Post: #1
Title: علينا التحلي بالصبر وضبط النفس.
Author: Bashasha
Date: 08-01-2005, 02:36 PM
علي اقلية الشمال، وشخصي من افرادها، التحلي بضبط النفس، باعطاء مساحة كافية يعبر فيها المهمشوون عن حزنهم، احباطهم، بل وشكوكهم في نواياالقائمين بالامر، باعتبار مايحدث تعبير طبيعي عن غبن وقهر السنين، الممزوج باحباط وحزن عميقين.
|
Post: #2
Title: Re: علينا التحلي بالصبر وضبط النفس.
Author: ترهاقا
Date: 08-01-2005, 02:50 PM
Parent: #1
الاخ كمال شوق مطر
بس فى ناس بيحبوا قرنق اكتر من الجنوبيين راحوا فيها ، والجماعة العملوا البلاوى دى ما عارفين إنو فى ناس فقدوا قرنق اكتر منهم ، اتمنى ان لايعيد التاريخ نفسه . والشيي الجاى ما ببشر بى خير
|
Post: #3
Title: Re: علينا التحلي بالصبر وضبط النفس.
Author: د. بشار صقر
Date: 08-01-2005, 03:10 PM
Parent: #1
العزيز بشاشا
تعازينا الحارة لفقيد السودان الجديد
هذا
الرمز الذي
بكل تاكيد سيظل ملهما
لنا في معركة الوجود
وسيظل حيا بيننا موجود
يريدون ان يحرموننا حتي من حق التمني
بالتحقيق عادل حول الوفاة
لنكون نحن دعاة فتنا
حقا هذا السودان وطن عجيب
|
Post: #4
Title: Re: علينا التحلي بالصبر وضبط النفس.
Author: محمد عبدالرحمن
Date: 08-01-2005, 03:18 PM
Parent: #3
هنالك موتى ومستوطنات ، وموتى وبولدوزرات ، وموتى
ومستشفيات ، وموتى وشاشات رادار ترصد موتى ..
يموتون اكثر من مرة فى الحياة ،وترصد موتى
يعيشون بعد الممات ، ، وموتى يربون وحش الحضارات موتا ،
وموتى يموتون كى يحملوا الارض فوق الرفات ...
....
هنالك موتى ينامون فى غرف سوف تبنونها
هنالك موتى يزورن ماضيهم فى المكان الذى تهدمون
هنالك موتى يمرون فوق الجسور التى سوف تبنونها
هنالك موتى يضيئون ليل الفراشات ، موتى
يجيئون فجرا كى يشربوا شايهم معكم ...هادئين ..
ورحل قرنق ..
رجل وقضية وكفاح وتضحية وصمود ..
مااعظم حزنك ياوطنى ..
الموت يتخطف فرسانك واحدا واحدا ..
برغم قسوة الحزن نذكر ..
ضبط النفس مطلوب من جماهير شعبنا وتوجيه الراى العام مهمة مثقفينا
لتجنيب بلادنا شر الفتنة ، وللعبور بقاطرة السلام الى محطتها المنتظرة ..
احر التعازى لجماهير شعبنا على رحيل القائد الوطنى دكتور قرنق
والتعازى لجماهير الحركة الشعبية ومناصريها ..والتعازى موصولة
لك اخى بشاشا ..
والرب اعطى والرب اخذ ..
|
Post: #5
Title: Re: علينا التحلي بالصبر وضبط النفس.
Author: Bashasha
Date: 08-01-2005, 03:27 PM
Parent: #1
ترهاقا تحياتي،
تعازينا الحارة اولا.
التاريخ لابد يعيد نفسه مرات ومرات، اذا قاصد احداث الاحد الدامي في الستينات.
لكل فعل ردفعل، وقهر القرون لابد وان يعبر عن نفسه في سوانح كهذه.
بقول كده مش لاني عايز كده، وانما بحاول اكون واقعي ومنطقي وعادل او قبل كده، متفهم تماما.
مانراه الان هو بعض ثمار شجرة زقوم ظلمنا، لمن ولدتهم امهاتهم احرارا.
علي اقلية الجلابة، تحمل مسؤلية مااغترفت اياديها.
ياما قلنا الكلام ده اورددناهو في هذا الفضاء.
|
Post: #6
Title: Re: علينا التحلي بالصبر وضبط النفس.
Author: هشام مدنى
Date: 08-01-2005, 03:29 PM
Parent: #1
اول مره لا اصدق ولا اود ان اصدق
ولكن التعازى لكل اهل السودان الذى احبه
|
Post: #7
Title: Re: علينا التحلي بالصبر وضبط النفس.
Author: Bashasha
Date: 08-01-2005, 04:31 PM
Parent: #1
د.بشار يامراحب.
كعادتنا، وبعد فوات الاوان سندرك عظمة هذا الرجل.
بالذات بعد صعود سلفا كير للقيادة.
سلفا، وبقية اهلنا في الجنوب تضجرو شديدا، من مثالية قرنق وايمانه القاطع بامكانية توحيد السودان علي اسس جديدة.
دعونا نتامل امثال الانفصالي او برضو رسالي الطيب مصطفي لنتفهم عظمة امثال قرنق.
د.قرنق ورغم كل ما عايشه في حياته "كجنوبي" وبكل مايحمل كود "جنوبي" من معان سالبة، في مخيخ امثال الرسالي او استعلائي هذا، قاتل وناضل من اجل السودان الوطن الواحد، كمالم يقاتل او يناضل احد من قبله، وعلي مدي نصف قرن.
قارن هذا، بمافعله مصطفي الطيب مثلا، الذي دفع حتي بابنائيه الي ساحات الفداء، لتركيع واستعباد امثال قرنق بالقوة، باسم الجهاد، لينتهي به المطاف مطالبا بفصل الشمال، بعدما تيقن من استحالة اخضاع من يقدمون الملاييين كشهداء، دفاعا عن ادميتهم!
نعم بينما د.قرنق قاتل من اجل سودان واحد بلا تمايز، الطيب مصطفي قاتل من اجل الحفاظ علي امتيازاته، ولمافشل، طالب بفصل الشمال، كثمن للحفاظ علي امتيازاته، ككائن عربي، متفوق بدمه النقي، باعتباره عباسي قرشي ومن سلالة رسول الاسلام شخصيا!
|
Post: #8
Title: Re: علينا التحلي بالصبر وضبط النفس.
