مشروع سندس

انتو مشروع سندس ده قصتو شنو كلما مره افتتاح وكلما مره يبشرونا بيهو انا عايز اعرف حكايتو وبعدين جغفر الصافى ده شنو
فهمونا المشروع ده مسكون ولا شنو وجعفر الصافى ده ساحر ولا حاوى ولا بهلوان

سلام اخوي ودالزين انا ياني زيك ما فاهم حاجه !!
ما عارفو ده مشروع صناعي والا زراعي. لكن بي غادي قالوا عليهو
مشروع مأكله(اكل ساكت)، بتعلفوا منو عشره سنوات ولسع ماشبعو
انت شفت حاجه شئ سندس وشئ زهرة البستان وكلها حتظهر قريب
فساد في فساد
تقعد عافيه لحدما نعرف سندس دي منو!!

الأخ ود الزين
بديت ليك موضوع طويل و مثير, و انتظرنا تواصل فيه انت أو أى واحد عنده معلومة لكن الموضوع غطس من غير ما يجذب أى اهتمام. أقترح انك تعيد فتح الموضوع بعد تغير العنوان ليواكب الاثارة و السخونة التي تجذب البورداب.
على العموم أنا بافتكر ان الموضوع ما ينسكت عليه, و كويس انك سلطت الضوء على ركن منسي و منزوي من أركان الفساد. و عدم التعليق على الموضوع يشكل مؤشر خطير يدل على أن هنالك الكثير من قضايا التعدي على المال العام تم اخفاؤها بعناية, و تم التعتيم عليها لدرجة أن الناس يمروا عليها مرور الكرام. و الحقيقة لا يمكنني الا الاعتراف بقدرة شيخ الصافي الفائقة على التمويه لأنه واعظ متمكن له قدرة على جذب الانتباه و السيطرة على قلوب المستمعين و دموعهم.
من أول مشاكل مشروع سندس أن تنفيذه استمر على مدى خمسة عشر عاما و لم يكتمل حتى الآن, و قد استغرق تنفيذ هذا المشروع الصغير نسبيا ما يفوق فترة تنفيذ مشروعات الجزيرة و المناقل و الرهد و حلفا مجتمعة. و طبعا طول فترة التنفيذ يؤثر سلبا على المشروع لأنه يجمد أموالا طائلة لفترات طويلة , و لأن ما تم تنفيذه قد تعرض للتدهور و فقد جزء كبير من قيمته حتى قبل بدأ الاستفادة منه, و كل ده بيؤدي للتأثير سلبا على جدوى المشروع, و التي هي في الأساس مشكوك فيها, و هذا موضوع سوف أتكلم عنه مع أوجه القصور الأخرى لاحقا.
هذه مجرد مقدمة لرفع هذا الموضوع للسطح مرة أخرى و أرجو أن يتم تسليط الضوء على خباياه