Post: #1
Title: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-04-2005, 06:29 AM
Parent: #0
صدقني يا حميدة كنت احمل نفس الفهم عن الاخ عثمان محمد صالح ولكن بتواصلنا مع بعض عن طريق الهاتف تعدلت الصورة تماما .. الرجل يجبرك على ان تنصت اليه ولا تقاطعه الحديث .. قمة في التهذيب وقمة في التواضع دار بيننا كلام طويل . قريته في شمالنا الحبيب .. مدينة عطبرة.. وتحديدا حي الحصاياالذي هو خليط من كل قبائل السودان يعيشون في مودة وترابط لا مثيل له .. ايضا حياته في هولندا .. ووعدني الرجل (كتر خيره )بلقاءات اخر ..
نرجو يا حميدة ان تعطي نفسك فرصة فهم هذه الشخصية الرائعة وقطعا لن تندم .. وان لم تفعل فالتابوت مصيرك تتدخل فيه متمددا للابد..
ود الباوقة
|
Post: #2
Title: Re: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-04-2005, 07:40 AM
Parent: #1
ستجدني لك من الناصحين بمشيئة الله .. والا مصيرك التابوت كما هو مصير غيرك ان لم تستجب ...
ود الباوقة
|
Post: #3
Title: Re: حميدة.. ادخل تابوتك الآن .. التوابيت محدودة ...
Author: زول ساكت
Date: 07-04-2005, 07:43 AM
Parent: #1
ود الباوقه اني لاجد ريح عقلك
يبدو انه على وشك النضوج
|
Post: #4
Title: Re: حميدة.. ادخل تابوتك الآن .. التوابيت محدودة ...
Author: humida
Date: 07-04-2005, 08:42 AM
Parent: #3
الاعزاء ..
ود الباوقة .. وزول ساكت ..
لكم التحية في نهارات الرياض الساخنة
والتحية للاستاذ عثمان صالح ..
فقط اتعاطى مع الامر بصورة اخري
مفهوم الـ Discussion Board لا يجعلني اكره احد
او ان ابادله العداء .. علي محمل شخصي
هي ممارسات بشروط آخري قد لا تتفق مع سياق الحياة العامة
الرأي والرأي الآخر .. " ذي ما بقولوا ناس الجزيرة "
ما يفعله عثمان صالح " شخصية المنبر "
يدخل عندي في باب السخف الفكري ..
وربما العباطة ..
لا يعنيني كثيرا من وراء الاسم ..
بقدر ما تعنيني الكلمة المستفادة من هذا الباندوث المهدر
لكل منا طريقة تعاطيه مع الامور .. وحرية الرأي
بدون سلب الآخرين حقوقهم .. وربما " تفطيس " .. كل ما يكتبون
اسلوب عثمان صالح اسلوب استفزازي .. لا أدري ما المقصود منه
لديه كتابات جميلة .. يخدشها بتلك التصرفات
أما كون الرجل في واقعه " طيب وحبوب "
فهذا لا يعنيني اذا لم ألتقيه ..
فأنا اتعاطى مع شخصية المنبر فقط في الوقت الحالي
ولا أجد سببا مقنعا لتصرفاته تلك .. حتي اذا ألتقيته ..
شكرا للاهتمام ..
|
Post: #7
Title: Re: حميدة.. ادخل تابوتك الآن .. التوابيت محدودة ...
Author: معتصم دفع الله
Date: 07-05-2005, 05:00 AM
Parent: #4
حميدة لم يتبقى سوى تابوت واحد ..
تمدد يا صديقي مرتاح البال ..
أمامك توابيت بالكوم ..
|
Post: #5
Title: Re: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-04-2005, 04:05 PM
Parent: #3
Quote: ود الباوقه اني لاجد ريح عقلك
يبدو انه على وشك النضوج |
واني اري ان راسك قد اينع وعليا ( دقلشته ) اعمل حسابك من التوابيت المتحركة ليلا ...
