Post: #1
Title: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-17-2005, 02:03 AM
Parent: #0
اتلاقينا امس مجموعة من بورداب الخرطوم لتسيق وتنظيم
لقاء جميع البورداب المتواجدين بالخرطوم والمقررله يوم
الخميس 21-يوليو .... اول حاجة انا وصلت متاخره كنت اول مرة اشوف كل الناس
الموجودين .... قلت ليهم كدى خلونى اخمن ..... عرفت طبعا الجماعة بتاعين الصور
عرفت بكرى ... وان كان هم ضللونى قالو لى ... لالا دا جمال هوفو !!! وعرفت قبل
بكرى السليط ملاسى .... بس فى الحقيقه مختلف جدا يبدو عليه وقار ... اى والله ما تضحكو
لكن هو حلبى اكثر من الصوره وانا كنت بقول ليه الصوره مختلفة حلف قال عمرها
9 شهور !!!!!!!!! فى النهايه اكتشفت السر انو هو فى الحقيقة بيتعمد اخفاء الابتسامة
ما عارف انها راس مالو !! اول ما القعدة سخنت وراح مبتسم ياهو ملاسى ....ذاتو
ال ما بغبانا !!! اها تانى شفت عبير خيرى ... متعاونه ضاحكه ... تبدو بامكانيات
عاليه ....( كلو زول يفسر بطريقتو ) .... ورانيا بابكر اضفت على الجلسة طعم مختلف
والصبوحه .............. اخيرا التقينا الصبوحة ... طلعت ما هى صباح ال فى راسى !!!
ما فهمنا منها اى حاجة الجلسه كلها هى تكورك دايره ترجع بيتهم ؟؟؟ والملك الزول
ال مدخل راسو فى الشبك ؟؟؟ دا كمان نجاااااضه الله لا وراكم .... واحمد حنين براية صراحه
تعزر معه الاجتماع ..... وبكرى ما بعرف يهرش ... بعد شوية القصه جاطت ذى البورد !!!
لما قمت ليك عليهم انا ..... حتى قدرنا طلعنا بى حاجة .... لذلك اقترح على بكرىى
تعيينى ... ضابط ادارى ..... الفة .... اى اسم المهم بساعدو والله !!!
اها واسماعيل حميم من ما دخلت بتكلم فى الموبايل عامل لينا ارحل بى قلبك وجسمك
معانا .......... ما فهمنا منو حاجة .... برضو وكان معانا الجميل محمد امين دا صدف
القعدة كلها.........
نجى للمهم حاورت بكرى فى الكثير من قضايا البورد لانو يوم الخميس ح يكون يوم ترفيهى
وللتعارف عازمين معانا ضيوف كبار مافى اى طريقة كلامات ............
اول سؤال كان عن المفصوليين ؟؟؟؟ وصمت بكرى عن الكثير من اسئلة اهل البورد ؟؟؟
لماذا ؟؟؟ بكرى قال يا جماعة .... اول حاجه انا ما بحب اتدخل كثير فى هذا البورد
باعتبار انو عضويتى كلها عندى واحد ... وما بحب ازعل اى زول ... دا بالاضافه لانو انا
شغال شغلى بتاع اكل العيش وبدخل البورد دا بالكاد اشقر على السيرفر .... انززل الاخبار
انسق التقارير .... باختصار الشغل الفنى بياخد كل وقتى عند دخولى للبورد
حتى مرات كتير ه بتكون فى مواضيع نفسى اقراها .... وما بقدر ... ما حصل فصلت
اى عضو فى هذا المنبر ... فى قضية فكر او راى .... واتحدى كل من يدعى ذلك .... القصة
ببساطه شديدة يا هميمة ... انو فى بعض العضوية بدخلو مع بعض فى ملاسنات شخصية...
وبتعرضو لبعض بالاساءات ودا اظنكم بتوافقونونى انو ما بليق .... ودا ذاتو انا ما بفصل
اى عضو الا بعد التحذير المتكرر .... وحديثى معهم عبر الايميلات ... ولكن لما يصر العضو
على ... نهجه بكون مضطر لتوقيفه ... لانو المساله دى بتزعج حتى اعضاء البورد انفسهم
ح اخلى يقية حوارى مع بكرى ... وبفتح الفرصه لتوجية اى اسئلة او شكاوى لانه
ح يمثل امامنا للرد على استفساراتكم يوم الثلاثاء بعد بكره باذن الله
وانا شايفه انو فى اجازه ومزاجو رايق ... ممكن ندير معاة وجها لوجه الكثير من المقترحات
لتطوير البورد ..... وارجاع المفصولين من عضويته .... وكل ما سنسمعه منكم من مقترحات ...
نسيت اقول انو بكرى استشهد بانو امس القريبه دى ... وقف اتنين هم من اعز
اصدقائة .. ودا لانو خاطبهم بالكف عن ملاسنات شخصيه ولم يمتثلوا !!!!
