موبيتل والسرقة عيني عينك

ظاهر ارسال الرصيد .. شئ جميل تمكن اي شخص من التحدث.. وهي ذات جدوى اقتصادية كبيرة بالطبع لموبيتل .. لا ننتقد الخدمة في حد ذاتها فنحن كما ذكرناسابقاً بأنها شئ جميل ولكن ما يحدث تحت سمع وبصر موبيتل وربما بتشجيع منها والمتمثل في بيع الشرائح بعد افراغها من الرصيد الذي يصل الى حوالي 147 الف جنية ثم بيعها لك بمبلغ 120 الف اي ان اجمالي قيمة الشريحة يصل الى حوالي 270 الف في حين ان سعرها الرسمي المعلن 200 الف جنية واذا ذهبت لموبي لا تجدها وعند الوكلاء من تحت التربيذة . فاذا كانت موبي تل لا تعلم فقد نبهنا وان كانت تعلم فهي الطامة ولا اعتقد انهم لا يعلمون ولا يشجعون.. وتحت تحت بقولوا موظفيها هم الذين يقومون بالبيع والله اعلم
اذا ارادت موبيتل (في حالة عدم علما بما يحصل) الحل نقدم بعض الاقتراحات:
* سحب تواكيل من الوكلاء الذين يقومون بهذا التصرف المشين الذي لم يكن يشبه موبيل تل
* بيع الشرائح بملبغ 50 الف دون رصيد (النشوفم ح يبيعوا شنو؟)
* موبيتل تتصرف تشوف حل (هو نحن ناقصين.. ما كفاية مص الدم)
غايتو يا موبيتل ناسك القاعدين في مكاتب مكندشة ديل دي شغلتهم والحل المناسب يعملوه وكما بيقول الزول البكتب في جريدة الصحافة داك (النشوف آخرتا).

..
.
سرقات موباتيل دى ..
دا الموضوع الأنا عايز أجي عشانو ...

سرقة عينك يا تاجر .. فى سحب الرصيد
وليس فقط فى الإرسال ..
بجي شوية كدا ،،،

..
.
من دقنو وافتلو ..
تسعيرة عالية
وخدمات سيئة
ودايما بره الشبكة
ولا يمكن الوصول اليه
ومشغول
ويجوا يقولو ليك جوائز وهدايا ..
وينك يا صاحب البوست ..

التحية لكل من يفضح هذه الشركة التي أدمنت النهب والسرقة والغش واستغلال حاجة المواطن للتواصل .. ومساهمة مني في ذلك أقترح على الشباب الرائع توحيد هذا البوست في بوست الأخت نجود.. التي سبقتني بسرعة تنفيذ فكرة الكتابة عن فضائح موبيتل.. وعليه سأحكي لكم مآسي موبيتل في ذاك البوست .. مع تقديري وحبي للكل..