Post: #1
Title: يا ناس الان في الفضائية السودانية .... المذيع سافي صاعوط
Author: ناصر جامع
Date: 07-17-2005, 00:06 AM
Parent: #0
يا جماعه دى معقوله بس...الان في حلقه عن شرق السودان الحبيب مع بروفيسور عوض حاج علي و الاستاذ محمد دين الطاهر مقدم الحلقة تاكل ليهوا سفه عجيب و الله ناصر
|
Post: #2
Title: Re: يا ناس الان في الفضائية السودانية .... المذيع سافي صاعوط
Author: ناصر جامع
Date: 07-17-2005, 00:24 AM
Parent: #1
الحلقه إنتهت ... إسم البرنامج تراثيات ... المقدم السافي إسموا جراهام عبدالقادر
|
Post: #3
Title: Re: يا ناس الان في الفضائية السودانية .... المذيع سافي صاعوط
Author: ابو يسرا
Date: 07-17-2005, 01:26 AM
Parent: #2
الاخ ناصر الامر بسيط خالص قبل اسبوع كانت حلفةمع وزير سافي ليهو عمارة جد والله
|
Post: #4
Title: Re: يا ناس الان في الفضائية السودانية .... المذيع سافي صاعوط
Author: ناصر جامع
Date: 07-17-2005, 02:02 AM
Parent: #3
Quote: قبل اسبوع كانت حلفةمع وزير سافي ليهو عمارة |
حلوه دي و الله
|
Post: #5
Title: Re: يا ناس الان في الفضائية السودانية .... المذيع سافي صاعوط
Author: salah elamin
Date: 07-17-2005, 02:04 AM
Parent: #4
وبعد( نيفاشا) الجماعة سفوا التراب .
|
Post: #25
Title: Re: يا ناس الان في الفضائية السودانية .... المذيع سافي صاعوط
Author: adil amin
Date: 07-20-2005, 03:09 AM
Parent: #2
في سفة من نوع اخر فى ايام لها ايقاع...خاصة اذا كان الزول لابس جلابية
|
Post: #6
Title: Re: يا ناس الان في الفضائية السودانية .... المذيع سافي صاعوط
Author: willeim andrea
Date: 07-17-2005, 03:54 AM
Parent: #1
جراهام عبدالقادر راجل مثقف ومجدد ومبدع وعلي ما اظن احدي خريجي كلية الموسيقي والمسرح واكيد مشارك وبفعاليه في موضوع الالات الموسيقيه المحليه وله مشاركات تعمل في مجال تطوير التراث الموسقيي وكان سفه ما يسف مش برضو حرية شخصيه قال سافي قال وانته الوداك تلاحظه التكورت في الشفايف شنو........
|
Post: #7
Title: Re: يا ناس الان في الفضائية السودانية .... المذيع سافي صاعوط
Author: ناصر جامع
Date: 07-17-2005, 04:34 AM
Parent: #6
Quote: جراهام عبدالقادر راجل مثقف ومجدد ومبدع وعلي ما اظن احدي خريجي كلية الموسيقي والمسرح واكيد مشارك وبفعاليه في موضوع الالات الموسيقيه المحليه وله مشاركات تعمل في مجال تطوير التراث الموسقيي |
و الله جراهام دا اول يوم اشوفوا و يحصل لي الشرف
Quote: وكان سفه ما يسف مش برضو حرية شخصيه قال سافي قال |
حرية شخصيه....يا راااااااااااجل
Quote: وانته الوداك تلاحظه التكورت في الشفايف شنو |
و الله بس شلاقتي... شفته الزول (يكعوج) في شلاليفو و (يبلع) في ريقو...قلتا يا ربي الزول دا مالوا
|
Post: #8
Title: Re: يا ناس الان في الفضائية السودانية .... المذيع سافي صاعوط
Author: Yasir Elsharif
Date: 07-17-2005, 05:03 AM
Parent: #1
الأخ ناصر تحياتي أنا في الحقيقة من المعجبين ببرنامج الأستاذ غراهام عبد القادر ولكن هذه الحلقة بالذات لم أشاهدها.. أظن أن وضع فمه وشفايفه تشبه وضع "الإنسان الخاتي ليهو سفة" وهناك كثيرين مثله..
ولا أظن أنه كان يضع سفة.. فوضع السفة يعوق الكلام، ومن غير المعقول أن يقوم شخص مثله بفعلها..
أظن أن هناك لوائح تمنع وضع السفة أثناء تقديم البرامج أو إذاعة النشرات.. بنفس الطريقة أظن أن التدخين ممنوع على المذيعين ومقدمي البرامج..