انا غايتو عرفتهم ماعارفة انتو تكونو علرفتوهم ... ولا ... لا ...
|
Post: #2
Title: Re: بكرى ابو بكر ... من الخرطوم يرد على الاسئلة الصعبه .....
Author: قرشـــو
Date: 07-17-2005, 02:15 AM
Parent: #1
الأخت هميمة
لكن والله هميمة يا بت
بس عليك الله كملى جميلى وخلى معاك كاميرا "إن شاء الله كاميرة جوال" ونزلى لينا اللقاء بالصور بالله ...
بصراحة انبسطت من وصفك للقاء جدا
من ناحية اخرى
اثنى الأخ بكرى فى قوله تماما فالرجل يعانى كثيرا وليس من المعقول ان يترك اكل عيشه ليتابع مشاكل البورد المفتعلة والتى لا تسمن ولا تغنى من جوع ...
اتمنى لكم لقاءً ناجحا بكل المقاييس فى ظل الحرية والديمقراطية التى لا حدود لها ..
مع ودى
|
Post: #3
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-17-2005, 02:19 AM
Parent: #1
يا جماعة نسيت اهم زول .... واطوووول زول
ورئيس القعدة دى كلها !!! المهندس ... دا بس الوصف ما بنفع
خلونا لما ننزل الصور ....
|
Post: #4
Title: Re: بكرى ابو بكر ... من الخرطوم يرد على الاسئلة الصعبه .....
Author: محمد حامد جمعه
Date: 07-17-2005, 02:21 AM
Parent: #3
هميمة
التحيات الزاكيات .... وكيفك
شنو الجلسة دى كانت دكاكينية ...... شايفها جات فجاءة ...... وغير معلنة
غايتو يوم الخميس ....................... ان ربنا حيانا .... معاكم
|
Post: #5
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-17-2005, 02:26 AM
Parent: #1
محمد حامد ازيك ومرحب بيك
تصدق وتامن بالله انا سالت منك ؟؟؟؟
عشان اقول ليهم اقبض محمد هنا ....
يا راجل تعال لقاء الثلاثاء
دكاكينية دى عليك انت ؟؟؟؟؟؟؟؟؟؟؟؟؟؟؟؟؟؟
|
Post: #6
Title: Re: بكرى ابو بكر ... من الخرطوم يرد على الاسئلة الصعبه .....
Author: هشام مدنى
Date: 07-17-2005, 02:29 AM
Parent: #1
شكرا الاخت الفاضلة هميمة
لدى طلب ان تطرحى موضوع دعم وتطوير وتأمين المنبر العام.
مع تحياتى لكم جميعا
|
Post: #7
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-17-2005, 02:29 AM
Parent: #1
قرشو ................
واتمنيت لو كنت معانا ...
والله عشان طلبك دا اصورهم ليك فردا فردا
وانعل ابها من غربة لئيمة !!!!!!!!
|
Post: #8
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-17-2005, 02:41 AM
Parent: #1
المحترم هشام مدنى
لفتتك بارعة ........... ستكون اول النقاط
شكرا لمررورك ال بهى ..............
|
Post: #10
Title: Re: بكرى ابو بكر ... من الخرطوم يرد على الاسئلة الصعبه .....
Author: Elawad Eltayeb
Date: 07-17-2005, 02:55 AM
Parent: #8
شكرا يا هميمة على المجهود
وانت فعلاً هميمة
إعادة المفصولين موضوع هام
ونحن في بلد هو قمة التنوع والتعدد
وإذا لم ينجح الحوار بين حملة الأقلام
فماذا تركنا للآخرين؟
نرجو دعمك للموضوع.
العوض الطيب
|
Post: #9
Title: Re: بكرى ابو بكر ... من الخرطوم يرد على الاسئلة الصعبه .....
Author: willeim andrea
Date: 07-17-2005, 02:49 AM
Parent: #1
اها وغير يوم الخميس 21 /7 ياربي في اعاده ... اعادتين علشان الناس تتشرف وتتعارف ياريت تتكرر الاجتماعات وطول فتره الاجازات الصيفيه علشان الناس تتلاقي وتتعارف للمفيد انشاء الله وتسملي يا ستي علي الهمه
|
Post: #11
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-17-2005, 03:19 AM
Parent: #1
العوض و اندريه
شكرا ليكم كتير
طبعا يا عوض شفت رد بكرى هو ما بصل اى زول فى حقه فى التعبير
او حرية رايه وحسب كلامه الفصل بتم لعدم التقيد ب لوائح المنبر
واذا فى اى امثله تكذب كلامو برضو مدونا بيها عشان نواجهه !!!
اندريه انتو بس كيف تجو مارقين ؟؟؟ كلو هين .... حبابك
بيننا متى ما تقرر
|
Post: #14
Title: Re: بكرى ابو بكر ... من الخرطوم يرد على الاسئلة الصعبه .....
