Post: #1
Title: إلى مريم بنت الحسين والجميع مساعــدة عاجلة ..
Author: معتصم دفع الله
Date: 06-20-2005, 04:26 AM
Parent: #0
الغالية مريم بنت الحسين ..
تحيات كتااااار ..
وشوق بلا حــدود ..
لي طلب والأخ تمبس ..
وبما أننا عارفنك بتدسي الحاجات الحلوة الزي دي في جرابك الخاص لذلك كان طلبنا ..
أغنية عقد الجلاد بالسنغالي ..
وبيني وبينك الأغنية دي مغروضين فيها شديد ..
ودا رابط البوست المعني ..
.. عقــد الجــلاد بالسنغالي ..فيديو كليب
النداء موجه إلى كل من تداخل أو سمع هذه الأغنية وحفظها في جهازه مدنا بها ..
ولكم الشكر مقدماً ..
|
Post: #2
Title: Re: إلى مريم بنت الحسين والجميع مساعــدة عاجلة ..
Author: مريم بنت الحسين
Date: 06-20-2005, 06:01 AM
Parent: #1
المعتصم كيفنك.. والله العظيم يا معتصم الأغنية ما عندي.. لكن ليك علي أقيف ليك على البوست ده ألفا.. أصلي مبسوطة الأيام دي البوستات البي إسمي (تتطاقش) أصلي من زمان نفسي زول يكتب لي اسمي في بوست 
دحين مافي شي تاني أقدر أعمله ليك؟ أعلمك كيف تعمل أم رقيقه؟
|
Post: #3
Title: Re: إلى مريم بنت الحسين والجميع مساعــدة عاجلة ..
Author: معتز تروتسكى
Date: 06-20-2005, 06:08 AM
Parent: #2
| Quote: أصلي مبسوطة الأيام دي البوستات البي إسمي (تتطاقش) أصلي من زمان نفسي زول يكتب لي اسمي في بوست |
عيوشه قالو ليك براك
الكتوف اتلاحقت
| Quote: لكن ليك علي أقيف ليك على البوست ده ألفا |
معتصم انا زاتى
بعدين الاغنيه عندى لكن كيف اجيب ليك اللينك لو لقيت طريقه طل على عشان نشوف صرفه
|
Post: #7
Title: Re: إلى مريم بنت الحسين والجميع مساعــدة عاجلة ..
Author: معتصم دفع الله
Date: 06-20-2005, 07:47 AM
Parent: #3
تعرف يا معتز ..
دا كلو من تمبس قال لي معتز أكيد بتكون عندو ..
لكن أنا ما كنت قائلك كيشة كده ..
المهم أتبع تعليمات تحميل الفيديو وشيل الرابط جيبو هنا ..
بلاقيك بعدين بعد ما ملاح أم رقيقة دا ينضج ..
وأنا بجيب معاي الكسرة وأجي ..
|
Post: #8
Title: Re: إلى مريم بنت الحسين والجميع مساعــدة عاجلة ..
Author: معتز تروتسكى
Date: 06-20-2005, 08:00 AM
Parent: #7
اممممممممممممممممممممم
يعنى هى مؤامره من قواعد القاعده فى الخليج والسعوديه بقيادة تمبس طبعا اكيد وراها شتات
وبى جايى بت الحسين
كويس
واحد يطلنى كيشه والتانى اهل العوض
دى شكوى جاهزه
عنصريه واستخفاف
كويس حاحفحظها وارسلها لى بكورى..
يازول لاتلاقينى ولا ولا القيك وقول لى تمبس
وحشه مابتعرف رسائل
وغربه ارض الوطن
بس امل واحد بعيشو
لو تصل اليا
بيها اطمن عليكم
حرام تبخل عليا
وان كنت وب الحسين ديل
شوفو البديكم اغنيه يازول ياترلسو الهلالات يابلاش
برسل ليكم عنوان الويستر يونيون..
اوكى
اقل من كده مابقبل
وياشتات مايها المحريه فيك..
لما اخر شفتك
قبل ما اودع واغادر
كنت حاسس انى خايف
اننى متردد وحاير
داير اتصبر امامك
داير اضحك ومانى قادر
بس دموعك لما فاضت
ضيعت صبرى الشويه
صحت موعدنا الرسائل
وين رسايلك
وين كتابتك اليا
 
|
Post: #6
Title: Re: إلى مريم بنت الحسين والجميع مساعــدة عاجلة ..
Author: معتصم دفع الله
Date: 06-20-2005, 07:42 AM
Parent: #2
| Quote: والله العظيم يا معتصم الأغنية ما عندي.. |
وأنا أقول حقوق الطبع محفوظة عندك ..
| Quote: أصلي مبسوطة الأيام دي البوستات البي إسمي (تتطاقش) أصلي من زمان نفسي زول يكتب لي اسمي في بوست |
كان كده ليك عليّ كل يوم أنزل ليك بوست بي إسمك ..
| Quote: دحين مافي شي تاني أقدر أعمله ليك؟ أعلمك كيف تعمل أم رقيقه؟ |
والله أم رقيقة دي مشتهيها كيف ما تعرفي ؟ ..