وتسلم.. ياسر
|
Post: #42
Title: Re: يا ناس الان في الفضائية السودانية .... المذيع سافي صاعوط
Author: DKEEN
Date: 07-21-2005, 08:21 AM
Parent: #8
Quote: ÇáÃÎ äÇÕÑ ولا أظن أنه كان يضع سفة.. فوضع السفة يعوق الكلام، ومن غير المعقول أن يقوم شخص مثله بفعلها.. íÇÓÑ
|
القال ليك منو؟؟
لو انه يعوق الكلام ما تحدث نصف اهل السودان في صباحات البلاد..
بعدين انا ما عارف شنو المانع انو الزول يسف في تلفزيون السودان او في اي مكان عام غير مساجد الرحمن ...
انا حتى الان ما شفتا لي سفة بتطلع دخان...
وللذين لا يعلمون لو فقط تعلمون ان السفة بتكنيك مهذب وحريف ممكن تبوس بيها ذاتو دون ان تدري حبيبتك ان هنالك سفة بالجوار ... تبوس بيها ولا تترك اي طعم في فم الغالية ..
سفو وبعدين تعالو نتفاهم..
كيف يظن العالم انهم مهذبون اكتر منا لمجرد انهم لايتعاطون التمباك ؟؟
|
Post: #9
Title: Re: يا ناس الان في الفضائية السودانية .... المذيع سافي صاعوط
Author: محمد السر
Date: 07-17-2005, 05:49 AM
Parent: #1
سحبت مداخلتي لعدم صحة الخبر.. أتمنى من الجميع مراجعة مداخلاتهم وحذف أي تهكم بها لكم تقديري
|
Post: #10
Title: Re: يا ناس الان في الفضائية السودانية .... المذيع سافي صاعوط
Author: فرح
Date: 07-17-2005, 06:05 AM
Parent: #9
انشاء الله ما يكون سافى فى الجوع لكن شكلو ضرب الفول والمخرج استعجلو قبل ما يخت سفه الفطور
|
Post: #11
Title: Re: يا ناس الان في الفضائية السودانية .... المذيع سافي صاعوط
Author: willeim andrea
Date: 07-18-2005, 02:53 AM
Parent: #1
Quote: أظن أن وضع فمه وشفايفه تشبه وضع "الإنسان الخاتي ليهو سفة" وهناك كثيرين مثله..
|
تعرف يا دكتور ياسر الشريف ... طبعا كلامك ده صحيح وفي نفس الوقت استوقفني ... اولا هي خلقه ربانيه وما فيها حاجه وما اظن في كده في خلاف ......
....... ضحكته كتير لمشهد في احدي القنوات الفضائيه وتلك الشابه وهي بتقولMy lips are big but my talents are bigger[/B كانت بتقول كده وبمنتها الثقه والكثير من الضحك وفعلا كانت الشفاه كبيره وغليظه لدرجه ملفته بس ما كان عامله ليه اي نوع من عدم الرضا ..... الشي التاني هناك من يفاخر بانه ذو اصول كذا و كذا وينسب نفسه الي قبيلة الجعلين او الخ الخ بس لما تعاين للشكل وخاصتا الشفايف بتعرف انه ذو اصول افريقيا وهذا ليس عيب او انقاص من قدر اي شخص النقص المخجل ان نتحدث ونقيم الانسان بشكله او قبيلته والا رايك شنو
|
Post: #12
Title: Re: يا ناس الان في الفضائية السودانية .... المذيع سافي صاعوط
Author: ترهاقا
Date: 07-18-2005, 03:00 AM
Parent: #11
رفقا بصديقى جراهام، بحكم علاقتى الوطيدة والطويلة به فالاخ جراهام لا يستعمل اى نوع من المكيفات ناهيك عن جديته فى العمل والذى يضعه فى إطار إحترام ما يقوم به من عمل
|
Post: #13
Title: Re: يا ناس الان في الفضائية السودانية .... المذيع سافي صاعوط
Author: Yasir Elsharif
Date: 07-18-2005, 04:12 AM
Parent: #11
عزيزي وليم أندريه
تحية طيبة
أنا لم أقصد حجم الشلاليف وإنما قصدت شكل المنطقة بين الذقن والشفة السفلى ووضع الفم.. وهي مسألة موجودة لدى كثير من الناس وليس فقط السودانيين .. أنا أراها في أناس أوروبيين، لا يمكن أن يخطر على بال أحد انهم يستعملون الصعوط..Quote: اولا هي خلقه ربانيه وما فيها حاجه وما اظن في كده في خلاف ...... |
بالتأكيد.. تعرف هنا تقوم بعض النساء بإجراء عمليات حقن للشلاليف بمادة السيليكون حتى تصبح غليظة، أو يزول عنها "الرق" والرهف الشديد.. وطبعا عندنا في السودان كان دق الشلوفة اساسا لهذا الغرض..
