Post: #1
Title: رحبوا معي بوالدتي ..وهي تحل ضيفة علي ..
Author: luai
Date: 07-17-2005, 10:23 AM
Parent: #0
امراة من رحيق الورد ..والقرنفل والياسمين ..
في ملامحها طيبة اهل السودان ..وفي حكاويها وصمتها ومشيها اصالة اهل السودان ..
اصدقكم لا تكبرني كثيرا وانا بكرها ..(تضحك عندما اقول لها ذلك ) فما بيني وبينها قد لا يزيد عن 18 عاما ..
في قسماتها صبر الام (السودانية ) القائدة والرائدة لاسرتها ..
تقود سفنية الاسرة بحنكة واقتدار منذ رحيل الوالد في شتاء ذلك العام القاس 1999م
وتحت قيادتها ..وأمرتها ..تغني العنادل والعصافير والطيور ..
في يوم الخميس الفائت وصلت ..
بعد ان كاد ان ينقضي اجل (الفيزا) والزيارة التي ارسلتها لها منذ اربعة اشهر - فلم تدخل جوازها للسفارة الا بعد ان بقي لانتهاء الزيارة (اسبوع واحد)- ولم تتحرك في اتجاهي الا بعد ان بقي لتأشيرتها ( 48 ساعة ).
- يعني مستغنية وما عايزه تجيناوالله بقيت تقيله ( قلت لها ذلك عند استقبالها)
- والله يا ولدي ..الخريف ما بتفوّت في السودان ..
- اها الناس كيف والخالات والعمات وحبوبه وجيرانا ..
- كلهم كويسين ومبسوطين الحمد لله -ما دام (ناسكم) ديل اتفكوا مننا وريحونا
- يا حاجة انت لسه ما خليتي المعارضة بتاعتك ..ولسه طابورخامس زي ماقال ليك حاتم
اواصل
|
Post: #2
Title: Re: رحبوا معي بوالدتي ..وهي تحل ضيفة علي ..
Author: kamalabas
Date: 07-17-2005, 10:29 AM
Parent: #1
هنئيا لك بزيارةوالدتك ولم الشمل فهذه نعمة كبيرة يا لؤي
بس أنشاءالله تقدر تقنعك بأنو الأنقاذدي ما نافعة!!!!
|
Post: #7
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-17-2005, 12:43 PM
Parent: #2
كمال عباس تحياتي
وشكرا على مرورك وتحيتك ...المشكلة يا كمال الوالدة على طول
بدت لي رطل السكر وصل كم ...وتحلف ان فاتوره الكهرباء زادت والمويه زادت
ارتباطها بالانقاذ مرتبط (بقفة الملاح)...
تحياتي ،،،
|
Post: #3
Title: Re: رحبوا معي بوالدتي ..وهي تحل ضيفة علي ..
Author: بلدى يا حبوب
Date: 07-17-2005, 10:33 AM
Parent: #1
لؤى
الف حمد الله على سلامة الوالده مع التمنيات باجازة سعيده لها
تحياتى
|
Post: #4
Title: Re: رحبوا معي بوالدتي ..وهي تحل ضيفة علي ..
Author: Mohamed Doudi
Date: 07-17-2005, 11:11 AM
Parent: #3
ياالف مرحب واقامه سعيده ودعائنا اليك بان يجعلك الله دائما برا بوالديك لانهم طريق الجنه والنجاه من النار
|
Post: #5
Title: Re: رحبوا معي بوالدتي ..وهي تحل ضيفة علي ..
Author: Murtada Gafar
Date: 07-17-2005, 12:08 PM
Parent: #4
ياخي إنت سعيد جدا، ألف حمد الله على سلامتها و بلغها تحياتنا، و عافي منها المعارضة دي
مرتضى جعفر
|
Post: #6
Title: Re: رحبوا معي بوالدتي ..وهي تحل ضيفة علي ..
Author: محمدين محمد اسحق
Date: 07-17-2005, 12:32 PM
Parent: #5
الاخ لؤي ...
الف حمد لله علي سلامة وصول الوالدة اليكم ..
سلامنا وتحياتنا لها .....................
|
Post: #11
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-17-2005, 12:58 PM
Parent: #6
الاخ الكريم محمدين تحياتي وتقديري
وتشكر يا اخي على التحية والسلام - وحفظ الله كل الامهات - في كل مكان ..