Author: Bashasha
Date: 08-01-2005, 07:36 PM
Parent: #1
العزيز محمد عبدالرحمن تحياتي.
البركة فيكم. فرقة قرنق مابتسدا.
حواء السودانية ظللت تتوحم بطول وعرض نصف قرن، لتنجب لنا قرنق دي مابور، واحد، فقط.
نجيب من وين عمر تاني ونصف قرن اخر، عشان ماننجب قرنق اخر؟
|
Post: #9
Title: Re: علينا التحلي بالصبر وضبط النفس.
Author: Mohamed Suleiman
Date: 08-01-2005, 07:55 PM
Parent: #8
الأخ العزيز بشاشا
لك التحية و الاحترام
و .. لا ... لا .. دعوتك مرفوضة
منو القال ليك المهمشين ديل عندهم أحساس
بعرفوا الأفراح و الاحزان ... ليهم أحلام و آمال
ديل في العاصمة عشان يبنوا العمارات و يغسلوا العربات
و في آخر الليل يتحسسوا طريقهم بين المقابر .. لأطراف المدينة
ديل غير الحقد و عكننة مزاج ود البلد ... ما بعرفو شئ .
قرنق يكفيه أنو أثبت للمحتلين العاصمة ستاشر سنة
أنو يمكن يحرك الملايين طوعا .. بطلة
ء
|
Post: #10
Title: Re: علينا التحلي بالصبر وضبط النفس.
Author: Bashasha
Date: 08-01-2005, 08:14 PM
Parent: #1
هشام مدني مرحبا.
د.قرنق، يظل اول من بعث حيا من مقبرة الوعي، اللتي نتمدد داخلها كشعب وكقارة ليكون اول السودانيين، الذي اشتاق اليهم امامنا المهدي، قائلا:
واشوقاه لاخواني الذين لم ياتو بعد.
رسول الامام قرنق، وبعد ان حرر الخرطوم للمرة الثانية، التحق بالرفيق الاعلي، ونحن الان بانتظار خليفته سلفا التعايشي.
الا رحم الله د.قرنق، وادخله فسيح جناته.
|
Post: #11
Title: Re: علينا التحلي بالصبر وضبط النفس.
Author: Bashasha
Date: 08-02-2005, 04:11 PM
Parent: #1
.*.
|
Post: #12
Title: Re: علينا التحلي بالصبر وضبط النفس.
Author: humida
Date: 08-02-2005, 04:17 PM
Parent: #11
| Quote: باعطاء مساحة كافية يعبر فيها المهمشوون عن حزنهم، |
طيب يا بشاشة
وبالمناسبة اول مرة اعرف ان الشماليين اقلية
اها الاقلية دي
وفي الحاصل في الخرطوم
بدون جدلية اسبابه
ناس ماتت ..
وفي خوف ورعب
ليهم الحق بمساحة حزن ولا لا
اتمني تجاوبني بصراحة
فلازم عشان ندي .. نتعلم
وعشان نتعلم .. لازم يكون عندنا برضو حق الحزن
عشان الممارسة هي البتعلم
|
Post: #13
Title: Re: علينا التحلي بالصبر وضبط النفس.
Author: Omer Abdalla Omer
Date: 08-02-2005, 04:23 PM
Parent: #11
Kamal, I wish you well.
I stopped by to say hello
You are one of my favorite people
Indeed we are very unlucky people on the face of the earth.
We lost Usataz Mahmoud and know, untimely, we tragically lost Dr. Grang
|
Post: #14
Title: Re: علينا التحلي بالصبر وضبط النفس.
Author: Shao Dorsheed
Date: 08-02-2005, 04:25 PM
Parent: #1
****
|
Post: #15
Title: Re: علينا التحلي بالصبر وضبط النفس.
Author: أبو أحمد
Date: 08-02-2005, 04:34 PM
Parent: #14
علينا التحلي بالجنز وضبط احزمة بناطليننا وقفل فساتين فتياتنا وصغيراتنا بالجنازير
او
يترك كل هذا ونتحلي بالصبر وضبط النفس كما يزعم بشاشا
ونلقاهو ...
|
Post: #16
Title: Re: علينا التحلي بالصبر وضبط النفس.
Author: Bashasha
Date: 08-02-2005, 04:35 PM
Parent: #1
ابوحميد يامراحب،
كلامك صاح، والمصيبة اقلية الجلابة حسبت حلم ونبل مضطهديها، نوع من الغباء الذي يثبت نظرية مخ "العب" البجي الساعة12 حسب بروتوكول الاستعلاء!
ماتعودو وعلي مدي نصف قرن ذي ردة الفعل العنيفة دي.
شفت المنبر لهلب وانفعل بالموت الحاصل، وللمرة الاولي كيف؟
زمان كنا نحاحي محاحة، او نزازي مزازة مابين البوستات، نلكز في العالمين دي او نذكرم بالموت الفي بلدنا.
الان لاصوت يعلو علي صوت المعركة، وكل بنادق البوستات موجهة نحو العدو!
قادر الله!
|
Post: #17
Title: Re: علينا التحلي بالصبر وضبط النفس.
Author: Haydar Badawi Sadig
Date: 08-02-2005, 05:26 PM
Parent: #16
عزيزي بشاشا،
أقرك تمام الإقرار بأن إحساس الشماليين تجاه ما كان يحدث في الجنوب من قتل وتدمير كان متبلداً لدرجة مخزية، وبأن الأحداث الراهنة صعقتهم، وصعقت الجميع. نسأل الله أن يكون فيها لنا عبرة، وأن يفدي الشعب من شر الفتن.
أتفهم وجهة نظرك، ولكن، في تقديري، أنك تعبر عنها بصورة تعطي انطباعاً خاطئاً بأنك شامت. الشماتة لا تتغشاك، حسب ما أعرفه عنك، لأنك وطني غيور على بلده فيما أعرفه عنك.
أرجو، مخلصاً، أن تتدبر أسلوب خطابك بحيث تعبر عما تريد بقوة وصمامة لاتقبل أي تسويف أو مماراة، دون أن يبدو من خطابك أنك تكيل بمكيالين.