Quote: الشي التاني هناك من يفاخر بانه ذو اصول كذا و كذا وينسب نفسه الي قبيلة الجعلين او الخ الخ بس لما تعاين للشكل وخاصتا الشفايف بتعرف انه ذو اصول افريقيا وهذا ليس عيب او انقاص من قدر اي شخص النقص المخجل ان نتحدث ونقيم الانسان بشكله او قبيلته والا رايك شنو |
لا أظن أنك تظن بأنني أقيم الناس بأشكالهم أو بقبائلهم؟؟ إن كان ذلك كذلك فاسمح لي يا عزيزي أن أقول لك كم أنت مخطئ في هذا الظن.. ويبقى الود..
ياسر
|
Post: #14
Title: Re: يا ناس الان في الفضائية السودانية .... المذيع سافي صاعوط
Author: willeim andrea
Date: 07-18-2005, 04:29 AM
Parent: #1
طبعا تحليل... ومخارجه .... ومقبوله يا دكتور ويبقي الود
|
Post: #15
Title: Re: يا ناس الان في الفضائية السودانية .... المذيع سافي صاعوط
Author: tmbis
Date: 07-18-2005, 04:49 AM
Parent: #14
الأخ العزيز ناصر جـــامع والأخوة الشباب بالبوست.. سلامات.. معليش إضافة صغيرة في شكل حاجه تعريفية عن الأستاذ القدير جراهـــام عبد القادر.. حبيت انو اساهم بيها في البوست ربما شوية تعرفكم بالاستاذ.. جراهام عبد القادر استاذ قدير خريج معهد الموسيقى والمسرح تخص آلة الكمان.. وهو احد اعمدة اوركسترا السمندل الموسيقية .. في فترة انتعاش الموسيقى السودانية في العام 87-89.. وبعد تشتيت اعضاء الفرقة ما بين المهجر أو الظروف المحلية القاسية.. واصل الأستاذ جلوسه بالسودان فترة طويلة يدعم العمل الموسيقي من خلال تدريس علم الموسيقى .. والاشراف على الفرقة القومية للآلآت الشعبية فترة من الزمن.. وهو الآن يقدم برنامجه التراثي المشهور وانا من المتابعين لهذا البرنامج ايضانسبة لاهتمامه المميز بالتراث السوداني البحت.. تربطني علاقة حميمة مع الأستاذ جراهام عبد القادر وهو في مقام أخى الأكبر .. ربما لا يعرفه البعض هنا.. ما يتحلى به من ادب جم وسلوك سوداني اصيل وهنا اكرر كلمات الأستاذ احمد عثمان ساطور ( ترهاقا ) وهو ايضا من قبيلة المزيكاتية ربما لاختلاطه اكثر مني مع الأستاذ جراهام.. اكرر كلمات الأستاذ عما كتبه عن الأستاذ جراهام .. وهو عدم تعاطيه لأي انواع من المكيفات وهو من النادر جدا في الوسط الفني .. هذا لايعني أنني ضد هذه المسالك الشخصية أو ..ما شابه ذلك .. لكن أوضح حتى وإن كان الأستاذ جراهام ممن يتعاطون لا اظن ان من سلوكياته أن يدخل الاستديو لتسجيل حلقة يعرف تماما انه يواجه بها كاميرا وجمهور لا اعتقد انه كان يمكن أن يرتكب مثل هذه الحماقه إذا سلمنا جدلاً انه يتعاطي .. محبتي للجميع وللاستاذ جراهام عبد القـــادر...
|
Post: #16
Title: Re: يا ناس الان في الفضائية السودانية .... المذيع سافي صاعوط
Author: محمد السر
Date: 07-18-2005, 05:16 AM
Parent: #1
الزملاء الكرام بهذا البوست أعتذر للاستاذ/ جراهام و لكم لو كانت مساهمتي في هذا البوست حملت أي شبهة تهكم احترامي للجميع
|
Post: #17
Title: Re: يا ناس الان في الفضائية السودانية .... المذيع سافي صاعوط
Author: ناصر جامع
Date: 07-19-2005, 09:13 PM
الاخوة المشاركون تحياتي لكم جميعا
willeim andrea Yasir Elsharif ترهاقا tmbis اولا اشكركم علي توضيح ما خفي علي من امر الاستاذ جراهام...و ارجوا قبول اعتذاري...و للاستاذ جراهام بقول ليهو ياخ الما بعرفك بجهلك...و لك العتبي اخي حتي ترضي ناصر
|
Post: #18
Title: Re: يا ناس الان في الفضائية السودانية .... المذيع سافي صاعوط
Author: Asim Sharief
Date: 07-19-2005, 09:44 PM
Parent: #17
الاخ ناصر جامع تحيتى لك..وتحيتى للاخوة المتداخلين لاشك فيما ذكره الاخوة عن الاستاذ جراهام عبد القادر..فهو من الذين لم يالوا جهدا فى سبيل تطوير الموسيقى السودانية.. ولكن ما فاقنى اعجابا هو..انت ..وانت تضرب مثلا عن الروح الديمقراطى .. ليت جميعنا مثلك!! وادعو الجميع لرفع هذا البوست عاليا..ليكون هذا ديدننا فى تناول الامور ..ولتثبيت مبدا النقد والنقد الذاتى..باعتباره(اعظم ما توصلت اليه البشرية جمعاء..تفوقا(فى تقديرى)على كل ما انجزته المعارف البشرية من علوم وتكنولوجيا..فهو مقياس التقدم..ومفتاح التطور.. وللجميع محبتى عاصم كته
|
Post: #19
Title: Re: يا ناس الان في الفضائية السودانية .... المذيع سافي صاعوط
Author: banadieha
Date: 07-19-2005, 11:15 PM
Parent: #18
جراهام عبدالقادر..رجل قيافة في التقديم وإدارة الحوار..وقد كنت أتابع هذا البرنامج وأخرج منه دائما بأنطباع جيد عن المقدم علاوة على المادة المتنوعة بتنوع الجغرافيا والالات الموسيقية الشعبية.
