هذا العرضحال إلى الأخ المهندس بكري أبو بكر

الغالي منصور المفتاح
أرجو رفع هذا العرضحال إلى الأخ المهندس بكري أبو بكر
مشفوعا بتوصيتكم. ولك ما تستحق يا أفضل الناس.



يا بكري المهندس جيتا قاصد خير
ناشدك بس تتم فضلا بذلتو كتير
هادا المنبر الـ أصبح يلالي منير
شال في بطنو سوداننا وبقالو سفير

أقدم عرضحال مشفوع بما أعلاه
وقدامي الشفيع المافي زول ذمّاه
منصور الجميل يمدد إليك يداه
أجبر خاترو ياخي وضيفني في وزراه

من ناحية لوايح .. حافظا وقاريها
موافق بيها، باصم بي الأيادي عليها
متعهد أضيف دررا يسيل واديها
بحرك ما أظنو القطرة يبخل بيها

من تالاي واثق فيك ومرتاح بالي
نعمن فضلكم ذكروا الكتار قبالي
كذلك بي قفاي منصور شفيع آمالي
باقيلك بيمرق من ديارك خالي؟

تشكر اكان رضيت.. وان ما رضيت لي تسلم
فضلك لينا سابق وخيرو لينا اتقدّم
ساكت بقرا زي ما كت قبيل ما بندم
واسأل ربي يحمي بناك ما يتهدم

ودعقيد

تمت.. حكمتك يارب .. تعظم شانك
واصلي علي المكمل الختم نبيانك
يا بكري الحبيب شكرا يزيد ميزانك
مكرر لي السمح.. منصور.. ولي اخوانك

ودعقيد

أول حاجة يا منصـور شكر بالـــكوم
فضلك حافظو لامن يبقـى يوم الــيوم
انت ابو المكـارم اخويا خاتي اللوم
سألت الله الكريم يحميك محل ما تحوم

شكري بطبقو لي بكري الكريم في أصلو
صاحب المنبر المحبوب لكل من وصلو
مدرسة الجميع .. البرّة .. والفي فصلو
للحلوين محلا.. وللمعيق حاد نصلو

مرحب بيك يا عقيد و زيك ماني قديم
في منبرنا الصار دون
المنابر شانو عظيم
بسال ربنا اليوت كريم و حكيم
يحفظو من زولا
فكرو... غشيم
طير عيشة بلدنا خلاها هشيم
اصلي مازول مسدار الا بيه فهيم
والي

مرحب بيك يا والي
تعال داخل طوالي
شكرا ليك يا غالي
كلامك طيب وحالي


ودعقيد