ساءني للغاية أن أسمع أن آخر الإحصاءات تقول بأن عدد الضحايا من الجنوبيين بدأ يتصاعد بصورة فاقت عدد الضحايا من الشماليين خلال اليومين الفائتين. هذا ما أورده قبل قليل د. معز عمر بخيت، وهو يتابع مع بعض الأطباء آخر تطورات الوضع في الخرطوم.
يجب أن ندين كل من يلجأ للعنف من جنوبيين أو شماليين جملة وتفصيلاً. وهذا لا يمنع أن ننظر للأسباب التاريخية للصراعات التي تنتج مثل العنف الذي يحدث في بلادنا الجريحة اليوم، دون أن نجعل هذا الأسباب مبرراً للعنف، أياً كان مصدره.
أشعر بأنني لم أبين وجهة نظري بالقدر الكافي، ولك العتبى حتى ترضى.
|
Post: #19
Title: Re: علينا التحلي بالصبر وضبط النفس.
Author: Bashasha
Date: 08-02-2005, 05:40 PM
Parent: #1
Quote: ليهم الحق بمساحة حزن ولا لا
اتمني تجاوبني بصراحة |
حميدة يامراحب.
لا ابدا ماعندهم مساحة، لانهم وكماقالت البجعة في كتب المطالعة، البادي اظلم. نحن البدينا بالخطا وعلي مدي مئات لسنين. فمافاهم، لوده الحاصل، معني المساحة البتتكلم عنها دي؟
|
Post: #27
Title: Re: علينا التحلي بالصبر وضبط النفس.
Author: NASERELDIN SALAH
Date: 08-02-2005, 07:32 PM
Parent: #19
مكرر
|
Post: #50
Title: Re: علينا التحلي بالصبر وضبط النفس.
Author: humida
Date: 08-04-2005, 07:31 PM
Parent: #19
| Quote: نحن البدينا بالخطا وعلي مدي مئات لسنين |
وهسع جا وكت الانتقام يعني ..
يا بشاشة ..
والله انت بتسئ للجنوبيين اكتر من الافعال الحصلت دي
هم زاتهم ببروا فيها والبقول ليك شماسة
والبقول ليك ما جنوبيين
وقيادات الحركة تدعو الي ضبط النفس
وانت في نص الجوطة برضو بتكورك ضبط النفس ضبط النفس
وتجي تقول لي البادئ اظلم
يعني الناس بتنتقم هسع
كدا بقى فلم هندي يا معلم معروض في السينما الوطنية
البطل داير ينتقم من الخيانة
انعل ابو السذاجة لو ما كانت كدا
مية مية يا معلم ..
|
Post: #20
Title: Re: علينا التحلي بالصبر وضبط النفس.
Author: Bashasha
Date: 08-02-2005, 06:22 PM
Parent: #1
عمر عبدالله عمر، يامراحب.
شكري الجزيل لي كلماتك بحق شخصي الضعيف.
في الملمات دايما اتذكر كلام احمد المصطفي دالي، كيف بلدنا حارساها قباب الصالحين!
والقباب بالمناسبة سودانية مية المية، وليست بشمالية فقط او اسلامية بالمعني الفقهي للمفردة.
بي طريقة غيبية عندي احساس عميق انو ده كلو خير، وعسي ان تكرهو شيئا وهو خير لكم.
مين عارف ربما غسلنا بمايحدث، ماعلق في النفوس من جهة المعذبين، ووقفة تامل من جهة المعذبين، بكسر الذين في الاولي، وفتحها في الاولي.
|
Post: #21
Title: Re: علينا التحلي بالصبر وضبط النفس.
Author: Abdulgadir Dongos
Date: 08-02-2005, 06:39 PM
Parent: #20
لك التحية والأحترام أخ بشاشا،
رغم كل شئ ، لا بد من ذلك .
دنقس .
|
Post: #22
Title: Re: علينا التحلي بالصبر وضبط النفس.
Author: Haydar Badawi Sadig
Date: 08-02-2005, 06:50 PM
Parent: #20
نعم، يا بشاشة. كل شر ينطوى تحته خير، رأينا ذلك الآن أم لم نراه.
ألا ترى معي بأن هذا امتداد للطوفان الذي أنذرنا منه الأستاذ محمود
في منشور "هذا، أو الطوفان؟" ألا ترى بأن غياب قرنق رفع الستار
عن الهوس الديني ودلل على عجز سلطانه عن تأمين المواطنين؟
ثم ألا ترى بأن استمرار مشروع الهوس الديني غذى النعرة العنصرية؟
إن غسلتنا المأساة الراهنة من أدران الهوس والعنصرية -بالأخص نحن
الشماليين- سندرك وقتها قول الله عز وجل "عسى أن تكرهوا شيئاً وهو
خير لكم، وعسى أن تحبوا شيئاً وهو شر الله، والله يعلم وأنتم لا تعلمون."
|
Post: #23
Title: Re: علينا التحلي بالصبر وضبط النفس.
Author: Tragie Mustafa
Date: 08-02-2005, 06:57 PM
Parent: #1
كمال
ووووووووب علي يا كمال خبر السواد
الجانا في غربتنا
كبيرنا يا كمال
حبيبنا يا كمال
قائدنا ياكمال
املنا ياكمال
كيف مات
ليه مات
احيييييييييييه يا كمال من حرقة حشانا علي قرن
قرن سيد الرجال
الحكيم
الصبور
العليم
الحليم
الرؤف
الخبير
العالم
الكريم
الوفي
القدير
اواه يا كمال
لماذا نحن تعساء لهذه الدرجه
لماذا نحن اشقياء حتى نحرم من قائد مثله
صبرنا يارب
ونتمني ان يلزم كل ابناء الوطن الصبر
وان يتحول حزننا لنورا وليس نارا
فقرن كالعود الطيب النار تزيده طيبا.
تراجي.
|
Post: #24
Title: Re: علينا التحلي بالصبر وضبط النفس.
