Post: #1
Title: كفاية ..
Author: tmbis
Date: 07-02-2005, 02:32 AM
Parent: #0
كفاية علّي حضورك فيني يا الوجع الساكن جوه عيوني
ده ما معناه رويت العطشة وعمرو في يوم ما روت ألرشفه
ما كفاية
الإحساس العايشو تجاهك عمرو في يوم أبداً ما قل
كل مشاعري تقول بهواك وتصر تهواك وحياة الله
حتى عيني عديل بتابعك بإحساس وكايسه ألطله
وأنت بعيد خت في بالك متعالي الحب لازم يتدله
كفاية علي
ألخفقه ألعندي تجاهك رعشه
بحسو حنان في حلاوة الهمسة
كلما شفت قوافل عادت
شبعت شوفه وحضنت شوقه
وشافت منك رفقه ووحشه
ما كفاية علي
بحس الآلام وجع ألانه
وخد نديان غالباهو محنه
صادف جفنو دمع أماني
وردد انك راجع تاني
تلون ليلو بلون النور
وتسعد روحو بأحلى شعور
ما كفاية علي حضورك
فيني
يا الوجع
الساكن
نني
عيوني
|
Post: #2
Title: Re: كفاية ..
Author: قرشـــو
Date: 07-02-2005, 02:42 AM
Parent: #1
العزيز تمبس
كلام جميل يا سيدى واحاسيس مرهفة
تعرف
انا افتكرتك حاتدعو لحزب كفاية السودانى
سلمت لينا
|
Post: #4
Title: Re: كفاية ..
Author: tmbis
Date: 07-02-2005, 02:56 AM
Parent: #2
يا عمده
صباح الخيرات ..
الليلة في مشكلة تقنية ما قادر افهمه
وهي السبب في اني نزلت النص ناقص شوية معلومات
لكن ..
الجميل انك من عشاق الكلمة الحلوة ..
وح تكتمل اللوحة بعد شوية
قلت اول نجيب الكلام .. وتاني نشوف بعديها بقى عامل كيف
طبعا يا عمدة الكلام للراحلة
ليلي المغربي
لها المغفرة
|
Post: #3
Title: Re: كفاية ..
Author: حمزاوي
Date: 07-02-2005, 02:50 AM
Parent: #1
أحم أحم
نحن هنا
|
Post: #5
Title: Re: كفاية ..
Author: tmbis
Date: 07-02-2005, 02:57 AM
Parent: #3
منور يا ابو النسب
|
Post: #6
Title: Re: كفاية ..
Author: tmbis
Date: 07-02-2005, 02:59 AM
Parent: #5
|
Post: #7
Title: Re: كفاية ..
Author: almohndis
Date: 07-02-2005, 03:01 AM
Parent: #1
أن قال يا ربي كفاية المصرية
دخلت السودان اتري الزول موجع
بلحيل
ربنا يجمع بيه
|
Post: #8
Title: Re: كفاية ..
Author: tmbis
Date: 07-02-2005, 03:02 AM
Parent: #7
مش عليك اليه يامهندس
حالتو تحنن كمان
|
Post: #9
Title: Re: كفاية ..
Author: عثمان حسن الزبير
Date: 07-02-2005, 03:20 AM
Parent: #1
العزيز تمبس وينك ياجميل ماشاء الله اليوم منور وموجود بقوة حيث الجمال كما عودتنا بس الزوقات الطويلة ديك خليها شوية كفاية علينا غيابك الطول وتعال وانثر الجمال كما كنت وستظل دائماً ..
نزاحمك شوية
كفاية علي للراحل المقيم الشاعر حسن الزبير
وكت قدامك أضعف انا وتضيع كلماتي دون أهداف
وأنا الساحات مليته غُنا وعاشق للجمال وصــاف
عليك الله ما بتقولي علي تهت خجلت ولا بخــاف
وكت كلماتي تتعثر وأردد في كلام مــــــردود
وأنا الكلمات بزيده طعم بنسقها در بديع وعقــود
وحاتك ما بتسألي ليــه أمامك ديمة بالي شــرود
وكت خافية الحقيقة عليك ولا أقولها بي لـــساني
بحبك فوق حدود الحب وفوق كلماتي وألحــاني
بحبك شوق وذوق وحلا واموت وأحيا وأحب تاني
وسيبي القالوا فيك غرور وقلبك بكرة بنســـاني
كفاية علي زمن صوتك تهز أوتارو وجدانــي
وكفاية علي ذكرى لقا
سعيد أسعدني وأشقاني
|
Post: #10
Title: Re: كفاية ..