Author: معتصم دفع الله
Date: 07-17-2005, 04:34 AM
Parent: #11
Sorry
|
Post: #12
Title: Re: بكرى ابو بكر ... من الخرطوم يرد على الاسئلة الصعبه .....
Author: محمد السر
Date: 07-17-2005, 03:42 AM
Parent: #1
هميمة الهميمة
ممكن تذيلي مداخلاتك هنا بـ:"من أمام مقر اجتماعات بورداب الخرطوم ، لسودانيز أون لين (بعد دا تديها سكتة ثانيتين) هميمة الهميمة".. بالله أسألي بكري عمل شنو في حل أزمة كلوروفيل بورداب السودان...
تحياتي لهم/ن
|
Post: #13
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-17-2005, 04:03 AM
Parent: #1
يا محمد السر ياخى انتو معاكم تزييييل
ما هو عارفين الرصه كلها !!!!!!!!!!!!
بعدين يا محمد انت عارفنى ماااااااااااااا بتكلم فى السياسه
لكيلا اتهم فى كلورفييلى !!!!!
اها من هسه سؤالك حجب ! رسل غيرو
|
Post: #15
Title: Re: بكرى ابو بكر ... من الخرطوم يرد على الاسئلة الصعبه .....
Author: برهان تاج الدين
Date: 07-17-2005, 04:37 AM
Parent: #13
هميمة ازيك
انشاء الله ما ينفعكم
اناقدر ما اجى الخرطوم اقعد براى .. الوحيد البعرف تلفونو ( ملاسى ) ولما اتصل يجينى زول زهجان كدة يقول لى ( هسة عليك الله بعد (وييييييين يا ملاسى ) دى كلها حافظ نمرتو غلط ؟ )
النمرة غلط 
النمرة غلط ..
النمرة ..
 سقى الله اياما كان الشكل زى دة !
المهم .. امشوا اقعدوا ليكم فى حتة زى الناس خلوا قعاد النجايل دة !
حقيقة البريستيج بتاع س.اونلاين ما بيستحمل اتحاد طلاب و حركات المفلسين دى .
يعنى بقينا على لسان وكالات الانباء و الجرايد تملطش فينا الصباح الصباح وكدة .
لذلك .. الهيلتون مثلا بكون مناسب . خلو يختوا ليكم بوستر فى اللوبى بتاع الفندق ( اجتماع الجمعية العمومية لسودانيز اون لاين )
اعزمو الطيب مصطفى و ياسر عرمان ( انا جادى و الله )
حنكوا الطيب مصطفى خلوهو يزح البتاع بتاعو دة ( ابو عشرة مليار على قول فتحى البحيرى .. والله دى بالغتوا فيها الشى شنو ؟ بروكسى ولا يورانيوم .
برضوا اعزموا عاطف خيرى و عثمان النو .. خلوا بكرى يديهم عضوية .. آآى .. ما كمان لازم يشوف لينا شوية ليمون للطمام دة .
اها .. جيهتكم ولا لا؟
صدف شديد
انشاءالله بالهنا و دايما عامرين ...
|
Post: #16
Title: Re: بكرى ابو بكر ... من الخرطوم يرد على الاسئلة الصعبه .....
Author: خضر عطا المنان
Date: 07-17-2005, 05:15 AM
Parent: #15
Quote: الحبيب خضر
شكرا لمجهوداتكم القيمة فى حق زميلنا سامى
يا اخوى الانترنت الحلفاية عذاب عذاب تشرب كباية
الشاى حتى تفتح ليك الصفحة
سوف اعمل كل ما اقدر عليه من اجل سامى و الحملة
بكري أبوبكر
|
ورد ذلك في بوست : ( رجاء عاجل وخاص جدا واخوي صادق )
يتعلق بزميلنا العزيز ( سامي محي الدين ) في غوانتنامو ..
ولكنه للاسف لم يكلف نفسه بعدها حتى مجرد الرد ولو بكلمة ( لا !!!) ..
عزيزتي الهميمة : هميمة
ألف شكر لك وأن كنت ( أزعم صادقا!!!!) بأن سيد الحوش الكبير
لن يجد الوقت الكافي للرد على ( أطنان!!!!) من الأسئلة والاستفسارات
التي ستكون حتما بانتظاره ..
فالاخ بكري مشغول الان بماهو اهم ( مرشح لرئاسةالجمهورية أولا !!!!!!!!!)
ثانيا : الأهم مقابلة ( الطيب مصطفى ) كبير المهووسين في ( حكومة الكرتون
والصفيح !!!) ..
ثالثا : حبيبنا بكري لا يزال يعيش ( صدمة الدهشة وعدم التصديق !!!) لما يحتله
موقعه (الحلم!!!).. فهو اليوم أشبه برؤساء الجمهوريات في بلادنا العربية !!!
كلما حل بمكان لاحقته كاميرات التصوير وتجمع حوله الناس وسعى بعضنا لمجرد السلام
عليه في يده لو لم يتمكن من الحديث معه !!!!!!!..