Author: Tragie Mustafa
Date: 08-02-2005, 07:02 PM
Parent: #1
كمال اهديك قصيدة جميله
للاخت عاليه عوض الكريم
كتبتها في رثاء الزعيم الراحل د.قرن :
Quote:
يا غابه
يا ابنوس
شايل الفرح
وتكوس
وسكتك وعره
واللعبه جد خطره
ما سمعن الامات
بفالك المليان
لكل زول جائع
وكل طفل عريان
وشعبنا الحفيان
في الجنوب
والغرب
في الشمال
والشرق
شال السلاح ما خاف
شال القلم ما راح
ضمانه في حضنه
سودان كبير واحد
سلام
وخير
وأمان
لا صوت رصاص
لارشاش
لا لاجئين اغراب
نتسول اللقمه
اعراس شهيدنا تموت
تزغرد الامات
يجرتقوا الوحده
سودان جديد
واعد
نتلاقي فيوا اخوان
بكره البعيد قرب
باقي الامل ارتاح
زّغردت امه
رفرف علمنا خّلاص
يا غابه
يا ابنوس
شايل الحلم
وتكوس
لسكه المطره
البتجيبنا لبكره
واحد جنوبي شمال
واحد شمالي جنوب
يخدروا الصحرا
ويطردوا الفجره
القاعدين باسم الرب
يتاتوا في الاحزان
ويودروا القمره
وفرحه المطره
ما امهلوك يا فال
ايد الظلام والخوف
خطفت بريق عينيك
دّاست حلم بكره
اغتالوا فيك أمه
تحلم كتير وكتير
بالقائد المقدام
البفهم الوجعه
ويجيها بالفزعه
والبقره والكراس
لكل بيوت الناس
: يا ربيكا
ما تبكي
بطل السلام ما مات
جون قرنق فكره
بكل قطره دم
خدر تراب بلدوا
غابه السلام تكبر
وقطرنا لازم يقوم
رغم الجرح والغدر
لمحطه الوحده
لنهزم القتله
اذا كانوا جيش الرب
او دقون فجره
او حتي سؤ اغدار
حرمتنا من شوفته
حنفضل نغني معاه
SPLM
مويياااا
سودان جديد
مويااااا
[/QUOTE]
تراجي.
|
Post: #25
Title: Re: علينا التحلي بالصبر وضبط النفس.
Author: Bashasha
Date: 08-02-2005, 07:16 PM
Parent: #1
العزيز شاه مرحب بيك.
|
Post: #26
Title: Re: علينا التحلي بالصبر وضبط النفس.
Author: Haydar Badawi Sadig
Date: 08-02-2005, 07:30 PM
Parent: #25
سلمت يا أختي تراجي. كلماتك بعاليه مؤثرة، وبذرة الوحدة
فيها قد أخضرت، ولن تذبل بحول الله، حيث أصبحنا نقر بأن الجنوب مزعة
من لحمنا، نتوجع حين تمزع منها شقفة. وقد شق د.قرنق من لحم الصدر والرأس
من جسم بلدنا المفجوع بفقده.
أحييك، وأهديك كتفي لتسكني فيها الأحزان، ولنستهدي جميعاً بالله، لأن الموت
سبيل الأولين والآخرين. أعزيك وأعزي نفسي، ولا أقول إلا ما يرضي الرب.
|
Post: #28
Title: Re: علينا التحلي بالصبر وضبط النفس.
Author: NASERELDIN SALAH
Date: 08-02-2005, 07:48 PM
Parent: #26
الاستاذ بشاشا
دعوه جميله ارجوا ان يتفهمها الناس فالغوغئيين معاهم حق
خليهم يتفشوا شويه في اهلك الجلابه ولو كمان وريتنا عنوان بيتكم
في السودان نديهوا ليهم مادام انت غير موجود في السودان
يساعدوا في ( فش غل ) المهمشين ليهم فتره ديل
فيدخلوا بيتكم و ينتهكوا حرمتوا و يحرقوه و يكتلوا كم واحد عشان
رفع المعاناة عن كاهل المهمشين
و بي كده تقدر انت في امريكا و اهلك في السودان تمارسوا ضبط النفس
.........
Quote: علي اقلية الشمال، وشخصي من افرادها، التحلي بضبط النفس، باعطاء مساحة كافية يعبر فيها المهمشوون عن حزنهم، احباطهم، بل وشكوكهم في نواياالقائمين بالامر، باعتبار مايحدث تعبير طبيعي عن غبن وقهر السنين، الممزوج باحباط وحزن عميقين
.........
اما عن نفسي
انا معاك كمان في مسأله ضبط النفس دي بس علي طريقتنا
وهي كالاتي :
تأكدت من وجود سلاح ناري في البيت يحمي اسرتي واهلي من اي مهمش او معتدي
وطالبت بضبط النفس
أن انضبطوا .....
عارف ليه
عشان بكره ما تقع طياره د خليل ابراهيم يقوم صاحبك محمد سليمان
اللافي في البوستات ذي طائر الشؤم معاك داير يولعها و يرقص علي تلها
يقوم يعمل فيها مهمش و يعيث خراب في البلد
في الوقت داك تأكد ان ما سوف يستقر ما بين عينيه ستكون طلقه تريحه
من التهميش
فلن نغفل ثانيه """"
وانت خليك ضابط نفسك شديد
|
Post: #29
Title: Re: علينا التحلي بالصبر وضبط النفس.
Author: Bashasha
Date: 08-02-2005, 07:59 PM
Parent: #1
الحبيب د.حيدر يامراحب.
بصفة عامة اقر قدرتي علي التعبير عن نفسي بوضوح، ضعيفة. طبعا بغتي علي العيب ده قائلا، كل مادق المعني، ضاقت العبارة!!!!!!!
شفت كيف؟
فلاشماتة من جانبنا، ولاينبقي.
بالنسبة للعنف، فمن نحن يادكتور حيدر، لنقول "اخلاقيا" لمن كابدو القهر العمر كله، ان ردة فعلكم علي قهر القرون، عنف؟
لااعتقد الشمالي في وضع اخلاقي يمكنه من وعظ السودانيين الجنوبيين، عن العنف، ودماء اكثر من 2,000,000 في عنق كل شمالي.
طبعا لااعتراض من جانبنا علي حكم القانون، وفق قضاء عادل.
|
Post: #30
Title: Re: علينا التحلي بالصبر وضبط النفس.
Author: Bashasha
Date: 08-02-2005, 08:11 PM
Parent: #1
الحبيب دنقس يامراحب.
|
Post: #31
Title: Re: علينا التحلي بالصبر وضبط النفس.