Author: معتصم دفع الله
Date: 07-02-2005, 05:17 AM
Parent: #9
تمبس يا جميل ..
بجيك بي رواقة ..
|
Post: #13
Title: Re: كفاية ..
Author: tmbis
Date: 07-02-2005, 05:44 PM
Parent: #10
معتصم..
طبعا ما ح تجي يدك فاضية مش ؟؟
|
Post: #12
Title: Re: كفاية ..
Author: tmbis
Date: 07-02-2005, 05:37 PM
Parent: #9
العزيز عثمان حسن الزبير ..
اشكرك وليالي امدرمان والنص الجميل
ودعني اترحم على روح الوالد الاستاذ حسن الزبير
المساحة مشرعه للجمال يا عثمان والنسمات العطره من نداوة المرهفه ليلي المغربي ،، وارجو أن تزينها بقدر ما تستطع بطلتك والكتابة اكثر عن الراحل وساكون في انتظارك
وفي بالي آخر لقاء لي مع الراحل بالفتيحاب من سنين..
أرجو أن لا تقيب وزاحمني بقدر ما تستطيع..
والمكان منور بوجودك يا صديقي وبالانسام الطيبة
|
Post: #11
Title: Re: كفاية ..
Author: نادر
Date: 07-02-2005, 06:36 AM
Parent: #1
Quote: الإحساس العايشو تجاهك عمرو في يوم أبداً ما قل
كل مشاعري تقول بهواك وتصر تهواك وحياة الله
حتى عيني عديل بتابعك بإحساس وكايسه ألطله
وأنت بعيد خت في بالك متعالي الحب لازم يتدله
|
كفاية عليّ
شاويش يا تمبس؟؟ تاني شاويش؟؟
تمبس يا تمبس ... أنا بدعي ليك ال(لانام ولا أكل طعام) تكون في سطوة الاحساس العالي ده على الدوام ... عايش ومتربع فيهو ...
خت اللنك أنت عارفني بقدر في دقائق أجيبو ما تتعبنا معاك ...
|
Post: #14
Title: Re: كفاية ..
Author: tmbis
Date: 07-02-2005, 06:06 PM
Parent: #11
نادر
ويارب طوالي تكون مدوزن زي يوم الليلة ده
لكن عرفتك.. بمسكوك من وين
طيب ياخ مش كان تريحني من زمان وتقول
بطل ارهابك ده
بكره الصباح حاجاتك بتصلك
|
Post: #15
Title: Re: كفاية ..
Author: nazar hussien
Date: 07-03-2005, 03:10 AM
Parent: #14
رائع وحياة الله
يا تمبس يا زين الشله...
طولنا ما لاقيناك
|
Post: #17
Title: Re: كفاية ..
Author: tmbis
Date: 07-05-2005, 01:20 AM
Parent: #15
بن عمي نزار حسين
الشوق مطر والله ..
والوعود باقية في عشم الشوف .. المؤجل من ما لقيتك هنا ده ..
الله يهون القواسي
ويمتعك كمان وكمان..
تحياتي للحبايب ضمه
|
Post: #16
Title: Re: كفاية ..
Author: نادر
Date: 07-04-2005, 11:29 PM
Parent: #1
| Quote: بكره الصباح حاجاتك بتصلك |
ده ياتو بكرة ده؟؟
تعال
تغباني أنا يا علاء؟؟ أرجه الجاييك يا (تعبان)
|
Post: #18
Title: Re: كفاية ..
Author: tmbis
Date: 07-05-2005, 01:29 AM
Parent: #16
بكره العادية بتاعت النت دي يا نادر..
اصلو ما شفت ليك بكره بتاعت نت ؟؟
غايتو يا نادر بقيت تخوف الواحد والله .. زمان كنت رايق وبتشيل حاجاتك من الواحد بي رواقه..