ثم السفة ياناصر..وأخوك كلما تجي سيرة الصعوط راسه يلف، فتجربتي معه لم تتكرر مع اي سائل أو طائر أو مبلوع..ولم يهزأ بي شيء مثلما هزأ بي التمباك..فقد دور بي البلد داك في تلك المرة ولكن تحت عمود نور من أعمدة الحلة..ثم وبعد الإعتذار لناس الصعوط وحكما على تجاربي مع أندادي الذين كانوا (ولسه) يسفون..فكل صاحب سفه زول غميص يظهر ما لا يبطن ويرشد الصرف ويوفر المليم ويتكتك، وعندما كنا لا نعرف أكثر من تخميسة سجارة وعلى شط النهر أو في زحمة المحطة الوسطى إلا أن من يضبطنا أو يلمحنا من كبار الحي وفي الفم سجارة حمراء (طرشاء ما فاهمة) كان يعدنا من الصعاليك بالرغم من أننا كنا لا نعرف من الأزقة إلا زقاق المنفلة ولا نعرف من البيوت إلا بيت الربيت أما أصحاب الصعوط فقد كانوا يعدون من المؤدبين لصعوبة ضبطهم.
|
Post: #20
Title: Re: يا ناس الان في الفضائية السودانية .... المذيع سافي صاعوط
Author: ناصر جامع
Date: 07-20-2005, 00:06 AM
Parent: #19
اتاري يا بناديها انا من زمان اقول الشكل ده ما غريب علي...يا ربي اكون شفتك في حلويات قنجاري؟؟ عارف واحد من اصحابنا في الجامعة كان بيسف الصعوط في البركس و يتجنصص بي علبة البنسون في الجامعة قدام الجكس...يوم لقيتو ليك خالط خلطه شديده خلاص ... اها قلتا ليهو يا فرده جيب سفه...باقيليك اليوم داك انا بتا في الجامعة...يا زول انا الزول ده اسبوع زايغ منو
|
Post: #21
Title: Re: يا ناس الان في الفضائية السودانية .... المذيع سافي صاعوط
Author: ناصر جامع
Date: 07-20-2005, 00:35 AM
Parent: #20
العزيز عاصم شريف تسلم و الله انا غلطه مع الاستاذ جراهام...لكن والله بدون قصد او سوء نيه...و اذا هو متابع معانا ما يدور في هذا البوست اكرر له اعتذاري ناصر
|
Post: #22
Title: Re: يا ناس الان في الفضائية السودانية .... المذيع سافي صاعوط
Author: شدو
Date: 07-20-2005, 00:51 AM
Parent: #21
[QUOTE]أظن أن وضع فمه وشفايفه تشبه وضع "الإنسان الخاتي ليهو سفة" وهناك كثيرين مثله..
|
تحياتى اخى الحبيب ناصر جامع
اكاد اتفق مع الدكتور ياسر الشريف
حقيقة انا من الذين يستوقفهم برنامج هذا الرجل الذى احس انه بسيط وجدير ومتمكن
ومعجب جدا ببرنامجه فله منى التحية والتجلة
حقيقة انا لاحظت قبل فترة ما لاحظته انت لكن تاكد لى بانه غير ذلك فهذا الرجل
اراه فى قمة الادب والتادب والاحترام ويتخيل لى يحمل قيم جميلة بداخلة فلا اظن يفعل ذلك او ان مكانته لدى الكثير من الناس يجعله يفعل ذلك على الملا وعلى الفضائية مباشرة
|