Author: Bashasha
Date: 08-03-2005, 08:21 AM
Parent: #1
.*.
|
Post: #32
Title: Re: علينا التحلي بالصبر وضبط النفس.
Author: أحمد أمين
Date: 08-03-2005, 08:30 AM
Parent: #31
التحلى بالصبر وضبط النفس والتحلى بالعقل
شكرا يابشاشا
هكذا تعرف معادن الرجال والنساء
الجنون الذى أصاب الخرطوم
|
Post: #33
Title: Re: علينا التحلي بالصبر وضبط النفس.
Author: نهال كرار
Date: 08-03-2005, 08:55 AM
Parent: #1
| Quote: علي اقلية الشمال، وشخصي من افرادها، التحلي بضبط النفس، باعطاء مساحة كافية يعبر فيها المهمشوون عن حزنهم، احباطهم، بل وشكوكهم في نواياالقائمين بالامر، باعتبار مايحدث تعبير طبيعي عن غبن وقهر السنين، الممزوج باحباط وحزن عميقين. |
النبييييل بشاشا ولا نبي المهمشين أحسن !!!!!!
دعوة مضحكة بالفعل
شنو رايك نقول ليهم اتفضلوا خشوا بيوتنا واقتلوا واسرقوا واغتصبوا
توفير للوقت والجهد
بئس الرجال انت من يرى بأن كل ماحدث ويحدث مجرد تعبير عن الغضب والقهر !!
|
Post: #34
Title: Re: علينا التحلي بالصبر وضبط النفس.
Author: nada ali
Date: 08-03-2005, 09:04 AM
Parent: #1
التعازى لك اخ بشاشا
|
Post: #35
Title: Re: علينا التحلي بالصبر وضبط النفس.
Author: shiry
Date: 08-03-2005, 09:09 AM
Parent: #1
ااااالان
ااااالان فقط تطالب بالتحلي بالصبر وضبط النفس
لان بعد خربتها وازكية نار الفتنة بعنيقك
البوار على ابواق الخراب
ااااا الان وقد
افسدت الامل الذي كان في النفوس
ااااالان تجئينا عشاء تبكي
حتى لا نرى دموعك
ان كانت تهزئ من قتلانا
او هي دموع ندم ..
شخصيا يابشاشا احملك كل ما حدث في الخرطوم
لانك على الدوام كنت نذير شؤم على الوحدة
انت واحد من الذين قتلوا الوحدة وسيتحملون
نتائج الاستفاء الذي حدث
لانك مافتئت تنادي بالانتقام من الشمالييين
ثم تجئ الان تتحدث باستهذاء واستفذاذ
للدماء التي سالت والارواح التي زهقت
لا تستفذ حزن الناس يا بشاشا
لا تضحك على احزانهم ولا تتشفي في ابتلاءنا
انت شخص مريض .ذو خطاب عنصري كريه وعفن
ومع ذلك رغم الاحزان ورغم عدم الثقة الذي تهاوي واريق
سندعو الله ان يحقن دماء الابرياء ..
ومازال في النفس امل ان ينصلح الحال
ويعود بعض امل يصنع وعلى ماتبقى
التسامح والالتقاء من جديد
لا
|
Post: #36
Title: Re: علينا التحلي بالصبر وضبط النفس.
Author: Bashasha
Date: 08-03-2005, 11:50 AM
Parent: #1
Quote: ألا ترى بأن غياب قرنق رفع الستار
عن الهوس الديني ودلل على عجز سلطانه عن تأمين المواطنين؟ |
العزيز حيدر،
لااعتقد احجام سلطة الهوس، عجز بقدرما استراتيجة شرودة، تمكنهم من السلطة اكثر، وصولا للهدف الاسمي المتمثل في فصل الشمال وتتويج انفسهم ملوك علينا.
|
Post: #37
Title: Re: علينا التحلي بالصبر وضبط النفس.
Author: Bashasha
Date: 08-03-2005, 04:56 PM
Parent: #1
تراجي ياحليلك، مشتاقين.
فعلا د.قرنق فرقتو مابتسدا تب.
من بعد عقر دام خمسين سنة، رزقنا بي قرنق، الولد الحتالة، ولكن ربنا لي حكمة يعلما قرر استدعاء روح قرنق.
الي جنات الخلد، ياوالدا احبنا.
نفسي اقلد والدة السودان الجديد، ربيكا، وابكي واجعر بي طول حسي.
|
Post: #38
Title: Re: علينا التحلي بالصبر وضبط النفس.
Author: عبدالماجد فرح يوسف
Date: 08-03-2005, 05:03 PM
Parent: #37
اخي بشاشا
علي كل ابناء الوطن التحلي بالصبر وضبط النفس
|
Post: #39
Title: Re: علينا التحلي بالصبر وضبط النفس.
Author: Bashasha
Date: 08-03-2005, 07:06 PM
Parent: #1
تراجي شكرا للاهداء، والتحية موصولة عبرك للشاعرة عالية.
|
Post: #40
Title: Re: علينا التحلي بالصبر وضبط النفس.
Author: bint_alahfad
Date: 08-03-2005, 07:23 PM
Parent: #39
Quote: الحكيم
الصبور
العليم
الحليم
الرؤف
الخبير
الكريم
القدير |
تعاذينا تراجى واقدر حزنك النبيل, لكن الاسماء ده مش اسماء الله الحسنى? فكيف يشارك قرنق المولى عز وجل فى اسماءه وصفاته???
وفى امان الله
لا اله الا الله
|
Post: #41
Title: Re: علينا التحلي بالصبر وضبط النفس.
Author: Muhib
Date: 08-03-2005, 08:07 PM
Parent: #40
الاخت بنت الاحفاد
اسمحي لي بالاختلاف هنا معك ..نعم هذه اسماء الله الحسني لكنها في نفس الوقت صفات يمكن ان يوصف بها انسان ..بالطبع صبر او حلم او لطف المولي عز وجل ليس كصبر او حلم انسان ..لاغضاضه we can say بان فلان حليم ..صبور ..لطيف ..وبالطبع لانقصد المقارنه بين الخالق والمخلوق ....وعزرا ياعزيزي كمال بشاشا للتدخل في مسار البوست وارجوا ان لايتحول مسار وموضوع البوست وبالمناسبه اتفق معك فيه ..
|
Post: #42
Title: Re: علينا التحلي بالصبر وضبط النفس.
