Post: #1
Title: *** الظـــمـأ ...***
Author: Tabaldina
Date: 06-22-2005, 01:32 AM
Parent: #0
..
.
(1)
أمنت بيك يا أم در ..
يا مفخــرة سـودانك ..
نذراً على أزور .. لو تمنحيني أمانك ..!
من ســحرك المشهور ،،
ومن عـيون غزلانك ،،
أقــــدل شمال الســـور..
وأطـوف على أركانك..
***
كل الود ،،،
|
Post: #2
Title: Re: *** الظـــمـأ ...***
Author: Tabaldina
Date: 06-22-2005, 01:36 AM
Parent: #1
..
.
(2)
فوضــاكِ رائعــة..!!
فظلي هكــذا ..
فأنا أحبــك فى غموضكِ..
فى وضــوحكِ ..
في ظـهــوركِ ..
فى إخــتفـائكِ ..
فى تجليك الجميل..
وفى حضارتك الفــريدة..
وداً،،،
|
Post: #3
Title: Re: *** الظـــمـأ ...***
Author: banadieha
Date: 06-22-2005, 01:47 AM
Parent: #2
أمدر الدكتورة ياتبلدينا الأنيق؟
آسف جد آسف لهذه المباشرة المقصودة فأنا مثلك افتقد امدر.
وامدر في الفؤاد بيولوجيا وجغرافيا، فعندما يحدث تشظي - لا قدر الله - للبلد فإن أمدر ستكون على ناصية كل البلدان الجديدة..ولي عودة.
|
Post: #8
Title: Re: *** الظـــمـأ ...***
Author: Tabaldina
Date: 06-22-2005, 04:53 AM
Parent: #3
..
.
أوشكت ،،، أيها الشيخ الجيفاري ..
أحبها ..
وتحبني ..
وتحب التيمتها لاندروفري ..
دوماً لك تحياتى وإحترامي وأشواقي ،،،،
|
Post: #4
Title: Re: *** الظـــمـأ ...***
Author: Tabaldina
Date: 06-22-2005, 01:48 AM
Parent: #1
..
.
(3)
لو أن شدوك فى عروق الذاكرة
خرق النخاع وعادني ..
للبست منه عــباءة
كقميص يوسف ..
ولأنها ستكون ذات النسيج ..
ســأعود أبصــر من جديد ..
***
سأعود حتماً..
مودتي
|
Post: #5
Title: Re: *** الظـــمـأ ...***
Author: حمزاوي
Date: 06-22-2005, 02:06 AM
Parent: #1
وما حب الديار شغفن قلبي ولكن حب من سكن الديار
اخوي تبلدينا اظهر وبان
انا لي في امدر (المسالمة) غزالة
مش كدا
يا اخوي بناديها
احلى حب حب البقعة
|
Post: #6
Title: Re: *** الظـــمـأ ...***
Author: ابو جهينة
Date: 06-22-2005, 02:26 AM
Parent: #5
تبلدينا
Quote: لو أن شدوك فى عروق الذاكرة
خرق النخاع وعادني ..
للبست منه عــباءة
كقميص يوسف ..
ولأنها ستكون ذات النسيج ..
ســأعود أبصــر من جديد .. |
هذا عشق متناهي و عميق الشفافية ..
واصل يا جميل
|
Post: #14
Title: Re: *** الظـــمـأ ...***
Author: Tabaldina
Date: 06-22-2005, 09:37 AM
Parent: #6
..
.
أبـــو جهينة ،،،
أهديك هذه الأبيات لنزار ..
قررت يا وطني ..إغتيالك بالسفر
وحجزت تذكرتي،،
وودعت السنابل ،، والجداول ،، والشجر ..
وأخذت فى جيبي تصاوير الحقول ..
أخذت إمضاء القمر ..
وأخذت وجه حبيبتى ..
وأخذت رائحة المطر ..
قلبي عليك َ ،، وأنت يا وطني
تنام على حجر ..
أتري يا صديقي هذا العشق ..!! يا ليتهم مثله ..
