يا الطليت بنور الوحدة علينا ...
يا الخليتنا نقول ...حيكون ويكون

يا الناضلت سنين وسنين .. وبوقف الحرب ما اتهنيت
يا اليدوب سقيت الزرع.. وما اتمكنت تضوق الثمر

خليتنا.. والمشوار طويل لسه.. و يا ربى ما نشوفه صعب


اقبال كرار...كاليفورنيا

شعبنا منحوس يا إقبال موش ما محظوظ.. النحس مخيّم عليه كغراب كريه الصوت... مزعج.. كلما قلنا هواء نقي، انقلب إلى غاز سام.. لينا الله.. ومرحب بيك في المنبر الحر

صدقتي والله ويا للنحس والشؤم

اختي بت كرار سلام مربع لك وللاسرة الكريمة وربنا يلزمنا الصبر واياكم في هذا الفقد الجلل وهكذا دوما الرياح تاتي عكس ماتشتهي السفن وعكس اشتهائنا نحن في ان يكون لنا وطن معافى نتعايش فيه ونرتع من حلفا لي نمولي ومن سواكن وبورتسودان الى اقاصي غربنا النازف,,
اختي لم يتبقى لنا سوا ان نحلم بان ياتينا خير خلف لهذا القائد العسكري والسياسي والمفكر المجدد وإلأ ....



عـــد يا هذا واكمل فرحتك ولكي نكمل احلامنا

الفاتح

مريم، صبري وابومهند

شكرا" على المشاركة والمرور على البوست.
عليكم الله شوفتوا النحس ده كيف. اتكلمت مع صديق لى امس وقال القناة الفضائيه السودانية مشغله صور قرأنية كلها تدعوا للجهاد.

يخوانا دعاة الفتنه ديل نعمل ليهم شنوا؟