محمود عبد العزيز اتمرمط يوم استقبال قرنق في المطار

الفنان الشاب محمود عبد العزيز الذي انضم مؤخرا للحركة الشعبية وانضم ايضا لطريقة صوفية معروفةقبل فترة مشي المطار يوم استقبال قرنق وقايل الحكاية فيها غناء لكن عينك ماتشوف الا النور والنور ذاته اليوم داك قطع اتمرمط تمااام وقعد في الهجيرة وشرب الهبوب ورجع غايتو اظنو تاني مابعمله ويمكن يصدر بيان يندد ويستقيل من الحركة

إلا أن وردي قابل قرنق حدادي مدادي ووقعوا فيها بوس وقداديم يأأمير.

ِشن جاب لى جاب

واضح ان خطوة انضمام الفنان المتميز محمود عبد العزيز للحركة الشعبية تثير مخاوف شديدة للبعض وذلك هو سر تعرضه لحملة تنبش في حياته الخاصة وفي فنه.
التحية لمحمود عبد العزيز،الذي لفت اداءد المتميز أنظار الناس منذ بداياته الاولي، والتحية ايضا لمواقفه الداعمة للوحدة والحرية والمقاومة للتسلط.

الحكاية دي يالاخو حصلت في الشارع العام في مسطبة قعد فيها الاخ المناضل محمود عبد العزيز ولما زهج قعد ليهو في ظل شجرة اريتك كان شفتو والله حالتو تحنن المؤتمر الوطني ذاتو واظنو كان بغني اغنية علي المسطبة المسخنة جلسنااو يمكن اغنية الله ياذي الاذانا

الأستاذ أمير تحياتي
المطرب محمود كما نعلم له صوت نادر وهو صاحب أداء متميز.. إنضمامه للحركة شيء يخصه هو ولا علاقة لمحبي فنه به.
وحقيقة أنا لست من معجبيه..ولكني أحب الفن الراقي وأحسبه صاحب فن راقي ..أما إهمال أهل الحركة الشعبية له يوم إستقبال قرنق ووصفك له بهذه الطريقة المزرية وهو ملطوع أمام المطار ويعاني من الانتظار والبهدلة..فهذه مسألة ليست في صالح ناس الحركة ,محمود مطرب له جماهير ومعجبين من الشباب كان على ناس الحركة الإنتباه له خاصة أن ياسر عرمان من القياديين الواعيين وما أعتقد أن أمر كهذا سيفوت عليه.
البعض قال أنه يستاهل ..لا أظن إنه يستاهل,, لكن أقول أنه فطير التجربة في دروب الحياة ولا زال ينقصه الكثير..

شئ طبيعي في ذلك الزحام الرهيب والارتباك العظيم والمخاوف الامنية ان لا يهتم الناس بأشياء كثيرة، وان تصبح ترتيبات كثيرة تحت رحمة الفوضي والارتجال. حتي محمد وردي الذي يفترض بحسبانه رئيس لجنة الاستقبال ان يكون في مقدمة المستقبلين كان تقريبا اخر من يصافحه جون قرنق ضمن المستقبلين. وبالنظر الي الملايين والتدافع الشديد فلا معني لهذا الكلام سوي محاولة الاساءة لشخص محمود عبد العزيز والتقليل من شانه ويعيدنا هذا لما قلناه في البداية ان مجرد انضمام محمود للحركة الشعبية اوقعه في دائرة المحظور وبالتالي تسعي الاقلام المحسوبة علي النظام للنيل منه ونبش حياته الخاصة.
ولمن لا يريد ان يصدق ذلك ان يقرأ البوست الذي يتضمن خطبة لعبد المحمود ابو حول الفتوي التي صدرت من بعض رجال الدين بتكفير كل من ينتمي للحركة الشعبية من المسلمين!
محمود عبد العزيز فنان اثبت وجوده في الساحة ولن يضيره بشئ ان يتعرض لبعض الاهمال في مناسبة عامة تسودها الفوضي، فقاعدة شعبيته اكتسبها بجانب موهبته الفذة من تواضعه واحترامه لكل الناس وعدم شعوره بالتميز علي الاخرين ويأتي انضمامه للحركة الشعبية ليصب في ذات الاتجاه.

امير سلامات ........

أهديك هذا الرابط لبوست له علاقة بموضوغك هذا كتبته عند إعلان محمود إنضمامه للحركة الشعبية وما صاحب ذلك من ردود للفعل ..


الفنان محمود عبد العزيز يعلن إنضمامه للحركة الشعبية !!!!!!!!

انت يالاخو قاصد مصطفي سيد احمد واللاشنو اتفق معاك انو صوتو جميل لكن تاني مافي حاجة وقصة لطعتو يا حبيب نسيت اقول ليك ما حصلت في الساحة الخضراء صحيح المكان جايط لكن برضو الناس اصوات بعدين محمود قال بي عظمة لسانه انو انضم للحركة عشان زعلان من الحكومة ولو عايز القصة بحكيها ليك ما عندي مانع