دوماً تقديري وشوقي ،،،
|
Post: #11
Title: Re: *** الظـــمـأ ...***
Author: Tabaldina
Date: 06-22-2005, 06:15 AM
Parent: #5
..
.
عمو حمــزاوي،،،
أحلي حب حب البقعة ...
وعيون غزلانها ..
والطواف بين أركانها ..
وأيضاً من غادر الديارا ..
لك القومة وللوطن ،،،
|
Post: #7
Title: Re: *** الظـــمـأ ...***
Author: Tabaldina
Date: 06-22-2005, 04:47 AM
Parent: #1
..
.
(4)
يتغير-حين أحبكِ- شكل الكرة الأرضية
تتلاقي طرق العالم فوق يديك .. وفوق يَديَّة
يتغير ترتيب الأفلاك
تتكاثر فى البحر الأسماك
ويسافر قمر فى دورتي الدموية
يتغير شكلي ،،،
أصبح شجراً ..
أصبح مطراً ..
أصبح ضوءاً اسود ، داخل عين ( ســودانية )..
تحياتي دوماً..
|
Post: #9
Title: Re: *** الظـــمـأ ...***
Author: معتصم دفع الله
Date: 06-22-2005, 05:05 AM
Parent: #7
كم رائع أنت يا تبلدي ..
نحتاج لمثل هذه الأشياء ..
فيها شفاء لنا من كل سقم ..
محبتي دوماً ..
|
Post: #20
Title: Re: *** الظـــمـأ ...***
Author: Tabaldina
Date: 06-27-2005, 05:08 AM
Parent: #9
..
.
يا رائــــع
جفيتني وأنا ضايع تعال لي ..
بين الفصول تعال لي ..
أنا مابنوم تعال لي ..
بعد النجوم تعال لي ..
الروعة تفوتك ووين يا ود دفع الله ..
|
Post: #10
Title: Re: *** الظـــمـأ ...***
Author: shatat
Date: 06-22-2005, 05:15 AM
Parent: #1
.....
.....
.....
أو أجلس في عشب منعش..
فأرى من بعد أمدرمــان..
تتلفع في الثوب الأغبش..
وتنادينــي وأناديــهــا..
وتمد الي ذراعيها..
وأنا اجهـش..
يتعثر خطوي كالعميان..
فأقبل من لهف الشـــوق القدميـن..
وتري ظـــــامي..
وأمد اليها بالكفين..
قلبي الدامي
وأقول خذيني ... وخلي لي..
اسـمي ذكرى عند النيل..
يا بنت الناس المشكورين..
يا بنت الناس المشكورين..
وأموت..أموت..قرير العين..
..........................صلاح احمد ابراهيم
والظامئ...SHATAT
|
Post: #13
Title: Re: *** الظـــمـأ ...***
Author: بلدى يا حبوب
Date: 06-22-2005, 07:23 AM
Parent: #1
تبلدينا
الشوق مطر والتحايا سحاب
وام در غزيزة علينا ذى الاحباب
عبرك احييك واحى امدر التى برغم وجودى بها الا اننى اشعر باشتياق اليها كلما عبرت كبرى النيل الابيض متوجها الى الخرطوم او كبرى شميات الى بحرى فالشوق بينى وامدر وليد لحظة الصرخة الاولى الى العالم
تحياتى
|
Post: #15
Title: Re: *** الظـــمـأ ...***
Author: معتز تروتسكى
Date: 06-22-2005, 11:47 AM
Parent: #13
ليس لنا ان نحصل مداد النجوم وضؤئها لكن نستطيع ان تحسسه
وهذا ما افعله الان
كلامك جميل زيك و زى اسمك..
