Post: #1
Title: شبكات إجرامية وعملبات تزوير فى الأراضى (( أوع تقع أمطجوك ))
Author: ادم الهلباوى
Date: 07-27-2005, 03:53 PM
بسم الله الرحمن الرحيم
نقلا عن صحيفة الانباء الاتى :
كشف وكيل اعلى نيابة مخالفات الاراضى عبدالمجيدعوض عبدالمجيد عن اساليب
تم اكتشافها اتخذت من قبل شبكات إجرامية لبيغ الاراضى تتعلق فى مجملها بعمليات
تزوير تطال المستندات والاوراق الثبوتية ونسخ شهادات البحث التى تستخرج بموجب
موثق وهمى وغبرها ، حيث تمثل فى ظاهرها ميتندات سليمةبفضل عمليات التزوير والتى
تحدث مجموعة من الاشكاليات القانونية والضحايا بما فيهم الموجودين خارج البلاد والذين
يكتشفون عقب عودنهم بيع اراضيهم عبر توكيلات مزورة . ( إتنهى )
هذا جزء من الخبر مثار البحث والتقصى والتنوير والتعليق وبدائل الحلول
اولا اين امن المواطن ؟ بس فالحين لى فى مطاردة الناس
ثانيا دائما شغل الجهويات والعنصرة يوصلنا لجنس ده
اما السؤال المهم كيف وصل هؤلاء الابالسة الى قطع الاراضى ومستندات الناس اقصد الناس
الموجودين خارج البلاد ؟ انا غايتو حسبتها ماظبطت معاى .. لان أسماء هؤلاء ومستنداتهم فى
سجلات الاراضى اقصد طبعا ناس الخارج لكن فلبى بقول لى الموضوع ده من داخل المكاتب
يعنى شيلنى واشيلك ما إنت اصلك من شلتنا وود حارتنا ودقى يا دربكه
والسؤال المحير لماذا هذه الكشة الان بالذات ؟ المظلومين ما بكوا من زمان لسع المطلوب كثير وإذا قلت البقرة فى الابريق يقولوا ليك انت عنصرى ومافاهم حاجة!!!!
افيدونى افادكم الله
|
Post: #2
Title: Re: شبكات إجرامية وعملبات تزوير فى الأراضى (( أوع تقع أمطجوك ))
Author: المهدي صالح آدم
Date: 07-28-2005, 01:01 AM
Parent: #1
الهلباوي
كيف حالك يا رجل
وينك والحاصل شنو ليك مدة ما بنتا وما بترد على الجوال؟؟
حاول اتصل بي
اما فيما يتعلق بالاراضي ياخوي دا موضوع طويل واكثر عمليات غسيل الأموال في السودان دخلت في هذا المجال لكن لما يكن الحرامي مواطن عادي وعصابة من زمرة الشعب المغلوب على أمره الواحد قد يبحث عن بعض المبررات لكن ما بالك لما يكون الحرامي هو السفارة ومحسوبيها ومنسوبيها يصوروا ليك مخطط تحلف تقول دا في الشانزليزية وتشتري فيه بالدولار وتمشي تلقاه تلقاه أرض منبسطة قحطاء وجرداء واقرب للأبيض من أمدرمان وتركب ليك 4 مواصلات وتشيل ليك زوادة عشان تحصل قطعتك دا اذا بقيت محظوظ ولقيت قطعة أصلا.
المهم نحن شعبي مبتلى ومصاب والمؤمن مصاب.
|
|