المشكلة يا محمدين ان الوالدة الكريمة معارضة ...
تخيل ماذا قالت لي عندما قلت لها ان الحكومة عملت ليكم الزلط - قالت الزلط
غير الحوداث ما عمل لينا اي حاجة - احسن يخلونا بلا زلط ..
|
Post: #10
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-17-2005, 12:53 PM
Parent: #5
الاخ الكريم مرتضى جعفر تحياتي
والله يا مرتضى في قمة سعادتي لوجودها بيننا في هذه الفترة ..وتشكر على تحياتك التي
ستصلها - اما بخصوص معارضتها يا مرتضى - فالوالدة تعتقد ان كل شيء وراه دكتور الترابي
رغم ان الرجل بعيد عن السلطة -
لك تحياتي ...
|
Post: #9
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-17-2005, 12:49 PM
Parent: #4
الاخ الكريم محمد دودي ..
اولا امل ان تكون بلغت كامل الصحة ..بعد ذلك الحادث
وتشكر يا اخي على تحيتك ..(برا بوالديك ) والله تخيفني هذه الكلمة يا محمد ..
والله يا محمد اشعر ان هذه الدنيا لا تسوى شيء ..مقابل عظمة الوالدين ..
ووالله يا محمد اشعر انني لو حملت هذه الدنيا على راحتي وقدمتها لهما (الوالد والوالدة)
فكأنني لم افعل شيء ..
أسأل الله وحده ان يمنحنا الطاقة والقوة والايمان للبرّ بهما وهما احياء وأموات ..
لك تقديري
|
Post: #8
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-17-2005, 12:44 PM
Parent: #3
بلدي يا حبوب تحياتي
وتشكرات على الدعوات والسلامات
وتسلم يا عزيز
|
Post: #12
Title: Re: رحبوا معي بوالدتي ..وهي تحل ضيفة علي ..
Author: Dr.Mohammed Ali Elmusharaf
Date: 07-17-2005, 01:09 PM
Parent: #1
التحايا للوالدة العظيمة وعليك الله خلي بالك عليها....وكان اشتكت منك....حسابك عسير معاي
لك ولها الحب والاحترام وعارفينك ما بتقصر معاها اصلك ود رضاء بس مبارت الكيزان دي لو خليتي تكون ماعندك عوجه تب .
محبتي
|
Post: #13
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-17-2005, 01:21 PM
Parent: #12
دكتور محمد علي تحياتي وتقديري لك ...
وألف الف شكر على تحيتك وسلامك للوالده ..وهي في حدقات العيون باذن الله يادكتور
اما مبارت الكيزان عايز الصراحة ..يادكتور من زمن طويل ..عندما اعود متأخر
للبيت ..واغيب احيانا عن البيت اياما..كان صوتها وطنطنتها تصلني ..لاعتقادها ان دكتور
الترابي ما برتاح الا (يقرض) كل الشباب في السودان
لك تقديري ،،،
|
Post: #14
Title: Re: رحبوا معي بوالدتي ..وهي تحل ضيفة علي ..
Author: Dr.Mohammed Ali Elmusharaf
Date: 07-17-2005, 01:27 PM
Parent: #1
العزيز لوئ
لك ولها الاحترام والتقدير.
أخوك محمد المشرف
|
Post: #15
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-17-2005, 01:43 PM
Parent: #1
عندما ذهب اخي الاصغر للعمليات في الجنوب خلسة في النصف الثاني من التسعينات ..دون معرفة اي شخص وكان دون الثامنة عشر ...وذهب بارادته ورغبته ..
اقامت الدنيا ..بعد ان عرفت بفترة طويلة ..
وقد قضى فترة ليست طويلة اذا اعيد بعدهاللشمال ..لصغر سنه ..
لكن في فترة غيابه ..
كانت توزع بعض المؤن لاسر المجاهدين ...( شوال سكر وكذا )
قيل لي انها طردت الاخوان ( وقالت ليهم شيلو شوال سكركم وحاجاتكم وجيبوا الولد راجع )
وعندما عاد الى المنزل ..