ود الباوقة
|
Post: #6
Title: Re: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-05-2005, 04:46 AM
Parent: #5
Quote: الاعزاء ..
ود الباوقة .. وزول ساكت ..
لكم التحية في نهارات الرياض الساخنة
والتحية للاستاذ عثمان صالح .. |
حميدة الشغلانة الظاهر جرت .. يا اخوي الموت وسط الجماعة عرس .. الجقلبة ما بتفكك من الزول دا ..
ود الباوقة
|
Post: #8
Title: Re: حميدة.. ادخل تابوتك الآن .. التوابيت محدودة ...
Author: معتز تروتسكى
Date: 07-05-2005, 06:12 AM
Parent: #6
كل نفس ذائقة الموت
الموت جاكم ناس المنبر
فارجعوا الى رشدكم وتوبوا
واعملو عملا صالحالااخرتكم..
وسارعو بحجز توابيت لكم ولا اسركم فالكميه محدوده والاسعار جيده ربما
فهو موسم التخفيضات
سارعو قبل النفاذ والغلا
او ربما نهايتها
فتموتون فطيسه ساى...وتدفنون فى السهله ساى ايضا..
(حميده)
عمر
البركه فيكم وفينا
جيت اعزيكم فى صديقى حميده
الان هو بداخل تابوته ينام مرتاحا
كان طيبا انيقا واحيانا سافلا ووغد
هل يتم دفنه بالملكه ام يحمل تابوته الى السودان
وداعا صديقى وكل من فى اللسته
انه فعلا تابوبت مميز
ينام عليه...
جميعكم وداعا اصحاب اللسته والقادمون من رحم الغيب..
 
|
Post: #11
Title: Re: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-05-2005, 07:57 AM
Parent: #8
Quote: جيت اعزيكم فى صديقى حميده
الان هو بداخل تابوته ينام مرتاحا
كان طيبا انيقا واحيانا سافلا ووغد
هل يتم دفنه بالملكه ام يحمل تابوته الى السودان |
العزيز تروتسكي .. نأسف لورود اسمك ضمن التوابيت الواجب تشييعها فورا ولكن لارد لقضاء الله وقدره وسأحاول ما استطعت رد الحكم الصادر ضدك مشفوعا ( بجقلبتكم ) ..
اما بخصوص التابوت حميدة كانت الفكرة تشييعه الى السودان ولكن بعد الدفعة الاخيرة من التوابيت الكثيرة والتي من ضمنها انتم .. قررنا دفنكم جميعا في مقابر جماعية سنحدد مكانها لاحقا ..
بس ان شاء الله التوابيت تقيف عند هذا الحد وما يجونا ناس زيادة ..
ود الباوقة
|
Post: #9
Title: Re: حميدة.. ادخل تابوتك الآن .. التوابيت محدودة ...
Author: Tabaldina
Date: 07-05-2005, 06:16 AM
Parent: #1
..
.
سلام يا ود الباوقة ،،
شايفك بتنصح فى اخونا حميدة ..
على العموم أنا الاستاذ / عثمان نصحني شخصياً مردداً
لا تعد ..
لا تعد
والله أحترمت نفسي ولم اعد ..
بس جبت ليك التابوت دا .. للتشيع ..
[IMG]
http://images.google.com/images?q=tbn:5CYA_5psfUMJ:drag...ulls/Coffin.jpg
[/IMG]
ودا كلو كوم شوفوا جرســة أخونا معتز تروتسكي دا :
| Quote: ليه عثمان سويت ليك شنو؟؟!! |
لمن كلامو أتلعثم ونسي الربط
والله انا بقرأ فى البوستات التلاتة الحايمة دى ..اتمرمقت من الضحك فى الأرض ..
بصراحة أكتشفت أن الأديب عثمان دا بقدرني خالص لولا ذلك لصرت عابث ..