Author: Bashasha
Date: 08-03-2005, 08:22 PM
Parent: #1
نصرالدين صلاح، مرحب بيك.
مافي زول قال ليك ماتدافع عن نفسك او حرمة بيتك، وانت عارف كده، لكنك كايس تتهكم، كتغطية للحرقص الجواك.
صدقني بقرا دواخل تحاملكم علي غير الجلابة، كماراحة اليد.
|
Post: #43
Title: Re: علينا التحلي بالصبر وضبط النفس.
Author: Bashasha
Date: 08-03-2005, 08:42 PM
Parent: #1
احمد امين هلت البشائر، والله مشتاقين.
|
Post: #44
Title: Re: علينا التحلي بالصبر وضبط النفس.
Author: NASERELDIN SALAH
Date: 08-03-2005, 09:52 PM
Parent: #43
Quote: نصرالدين صلاح، مرحب بيك.
مافي زول قال ليك ماتدافع عن نفسك او حرمة بيتك، وانت عارف كده، لكنك كايس تتهكم، كتغطية للحرقص الجواك.
صدقني بقرا دواخل تحاملكم علي غير الجلابة، كماراحة اليد. |
بشاشا انت لا تعرفني !!!!!!!!!
اما دفاعي عن نفس فهو حقي لم يخلق من يسلبه مني بعد !!
اتحامل علي كل من يعتدي علي حقوقي !!!! مهما كان نوعه او شكله
اما الحرقص فلا يوجد لدي اي من انواعها
الم اقل لك انك لا تعرفي !!!!!
هل ضبط نفسك يا اخي بشاشا ؟؟؟؟؟؟؟
اين ؟
|
Post: #45
Title: Re: علينا التحلي بالصبر وضبط النفس.
Author: عبد المنعم ابراهيم الحاج
Date: 08-03-2005, 10:17 PM
Parent: #44
الموت
غابة ابنوس
مكلومة ..
وجرح هشابة
وسافنا كبا
حزنها
للرحيل ..
كيف تمضي
والبلاد تهيئ
عرسها..
وتعجن طينة احلامنا الكبيرة..
لترسم اطفالا للفرح الآتي
من سيعطي شجر الاسئلة
الحيرى ثمر الاجابة..
ونهر الافكار دلتا عامنا
القادم..
كيف تمضي قبل ان
يحل السلام لثغته
وقبل اكتمال النشيد،
في وتر الفجر
حين تكون الشمس
خارجة من نزيفها ..
كيف يكون الموت لازمة للولادة الجديدة
في مشرق الصحو
حين تمضي جنوبا..جنوبا
في زمن الفجاءة
يعلنك الغياب ..
|
Post: #46
Title: Re: علينا التحلي بالصبر وضبط النفس.
Author: Bashasha
Date: 08-04-2005, 10:37 AM
Parent: #1
.*.
|
Post: #47
Title: Re: علينا التحلي بالصبر وضبط النفس.
Author: Bashasha
Date: 08-04-2005, 11:14 AM
Parent: #1
| Quote: بئس الرجال انت من يرى بأن كل ماحدث ويحدث مجرد تعبير عن الغضب والقهر !! |
نهال كرار مرحب بيكي.
قلتي علي بئس الرجال؟
قطع شك الغضب عامييكي.
جميل جدا.
ده دليل عافية.
عسي ولعل غضبك ده، يتحول الي هزة نفسية وعقلية كبيرة، تزيل ركام الشمع من اذنيك عشان ماتسمعي وللمرة الاولي.. تزيل "القضي" من عيونك عشان ماتشوفي وللمرة الاولي..
عمرك ده كلو ابدا ماشفتي غير روحك او غير عشيرتك الشمالية الجلابية.
موت الملايين ابدا ماحرك فيكي ساكن، لانو جلد الدينكاوي ولا الزاندي، ماجلدك.... او عشان شهرو، ما ليكي فيهو، ولا بتعدي ايامو!
فكوني رجل ضميرو مثقل بي ماسي الاخرين، لايجعل منا بئس الرجال، ياست البنات لي حدهن!
|
Post: #48
Title: Re: علينا التحلي بالصبر وضبط النفس.
Author: نهال كرار
Date: 08-04-2005, 02:09 PM
Parent: #47
Quote: عمرك ده كلو ابدا ماشفتي غير روحك او غير عشيرتك الشمالية الجلابية.
موت الملايين ابدا ماحرك فيكي ساكن، لانو جلد الدينكاوي ولا الزاندي، ماجلدك.... او عشان شهرو، ما ليكي فيهو، ولا بتعدي ايامو! |
أثر فيني أو لم يؤثر كيف لك أنت تعلم !!!؟؟ أم علينا أن نؤمن بنظرياتك الوهمانه لتشهد لنا بالضمير الحي
| Quote: فكوني رجل ضميرو مثقل بي ماسي الاخرين، |
والله يابشاشا جملتك دي ضحكتني بالجد
|
Post: #49
Title: Re: علينا التحلي بالصبر وضبط النفس.
Author: Bashasha
Date: 08-04-2005, 07:21 PM
Parent: #1
الغالية، د.ندي علي، نور بوستنا.
الا ليت الجندريات، يعدن يوما، لاخبرهن بما فعل المغيبو!!
ياحليل، ايام رودا، ايام ندي الاخري، ايام اشراقة، ايام رجاء، ايام بيان، ايام ايمان، ايام راوية ايام اماني، او حتي ايام نجاة محمد علي!!
سعيد العشت او شفت ايام مجد الجندريات بالمنبر.
قالوا بلدا يغيب فيهو التمساح، يقدل فيه الورل!
ورلات المنبر يادكتورة ما لهن حد!
الغريبة كلهن ظلاميات، جلابيات، او مستعلواتيات الامن عصم!
انا عارفك ذي الكلام ده مابعجبك، لكن نقول شنو!
مرحب بيكي، او ياريت ترجعي ليناالطيور المهاجرة.
معزتي.
|
Post: #51
Title: Re: علينا التحلي بالصبر وضبط النفس.
