Post: #1
Title: عملية بيع الوهم في انضمام (القري) و (المدن ) في السودان (للمؤتمر الوطني)!!
Author: برير اسماعيل يوسف
Date: 06-25-2005, 00:22 AM
لقد ظللنا نسمع طيلة سنوات الانقاذ العجاف بان الكل مع الانقاذ ما عدا الخونة و المارقين و الخوارج و اليهود ...الخ , و ها نحن نسمع الان بان القرية الفلانية بأكملها قد انضمت الي (المؤتمر الوطني) و ان المدينة الفلانية عن بكرة ابيها او امها قد التحقت (بالمؤتمر الوطني) ... هذا بعد ان سمعنا بانضمام احزاب (للمؤتمر الوطني) في الفترة السابقة ... سؤالي للناس هو ما هذا الهردبيس يا عالم؟
|
Post: #2
Title: Re: عملية بيع الوهم في انضمام (القري) و (المدن ) في السودان (للمؤتمر الوطني)!!
Author: برير اسماعيل يوسف
Date: 06-25-2005, 11:08 AM
Parent: #1
***
|
Post: #3
Title: Re: عملية بيع الوهم في انضمام (القري) و (المدن ) في السودان (للمؤتمر الوطني)!!
Author: نصار
Date: 06-25-2005, 02:44 PM
Parent: #1
العزيز برير
التعبير الجاري لوصف الهوس دا في الخرطوم هو خم الرماد،، و الخم دا بخموا بيهوا ناس و قروش و اراضي لتكبير الكوم استعدادا للتغييرات القادمة. المؤسف انهم بسخروا كل امكانيات الدولة لهذا العبس و جماعتنا البجهزوا معاهم للفترة الانتقالية ما جايبين للدنيا خبر بل بالعكس في واحدة من نوع المسرحيات الهزلية دي علي عثمان بتكلم مع تجمع قبائل في دارفور قال ليهم اننا حققنا السلام مع الحركة الشعبية و الان جبناهم معانا عشان نأكد ليكم الكلام دا و فجأة الموضوع اتحول لمبايعة كل قبايل دارفور للمؤتمر الوطني!! و ناس الحركة ولا عليهم. غايتو محن و الاختشوا ماتوا و كدي النشوف الحركة و التجمع بعملوا شنو بعد يوم 9 يوليو.
|
Post: #4
Title: Re: عملية بيع الوهم في انضمام (القري) و (المدن ) في السودان (للمؤتمر الوطني)!!
Author: محمد حسن العمدة
Date: 06-25-2005, 03:24 PM
Parent: #3
| Quote: القرية الفلانية بأكملها قد انضمت الي (المؤتمر الوطني) و ان المدينة الفلانية عن بكرة ابيها او امها قد التحقت (بالمؤتمر الوطني) |
| Quote: التعبير الجاري لوصف الهوس دا في الخرطوم هو خم الرماد،، و الخم دا بخموا بيهوا ناس و قروش و اراضي لتكبير الكوم استعدادا للتغييرات القادمة. |
الاخوان برير ونصار سلامات
يبدو ان مسالة النقاطة وكل يوم كم الف جو بايعوا وشاركو وووو ما بقت بتغطي مع السماسرة فالشغلانة قالو حقو نجيبا من اخرا ونبيع بالجملة فبدل الانصار في قرية ولا مدنية وكذا الختمية وووو الخ قالوا احسن يجيبو القرية ولا المدينة بالكامل خاصة وانو الحركة الشعبية فتحت اكشاك عضوية وبقت زي دعاية البيبسي والكولا في كل شارع وزقاق .
واصدق وصف للبعملو فيهو ناس الحركة وغرة عينها المؤتمر الوطني ( استاذ شيخ ) علي عثمان طه - هو وصف ( خم الرماد ) الجماعة ما خلو اشلاق بوليس ولا سكة حديد الا باعوهم وبالنسبة للعضوية قاموا بخداع المواطنين السودانيين باستكتاب السودانيين لاستمارة كتب عليها( حصر السودانيين العاملين بالخارج ) ولاقناع لاي شخص بملء الاستمارة تقدم الاغراءات من شاكلة اعفاء من ضرائب المغتربين واستخراج الاراضي والاعفاءات الجمركية وتعليم الابناء وكل ما يمكن ان يساعد في عملية الابتزاز والخداع والغش في اخبث عمل سياسي على مر التاريخ الانساني سوف اتحدث في بوست منفصل عن هذا العمل القذر من قبل المؤتمر اللا وطني وشرازمة الجبهة الاسلاموية لاحقا
يا لبؤسهم وغبائهم
|
Post: #5
Title: Re: عملية بيع الوهم في انضمام (القري) و (المدن ) في السودان (للمؤتمر الوطني)!!
Author: عبدالماجد فرح يوسف
Date: 06-25-2005, 03:33 PM
Parent: #1
الأخ العزيز برير
صناديق الأقتراع الطفشت رافسنجاني قاعدة وليها يوم
تحياتي وسلامي لبوكو
|
Post: #6
Title: Re: عملية بيع الوهم في انضمام (القري) و (المدن ) في السودان (للمؤتمر الوطني)!!
Author: ABU QUSAI
Date: 06-25-2005, 10:44 PM
Parent: #5
الأخ برير
لك التحية
تصور واحد يقيف يعلن - دون أن يرف له جفن - انضمام قبيلة بكاملها للمؤتمر الوطني . وبعد يومين تجد بيان من أبناء القبيلة نفسها معلنين انضمامهم للعمل المسلح أو تكوين جبهة مسلحة ضد نظام الجبهة القومية الإسلامية . وناس الانقاذ مصدقين بيعة شيخ أو ناظر القبيلة لهم رغم علمهم المسبق بأنه قد يكون خليفة أو خليفة خلفاء لهذه الطائفة أو تلك .
ويا برير حبال الليل الممدد قصااااااااااار والأيام مناجل .
|
Post: #7
Title: Re: عملية بيع الوهم في انضمام (القري) و (المدن ) في السودان (للمؤتمر الوطني)!!
Author: برير اسماعيل يوسف
Date: 06-29-2005, 07:58 PM
Parent: #6
***
|
|