وأتفق معاك يا ود الباوقة بس عليك الله اسالو نتفاهم معاهو كيف ؟؟
انا دخلت أناقشوا .. هرشني قال لي بالحرف الواحد :
لا تعد ..
اكرر
لا تعد
اها طبقت نعلاتي وإتخارجت ..
وانا حسع متخارج ما يجي يقول لي بتعبث فى شنو؟؟
انت أنا ما نصحتك ؟؟
بس عليك الله كلمو يتصلنا علينا وتلفونا فى البروفايل ..
تحياتي أيها المشيعون ،،،
|
Post: #10
Title: Re: حميدة.. ادخل تابوتك الآن .. التوابيت محدودة ...
Author: Tabaldina
Date: 07-05-2005, 06:35 AM
Parent: #1
..
.
اها كلامي مشي وجا ما قلت ليكم أخوي شيال التقيله دا
رقد واطه .. ناذر دخل للمدافن لقي نفس الجرسة وقال ليهو :
Quote: تروتسكي أفو ...!!!!
Quote: ليه عثمان سويت ليك شنو؟؟!!
أركز يا راجل وشد حيلك ومت كما يموت الرجال ...
أفو أأجنا !! دي ميها المحرية فيك !!
حرم وعلي بالطلاق الإنكسار دا ما أظنو هولك !!!
إن خفت من التوابيت أأجنا التحرق حريقتن سااااكت !!!
مش الصينيين بيحرقوا موتاهم !!!!
هييييييعع !!!
أوعك من الجرسة والبكا .. |
ححححي أنا يا معتز ما عامل لي فيها بتحارب الثوار
حسع جنس مرميقك دا ناس اللورد محمد سليمان يقولو عليهو: جلابي وفز
وبعد داك بتقدر على دواسهم ..
|
Post: #14
Title: Re: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-05-2005, 08:18 AM
Parent: #10
Quote: لا تعد ..
اكرر
لا تعد |
تبلدينا احمد ربك الخارجك من التابوت واني لك من الناصحين بعدم العودة لانو التالتة حا تلقا نفسك جوه التابوت .. لكن يا تبلدينا والله الختاها تروتسكي ان شاء الله ما تبقى عليك .. اوع تجي تاني عاين من بعيد وارجع الزول دا ما يشوفك ...
ود الباوقة
|
Post: #12
Title: Re: حميدة.. ادخل تابوتك الآن .. التوابيت محدودة ...
Author: بلدى يا حبوب
Date: 07-05-2005, 08:05 AM
Parent: #1
عمر محمد
شنوى يا زول قلته تبقى حانوتى المنبر والله شنو
نحن بتاعن حفر ساكت الشوف ناس الشتات
واخر دعواتى بطولة العمر للجميع
تجحياتى
|
Post: #13
Title: Re: حميدة.. ادخل تابوتك الآن .. التوابيت محدودة ...
Author: Tabaldina
Date: 07-05-2005, 08:16 AM
Parent: #1
..
.
عليكم الله أقروا التعليق الظريف دا..
Quote: ShainningStar
الاسبلنق دا غلط ... نرجوكتابته بي الطريقه الصحيحه في الشاهد.. |
زى ما قلت ليك يا ود الباوقة انا بهناك قالوا لي:
لا تعد ..
لكن حاتل هنا .. والله ريللي زى ميد ماى دي ..
العن ابو الانجليزي المترجم ..
منتصب القامة ،، أمشي
مرفوع الهامة ،، أمشي
في كفي قصفه زيتون وحمامه
وعلى كتفي ( نعشي ) ..
قلبي قمر أحمر
قلبي بستان
فيه العوسج .. فيه الريحان ..
شفتاي سماء تمطر ..
ناراً حيناً .. حباً أحيان
وأنا أمشي .. وأنا أمشي
منتصب القامة أمشي
مرفوع الهامة أمشي
فى كفي قصفه زيتون وحمامة
وعلى كتفي ( نعشي)
وها هو ....