فرجل هذا وضعه ـ ياعزيزتي هميمة ـ ماذا يمكن ان يجني من تبني موقعه لقضية زي قضية
( سوداني تم الاعتداء عليه في معسكر سيئ الذكر يبعد ألاف الكيلو مترات عن بكري وموقع
الاحتفاء به ؟؟؟؟؟؟؟؟؟) ..
أعلم ربما هذا الكلام لن يؤدي الى( طردي !!!!) فحسب وانما يمكن أن يقود الى ( اعدامي !!)
ولو معنويا !!!!!!.. فهو ( سيدالحوش الكبير) وبيده كل شيئ في زمان اللا شيء !!!!
رغم أني ـ والحق يقال سواء له او عليه ـ اكن له احتراما كبيرا وهو يعلم ذلك قبل
غيره .. وأظنه قد فتح افاقا للكثيرين في المنافي للتعبير عن ذاتهم وما يجول بخاطرهم
حتى ولو دون حسيب او رقيب احيانا !!!!!!!!!..
فسؤالي : أين حبيبنا بكري ابوبكر من ( قضية سامي محي الدين ) ؟؟ ..
وماذا قدم له حتى الان؟؟.. ولماذا نسى وعده أعلاه ؟؟؟..
لك وله لكل بوردابي وبوردابية هناك سلامي عظيم تقديري ..
خضرعطاالمنان
|
Post: #17
Title: Re: بكرى ابو بكر ... من الخرطوم يرد على الاسئلة الصعبه .....
Author: أحمد الشايقي
Date: 07-17-2005, 05:41 AM
Parent: #1
الاخت هميمة
بالطبع تشكري على المجهود الكبير ولقاء الأخ بكري أبو بكر
أنا جيت الخرطوم وفي دعوة الأخت (منى) لم تكوني هناك على الأرجح
المهم اوصيك ببذلك مجهود أكبر في موضوع المفصولين وممكن توصلي اقتراحي بحل (الكتروني) للأخ بكري
من الممكن اضافة (موديول) خاص بالأعضاء الذين يرتكبون اخطاء بحق بعضهم يحجبهم عن الظهور في المنبر ويسمح لهم بالكتابة لبعضهم فقط في من خلال ألية كآلية المسنجر وتكون بالنسبة لهم فترة حظر عن المنبر وفترة نقاش مباشر وتفاوض لتبادل الأراء و (الشتائم) المهم يكونوا موصولين ببعض ومحجوبين عن الأعضاء إلى أن تنقضي الفترة فيستلموا انذار في رسالة تهددهم بالايقاف شهر , ثلاثة اشهر, ستة أشهر مثلا إن هم عادوا إلى اثارة الخلاف بالمنبر مرة أخرى
فترات الحظر والتفاوض بين المتخاصمين تحجب عن المنبر اشكال الخلاف الحادة ونتجنب بها نشر الغسيل أمام القراء الذين هم على مستوى العالم.
في السودان الان مصالحات وسلام حتى بين الذين دقوا بينهم عطر منشم في الزمن السابق فلماذا لا يواكب البورد هذا كله ويفرج عن المفصولين باعادتهم طالما ان الحركة الشعبية اطلقت الاسرى
اجعلوها لحظة السلام والتصافي
يلا نشوف
تحياتي
|
Post: #18
Title: Re: بكرى ابو بكر ... من الخرطوم يرد على الاسئلة الصعبه .....
Author: عمر ادريس محمد
Date: 07-17-2005, 07:47 AM
Parent: #1
ياسلام
حاجه تمام
بس وين
ود العجمى
ابو يسرا
اللورد......وأخرين
راقبو الزول الراسو مقودس ده كويس ,وما تخلوه واقف وانتو قاعدين
بشرب دمكم
وكان فى عضه كترو ليه الشطه.....
موفقين
ان شاء الله
|
Post: #19
Title: Re: بكرى ابو بكر ... من الخرطوم يرد على الاسئلة الصعبه .....
Author: بلدى يا حبوب
Date: 07-17-2005, 08:04 AM
Parent: #1
هميمة
التحيه لك الحضور وللاخ بكرى خاصة فى اجازته بالسودان مع تمنياتى بأن يكون لقاء الخميس يحمل فى مضامنية الكثير للبورد ولاعضائه ولتكن هدية بكرى للحضور فى ظل تطبيق دستور جديد وسودان جديد هى.......
عودة المفصولين عودة المفصولين عودة المفصولين عودة المفصولين عودة المفصولين
تحياتى
|
Post: #20
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-17-2005, 11:36 AM
Parent: #1
برهان يا تاج الديانه .........
ملاسى دا خلبى غتيت .... بكون مديك النمره غلط !!!
احسن تشوف ليك صاحب غيرو .... افتكر انا ما بطاله ...
والصدف دا انت ما بتخلى ... رايك شنو انو كلامك دا كلو حصل ؟؟؟
|
Post: #21
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-17-2005, 11:46 AM
Parent: #1
حضر المنان ...........