وصلت مجموعة من المجاهدين للمنزل لتحيته ..(ولعلع الرصاص في سقف المنزل يومها )
وكان المحافظ معهم ايضا ...
قيل لي انها قالت (ما عايزين منهم تحية ولا يضربوا فينا رصاص ..ولايغشوه تاني عشان يسوقوه)
هداك الله يا امي ....كم احبـك !!
|
Post: #16
Title: Re: رحبوا معي بوالدتي ..وهي تحل ضيفة علي ..
Author: Yasir Elsharif
Date: 07-17-2005, 01:45 PM
Parent: #1
العزيز لؤي،
الحمد لله على سلامة الوالدة.. متعها الله بالصحة والعافية.. والبركة فيكم في فقد الوالد العزيز..
تحياتنا لكم جميعا..
ياسر
|
Post: #17
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-17-2005, 03:15 PM
Parent: #16
العزيز الدكتور ياسر الشريف تحية طيبة
الف شكر يا دكتور على التحية والدعوات للوالده ...والبركة في الجميع
لك التحية والتقدير ..على المرور والسلام ..
|
Post: #18
Title: Re: رحبوا معي بوالدتي ..وهي تحل ضيفة علي ..
Author: Elnasri Amin
Date: 07-17-2005, 10:16 PM
Parent: #1
الاخ الفاضل لؤى
الف حمدلله على سلامة وصول الوالده
وربنا يخلييها ليكم و تفرح بجديدكم انشالله
النصرى امين
|
Post: #19
Title: Re: رحبوا معي بوالدتي ..وهي تحل ضيفة علي ..
Author: المسافر
Date: 07-17-2005, 10:44 PM
Parent: #18
الشيخ لؤي
الحمد لله على سلامة الوالدة ووصولها طرفكم
ربنا يجمعكم على المحنة والمحبة
مع تحياتنا لأسرتكم الكريمة
محمد المسافر
|
Post: #20
Title: Re: رحبوا معي بوالدتي ..وهي تحل ضيفة علي ..
Author: زول ساكت
Date: 07-17-2005, 11:00 PM
Parent: #19
حمدلله على سلامة وصول الوالده يالؤي
ربنا يخليكم لبعض
بلغها تحياتنا
|
Post: #21
Title: Re: رحبوا معي بوالدتي ..وهي تحل ضيفة علي ..
Author: عبدالعزيز حسن على
Date: 07-17-2005, 11:44 PM
Parent: #20
أخي العزيز لؤي
الف الف حمدالله على سلامة الوالدة وركز واسمع كلامها كويس مادام رفضت تسمع كلامنا اسمع الوالدة
Quote: - كلهم كويسين ومبسوطين الحمد لله -ما دام (ناسكم) ديل اتفكوا مننا وريحونا-
|
Quote:
الوالدة على طول
بدت لي رطل السكر وصل كم ...وتحلف ان فاتوره الكهرباء زادت والمويه زادت
ارتباطها بالانقاذ مرتبط (بقفة الملاح)...
كانت توزع بعض المؤن لاسر المجاهدين ...( شوال سكر وكذا )
قيل لي انها طردت الاخوان ( وقالت ليهم شيلو شوال سكركم وحاجاتكم وجيبوا الولد راجع )
وعندما عاد الى المنزل ..
وصلت مجموعة من المجاهدين للمنزل لتحيته ..(ولعلع الرصاص في سقف المنزل يومها )
وكان المحافظ معهم ايضا ...
قيل لي انها قالت (ما عايزين منهم تحية ولا يضربوا فينا رصاص ..ولايغشوه تاني عشان يسوقوه)
|
Quote: امراة من رحيق الورد ..والقرنفل والياسمين ..
في ملامحها طيبة اهل السودان ..وفي حكاويها وصمتها ومشيها اصالة اهل السودان ..
|
التحية لها يا لؤي وكل الحب وما تقصر معها فى الاسواق يعنى
أدفع بالتى هى احسن
وإجازة سعيدة
تخريمة
يعنى انت برضه مناضل من الخارج ؟ متى تعود كما قال اخونا ناذر
|
Post: #25
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-18-2005, 09:10 AM
Parent: #21
الاخ الكريم عبدالعزيز حسن علي تحياتي وتقدير لك ..
