Post: #1
Title: معتزتروتسكى ماهو موقفك من قضية دارفور
Author: هاشم نوريت
Date: 06-19-2005, 01:30 PM
Parent: #0
فى الحقيقة قرات لك مداخلات كثيرة مع الاخوة ابناء دارفور هنا ولم اصل
لحقيقة موقفك اتمنى ان تشرح لنا هل انت تقف مع الثوار ام معهم ولكن بشرط
ام تقف ضد مبادئ حركات دارفور...
ارجو ان تشرح لنا وبكل صراحة وارجو ان يكون الحوار بعيدا عن كل ما يعكر
صفو البورد.
ولك الخيار النظر الى قضية دارفور بعين شيوعية او كردفانية او بعين اشمل
سودانية.
|
Post: #2
Title: Re: معتزتروتسكى ماهو موقفك من قضية دارفور
Author: معتز تروتسكى
Date: 06-19-2005, 01:34 PM
Parent: #1
نوريت مالك على
هاهاهااهاهاهاهاهاها
اسى اقول ليك شنو
البوست ده بلم النحل
كدى النلف ونجيك
ههههههههههههههههههههه
والله يانوريت اونسك بى هناك تجى تزرنى بى جاى
|
Post: #3
Title: Re: معتزتروتسكى ماهو موقفك من قضية دارفور
Author: هاشم نوريت
Date: 06-19-2005, 01:36 PM
Parent: #2
البوست دا بوست مكاشفة داير افهم شى محيرنى وماقادر اتابع كل البوستات
ارجوك تورينا الحاصل شنو عشان الواحد يطلع بشى.
|
Post: #4
Title: Re: معتزتروتسكى ماهو موقفك من قضية دارفور
Author: معتز تروتسكى
Date: 06-19-2005, 01:54 PM
Parent: #3
نوريت
دبايوا
اوجز ليك سريع لانى الايام دى بقتصر مداخلاتى على المواضيع الغير مرهقه ذهينه
اولا ياعزيزى
الموضوع ساهل وماداير شرح
انا الايام دى برغم زحمتى طالب من محمد سليمان ومحمدين نتلاقى فى بوست زى بتاعك ده انا اشترطته انو نكون التلاته عشان كترت اليدين فى البوست خصوصا فى المنبر ده بتضيع القضيه
وبما انو انا واقف ضد الثوار ..
ليس لشى شخصى يانوريت
لكن ياعزيزى انا مؤمن بمدا الحقيقه كان على ولا على غيرى..
مايحصل من ابناء دارفور هنا نحازون للثوار فى الخير والشر هذا ارفضه وهذا لن يقوم اعوجاج الثوره
ياعزيزى انت فى امور يمكن تكون خافيه عليك كان حيتضح ليك الكتير لو دخلنا فى نقاش ولا زلت اقف على بابهم
طيب انت نهائيا لم يمر بك من يبغض الحكومه ويبغض الثوار
هل اشتراطا عليا ان انحاز للثوار لكى يُكتب لى اننى مع انسان دافور؟؟
دى بعض اسئله يمكن توصلك للكتير..
انا لمن انظر للقضيه ماقاعد ادخل فيها اهؤاء حزبيه او قوميه وليس مضرب مثل لكن سودانيه لى سودانيه بقيف مع اى زول
يمكن الظروف الساعدتنى بانو الف اغلب بقاع السودان طبيعة عمل الوالد خلقت جواى مساحه للجميع..
الشى التانى نوريت ..
ياخ الثوار ديل بحصل منهم نفس مايحصل من الجنجويد
يعنى الاتنين ناس مصالح
والمتاجره والفبركات بتاعت المناضلين دى بتجيب لى الهارت..
وكمية نقه...
ارجو ان يكون وقع ليك ولو ربك قدر عملنا بوتسينا داك بتوضح ليك الصوره اكتر..
انا كل مصيبه تحصل لينا ماقاعد الوم الحكومه ماعشان حبا فيها لكن لو نظرت للموضوع بعقلانيه كل المصايب دى من ساستنا الرمونا فى الرميه دى
والمشكله مواصلين فى الكضب وياما مناضلين قدر الليله وبكره ليهم علاقات سمنه على عسل مع ناس الحكومه
خليهاطبيعة الشعب السودانى العاديه البنعرفها انا جراك ترحب بى ووو الخ
ياراجل ده كلام كبار كبار..
واها وضح نوريت فى العجاله دى.؟؟
|
|