سلام يا راجل وبرد نفسك سامى فى عيوننا حتى يفك اسره
والبووس الموضوع ما غايب عنه .....
خفو شويه من الراجل دا .....
وان جيت للخق هو اجدع من رؤساء عرب كتاااار
بطلو الحساده !1!!!!!
ونكرر سامى على عينا
الشايقى ................
والله انا ال مانى محظوظىىى
لانى فعلا ما جيت ...
بس قالو الجايات ......
وانت طبقت فينا كلام القانون
طلاق باين بينونه صغرى ووطلاق باين بينونه كبرى
واللائى بلغن ال..... ثلاث قروء وديك ثلاث شهور
وكوستاوى دا بكون 4شهور وعشره يوم ؟؟؟؟؟ظ
عزيزى ينظر ويفاد !!!!!!!!
|
Post: #22
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-17-2005, 11:53 AM
Parent: #1
عمر ادريس ازىك انت
بتغطس وين ؟؟؟؟
كلو يا عزيز حسب الخطه المرسومه.....
الينا باقتراحاتك
بلدى الحبوب انت فاعد وين ؟؟؟ ما خ نشوفك ؟؟؟
ودعوات مستجابه باذن الله
ح يرجعو المفصولين .... بس انت ما قلت لينا الكاسر فيك ضلعتين
دا منو .... منهم ؟؟؟؟؟؟
|
Post: #23
Title: Re: بكرى ابو بكر ... من الخرطوم يرد على الاسئلة الصعبه .....
Author: بهاء بكري
Date: 07-17-2005, 02:52 PM
Parent: #1
المكلومة هميمة ........... سلام جاك
انشاءاللة عرفتي لينا من الصبوحة لماذا مات الخاتم ؟
|
Post: #24
Title: Re: بكرى ابو بكر ... من الخرطوم يرد على الاسئلة الصعبه .....
Author: محمد الامين محمد
Date: 07-18-2005, 01:12 AM
Parent: #1
شكراً يا همه صدقني انا حكون اول الحضور رغم ظروف عملي ويوم 21 عندي ورشه عمل لكن حاجي ورغم ان ظروف عملي بتمنعني من الظهور لشروط عمل المنظمه التي اعمل فيها وانت براك عارفه الوضع في السودان والحساسيه مع المنظمات
|
Post: #25
Title: Re: بكرى ابو بكر ... من الخرطوم يرد على الاسئلة الصعبه .....
Author: محمد الامين محمد
Date: 07-18-2005, 01:29 AM
Parent: #1
Quote: السليط ملاسى .... بس فى الحقيقه مختلف جدا يبدو عليه وقار ... اى والله ما تضحكو
لكن هو حلبى اكثر من الصوره وانا كنت بقول ليه الصوره مختلفة حلف قال عمرها
9 شهور !!!!!!!!! فى النهايه اكتشفت السر انو هو فى الحقيقة بيتعمد اخفاء الابتسامة
ما عارف انها راس مالو !! اول ما القعدة سخنت وراح مبتسم ياهو ملاسى ....ذاتو
ال ما بغبانا |
انت عارفه يا همه ملاسي ده القيت القبض عليه وهو يمارس هوايه الكتابه في البورد في يوم من الايام كنت في نت كافي وكتها كانت مفوضات ابوجا مدوره ومن البري الكتير تلفوني قطع بطاريه وجيت النت اكمل باقي لانو مفروض اكون في ابوجا وما مشيت لقيت ليك الزول بشخبط ساي في البورد الزوال ده انا شايفووين يا ربي وكان في موضوع مدور في النت وانا قاعد ارد وهو جنبي المهم قلت اسلم علي الزول ده لما مشيت عليهو وسلمته عليهو اول حاجه طلعنا ساكنين جم بعض يعني علي مرمي حجر وفي شارع واحد المهم سلمنا علي بعض وعرفته وعرفني وبقت الحكيه شبهينا واتلقينا
|
Post: #26
Title: Re: بكرى ابو بكر ... من الخرطوم يرد على الاسئلة الصعبه .....
Author: محمد الامين محمد
Date: 07-18-2005, 01:43 AM
Parent: #25
محمد حامد ازيك ومرحب بيك
تصدق وتامن بالله انا سالت منك ؟؟؟؟
سعادتك لازم وضروري جدا تكون موجود انا شخصاً اتمني لقاك يا باشا
|
Post: #27
Title: Re: بكرى ابو بكر ... من الخرطوم يرد على الاسئلة الصعبه .....
Author: محمد امين مبروك
Date: 07-18-2005, 02:33 AM
Parent: #26
هميمة
صباح الخير...........او صباح احمد
هسي وينو الحوار مع بكري ....
البوست كلو بتتكلمي........بس مزيعة في التلفزيون وانا اليوم داك اقول الوش دا شفتو وين????