مهداة لكل مشيع الى المدافن وطرف المداين ،،،
مع الود والتحية ،،،
|
Post: #15
Title: Re: حميدة.. ادخل تابوتك الآن .. التوابيت محدودة ...
Author: bushra suleiman
Date: 07-05-2005, 08:36 AM
Parent: #1
اهو سيد التوابيت الاصلى جاكم..اى ماركه غير مختومه بختم ديجانقو لاتعتمد..احذرو التقليد!!
جمله وقطاعى..
|
Post: #16
Title: Re: حميدة.. ادخل تابوتك الآن .. التوابيت محدودة ...
Author: معتز تروتسكى
Date: 07-05-2005, 08:57 AM
Parent: #15
ابوعمير ازيك
كدى انشيل نفس ونستغفر
ونشهد على روحى ماختونى فى اللسته
زهت ايامى وانا بتغزل
لقد حانت لقائى للرب وصعود روحى السلالم الالهيه مودعه ذات القبور...
بعد ان كنت احمل التوابيت واشيع الناس
ها انا على الة حدباء محمول (تسمى التابوت)...
ودعا روضى الغنا وداعا معبدى القدسى
ساتوجه الان لاكتب وصيتى وسلامى للكل والعفو والعافيه
سنتلاقى مع اصدقائى فى السته فى منبر القبر والتوابيت..
حيث الحياة الخالده
وهناك البورد ليس فيهو ظلم بكرى ولا فظاظة بعضهم
فيهو منكر وتنكير
يا اسود يا ابيض..
تبلدينا..
يا اخوى صاحب التوابيت ده كان بقى ثائر خليهو انا المسكين ده تانى الامم المتحده مابتقدر عليهو..
احىىى احححححى
يافرده الخواف ربى عيالو
هذا اذا تبقى لى عمر لكى ارى عيالى
وداعا ظل التبلدى ودعا صديقى..
وداعا
bushra suleiman
ساذهب فى دفعة القطاعى..
وهل ستاتون فرادا ام بالجمله..
هكذا ارد صاحب التوابيت..
DIANGO
كم نفتقد محمد بكرى صاحب مصطلح الجضيم
لاودعه اة ربما اجده قد سبقنى فى تابوت قديم مهترئ
عموما كان جا وراى بلغوه التحايا النواضر..
وكان لقيتو هنا
ببلغوا خالص التحايا منكم..
وسلامز
|
Post: #17
Title: Re: حميدة.. ادخل تابوتك الآن .. التوابيت محدودة ...
Author: humida
Date: 07-05-2005, 09:00 AM
Parent: #15
يا تروتسكي ..
LoooooooooooooooooooooooL
مالك قمت جاري
والله هرشوك هرشة
|
Post: #18
Title: Re: حميدة.. ادخل تابوتك الآن .. التوابيت محدودة ...
Author: tmbis
Date: 07-05-2005, 12:00 PM
Parent: #17
يا ود الباوقه..
زمان اسمى سقط في كشف الكلية الحربية..
والحمد لله في كشف توابيتكم دي برضو
مافي
|
Post: #19
Title: Re: حميدة.. ادخل تابوتك الآن .. التوابيت محدودة ...
Author: Faisal Taha
Date: 07-05-2005, 02:34 PM
Parent: #18
Humaida والله أمرك جد يحير
STOP this crazy insult PLS
|
Post: #20
Title: Re: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-05-2005, 03:51 PM
Parent: #19
Quote: وسارعو بحجز توابيت لكم ولا اسركم فالكميه محدوده والاسعار جيده ربما
فهو موسم التخفيضات |
معتز تروتسكي .. الشغلانة دي لو مشت كدا الظاهر كلو ( اتنين ) حا نختهم في تابوت رأيكم شنو ..
ود الباوقة
|
Post: #22
Title: Re: حميدة.. ادخل تابوتك الآن .. التوابيت محدودة ...