وشكرا لك يا اخي على كلماتك الطيبات ..وباذن الله الوالده دائما في حدقات العيون
وعايز الصراحة انا عايز (اجنده ) خلال وجودهامعي او حتى ( احيده ) ساكت . رغم
علمي بصعوبة ذلك . بخصوص الاسواق اكيد رغم انها قالت انها تحمل طلبات الاخرين فقط
تخريمة
اما بخصوص العودة ..فاؤكد لك انها قريبة ..
|
Post: #24
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-18-2005, 08:59 AM
Parent: #20
الاخ الكريم زول ساكت تحياتي وتقديري
وشكرا يا عزيزي على التحية والسلام والمرور والدعوة
لك تقديري
|
Post: #23
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-18-2005, 08:56 AM
Parent: #19
الاخ الكريم محمد المسافر تحياتي وتقديري
شكرا على ترحابك وتحيتك وسلامك يا اخي ..وافتقد بوستاتك المميزة
اتمنى ان تخرج لنا ببوست (كارب) كده على شاكلة (بروس)
امل ان يكون قد انتهى موضوع البيت محل النزاع
لك تقديري
|
Post: #22
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-18-2005, 08:54 AM
Parent: #18
الاخ الاستاذ النصري امين تحياتي وتقديري ..
وسلمت يا استاذ وشكرا على التحية والسلام وشكرا على دعواتك ..
لك التقدير
|
Post: #26
Title: Re: رحبوا معي بوالدتي ..وهي تحل ضيفة علي ..
Author: سجيمان
Date: 07-18-2005, 09:47 AM
لوئ
حمد الله بسلامة الوالدة.... وبركة الشفتها وشافتك وبلت شوقا
وابقى عليها عشرة
معليش..والله كنت داير ادخل قبيل لكن كنت مشغول في معركة "ذات الغلاط"
|
Post: #28
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-18-2005, 12:51 PM
Parent: #26
سجيمان تحياتي وتقديري يا دكتور
وشكرا على المرور والتحية والسلام على الوالدة ..
اما (ذات الغلاط ) فقلت ليك من زمان ..لكن ما سمعت كلامي ..
اول ما يقولوا ليك ديمقراطيين وليبراليين وحقوق انسان اعمل الوصفة التالية!!
( تحسس مسدسك ) !!
|
Post: #27
Title: Re: رحبوا معي بوالدتي ..وهي تحل ضيفة علي ..
Author: الزوول
Date: 07-18-2005, 10:33 AM
Parent: #1
السلام عليكم
الأخ لؤي
حمدالله على سلامة الوالدة
وتحياتي لها وخلي بالك منها فلن تجد لها مثيلاً
وصدقني معظمنا يدرك هذه الحقيقة متأخراً
دائماً تجدني اردد استدلال أمير الشعراء أحمد شوقي للرحمة
في معرض مدحه للرسول ( صلى الله عليه وسلم)
وإذا رحمـت فأنت أمٌ أو أبٌ *** هـذان في الـدنيا هم الرحماء
وما الناس الا هالك وأبن هالك *** وذو نسب في الهالكين عريق
|
Post: #29
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-18-2005, 12:56 PM
Parent: #27
الاخ الكريم الزوول تحياتي وتقديري
وشكرا لك اخي الكريم على تحياتك وسلامك ودعواتك للوالده ..ونصيحتك الغالية
(خلي بالك منها ) والله يا الزوول يا اخي احس باني لو خلعت عيني ومنحتهما اياها
فلن تساوي جناح باعوضة امام قدرها ومكانتها ..
أساله جلت قدرته ..ان يهبني الجنة ..بها وحدها ..
لك تحياتي ،،
|
Post: #30
Title: Re: رحبوا معي بوالدتي ..وهي تحل ضيفة علي ..
Author: tmbis
Date: 07-18-2005, 12:59 PM
Parent: #27
العزيز لؤي
حمد الله الف على سلامة ست الحبايب
ربنا يخليها ليكم ..
وابقى مية عليها..
|
Post: #40
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 01:49 PM
Parent: #30
العزيز والغالي تمبس تحياتي وتقديري
شكرا لك اخي الكريم على تحيتك ودعواتك ..
وحفظ الله كل الامهات ..