دايرة تدربي فينا أأأأأه
اها دا شنو ؟
طيب ممكن من زمن برنامجك دا تسألي بكري ....
كيف اليوم داك نسى العربية جوة الكاميرا ؟؟؟
| Quote: لدى طلب ان تطرحى موضوع دعم وتطوير وتأمين المنبر العام. |
هشام مدني
دي مسألة مهمة وعاجلة ....تحديدا تأمين مسيرة المنبر من عيون الحساد والعين عليكم ولا اية يا مستر..............
| Quote: حقيقة البريستيج بتاع س.اونلاين ما بيستحمل اتحاد طلاب |
وائل طه لو شاف اليافطة اعلاة .... بحرق البورت لكن براحة تحت تحت حول 1000دولار عند الملك نعمل الجلسة في/قريب القصر الجمهوري .
|
Post: #28
Title: Re: بكرى ابو بكر ... من الخرطوم يرد على الاسئلة الصعبه .....
Author: خضر عطا المنان
Date: 07-18-2005, 02:43 AM
Parent: #26
Quote: فسؤالي : أين حبيبنا بكري ابوبكر من ( قضية سامي محي الدين ) ؟؟ ..
وماذا قدم له حتى الان؟؟.. ولماذا نسى وعده أعلاه ؟؟؟..
|
الأخت العزيزة : هميمة
وبـ ( نفس بارد ) مثل جو بلاد الاسكندناف هنا أستفسر وأرجو ..
عنوان البوست ( بكري يرد على الاسئلة الصعبة من الخرطوم ) ..
أليس كذلك ؟؟ ..
اذن هل فسحت له المجال وأعطيتيه الفرصة ليطل علينا بنفسه ويتكرم بالرد على
أسئلتنا ( وهي ليست صعبة بالمناسبة!!!!) ..وذلك بدلا من أن تتولين الاجابات انت
نيابة عنه ..
ليتك _ ياأختي العزيزة هميمة ـ تتكرمي أنت أيضاوتستجيبي لهذا الطلب البسيط
والمبني على أساس عنوان اخترتينه أنت بنفسك .. أليس كذلك ؟؟..
وأنا ـ وأعتقد يشاطرني الكثيرون من أعضاء هذا المنبر ـ أن هناك عشرات الاسئلة
تجول بخاطر الكثيرين .. لذا فسنظل في الانتظار ..
وأنا هنا ـ وأعلم أنه كما سبق ان قلت لا وقت للحبيب بكري كما هو واضح ـ لا أطلب منه
سوى أن يظل معلقا في سقف الصفحة الأولى وبشكل بارز العنوان ( تضامنوا مع حملة
التوقيعات من أ جل المعتقل (سامي محي الدين) .. وهي الحملة التي بدأت بالفعل
هنا في هذا المنبر وفي منابر أخرى كما تعلمين .. هذا كل ما أطلبه وأرجوه في الوقت
الراهن .. أأمل ألا يكون ( مطلبا ثقيلا ) على حبيبنا سيد الحوش الكبير وهو يتمتع
بجو خريفي ماطر (منعنعش ) في ( خرطومنا الجريحة لا تزال!!!!!) ..
مع خالص تحياتي وعظيم ودي وتقديري لك وله ..
خضرعطاالمنان
|
Post: #30
Title: Re: بكرى ابو بكر ... من الخرطوم يرد على الاسئلة الصعبه .....
Author: adil amin
Date: 07-18-2005, 03:27 AM
Parent: #1
الاخ العزيز بكرى والاخوة بورداب الخرطوم
تحية طيبة
لدى بعض الملاحظات فى شان المفصولين..حتى لا تتحمل انت وحدك اللوم...يمكنك ان تستخدم طريقة المحلفين الامريكية تختار 11 شخص ليس لهم علاقة بالشخص المعنى بالفصل وترسل لهم رسالة بالبريد الالكترونى عشان يصوتو ب .. يفصل او لا يفصل..او فى حالة اعادة المفصول يعود او لا يعود..وبكده سيتحدد مصير العضو بصورة اكثر ديموقراطية وترفع عنك الحرج
تحياتى لك ولاسرتك وللخرطوم ولكل البورداب هناك...
انت اظنك قاعد فى تكساس ,وبقيت كاوبوى شايل مسدسك وحايم ذكرتنى الايام دى ب فلم الله يرحم اما انا فلاGod forgive,but I don;t
بعدين ماريك فى نشر مقاهى سودانيزاون لاين فى كل مدن السودان ؟
وكدى شوفو لي من مجلسكم العامر فى دار الاتحاد.. سينما النيل الازرق فى ولا اكلا المرفعين...وصحى البركس بقا داخلية بنات وما بينفات... والحديث ذو شجون
|
Post: #31
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-18-2005, 05:14 AM
Parent: #1
بهاء بكرى سلامات فى دوحتك الغناء
راسك باااارد تنظر بس !!!