Author: humida
Date: 08-04-2005, 07:37 PM
Parent: #49
Quote: لن نضيع نضال (21) عاما من عمر الراحل ..وسنحافظ على السلام ..فارتاح قلبى ..
|
دا كلام باقان أموم للاستاذة نادية عثمان
في بوست دينق
وبرضو تقول لي البطل داير ينتقم من الخيانة .. !!!!
|
Post: #52
Title: Re: علينا التحلي بالصبر وضبط النفس.
Author: humida
Date: 08-04-2005, 07:51 PM
Parent: #51
| Quote: وكماقالت البجعة في كتب المطالعة |
بعد درس البجعة دا طوالي
وفي صفحة 28 قبل درس القرد الاعمش
ذكروا قصة وفي نهايتها حكمة بتقول
عدو عاقل .. خير من صديق جاهل
بتكون مرت عليك .. بحكم التجربة .. !!
|
Post: #53
Title: Re: علينا التحلي بالصبر وضبط النفس.
Author: Bashasha
Date: 08-04-2005, 08:40 PM
Parent: #1
| Quote: شخصيا يابشاشا احملك كل ما حدث في الخرطوم |
عيييييييييييييييييييييييييييييييييييييك!
الشهادة لله!
شيري برضوي مرحب، لانك في داري.
قلتي لي كنت نزير شوم للوحدة؟
هو بالله انتي من دعاة الوحدة؟
كيف يعني؟
الانا عارفو، كقاعدة، الشمالي تلقائيا انفصالي، ولايمكن يكون وحدوي!
ليه او كيف؟
لانو بفتكر روحو عربي، او غير الشماليين افارقة.
او بي منطق الذهنية الجلابية، ده لمان نترجمو علي الشريط يعني:
الشمالي حر ودبلد، اوغير الشماليين عبيد، قدمو من كوكب اخر!
علي كده يستحيل تطلع السيد للاتحاد مع عبده!
ده السبب الجلابة الحقو بيه ارض السود بالعالم العربي، اولمان غير العرب "الفروخ" رفضو ذلك، الشماليين اعلنو الحرب ثم الجهاد لتعريب الافارقة، وفرض سيطرتهم بالحديد والنار، وكنتيجة ماتو ملايين.
فواضح من الكلام انك كشمالية ومتوهمة عروبة عمرك مافكرتي في وحدة، عشان بشاشا يكون نذير شوم ليها!
ياحليلك يابشاشا!
علي كده مافاهم كيف امكنك تحميل مسؤلية السوتو كريت الجلابية، او لقتو في جلدا، لي بشاشا المسكين؟
ده منطق وين ده؟
لو سويتو البقولو بشاشا، لكنا اليوم ابرز قوة اقليمية علي مستوي القارة كلها، كاغني واقوي دولة والاكثر تقدما!
في امريكا من حيث النفوذ كنا حنكون ثاني دولة بعد اسرائيل، بي نفوذنا في اوساط الافارقة الامريكان!
الشرط الاساسي لي ده كلو، انكم ياالشماليين تتخلو عن وهم انكم عرب!
ذي ماشايفة الوهم ده مكلف لدرجة مهلكة خلاس!
اها قلتي شنو؟
|
Post: #54
Title: Re: علينا التحلي بالصبر وضبط النفس.
Author: humida
Date: 08-04-2005, 08:50 PM
Parent: #53
عارف يا استاذ بشاشا
حكاية حر وعب وجلابي
دي ما بهتم بيها الا زول ما عندو هوية
ذي ما قالوا اهلنا الجلابة
العارف عزو مستريح
شوف ليك جهة انت ارقد عليها
لا الشماليين بقبلوك
ولا الجنوبيين بشكروك علي الاساءة اليهم بالطريقة دي
واقع في النص انت
وكتير في مجتمعاتنا بتاعت الجلابة
بنقبل الجنوبي اكتر من قبولنا ليكم
منظركم واحد .. ما داير اقوله ليك
وشغلتكم واحدة ..
عشان كدا بتهمك التصنيفات
عشان ما عارف واقع وين
اتمسح كويس .. لسع ما اتجلبطت سمح .. !!
|
Post: #55
Title: Re: علينا التحلي بالصبر وضبط النفس.
Author: Bashasha
Date: 08-04-2005, 09:15 PM
Parent: #1
عبدالماجد فرح يوسف يامراحب. شكرا للمرور.
|
Post: #56
Title: Re: علينا التحلي بالصبر وضبط النفس.
Author: Bashasha
Date: 08-04-2005, 10:32 PM
Parent: #1
| Quote: فكيف يشارك قرنق المولى عز وجل فى اسماءه وصفاته?? |
بت الاحفاد مرحبا.
اهو ده ذاتو شغل البتكجنو، تحدر لي في الضلام!
يعني لوقلنا مثلا بت الاحفاد كريمة، هل يعني هذا ان بت الاحفاد تشارك ربنا في الكرم؟
ياعزيزتي،
التوحيد في ثقافتنا الافريقية، ممارسة ورياضة روحية وبدنية شاقة جدا جدا، او عمرو ماكان تجريد عقلي، نصوصي، طقوسي، يدرس في المدارس، او يحضرو فيهو الدكتوراة، كماهو حال التوحيد الوافد الي الثقافة العربية والغربية، معا!
فلمان تحتجي علي مشاركة انسان ما، لي ربنا في صفة من صفاته، فانتي بتجسمي ربنا من حيث لاتشعرين!
طبعا، كلامنا عن التوحيد مثلا، مقرون بي ثقافة مجموعة بعينها، بضرس سنونك!
حبيت اقول ليكي انا واعي للحتة دي في طريقة تفكيرك!
|
Post: #57
Title: Re: علينا التحلي بالصبر وضبط النفس.