يلا يا مريومة شدي ملاح أم رقيقة دا ..
وخلي بالك من البوست لغاية ما الكيشة دا ينزل اللنك بتاع الأغنية ..
وأنا بعدين كده بجيكم ..
|
Post: #4
Title: Re: إلى مريم بنت الحسين والجميع مساعــدة عاجلة ..
Author: مريم بنت الحسين
Date: 06-20-2005, 07:14 AM
Parent: #1
فضحتنا يا معتز يااهل العوض اعمل ليها upload من هناhttp://www.bayanit.com/uploadvideo/ .. واكتب اسمها هنا انا بنزلها ليكم... بقصد اسم الملف بتاعها...
بنت الحسين
|
Post: #5
Title: Re: إلى مريم بنت الحسين والجميع مساعــدة عاجلة ..
Author: معتز تروتسكى
Date: 06-20-2005, 07:24 AM
Parent: #4
تانى ورود مافى
والكشف حنرفع سعرو مجاملات مافى..
وانت يامعتصم كل البلاوى دى من راسك
لمن تخلى الناس تتدخلنا فى اضافرنا(نظام حساس محمد حساس)
وماعارف انو فينى شيتا من اهل العوض
وخصوصا مع الحواسيب دى
بس صبرا حالبد ليكم..
ماتنفعكم الاغنيه..
|
Post: #9
Title: Re: إلى مريم بنت الحسين والجميع مساعــدة عاجلة ..
Author: abuguta
Date: 06-20-2005, 08:01 AM
Parent: #5
معتصم الاغنية عندى لكن ابيت
واره معاك الايام دى.. يابت الحسين عاملة زى هيثم
طمبل فى كل مباره جايب قون...اسى لو عنونت البوست ب ابقوتة
كان ضمنت ليك عشاء فى السرايا..واغنية قاعدة معابا
معتصم ياازيايا..وساكن حدايا فى حى العليايا
بعدين يامعتز...ليش تفشى السر
دى صورتى يازول..كانت مع طارق النور
وابراهيم الاحمر...فى السطوح..
والمطر نازل من هضبطة الدكن..بونا
بالله نكتها من وين؟؟؟
اوعى تكون قطعت صور الرفاق
ولقدام
|
Post: #10
Title: Re: إلى مريم بنت الحسين والجميع مساعــدة عاجلة ..
Author: معتز تروتسكى
Date: 06-20-2005, 08:08 AM
Parent: #9
ابوحميد
اولا كويس جيت
شفت العنصرين ديل ناس الجزيره شرق
بنذو بفينا نحن ناس الجزيره غرب
شفت كيف
وماتديهم الاغنيه
بعدين صورتك من وين
سجمنا
هاهاهاهاهااهاهاهاهاها
غايتو جنس سلبطه فى الزمن ده
بعدين اسمع موضوعك داك متذكرو كنت عايز اضرب ليك لكن محل التلفونات الجنبنا كسرو عشان دايرين يبنو محلات جديد
لكن لو ماضربت ليك قريب بنضرب ليك انا وطارق من موبايلو
ياخ مشتاق ليهو كيف الرمه ده
|
Post: #13
Title: Re: إلى مريم بنت الحسين والجميع مساعــدة عاجلة ..
Author: معتصم دفع الله
Date: 06-20-2005, 02:20 PM
Parent: #10
Quote: ابوحميد
اولا كويس جيت
شفت العنصرين ديل ناس الجزيره شرق
بنذو بفينا نحن ناس الجزيره غرب
شفت كيف
وماتديهم الاغنيه |
مالك عليك يا شقيقي الأصغر ..
هسي يجونا ليك ناس حقوق الإنسان ..
وهاك يا سعالات ..
عنصرية ..
وما أدراك ما عنصرية ..
جهوية ..
وما أدراك ما جهوية ..
ونبقى في تلتلة ..
ويعملوا لينا حظر جوي وبحري ..
شمارات تقيلة ..
ووكالات الأنباء هاك يا مانشيتات وأخبار في كل مكان ..
هسي عليك الله نحن بنقدر على جنس دا ..
|
Post: #12
Title: Re: إلى مريم بنت الحسين والجميع مساعــدة عاجلة ..
Author: معتصم دفع الله
Date: 06-20-2005, 02:09 PM
Parent: #9
يعني يا أبوقوتة نظام شحتيف وكده ..
والله دي فيها عويق عديل ..
أها أنا بمرق منها الموضوع عند تمبس ..
يالماري حدا بيتنا ..
أغشى سلم ..
كان في الأرضي ..
ولا سطوح آخر السلم ..
دي ناجره من رأسي ..