ح نسال الصبوحة بس فى بوست منفصل
الصبوحه دى صحفيه كبيره انت قايل شنو؟؟؟؟؟
ولا عشان اتعودتو اى زول فى البورد دا تهملوا؟؟؟؟؟؟؟؟؟؟؟؟؟؟؟
|
Post: #32
Title: Re: بكرى ابو بكر ... من الخرطوم يرد على الاسئلة الصعبه .....
Author: محمد السر
Date: 07-18-2005, 05:25 AM
Parent: #1
هميمة
Quote: المهم اوصيك ببذلك مجهود أكبر في موضوع المفصولين وممكن توصلي اقتراحي بحل (الكتروني) للأخ بكري
من الممكن اضافة (موديول) خاص بالأعضاء الذين يرتكبون اخطاء بحق بعضهم يحجبهم عن الظهور في المنبر ويسمح لهم بالكتابة لبعضهم فقط في من خلال ألية كآلية المسنجر وتكون بالنسبة لهم فترة حظر عن المنبر وفترة نقاش مباشر وتفاوض لتبادل الأراء و (الشتائم) المهم يكونوا موصولين ببعض ومحجوبين عن الأعضاء إلى أن تنقضي الفترة فيستلموا انذار في رسالة تهددهم بالايقاف شهر , ثلاثة اشهر, ستة أشهر مثلا إن هم عادوا إلى اثارة الخلاف بالمنبر مرة أخرى
فترات الحظر والتفاوض بين المتخاصمين تحجب عن المنبر اشكال الخلاف الحادة ونتجنب بها نشر الغسيل أمام القراء الذين هم على مستوى العالم. |
دا كلام عُمد ومشايخ عندهم حكمة
أثني إيصاله لبكري
|
Post: #33
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-18-2005, 05:45 AM
Parent: #1
محمد مبروك
صباح فاطمة على ابوها.....
الحوار مع بكرى سالتة عن المفصوليين ورد هو كما اوردته
وقلت ليكم طالما ح اقابله مرة اخرى ممكن نزرو ونخليه يرد
على كل الاسئله اسعفونى بالاسئلة.... وبسجل فيها عشان يرد يوم التلاتاء
واجى اوريكم رد عليكم كيف !!! لانوما عندو طريقة هروب قاعدين فى تربيزه
واحده .....
هسي وينو الحوار مع بكري ....
البوست كلو بتتكلمي........بس مزيعة في التلفزيون وانا اليوم داك اقول الوش دا شفتو وين????
دايرة تدربي فينا أأأأأه
اها دا شنو ؟
الحوار هواسئلتكم هذه التى سانتزع اجابتها فىلقاء اليوم
صبرا يبل الابرى ...............
وبعديين انتو اصلـــــــــــــــــــــكم ما بتعملو خاجة ما تخلونى
اتدرب فيكم !!!!!!!!!!!!!!!!! انتو لاقينى وين يا مبروك ياخ؟؟؟؟
|
Post: #34
Title: Re: بكرى ابو بكر ... من الخرطوم يرد على الاسئلة الصعبه .....
Author: peace builder
Date: 07-18-2005, 05:56 AM
Parent: #33
هميمة
سلامات
الخميس معاكم..وانشاء الله نشوف بورداب الخرطوم كلهم.
اخوك/ جمال
|
Post: #35
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-18-2005, 06:13 AM
Parent: #1
يا عطا المنان
براحة يا خى نضارتك وقعت ......
انا دخلت واسطة خير لانو بكرى ما قادر يدخل ويرد ودا واضح من
كلامك ونداءاتك ليه المتكررة يعنى انا حيطتك القصيره ؟؟؟؟
ذى ما اوضحت لمبروك انا ح اقابله اليوم والحوار معه هو اسئلتكم
من قبل ان يحملنى سؤاله ف سااتيه بالاجابة ايا كانت .... اما من ابى
فهذا شانه
هذا بعضا من كلامك :::::::::
( اذن هل فسحت له المجال وأعطيتيه الفرصة ليطل علينا بنفسه ويتكرم بالرد على
أسئلتنا ( وهي ليست صعبة بالمناسبة!!!!) ..وذلك بدلا من أن تتولين الاجابات انت
نيابة عنه ..)
انا التى سافسح المجال لبكرى ؟؟؟؟؟؟؟؟؟؟؟؟؟؟؟؟؟؟؟؟
ىيا راجل قول كلام غير دا !!!!!
عموما براحتك لن احمل عنك اى سؤال ......
وسادع بكرى يجاوبك بنفسه ........ بعيدا عن بوستى هذا
ولك كل التقدير والاحترام
|
Post: #36
Title: Re: بكرى ابو بكر ... من الخرطوم يرد على الاسئلة الصعبه .....
Author: خضر عطا المنان
Date: 07-18-2005, 08:28 AM
Parent: #35
Quote:
عموما براحتك لن احمل عنك اى سؤال ......