وكمان روحك
هى محاولات لاتعدو من كونها مشاركه فى دوحتكم هذا عزيزنا
واشياء اخرى ستحُكى لكى لاننكسر لكنى ادمنت تيارك00
Tabaldina
طالعه من حس الالفه
البيناتنا
مرسومة بي ضو القمر00
أتنحت جواي هواك
قبال يبن لون الصور00
أعاين نجوم جوف السما
ألقاها ليك سكة سفر00
أعاود للحنين يرمينا
بي كل الجمر00
محكوم على والدنيا ليل
اشيل معاك الباقي من
موج البحر00
وشرفه من ارض الوطن
بتشكي من شوك الزهر00
يا طالعه للناس السمر
وخريطة الزمن الجزر00
نفسي في عينيك أسافر
واتحدى بيك رعد المطر00
ولمحتك مره بين الفصول
عينيك ألوان الشفق00
شايله في يديك كتاب
حروفو في كل الصفق00
ويبقى حس الالفه حاضر
معانا زي ضؤ الافق0
|
Post: #16
Title: Re: *** الظـــمـأ ...***
Author: shatat
Date: 06-24-2005, 12:46 PM
Parent: #1
الأخ العزيز تبلدينا...
...سلام معطر بطيب أم در..........
من فتيح للخور للمضايق
من علايل أبوروف للمزالق
قدله يا مولاي حافي حالق
بالطريق الشاقيه..الترام
ما يئسنا الخير عوده سابق
الحي يعود ان أتي دونه عايق
الي يوم اللقاء وانت رايق
الســلام ياوطنــي الســـلام.
...............................ابوصلاح
الاخ العزيز..معتز تروتسكي
ويبقى حس الالفه حاضر
معانا زي ضؤ الافق0
......سلام ياجميل وجميل الحروف.
....................................
العزيز تبلدينا..في الانتظار..مع خالص الود
...SHATAT
|
Post: #25
Title: Re: *** الظـــمـأ ...***
Author: Tabaldina
Date: 07-13-2005, 01:16 AM
Parent: #16
..
.
كتب فرح خليل فرح ولد خليل فرح بقرية دبروسة مركز حلفا
وكان عام 1894م نشأ وترعرع فيها وكانت حلفا معبرا
لدخول العلماء والمهندسين وجميع المهن المختلفه وكان
يقف على مدخلها آنذاك خليل فرح يشاهد بعينى رأسه تلك الحشود
الوافدة من المثقفين فنال من كل نبع قطرة وأخذ من الثقافات المختلفة
التى كانت بمثابة الخميرة .
هاجر خليل فرح إلى أمدرمان حيث أسرة أبيه فدخل كلية غردون التذكارية
قسم البرادة الميكانيكية فوجد صفوة من الطليعة القادمين من الأقاليم
الذين التحقوا بالكليات المختلفة فاختلط بهم وتعرف على ثقافاتهم
فكانت له إضافات جديدة ثم واصل خليل إطلاعه فى الأدب الجاهلى ووعى إبداعات
أدباء مصر أمثال طه حسين – العقاد – حسن أحمد الزيات
وقرأ مجلاتهم وصحفهم وحفظ من عيون الشعر العربى الكثير
ومما لفت نظره قصيدة عمر بن أبى ربيعه ( أعبدة ما ينسى )
التى لحنها وسجلها مع قصيدة (عزة فى هواك )
فى مصر فى أواخر أيامه بصوته فكان حدثا هام فى ذلك الوقت
الذى كانت الأغانى فيه ممجوجة فأدخل اللحن المميز والموسيقى
والمقدمة التى نسمعها الآن فى (عزة ) ولا أبالغ لو قلت أنها
كانت قليلة فى تلك الفترة فترة الثلاثينيات حتى فى الدول العربية المجاورة.
أشتهر خليل فرح داخل الكلية بعمل الشعر فعلم به شعراء أمدرمان
مما حدا بحضور الشاعر محمد على عثمان بدرى إبن عمه
وسلطان العاشقين يوسف حسب الله ومعهم المبتدىء (مركز ) ليختبرا خليل فرح فى هذا المجال. بدأ المبتدىء مركز والحكمان يراقبان الموقف بدأ ببيت شعر فرد عليه خليل فرح
ثم كانت الثانية والثالثة والرابعة حتى أقتنع الحكمان فأوقفا المعركة واعترفا له بالشاعرية ومنحاه الشهادة بذلك .