Author: معتز تروتسكى
Date: 07-06-2005, 01:01 AM
Parent: #20
| Quote: معتز تروتسكي .. الشغلانة دي لو مشت كدا الظاهر كلو ( اتنين ) حا نختهم في تابوت رأيكم شنو .. |
لالالا يا اخوى ده مامعانا..
صغير وجاهل شفت شنو للدنيا دى
يلم فينى واحد فى القفله دى والوطه ضلمه وضيقه يجهجهنى ساى .  .
لكن لو فى من الجنس الاخر نقبل. .
اصلو قالوا فقه المرحله بالنسبه للجنس الاخر يجوز
او
اذا النفوس اطايبت التابوت بشيل ضكر و100 انتايه. .
قايتو كان بقتو عليها خلاث
ابدو بى حميده واقترح يكون معاهو عبد الرازق.D .
|
Post: #21
Title: Re: حميدة.. ادخل تابوتك الآن .. التوابيت محدودة ...
Author: humida
Date: 07-06-2005, 00:47 AM
Parent: #19
فيصل طة ..
لا تعد
ادخل الي تابوتك في الحال .. !!
|
Post: #23
Title: Re: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-06-2005, 01:47 PM
Parent: #21
| Quote: تابوت خبيث ورعـديد |
تروتسكي .. دا معناه انت تابوتك براه يا سيد تمدد فيه كيفما شئت .. براك سويتا في نفسك وسويتنا في زيادة توابيت ..
ود الباوقة
|
Post: #24
Title: Re: حميدة.. ادخل تابوتك الآن .. التوابيت محدودة ...
Author: معتز تروتسكى
Date: 07-06-2005, 01:50 PM
Parent: #23
اسوى شنو ود الباوقه
قالوا قلة الشغله بتعلم المشاط
لقيت نفسى فاضى مدبرس قلنا نمشى للحانتوتى ده نتونس معاهو شويه
بس بينى بينكم
داير مدد
بقت التوابيت دى وين
|
Post: #25
Title: Re: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-07-2005, 04:13 AM
Parent: #24
| Quote: اسوى شنو ود الباوقه |
ادخل في تابوت واحد مع الاخ محمود الدقم ....
قضي الامر....
ود الباوقة
|
Post: #27
Title: Re: حميدة.. ادخل تابوتك الآن .. التوابيت محدودة ...
Author: معتصم دفع الله
Date: 07-07-2005, 07:21 AM
Parent: #18
نطالب بتابوت للمدعو تمبس ..
تفصيل خاص ماركة تمبسية ..
|
Post: #26
Title: Re: حميدة.. ادخل تابوتك الآن .. التوابيت محدودة ...
Author: Tabaldina
Date: 07-07-2005, 05:48 AM
Parent: #1
..
.
| Quote: ادخل في تابوت واحد مع الاخ محمود الدقم .... |
Watch up,,,
Undertaker.. Is following you ..looool
Am outttttttttt
لا تعد ..
والله جنس إرهــاب ..
انا زاتي ما عارف سويت ليهو شنو !!؟؟
بس تابوتي النجار ما خلصوا..
fewwwwwwwwwww
|
Post: #28
Title: Re: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-08-2005, 03:26 PM
| Quote: نطالب بتابوت للمدعو تمبس .. |
معتصم... اضم صوتي لصوتك وان يكون تابوته لحاله ...
اخونا عثمان للمصادقة .. مع الشكر ...
ود الباوقة
|
Post: #29
Title: Re: حميدة.. ادخل تابوتك الآن .. التوابيت محدودة ...
Author: عمر محمد عبد القادر
Date: 07-08-2005, 03:34 PM
Quote: والله جنس إرهــاب ..
انا زاتي ما عارف سويت ليهو شنو !!؟؟ |
تيلدينا ما عارف سويت شنو .. انت يا اخوي مالك ( متلقي حجج ) ما قالوا ليك ..
عد الى الملف ولا تعد ...
قضي الامر ..
ود الباوقة
|
|