(سابقى ميه عليها) انشاء الله يا اخي
لك تقديري واحترامي ..
|
Post: #31
Title: Re: رحبوا معي بوالدتي ..وهي تحل ضيفة علي ..
Author: ود المايقوما
Date: 07-19-2005, 00:56 AM
Parent: #1
|
Post: #42
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 01:53 PM
Parent: #31
ود المايقوما تحياتي وتقديري
والف الف شكر على التحية والسلام والدعوات التي هي اهم حاجة -تسلم يارجل
ولك تقديري واحترامي
|
Post: #32
Title: Re: رحبوا معي بوالدتي ..وهي تحل ضيفة علي ..
Author: هشام مدنى
Date: 07-19-2005, 01:17 AM
Parent: #1
الاخ الكريم لؤى
حمدلله على السلامة وربنا يدها طولت العمر
مع تحياتى لك واسرتكم الكريمة
|
Post: #33
Title: Re: رحبوا معي بوالدتي ..وهي تحل ضيفة علي ..
Author: خدر
Date: 07-19-2005, 01:20 AM
Parent: #32
بختكـ
قراريص ساااااااااااي اليومين ديل
حمدلله علي السلامة
|
Post: #34
Title: Re: رحبوا معي بوالدتي ..وهي تحل ضيفة علي ..
Author: خالد عويس
Date: 07-19-2005, 02:32 AM
Parent: #33
حمدا لله على سلامتها أخي لؤي وربنا يحفظها
|
Post: #45
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 01:57 PM
Parent: #34
اخي العزيز خالد عويس
تحياتي وتقديري وشكرا على التحية والسلام ..وسلمت يا ابورند
تحياتي وتقديري ..
|
Post: #44
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 01:55 PM
Parent: #33
الله يسلمك يا خدر يا اخوي
قراريص وبس !!
حاجات رمضان ذاته وصلت ..شفت الجيهة دي كيف !!
مع ودي
|
Post: #43
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 01:54 PM
Parent: #32
الاستاذ الاكرم والعزيز هشام مدني تحياتي وتقديري
وشكرا على هاللطلة والتحية ..وتحياتي وتقديري لك ولاسرتك الكريمة
مع تقديري
|
Post: #35
Title: Re: رحبوا معي بوالدتي ..وهي تحل ضيفة علي ..
Author: محمد السر
Date: 07-19-2005, 03:04 AM
Parent: #1
Quote: عندما ذهب اخي الاصغر للعمليات في الجنوب خلسة في النصف الثاني من التسعينات ..دون معرفة اي شخص وكان دون الثامنة عشر ...وذهب بارادته ورغبته ..
اقامت الدنيا ..بعد ان عرفت بفترة طويلة ..
وقد قضى فترة ليست طويلة اذا اعيد بعدهاللشمال ..لصغر سنه ..
لكن في فترة غيابه ..
كانت توزع بعض المؤن لاسر المجاهدين ...( شوال سكر وكذا )
قيل لي انها طردت الاخوان ( وقالت ليهم شيلو شوال سكركم وحاجاتكم وجيبوا الولد راجع )
وعندما عاد الى المنزل ..
وصلت مجموعة من المجاهدين للمنزل لتحيته ..(ولعلع الرصاص في سقف المنزل يومها )
وكان المحافظ معهم ايضا ...
قيل لي انها قالت (ما عايزين منهم تحية ولا يضربوا فينا رصاص ..ولايغشوه تاني عشان يسوقوه ) |
فعلاً يا لؤي.. ويُخرج الميت من الحي
عارف أنا لو لاقيت والدتك دي ،ألله يديها العافية، حا أوريها الوصفة السحرية البيها إنت تخلِّي مَباراة الضلالية ديل.. أقول ليها يا حاجة استعملي حق الفيتو!!!!!
(ما عافية منك يا ولدي كان ما....)
أتمنى لها إجازة سعيدة بصحبتك.
|
Post: #46
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 02:08 PM
Parent: #35
الاخ محمد السر تحياتي وتقديري
| Quote: فعلاً يا لؤي.. ويُخرج الميت من الحي |
لا يامحمد السر ..التغيير صعب وقاس بالتاكيد ..