ومنذ ذلك الوقت سمى بشاعر الحديقة نسبة للميدان المنجل نمرة واحد الذى يقع فى الجزء الشرقى من الجامعة الى الآن . وصار خليل فرح يواصلهم ويجتمع بهم حتى استفاد منهم الكثير. توسع خليل فرح فى علاقاته مع الأدباء والشعراء وتمكن من ارتياد المنتديات ، كمنتدى أبر روف ومنتدى الهاشماب ومنتدى الموردة ثم منتدى (دارفور) لتخرج جل أناشيدة وأغانيه الوطنية منها تباعا ، وجاءت من ثم جمعية إتحاد الأدباء التى تكونت لجنتها من دار خليل فرح بالخرطوم . وفى بداية العشرينات اشتد ساعد المناضلين والتحم الشعب بهم وظهرت الأناشيد تغنى فى كل موقع. ثم كانت المظاهرات العنيفة ومن ثم جاءت جمعية اللواء الأبيض بكوادرها المدنية والعسكرية ومؤسسها وصانع إسمها الباشمهندس محى الدين جمال أبو سيف وصحبه. قامت ثورة 1924 م وخرجت الكلية الحربية بمظاهرة قوية ثم تبعها الثوار بقيادة المناضل الباشمهندس محمد سر الختم الملقب ( بالصائغ ) وهو من اولاد حلفا وهو أول ثائر يدخل السجن . طالبت الجماهير بوحدة وادى النيل وعلى رأسهم خليل فرح الذى تغنى وقال من تبينا قمـنــا ربينــا ** ما اتفاسلنا قط فى قليل دا ود عمى ودا ضريب دمى ** إنت شنو طفيلى دخيل وقد واجه خليل المستعمر والقصيدة طويلة :
((نحن ونحن الشرف البازخ)) وأردفها ماك غلطان دا هوى الأوطان ثم انفرط زمام الأمن وانزعج له المسؤولون فبثوا عيونهم بالجواسيس خلف خليل فرح عاش خليل فرح فترة وجيزة لا تزيد عن التسع عشرة سنة منذ تخرجه عام 1913 م من الكلية إلى وفاته فى 30/يونيو 1932 م عاش عيشة الكفاف لا يملك فى هذه الدنيا الا شبرا واحدا فقط فى مقابر أحمد شرفى ولكنه وجد الكثير من هذا الشعب الوفى وهو من الأوائل الذين كرموا حينما أقاموا له حفل تأبين بنادى الخريجين والمستعمر قابع بكل قوته وجبروته وعلى رأسهم إسماعيل الأزهرى ، وقد طبع ابن عمه الأستاذ / حسن عثمان بدرى كتيبا جمع فيه كل الكلمات والمقالات والأشعار التى قيلت فى تلك الليلة ، وما زال التكريم مستمرا . وقد جاء تكريم جامعة الخرطوم وطلبة جامعة القاهرة فى عهد الرئيس نميرى كرم بنيشان العلم الذهبى وأيضا مع ثوار 1924 م وقد كرم نفسه بنفسه حين قال :
من فتيح للخور للمغالق ** ومن علايل ابروف للمزالق
قدلة يا مولاى حافى حالق ** فى الطريق الشاقى الترام
وهذا يدل دلالة واضحة على حبه لأمدرمان فتغنى بها فى كثير من المواقع الشعرية ، وكان خليل فرح يعشق أماكن منتديات الأدب ولا يتحدث الا نادرا وكان صبورا وهو يعانى من مرض الدرن ولم يكن منزعجا وكان على يقين إن وفاته قريبة جدا وقال عن الجلد وعن الصبر:-