عامل زي البرازيل
البرازيل تغلب الواحد..
ويطلع متكيف بي غلبو ده .. لانو متعوهو..
انا بقترح انو اي بتاع ( رقشة ) ( وامجاد) في السودان كل نهاية شهر يشيلو منو خمسمية جنيه للبرازيل
Save @ PC
ده البتاع يا نادر
بس اتصلح معانا..
|
Post: #19
Title: Re: كفاية ..
Author: نادر
Date: 07-05-2005, 11:34 PM
Parent: #1
شوكراً على البتاع
| Quote: تغباني أنا يا علاء؟؟ أرجه الجاييك يا (تعبان) |
أنا مُصر ...
تعرف يا تمبس أنا ما بحب كورة البرازيل لعابين وصعاليق كورة معاك، بس ياخي ممسخنها ما بتغلبوا ديل وأي كأس لافي شايلنو الفريق لو ما اتغلب وغلب وإدردر ما لذيذة ،، بس رونالدينو بكيفني، الود ده عجييييب لعبو طاعم وليهو نكهة، أما رونالدو فما بحب لعبو زول بتاع ميتات ودافور ساي ...
بيني وبينك ريحتني بي شاويش الأغنية دي تحديداً سمعتهافي إعادة السهرة الوقت كان متأخر قلت ما بصحي تنقو لانو كان خاشي في برنامج رياضة وكده قلت بكون نايم أتاريك لقطها بي غادي ...
تعال ضهر الفيل كيف؟ واسع؟؟
|
Post: #20
Title: Re: كفاية ..
Author: tmbis
Date: 07-06-2005, 03:02 AM
| Quote: ياخي ممسخنها ما بتغلبوا ديل وأي كأس لافي شايلنو |
تعرف يا نادر
عندي قريبي قصيروني كدا ..( ورشاشة ) درجة اولى ..لي شلاقتو قام دخل معاي هلال موردة وانا رشاشة برضو لكن مع المورده بكون داسيها وقاعد طبعا مع الجماعة في الناحية بتاعت المورداب ،، تشجيع منظم واي حاجة..
قريبي ده خشمو خفيف النوع البقوم مع الهجمه ويقعد داك .. المهم قلت ليهو اسمع بي شلاقتك دي الناس ديل بكتلوك .. امشي اقعد بي صايد الهلالاب يا المريخاب انا ما عندي مشكلة قال لي لالالا ما بقول حاجه..
المهم الكورة شغاله صاحبك يتململ ..قام ولد طاشين جاب القون قريبي ده قام لي شلاقتو طلع بره الزمن ونسي نفسو مع البهجة .. وقعد يعرض ليهم ( صقرية ) انا طبعا جليت ليك حنانو .. عملت ما بعرفو خالص..
قامو اتشالبوهو ليك الجماعة ورموهو من الحيطة بتاعت استاد الخرطوم من فوق ..
الغريبه مشيت البيت لقيتو قاااااعد ( مظلط ) .
قلت ليهو ده شنو يا منقه انت لسه حي ؟؟
قال لي وقعته في عربية ( قصب السسكر ) ..
اها دي ذكرتني الكاس الفات البرازيل والمانيا..
بحضر في المباراة ومعاي تلاتة بشجعو في المانيا.. وانا مزنوق زنقه كرهت اليوم القعدني معاهم..
قوم ياولد ياحريف يا رونالدو جيب القون.. ياخ متعتهم ليك متعة .. البرازيل شالت الكاس وانا ( معسم ) اسبوع راقد في السرير ..
والله تتخيل يا نادر الصدفة خدمتني اليوم داك .. عندي شغل في البيت فاتح الجهاز فجأة حولت القناة للتلفزيون كان اللقي ليك باقي الحلقة..
وللاسف الشديد كل التسجيلات القديمة ل جاويش ضربت مع السستم.. ويعوضني الحله بله..
|
Post: #21
Title: Re: كفاية ..
Author: نادر
Date: 07-06-2005, 04:25 AM
Parent: #1
الونسة لذيذة
برجع ليك بس عندي واحد قايم ليهو سداري بي هناك ...كورتو صرجت رجلو جات في زير السبيل
|
|