تحيات كتار يا أبوحميد ..
|
Post: #11
Title: Re: إلى مريم بنت الحسين والجميع مساعــدة عاجلة ..
Author: waleedi399
Date: 06-20-2005, 01:11 PM
Parent: #1
العـندي انا مـا بـديه ..
ولا بحر الشوق بعديه 
تسجيل حضور ..
جيت اقول سلام ..
اول اوف يو يعني بالعربي كدا أزيكـــم ..
معتصم .. معتز .. أبوقـوتـه .. مريــم
أسف معتصم الاغنية عندي ..
بس قلت ليك ما عندي عشان ما تقشر بيها براك ..
تجـدها في الفلاش ديسك
ســـلام مربع .. 
|
Post: #16
Title: Re: إلى مريم بنت الحسين والجميع مساعــدة عاجلة ..
Author: معتصم دفع الله
Date: 06-21-2005, 06:48 AM
Parent: #11
يا ولي الكلام دا عايز ليهو إجتماع عاجل زي الزفت ..
ولكن دكتاتورية كده مني لو ما جبتو اليوم حا نحرمك من الإمتيازات ..
إنت عارف تمبس منتظر مني تليفون عشان الحاجة دي ..
منتظرنك ما تتأخر .
|
Post: #15
Title: Re: إلى مريم بنت الحسين والجميع مساعــدة عاجلة ..
Author: معتز تروتسكى
Date: 06-21-2005, 00:55 AM
Parent: #14
ابوحميد شنو يامان
ياخ ماكنته تجيب الشغله دى كنت تخليهم يشتحتفوا شويه..
انت ديل مابتعرفهم لمن يكون عندهم الشى يطلعو روحك اسى تمبس ده انا منتظر منو خدمه من بتين مارسلها لى ولمن فضى لي ورسلها
رسلها شغل ني
اسى دى حاله..
بعدين يامعتصم انت ده ملاح لى كم نفر ولا وليمه للرياض كلها..
شباب سلامز...
ابقو اظهروا..
|
Post: #18
Title: Re: إلى مريم بنت الحسين والجميع مساعــدة عاجلة ..
Author: معتصم دفع الله
Date: 06-22-2005, 04:42 PM
Parent: #15
| Quote: بعدين يامعتصم انت ده ملاح لى كم نفر ولا وليمه للرياض كلها.. |
تعرف يا معتز أنا كنت عازم العصابة كلها ..
لكن بيني وبينك جيت لقيت ملاح أم رقيقة سمح ..
عشان كده كبيت الزوغة ..
Quote: ياخ ماكنته تجيب الشغله دى كنت تخليهم يشتحتفوا شويه..
انت ديل مابتعرفهم لمن يكون عندهم الشى يطلعو روحك اسى تمبس ده انا منتظر منو خدمه من بتين مارسلها لى ولمن فضى لي ورسلها
رسلها شغل ني
اسى دى حاله.. |
تمبس دا يا معتز الني ما بسويهو ..
أسالني منو أنا ..
بس إنت شيل الصبر ..
بنجيبو ليك ومعاهو الحاجات السمحة الطالبها ..
بفرمانات زي الزفت ..
والتنفيذ من منتدى الأمم المتحدة والعزابة بالرياض ..
|
Post: #17
Title: Re: إلى مريم بنت الحسين والجميع مساعــدة عاجلة ..
Author: معتصم دفع الله
Date: 06-21-2005, 06:55 AM
Parent: #14
والله يا أبوحميد وجودك هنا براهو كفاية ..
ياخي شكراً لا تكفي ..
كأنك أنقذت البشرية كلها ..
الأغنية دي مغروضين فيها شديد ..
عشان الناس الحلوين والرائعين نحن هنا ..
وجودنا معكم حياة ودنيا بحالها ..
متعك الله بالصحة ..
وأنتظر مننا الجديد ..
شكراً جميلاً يا صاحبي ..
|
Post: #19
Title: Re: إلى مريم بنت الحسين والجميع مساعــدة عاجلة ..
Author: مريم بنت الحسين
Date: 06-23-2005, 04:30 AM
Parent: #1
بركه الجابو ليك الأغنيه يا معتصم.. وحاة الله انا بين حللي مرق الموضوع من بالي.. عذر أقبح من ذنب موش؟ بس عارفاك اختك الصغيره ما بتزعل منها؟ ..
|
Post: #20
Title: Re: إلى مريم بنت الحسين والجميع مساعــدة عاجلة ..
Author: معتصم دفع الله
Date: 06-23-2005, 04:59 AM
Parent: #19
إنت يا مريم حللك ديل شاداهن بالشمس ..
الجوع دا ما هدانا أنا ومعتز أخوي دا ..
وكمان عازم معاي باقي العصابة ..
وأولهم تمبس ..
ربنا ما يجيب زعل ..
أها الاغنية وصلت وأخونا محمد ما قصر معانا تب ..
منتظرين الحلة تنجض بس ..
|
|