جنّ ليلى وشاب رأسى فما كلت ركابى وهمتى للصعود أنا والدهر توأمان كما أشكو يشكو تجلدى وصمودى وخرج ديوان لخليل فرح بتحقيق البروفيسور على المك بعد جهد جهيد لعدم وجود مصادر فأخذنا الأشعار من أفواه الشعراء والحادبين لإخراج أدبه للوجود ورغم كل ذلك نحن ما زلنا نحاول جمع ما ضاع للطبعه القادمه ولا بد فى هذه العجاله أن اترحم على البروفيسور على المك والله يسكنه فسيح جناته فلولا مجهوداته لما رأى ديوان خليل فرح النور علما بأنه طبع بعد وفاة الشاعر بكثير ، كما أود أن اوضح هنا الأسباب التى دعتنى لكتابة السيرة الذاتية لخليل فرح وهى شعورى بأن معظم المعجبين يستفسرون عن كيفية نبوغه وبلاغته ومعرفته للفصاحه بهذه المقدرة وهو الآتى من شمال السودان ، من بلاد العجم ويقينى أنهم سوف يدركون المعنى بعد ما عرفوا مراحل حياته حيث دخل كلية غردون ثم اتصاله بشعراء أمدرمان وأدباء المنتديات والكم الهائل من السياسيين المتأدبين أمثال يوسف مصطفى التنى ومحمد أحمد محجوب وكل ذلك إضافة لا ختلاطه بالأدباء والعلماء ومكتشفى الآثار حينما كان متواجدا بالبوابة الشمالية بحلفا حين قدوم الوفود تباعا لداخل السودان من مصر..
فرح خليل فرح 1998م
الغابة والصحراء ...
|
Post: #17
Title: Re: *** الظـــمـأ ...***
Author: Tabaldina
Date: 06-26-2005, 03:33 AM
Parent: #1
..
.
شــــــــــطة .. هاك دى ..
( فقرية ) بس لو في تعديل قول ..
++++++++++
(5)
من حـــور الجنان..أم أنت أنسـان الكـمال
هل أنت الملاك .. جيت توري الناس الجمـــال
سبـحـان من نساك ..حسن فى غاية الجــمــال
سـلطان بهجتك محـروس .. بجــيوش الجــــلال
يــغار من صــفاء حـــسنك ..ماء الــــزلال
ما أظن يحصو حسنك لو يحصوا عدد الـرمـــال
وبيــهو يـقدروك يا ملك مــلوك عهدالجـمال
يا طائر الوريد .. ياأهيف يااللي خصرو مال
فــيك منظر الحـــســن وفيك فـارس الـنزال
شـــاركت الغــيوم والموج مناظر وإرتــحال
وشـاركت الظــباء فى نفـــرتن والإكـــتمال
شــاركت النـجوم فى موضعن على كل حـــــال
نفــداك بالنفوس وفداء النـفوس كان مــحال
***
جايكم صااادى .. الناس الفووق
الطناش ما حقي .. حقى المدفع السكن ..
|
Post: #18
Title: Re: *** الظـــمـأ ...***
Author: قرشـــو
Date: 06-26-2005, 05:55 AM
Parent: #1
العزيز تبلدينا
تحية لك سيدى ولام در الغالية
حقيقة لكما معا وحشة شديدة
تسلم فى حب الوطن
|
Post: #19
Title: Re: *** الظـــمـأ ...***
Author: shatat
Date: 06-26-2005, 01:17 PM
Parent: #1
أنا الطابيه المقابله النيل
أنا العافيه التشد الحيل
وأنا القبه التضوي الليل
وتهدي الناس ســــلام وأمـان.
...............................عبدالـلـه محمد زين
سـليم الذوق..تبلدينا
عندك..ذاكره..شـطه..الوالده تهديك سـلامها ..ومجهزه ليك..فقريه
خمسـه بوصه بملاح..علي كيفك..بس كيف تجي...شكراً للقصيده ..الفقريه
أعشق الحقيبه..ولو عندك قصيده ..رايحه ليك ..كلمني..
الحبيب قرشــو ..جميل الحروف..وأندرها..يعني بخيل في الكتابه
وكده..سـطرين تشـحتفنا بيهم وتكب..الزوغه..شـوقنا بحور ما ليها
قيف....وتبقي البقعه للاحرار ...تمثل عزة السودان..سـودان السلام
القادم باذن الـلـه ...سـلام بنكهة حضورك.