والتجربة التي تسنم الاسلاميون فيها السودان ولازالوا فيها الكثير من المعاناة
والقسوة والاخطاء..لظروف عديدة لكن اؤكد لك ان السودان الان في الطريق الصحيح ..رغم وجود
العديد من الصعاب ..وهذا هو المطلوب ..
وتسلم يا سيدي ..
تخريمة :
عفوها ورضاها هو اقصى ما اتمناه صدقني ..والحب لها بلا حدود سواء كانت معنا أو (ما معانا) !!
|
Post: #36
Title: Re: رحبوا معي بوالدتي ..وهي تحل ضيفة علي ..
Author: المعتمد
Date: 07-19-2005, 03:48 AM
Parent: #1
الاخ لؤي
سلام
حمدا لله على سلامة الحاجة ان شاء الله ربنا يديها العافية والصحة.
لك الود
ولها مليون باقة ورد
|
Post: #37
Title: Re: رحبوا معي بوالدتي ..وهي تحل ضيفة علي ..
Author: banadieha
Date: 07-19-2005, 03:52 AM
Parent: #36
حمدالله على سلامة وصول الوالدة وإن شاء الله ربنا يردها سالمة غانمة لربعها وبلدها.
|
Post: #38
Title: Re: رحبوا معي بوالدتي ..وهي تحل ضيفة علي ..
Author: ادم الهلباوى
Date: 07-19-2005, 01:14 PM
Parent: #37
بسم الله الرحمن الرحيم
الله يسلمك ويسلمها ... ايها الابن البار
جيدا جات
|
Post: #39
Title: Re: رحبوا معي بوالدتي ..وهي تحل ضيفة علي ..
Author: bint_alahfad
Date: 07-19-2005, 01:46 PM
Parent: #38
الاخ الكريم لؤى
السلام عليكم ورحمة الله وبركاته
الف حمدالله على سلامه الوالده ومتعها الله بالصحه والعافيه وجعلك بارا بها
وضعها فى حدقات العيون
وفى امان الله
لا اله الا الله
|
Post: #50
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 02:16 PM
Parent: #39
الاخت الكريمة بنت الاحفاد
السلام عليكم ورحمة الله
شكرا لك اختي الكريمة على تحيتك ودعواتك للوالدة بالصحة والعافية
وحفظ الله الامهات في كل مكان ومتعهن بالصحة والعافية ..
هي في الحدقات باذن الله ..ولك شكري وتقديري ..
|
Post: #49
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 02:13 PM
Parent: #38
الاخ الكريم ادم الهلباوي تحياتي وتقديري ..
اللهم امين ويسلم كل امة محمد ..
وكم كم اتمنى ان اكون بارا بها وانال رضاها ..
فالجنة تحت اقدامها كما تعلم ..شكرا على دعواتك وسلامك
لك ودي وتقديري
|
Post: #48
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 02:11 PM
Parent: #37
بناديها لك الود والتقدير
وشكرا على المرور والتحية والسلام والدعوة بالعودة سالمة
اما غانمة دي ماعارفه كيف
لك تقديري
|
Post: #47
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 02:10 PM
Parent: #36
الاخ الكريم المعتمد تحياتي وسلامي لك
وتشكر يا اخي على تحيتك وسلامك ودعواتك ..وغاية هذا البوست صدقني
هي هذه الدعوات لها ..
لك ودي وتقديري ..
|
Post: #41
Title: Re: رحبوا معي بوالدتي ..وهي تحل ضيفة علي ..
Author: Osman M Salih
Date: 07-19-2005, 01:51 PM
Parent: #1
الأخ لؤي
تحيةً أضم بها صوتي لركب الحامدين
للخالق عنايته بالوالدة حتى وصولها
إليكم سالمة
|
Post: #51
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-19-2005, 02:18 PM
Parent: #41
الاخ الكريم عثمان محمد صالح تحياتي وتقديري
والتحية والشكر والتقدير موصول لك ايضا على تحيتك وسلامك
والتحية والحمد لله الذي جمعنا في هذه الساحة على الخير باذنه
لك تقديري واحترامي
|
Post: #52
Title: Re: رحبوا معي بوالدتي ..وهي تحل ضيفة علي ..
Author: Tragie Mustafa
Date: 07-19-2005, 09:15 PM
Parent: #1
الاخ لؤي
حمد لله على سلامة الوالده
وبركه الشفته طيبه.