Author: محمد الامين احمد
Date: 08-05-2005, 04:53 AM
Parent: #1
السيد / بشاشا الامير الكوشى الجلابى بن الجلابى
بالله اولا كان عندك اعتراض على اى كلمة من ديل كلمنى ، عشان ما نكررها
ندخل فى الموضوع بعد ده
كاتب موضوع عنوانو جميل من بره و من جوه يعلم الله
| Quote: ((علينا التحلى بالصبر و ضبط النفس)) |
و اول جملة لديك تقول | Quote: ((علي اقلية الشمال)) |
يعنى مكاوه ، يعنى او القصيدة كفر، يعنى بتقول حاجة و تعمل عكسها
نجى بعد ده نشوف الكذب المنبرى السيبريى الـ على اصلو
| Quote: وشخصي من افرادها، التحلي بضبط النفس، باعطاء مساحة كافية يعبر فيها المهمشوون عن حزنهم، احباطهم، بل وشكوكهم في نواياالقائمين بالامر، باعتبار مايحدث تعبير طبيعي عن غبن وقهر السنين، الممزوج باحباط وحزن عميقين. |
كتب السيد ياسر حنا التالى
Quote: وكان عليهم وبحكم منصبهم ودورهم في المجتمع ان ينصحوهم بأن يتوكلوا على الحي الذي لا يموت و أن يغتسلوا ويتوضؤا وأن يتحلوا باحسن ما لديهم من ملابس وان يستغفروا الله العظيم الذي لا اله الا هو ثلاثا وان يتوبوا اليه توبة نصوحة وأن يصلوا ركعتين لله وان يوصوا انفسهم واهليهم بتقوى الله
ثم يخرجوا الى الشارع وان يستلقوا على الارض وان يتل للجبين ثم يشهد ان لا الله الا الله محمدا رسول الله ثلاثاً ثم يغمض عينيه، اما من كان جباناً او مرعوبا فعليه ان يعصب عينيه اما من كان رعديداً فعليه ان يبحث على من يثق فيه ويطلب منه ان يشد وثاقه الى الارجل واليدين ثم يعصب عينيه ويتشهد
فإن الموت حق، وان الموت يدرككم حيث ما كنتم ومامن نفس الا ذائقة الموت، فلا تموتوا الا وانتم مسملون.
وذلك حتى لا تتأذى مشاعر إخوانكم الجنوبين إذا ما حاولوا مقاومتهم، فإن ذلك ليس بمحمود لما فيه من ضرر على البلاد والعباد فعليهم التحلي بالصبر والصلاة ونبذ العنف والعنصرية وادانة كبح جماح كل من تسول له نفسه بالتفكير في المقاومة، فالموت حق والحياة باطل ولا نامت أعين الجبناء |
و بناء عليه ، لو كنت صادقا فيما قلت ، او فى ما سوف تقوله، لكنت قطعت تذكرة طيران حلا و نزلت الى السودان انت و عائلتك الكريمة (اصحاب الحظوة بالميلاد) ، و جلستم فى الشارع مرابطين ليلا رابطين اعينكم مقدمين رقابكم، لان ما طرحه ساير يتوافق تماما الى ما دعيت اليه، لكن طبعا و لانك جلابى اصيل، ما حيهمك الموضوع كتير و حتكون قاعد من برجك العالى فوق ، و تأمر فى الناس اعملو ده و سيبو ده ، و طبعا ما داير تغبر (مركوبك) بوسخ الارض، طبعا حتكون حجتك الشغل و المدارس و اسعار التذاكر الخ الخ الخ
كلام فى كلام ،و الجمل ما بيشوف عوجة رقبتو ، ولا شنو يا ... بشاشا
Quote: ورلات المنبر يادكتورة ما لهن حد!
الغريبة كلهن ظلاميات، جلابيات، او مستعلواتيات الامن عصم!
انا عارفك ذي الكلام ده مابعجبك، لكن نقول شنو!
مرحب بيكي، او ياريت ترجعي ليناالطيور المهاجرة. |
ما قلت زول دغرى و ما بتحبب الغتغتة ، ولا الطبع الجلابى الجبهجى غلب عليك
قولها عديل زى منو ؟؟؟؟؟
|
Post: #58
Title: Re: علينا التحلي بالصبر وضبط النفس.
Author: نهال كرار
Date: 08-05-2005, 06:02 AM
Parent: #1
| Quote: الغريبة كلهن ظلاميات، جلابيات، او مستعلواتيات الامن عصم! |
شكرا بشاشا على المطاعنة
ماتخليك دغري أخير
وياريت لو تبعد عن موضوع الإستعلاء دا
لأنو لو في واحد مستعلي على الفاضي فهو انت
قايل نفسك عالم وصاحب نظريات !!
ومتخيل انك نبيل تخلى عن أهله الجلابة ليشعر بمعاناة المهمشين من غير الجلابة
شفتو النبل دا عليكم الله
والله أنت الوهم العايشو دا صعب تفوق منو
|
Post: #59
Title: Re: علينا التحلي بالصبر وضبط النفس.
Author: حيدر حسن ميرغني
Date: 08-05-2005, 06:29 AM
Parent: #58
الاخ الفاضل بشاشا
لله درك وانت تنادي بما ردده الثائر العظيم مارتن لوثر كنغ
(السلام الحقيقي ليس مجرَّد غياب التوتر؛ إنه إحقاق العدالة)
و
(إن ثمرة اللاعنف هي المصالحة وإيجاد المجتمع الحبيب)
مااروعه ثائر
|
Post: #60
Title: Re: علينا التحلي بالصبر وضبط النفس.
Author: Bashasha
Date: 08-08-2005, 02:35 PM
Parent: #1
.*.
|
Post: #61
Title: Re: علينا التحلي بالصبر وضبط النفس.
Author: Bashasha
Date: 08-08-2005, 06:35 PM
Parent: #1
العزيز محب، مرحب بيك.
|
Post: #62
Title: Re: علينا التحلي بالصبر وضبط النفس.
Author: Bashasha
Date: 08-08-2005, 08:57 PM
Parent: #1
عبدالمنعم ابراهيم الحاج، مرحب بيك او شكرا علي الابيات.
|
Post: #63
Title: Re: علينا التحلي بالصبر وضبط النفس.
Author: Bashasha
Date: 08-09-2005, 11:11 AM
Parent: #1
| Quote: أثر فيني أو لم يؤثر كيف لك أنت تعلم !!!؟؟ أم علينا أن نؤمن بنظرياتك الوهمانه لتشهد لنا بالضمير الحي |
نهال كرار مرحب.
كونو موت الملاييين من غير الجلابة، لايحرك في الجلابيات امثالك ساكن فهذه حقيقة ممهورة بدم اكثر من 2,000,000 في الجنوب وحده، اوماداير ليهو درس عصر! بالعدم من اول 35 الحرب كانت وقفت من الخمسينات!
اها، مرسيل خليفة اخبارو شنو!
|
|
|