وسادع بكرى يجاوبك بنفسه ........ بعيدا عن بوستى هذا..
|
الأخت العزيزة : هميمة
ودا الطلبتوا أنا ماأكتر والله ..
أما ( نضارتي ) دي فموضوعها لن أرد عليه لانو خارج سياق
الموضوع تماما!!!..
ويظل المهم هو أن نسمع منه وليس مهما بأي بوست ياعزيزتي هميمة ..
فقط ـ مستأذن منك ـ أنوه الى أن البوست بمجرد أن يطرح للأعضاء هنا
لم يعد ملكا لصاحبه أو بوستا باسمه كماتعلمين .. لذا لزم التنويه فقط ..
وعموما لا زلت ـ ومعي الكثيرون كما ورد في مداخلات بعضهم أعلاه ـ في انتظار
سيد الحوش الكبير حبيبنا بكري للاجابة متكرما علينا بطلته البهية ..
أأمل ألا يطول بنا الانتظار أكثر ..
تحياتي لك مجددا وله أيضا ..
خضرعطا المنان
|
Post: #37
Title: Re: بكرى ابو بكر ... من الخرطوم يرد على الاسئلة الصعبه .....
Author: Kostawi
Date: 07-18-2005, 10:54 AM
Parent: #36
هميمة الهميمة....
بالله ممكن تخشي واسطة لي وللأخ أساسي
تخريمة:
هميمه عليك الله قولي لبكري ما تنسه تجيبلينا عقد عمل معاك من السودان...
|
Post: #38
Title: Re: بكرى ابو بكر ... من الخرطوم يرد على الاسئلة الصعبه .....
Author: أحمد الشايقي
Date: 07-18-2005, 01:59 PM
Parent: #1
الأخت الكريمة هميمة
ياخي شكرا على الترحاب, مقدما, بالخرطوم ونحن شكلنا حنكون فيها ضيوف على الدوام وشكرا على بذل المجهود مع الريس بكري
اصلاح حال المنبر فيه خدمة كبيرة للوطن
لك التحايا خالصــة
|
Post: #39
Title: Re: بكرى ابو بكر ... من الخرطوم يرد على الاسئلة الصعبه .....
Author: أبو ساندرا
Date: 07-18-2005, 02:19 PM
Parent: #1
عبير خيري
كلمي ماما تعمل ليك { ياعين ياعنية } والخمس في العيون الرمس ، شايف عايزين ينجهوك في إمكانياتك وأخلاقك العالية ، ماتنسي البخور والذي منو
هميمة
ناس الديم شالو فيك وعلموك الإنسخاط
ووين بنات بركات ؟
|
Post: #40
Title: Re: بكرى ابو بكر ... من الخرطوم يرد على الاسئلة الصعبه .....
Author: هميمة
Date: 07-19-2005, 05:38 AM
Parent: #1
الاخوة المتداخلون شكرا لثقتكم
ساطرح كل اسئلتكم اليوم مساءا على بكرى وساوافيكم بردود الاخ بكرى
عليها .... ويا محمد السر من امام مقر بوداب سودانيز اون لاين نحييكم
هميمه ............. الخرطوم ( لقيتنى كيف ؟؟؟)
كوستاوى ........ وينك شايفة التونسية نزلتك ... بس ما قلت لى
بى ضمان ؟؟؟؟ ولا مع وقف التنفيذ ؟؟؟ ويا ريت لو كنت معانا
ابو ساندرا هناك مفاجاة تخصك فى هذا الحفل !!! انتظرها
وعبير بعد مرقت من عيونكم انتو ..... تانى الحبة ما بتجيها
|
Post: #41
Title: Re: بكرى ابو بكر ... من الخرطوم يرد على الاسئلة الصعبه .....
Author: صلاح الدين عبدالله محمد
Date: 07-19-2005, 06:23 AM
Parent: #40
الاخت /هميمة
تحياتى لهمتك
اقتراح ارى انه ضرورى ليقدم للمهندس بكرى
حتى لايدخل فى بند اعادة المفصولين حيث يعدل بند الفصل الى:ـ
فى حالة....... يفصل (او يوقف الاشتراك)
يكون التعديل :ــ
فى حاله ..... يجمد نشاط العضو لفترة سته اشهر (مثلا)
واذا تكرر ذلك منه مرة اخرى يفصل
عاوزين تفاصيل هذه الجلسة ماتكون شراب ببسى وصور وغيرة ووعود من بكرى وانتهى الموضوع
|
Post: #42
Title: Re: بكرى ابو بكر ... من الخرطوم يرد على الاسئلة الصعبه .....
Author: محمد السر
Date: 07-20-2005, 04:27 AM
Parent: #1
Quote: ويا محمد السر من امام مقر بوداب سودانيز اون لاين نحييكم
هميمه ............. الخرطوم ( لقيتنى كيف ؟؟؟) |
في السِلِك... بس نسيتي الوقفة الثانيتين... لزوم الجنصصة وكدا
|
|