بس اتزكر كل ما تملاء عيونك منها وتحس بأمان العالم كله لوجودها جنبك
كم من بنات و ابناء دارفور حرموا من هذه النعمه.
وعندما تحس بحنانها وخوفها عليك وقلقها عندما تتأخر قليلا عليها
ورغم محاولاتك طمأنتها بعبارة يا و الده ما تخافي علي
وتأكيدها لك كيف ما اخاف عليك
تزكر احساس امهات دارفور الذين القي اطفالهم فى النار وصدقني
هذا ليس فيلم هندي انه حقيقه لكن انتو ناس الجبهه نكرتوها
وادعيتوا انه الاعلام الغربي و اليهود من ابتكرها
لكن وامام اعترافات القتله ماذا ستفعلون وكيف ستنفون الحقيقه.
لؤي لم ارد تعكير صفوة زيارة ست الحبايب
لكنها تزكره و التزكره تنفع المؤمن.
اتمنى ان تقرأ لها كلماتي.
تراجي.
|
Post: #56
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-20-2005, 08:31 AM
Parent: #52
الاخت الكريمة تراجي مصطفى تحية طيبة
وشكرا على مرورك وتحيتك للوالده ...وخالص الدعوات ان يحفظ الله
الامهات في كل مكان ....من كل مكروه .
وسلمت يا اختي على تحياتك وتقبلي ودي واحترامي وساقرأ لها ماكتبته بالجد ،،،
|
Post: #53
Title: Re: رحبوا معي بوالدتي ..وهي تحل ضيفة علي ..
Author: Nasser Mousa
Date: 07-19-2005, 10:19 PM
Parent: #1
الاخ / لؤي
السلام عليكم ورحمة الله وبركاته.
الوالدة
نزلتِ اهلا وطبتِ سهلا
لك مناالحب والسلام والتحية
وتمنيات صادقات لكِ بالصحة والعافية ولكل الامهات
ودعوات للم الشمل لكل من اضاعته دروب الحياة في غياهب الاحلام والطموح
وعسى ان نعود ونلتقي او ياتو ونلتقي وتصفو بنا الحياة مرة اخرى .
ناصر موسى
|
Post: #57
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-20-2005, 08:34 AM
Parent: #53
اخي الكريم ناصر موسى تحياتي وتقديري
وشكرا لك اخي الكريم على سلامك وتحياتك ودعواتك ..للوالده
وتقبل تحياتنا ..وخالص الامنيات بلم شمل الجميع الذين تفرقوا
في ارض الله الواسعة ..مع امهاتهم واهلهم في داخل وطننا
ولك تقديري ،،،
|
Post: #54
Title: Re: رحبوا معي بوالدتي ..وهي تحل ضيفة علي ..
Author: محمد السر
Date: 07-20-2005, 03:16 AM
Parent: #1
| Quote: والتجربة التي تسنم الاسلاميون فيها السودان ولازالوا |
ياااااااا لطييييييييييييييييييييييف ياخ!!!!
يعني أنا إتفكَّ من عز الدين أقع فيك؟؟؟
يا مان أخوك ما بِنقُش حنك المثقفاتية البيش دا... تسنَّم دي يعني شنو؟؟
بلع!!!
قلع!!!
لطش!!!
لِحِس!!!
عمل تُلُّب فوقا بالليل!!!
!!!
سبحانك يا قدوس!!!
الأُم مستنيرة معانا والولد ضلامي مع الخيانة
لك دعواتي بالهداية على يديها...... ولها سنامي
|
Post: #58
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-20-2005, 08:40 AM
Parent: #54
محمد السر سلام تاني ..
ياسيدي ما بختلف معاك في الكلمة اصلا ..تسنم ( او تلب )
لانه لم تكن هناك خيارات اخرى ..تعرف ان الاسلام الحركي ممنوع من الوصول للسلطة وغير مرحب
به ولا توجد فرصة للتغيير غير القوات المسلحة ..
والشواهد كثيرة التجارب في ايران وفي الجزائر (انتخابات الفازت بها جبهة الانقاذ)
لذا مافي حل الا ..الكلمة التي تقولها انت او انا وهي تسنم او تولى او عمل تلب فوقابالليل على كلامك !!