...................وهاكم..شويه..من دي
برضي ليك المولي الموالي
وفيك لازم الصبر الجميل
لو تحول دون قصدي العوالي
ديمه اغوص في بحوري واوالي
فيك أفراح دربي الغوالي
وأنشـي شعري وزجلي وموالي
وأشدو وحدي وأهدي الحوالي
في سناك قليل يا جميل
يا سـما الغايات يا ملاكا
مين تطاول لنيل علاكا
عشت دوم يا حليه حلاكا
يا حياة أنفسـنا وهلاكا
لو صليت في النار ما سلاكا
قلبي راضي وهاك الدليل
اني صابر وحامل بلاكا
مرة ارحم يكفي القليل
...........................العبادي
سيد عبدالعزيز
عبدالرحمن الريح
ابراهيم العبادي
صلاح عبد السيد أبوصلاح
عمر البنا
محمد علي عبدالـلـه
مصطفي بطران
خليل فرح
محمد ود الرضي
عبيد عبد الرحمن
محمد بشير عتيق
أحمد محمد الشيخ
علي المسـاح
حــدبــاي
أحمد حسين العمرابي
.........................
سـوداني الجوه وجداني.....بريدو
الحبه علاني وسماه ظلاني....بريدو
الطله بلاني والاسمه سلاني...بريدو
الذكرو في فمي والحبه في دمي....بريدو
........وسلام يا أم در..أمان.
....SHATAT
|
Post: #21
Title: Re: *** الظـــمـأ ...***
Author: Tabaldina
Date: 07-11-2005, 03:04 AM
Parent: #1
..
.
(5)
أم در يا ربـوع ســودانا .. نحيك وأنت كل آمـالنا
نحيك فى القري والبادية .. وفى كل البقاع الهادية
فى غـربك عـروس الرمال .. وفى شـرقك آية جـمال
عــودة ،،،
|
Post: #22
Title: Re: *** الظـــمـأ ...***
Author: waleedi399
Date: 07-12-2005, 03:46 AM
Parent: #1
أحلي حب حب البقعة ...
وعيون غزلانها ..
والطواف بين أركانها ..
وأيضاً من غادر الديارا ..[/B]
تبلدينا ..
اوفيت وما كفيت،
عقب، عقب لا فض فوك
لأنك جميل تحب الجمال
لك مودتي وخالص تحياتي
ولـيد
|
Post: #23
Title: Re: *** الظـــمـأ ...***
Author: عمر محمد عبد القادر
Date: 07-12-2005, 04:03 AM
Parent: #22
يبلدينا والله اقول ليك شنو .. منتهى الروعة والجمال .. ام درمان محبوبتي ..
شوف دا واحد من الجماعة قال شنو ..
في القطر شفت الكمساري ...
بالروابع قمت جاري ..
لمو في وبهدلوني ..
وفي التراجمة نزلوني ...
وقالوا يدر ( لي لي امدر كداري ) ...
يعني زولنا كان ماشي ام درمان .. طال بعادي يا ام درامان بي بعادك حكم الزمان ...
ود الباوقة
|
Post: #24
Title: Re: *** الظـــمـأ ...***
Author: waleedi399
Date: 07-12-2005, 04:35 AM
Parent: #23
| Quote: يعني زولنا كان ماشي ام درمان .. طال بعادي يا ام درامان بي بعادك حكم الزمان ... |
 ود الباوقــة انتـو رحلــتو ولا شـنوووووو؟؟؟
|
Post: #26
Title: Re: *** الظـــمـأ ...***
Author: Tabaldina
Date: 09-07-2005, 04:54 AM
Parent: #1
..
.
*
|
Post: #27
Title: Re: *** الظـــمـأ ...***
Author: Tabaldina
Date: 10-17-2005, 09:03 AM
Parent: #1
..
.
أصيلة ،،، حنينة يا امدرمان
جمعت الناس ..كممن الوان و عديد اجناس
لا كليت
لا مليت
لا قلت خلاص ..
احكي .. واقول
اقول واقول ..
انا امدرمان ..
|
|