جون قرنق فى المتمـة!

أسمـع كتيـر جون قرنق يشرب قهـوة فى المتمـة، ولا أفهـم المغزى..

متمـة شنـو يا جماعـة الزول فى القصـر، وضـاربو هـوا النيل الأزرق.. حسـادة واللا شنـو دى..
بلا متمـة بلا كتاحـة بلا عناقريب مرق الأصـلـة.

سلام محمدعثمان

تعرف قبل اسبوع قاده الدول الصناعيه التمانيه كانو بناقشو
مشكله "السخانه" بتاعت الكره الارضيه ... يقول المراقبون انو
المشكله دى فى غاية الخطوره وكانت فى مقدمه اجنده الاجتماع..

السودان يامحمد فيهو سخانه تلحم ....

ذمان ...(قبل مئات السنين)شهر فيراير ده نلبس ليهو فنايل صقط و نتغطى بالبطاطين
وننوم فى الاوض...

حسى مافى كلام زى ده ....
حر ...حر ....طول العام...

العالم الاول يصنع ويستفيد والعالم الثالث يدفع التمن...

بالنسبه لقرنق...
البضرب الهمبريت بتاع القصر الجمهورى مااظنو تانى يفكر فى غلابه...

مالم يثبت العكس.....

كدى النصبر ونشوف

سلام أخوي أبو الريش
وتحية للاستاذ الناصري

لو في أي فرصة لسياسي سوداني ان ينقذ السوادان ، حتماً سيكون قرنق
والرجل من زمان لو عايز الهمبريب كان هادن الجبهة وعملوا ليهو بيت في الكاريبي .. لكن الراجل صاحب قضية .. والله وشو دا وش خير
تحية ومحبة
عماد

يا جماعـة الخيـر بالله وفرونا شويـة وما تزايدوا علينا فى الزعيـم الحقيقى جون قرنق.
لو فى سياسى واحـد صالح ليكون رئيس للســودان، فهـو جون قرنق.

كل الذى أردت قوله، هـو عن الناس اللى يقولوا انو جون قرنق يشرب القهـوة فى المتمـة، فى الوقت اللى المتمـة لا تسـاوى شيئـا بالنسبـة للخرطـوم وللقصـر الجمهـورى.

أرجـو أن أكون أوضحت أكثـر الأن.. ربمـا كان التعبيـر السابق غير كامل.