لك تقديري
|
Post: #55
Title: Re: رحبوا معي بوالدتي ..وهي تحل ضيفة علي ..
Author: Elmosley
Date: 07-20-2005, 06:08 AM
Parent: #1
مرحبا (بزميلتنا في النضال)
والدتك الكريمه فهنيئا لك بها
وهنيئا لنا بكل المهيرات
|
Post: #59
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-20-2005, 08:43 AM
Parent: #55
الاستاذ الموسيقار الموصلي
تحية وتقدير وشكرا على مرورك وتحيتك ..
وهنيئا للجميع كل المهيرات و (اخوات نسيبة )
لك تقديري
|
Post: #60
Title: Re: رحبوا معي بوالدتي ..وهي تحل ضيفة علي ..
Author: willeim andrea
Date: 07-20-2005, 08:58 AM
Parent: #1
حمدلله علي سلامة وصول الوالده... وشكلك كده في بلاد الخليج اها ما اوصيك تجتهد في تلبة طلباتهاوخدمته
|
Post: #61
Title: Re: رحبوا معي بوالدتي ..وهي تحل ضيفة علي ..
Author: شدو
Date: 07-21-2005, 04:34 AM
Parent: #60
حمدلله سلامة الحاجة وربنا يديها الصحة والعافية وطولة العمر انشاء الله
اها شفت الاحباب حلوين كيف ؟ وبالذات الوالدة طبعا ليها وقع خاص جدا فى حياة اى انسان بغض النظر ، ذكريات الحاجات كثيرة ابتداءا من المطبخ وانتهاءا بطيبتها وحنانها
اها تخيل انه واحد امه ماتت بانتنوف
والثانى بمليشيا الجنجويد
والثالث امه اصيبت بجروج خطيرة ومميتة وهى ما بين الحياة والموت
واخر احسن حالا امه فى معسكرات خارج حدود الوطن فى تشاد ولا يعرف مصيره حيث لا رعاية ولاعناية
وتخيل انه فى واحد لا يعرف مصير امه ، وهو يبحث من معسكر الى اخر
وتخيل انه واحد امه فى معسكر يحرسها الجنجويد
عزيزى عندما تنظر الى امك تذكر ان امهات اخريات تعرضن للضرب والاذلال والاغتصاب
عندما تكون مع الحاجة فى لحظة صفاء وما اكثرها تذكر ان هناك ما يقارب الثلاثة مليون مشرد داخل معسكرات ادخلوا اليها بسبب هذه الحكومة التى تساندها انت .
عموما لا اعكر عليك صفاؤك وفرحتك
وادعو الله لك وللحاجة بنعمة الامن والطمانينة . الذى نفتقدها نحن واهلنا
وان لا تحسوا بان احد ظلمكم وانتم لا تستطيعون فعل شئ
|
Post: #62
Title: Re: رحبوا معي بوالدتي ..وهي تحل ضيفة علي ..
Author: هاشم نوريت
Date: 07-21-2005, 04:38 AM
Parent: #61
الاخ لؤى حمدالله على السلامة
وربنا يدها العافية
|
Post: #63
Title: Re: رحبوا معي بوالدتي ..وهي تحل ضيفة علي ..
Author: luai
Date: 07-22-2005, 06:13 PM
Parent: #62
الاخوان الاعزاء وليم اندريا وشدو وهاشم نوريت تحية طيبة
شكرا جزيلا على مروركم وتحيتكم وسلامكم ..ودعواتكم للوالده ..
شدو يا اخي هناك مأساة بدارفور امل ان تجد حل قريب عبر طاولة المفاوضات
وكل ما يرشح الان ان الامور تتحسن للافضل - قرات تقرير الامين العام للامم المتحدة قبل قليل
للجميع تقديري واحترامي
|
Post: #64
Title: Re: رحبوا معي بوالدتي ..وهي تحل ضيفة علي ..
Author: Aymen Tabir
Date: 07-22-2005, 10:33 PM
Parent: #63
لؤي
يابختك واريت حالك حالنا ..
حمدلله على السلامة
وربنا يديها الصحة والعافية ويخليها ليكم..
تحياتنا ليها
ايمن
|
|